[كاتب مبتدئ]

بسم الله وبدون أي مقدمات

بطرح موقفين عن قناة سكوب اللي يوم عن يوم تثبت إنها مثال للزبالة الإعلامية!

الموقف الأول:
مرشح يبدو إنه مايعرف يتصرف في الموبايل أثناء المقابلة ولا يدري إن الموبايل المفروض مايدخل الاستيديو وإن دخل يجب أن يكون على الوضع الصامت

والمصيبة شاهدوا ردة فعل المذيع اللي مادري من وين يايبينه! مذيع على قولتهم كمخه ومايعرف أبسط أبجديات الإعلام!

القناة كلها قناة ناس ماتعرف شي بالاعلام!

بالضبط حسيتهم كأنهم قاعدين بديوانية أو قهوة!!!




الموقف الثاني:
قبل فترة طلعت لنا فجر السعيد اللي بتصير عن قريب إنشالله خريجة سجون "حوبة أهل الكويت" والله سبحانه مايطق بعصا، طلعت لنا الأستاذة القديرة وتقول عن هالأخ حكيم وكلامه أفضل بكثير من الموجودين!

شخص معاق قصوا عليه مثل ماقصوا على سلوى المطيري المعتوهة المسكينة، وأوهموه إنه حكيم وسووله برنامج اسمه "لحق على عمرك"، والكارثة إنه مرشح في إنتخابات مجلس الأمة القادمة!

وطبعا برامج سكوب ماشالله في دقايق يسوونها، مجرد ستارة خضرا يحطون جدامها كرسي ومكتب ويقولون برنامج! أول مرة بحياتي أشوف برنامج سريع على وزن الوجبات السريعة!



وطبعا اللي يتصفح اليوتيوب راح يشوف البلاوي والمزيد من هالفيديوهات ويدرك حجم المهزلة الإعلامية والإنحطاط اللي وصلناله

كفى ياسكوب! إلى متى؟ من يوقف هالمهازل المستمرة؟

إنالله وإنا إليه راجعون وحسبنا الله ونعم الوكيل

حوبة هالمعاق وغيره اللي استغليتوا اعاقتهم وجعلتوهم وسيلة للإضحاك لمصالح شخصية وللجذب الإعلامي برقبتكم يافجر انتي واخوج وولد أخوج، وين بتروحون من عقاب رب العالمين!