عرض مشاركة واحدة
قديم 13-06-2013, 09:21 AM   #20 (permalink)
حصه
عضو شبكة الدراما والمسرح
 
الصورة الرمزية حصه
 
 العــضوية: 15467
تاريخ التسجيل: 29/04/2013
المشاركات: 70
الـجــنــس: أنثى

افتراضي رد: عبد الله بوشهري: انتظروني في (ماي عيني) و(عطر الجنة)

أنا ما أشوفه فاشل
في مسلسله السيت كوم اللي كان مع أحمد السلمان وإلهام الفضالة طلع منه شي ( حسب الجزئيات البسيطة اللي شفتها )
لكن المواضيع الرومانسية عندنا نحن الخليجيين وايد حساسة
وهذا اللي نفر الناس منه ومن هاييج ><
مهما كان انفتاحي الذهني نحو القصص الرومانسية اللاتينية والهندية وألحين التركية
بس مازال هناك حاجز بينا وبينهم
لما تبون تسوون مسلسل خليجي رومانسي بقصة حب ارجعوا لقصص الحب اللي كانت بالمسلسلات القديمة اللي نتقبلها
مثل هدى حسين وجمال الردهان في مسلسل العائلة
مثل قصص الحب المختلفة اللي صارت بمسلسل عفوا سيدي الوالد بين هدى حسين وولد عمها
قصص رومانسية ( حشيمة ) نقدر نشوف نفسنا مكان البطلة \
مب قصص حب منفرة لا نتقبل الكلام اللي بينهم ولا سوالف الحركات اللي يسوونها
كل تفاصيل الحب اللي بين الأبطال في سلسلة ساهر الليل والثاني اللي اسمه تو النهار
هي التفاصيل اللي نسمعها واللي ارتبطت بأذهاننا عن علاقات ( المغازل ) و ( الصياعة )
وبأعمالهم هاي قاعدين يحاولون يطهرون هالظاهرة بتسميتها ( الحب ) ويشجعون الناس خصوصا الصغار على هالسوالف
هذا هو السبب الحقيقي لكره الناس لهالشخصين
مهما اندمجوا في القصة وتابعوها لكن يبقى في عقلهم اللاواعي إشارة تنبههم ( إن ترا اللي قاعدين يسوونه ما له علاقة فينا أو على الأقل ما له علاقة بالحب الطاهر اللي نعرفه )

شافونا نحب قصص الحب الأجنبية قالوا خلاص عرفنا لهم
ما يدرون

 

 

__________________

 


حصه غير متواجد حالياً   رد مع اقتباس
 
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292