عرض مشاركة واحدة
قديم 20-12-2011, 08:54 PM   #3 (permalink)
MemoryDisaster13
عضو شبكة الدراما والمسرح
 
الصورة الرمزية MemoryDisaster13
 
 العــضوية: 14296
تاريخ التسجيل: 07/11/2011
المشاركات: 92
الـجــنــس: ذكر

افتراضي

مشكورة على الرد أخت سارة,

بخصوص اللي ذكرتيه:

المشكله ان القفاص طلب زيادة "ميزانية العمل" بعد قصة هوانا ولارضى يصور الا لما الـــ mbc زودته بالمبلغ المطلوب وياريت على فايده

اعتقد بأن القفاص كان ملزوم يسوي هالحركة لصالح الجزء الثاني, حتى و إن كان الجزء الثاني مو أحسن وايد من الجزء الاول من ناحية القصص و السرد و غيره. على أيام عرض الجزء الأول و خلال فترة تصوير الجزء الثاني, طلع تصريح للقفاص يذكر فيه أنه غير راضي عن 6 إلى 7 حلقات من قصة هوانا و حط السبب على المنتج المنفذ, و القفاص ما اكتشف المصيبة الا عقب ما دخل اللوكيشن. النتيجة أن الجزء الثاني كان أفضل بمراحل عن الجزء الاول من ناحية استعراض المعالم السياحية وغيرها.

اولاً استنساج موطبيعي للدراما التركيه ،

أنا أشوف أن العمل كان استنساخ للدراما التركية من ناحية التصوير فقط, و بالعكس, تصوير هالجزء كان وايد أحلى من الجزء الأول, يعني حسيته تصوير حيوي أكثر. أما من ناحية القصص, فمن وجهة نظري, عجبني تكنيك الكاتب في الدمج مابين الرومانسية و القضايا اللي تهم المجتمع, و هالشيء حلو و مفيد بما أنه تصوير للواقع, و يخلي الناس تعرف بس اشلون وضع الرومانسية عندنا, مو تعقد على نور و مهند و تعيش في أحلامها الوردية, ولو أن هالجزء أشوف أن الكاتب ماكان سلبي كثر الجزء الاول, يعني أكثر من حلقة لين حد ألحين, حتى لو صار فراق, لكن صارت نهاية سعيدة لقلبين غير.



ثانياً جرعه الجرأه ماأدري ليش صارت ماركه مسجله للثنائي القفاص والفردان ،

مي العيدان سبق و أن تكلمت في هالموضوع في حلقتين من برنامجها, غير عن بعض الجمهور اللي طاح سب في المسلسل و الكاست و طاقم العمل على التويتر بعد عرض بعض الحلقات الجريئة, لكن من وجهة نظري, أشوف أن الجرأة في هالجزء كانت مجرد تلميحات أو حوار. صحيح في يهال يشوفون التلفزيون, لكن التلفزيون مو لهم وبس, مايصير كله يهال يهال و احنا الكبار مطنشينا . أشوف أنا الدراما الخليجية إذا وقفت عند حد أن كل مسلسل لازم يكون عائلي, فجذي ماراح نقدر نتقدم وايد .

ثالثاً وايد قصص مقتبسه من افلام اجنبية وهندية نفس قصة هوانا !!

اتذكر في قصة هوانا كانت حلقة "إحساس" من بطولة خالد أمين و هند البلوشي, سرقة عيني عينك لفيلم هندي, رغم أن الكاتب كان شكله قاصد أن القصة مقتبسة مو مسروقة, و الدليل في نهاية الحلقة يوم يموت خالد في الشارع, كان في وايد هنود متجمعين , يعني شكلها حركة مقصودة, لكن طبعا أكيد كان المفروض يذكر أن القصة مقتبسة. في هالجزء انتبهت على كذا حلقة فكرتها مشابهة لفيلم أجنبي أو عربي أو هندي, لكن الفكرة هي بس اللي نفس الشيء, الفردان كان توظيفه للفكرة و سرده لأحداث هالقصص بنكهته الخاصة, فما اعتقد أن احنا نقدر نسمي هالشيء سرقة بمعنى سرقة.

على العموم الجزء فيه سلبيات كثيرة مثل الرسايل اللي تطلع على الشاشة بين فترة و فترة, هالحركة مضيعة وقت و اوفر. الفردان أحيانا طريقة سرده و إخراج القفاص, كأنهم يجهزون حق مسرحية, لكن الفرف أن العرض تلفزيوني, و نفس الشيء شغلات معينة مثل أن الممثلين طول الوقت واقفين و لما يتكلمون كل واحد يعطي ظهر الثاني (هالحركة بالذات مستفزة ). أيضا سالفة المبالغة في تصوير المشاهد الخارجية مثل ماذكر الكاتب, وغيرها.

أما من أكثر إيجابيات هالجزء أن الصورة وايد نقية و حيوية, و الموسيقى أحلى و أهدأ مليون مرة من موسيقى الجزء الاول اللي تبط الراس.

 

 

MemoryDisaster13 غير متواجد حالياً   رد مع اقتباس
 
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292