عرض مشاركة واحدة
قديم 23-03-2009, 06:04 AM   #1 (permalink)
فتى بجيلة
عضو نادي الألف
 
الصورة الرمزية فتى بجيلة
 
 العــضوية: 1858
تاريخ التسجيل: 13/01/2009
المشاركات: 1,315
الـجــنــس: ذكر

Exclamation هل تدري من هو الدلخ


أسعدالله صباحكم طبعاً انشالله مافينا ولا واحد دلخ ..


هذا اعجبني قلت انقله لكم (الحمدلله معجبني وهو كله دلاخه )

تابعوووووا """"



/ إذا شفت واحد من الشباب وقف سيارته آخر الليل جنب بابهم وفتح باب السيارة بسرعة واخذ كم حجر معه عشان يطارد له ( قطو) كان واقف قدام بابهم فأبصم بالعشرة ان المذكور أعلاه دلخ .




2/ إذا شفت واحد من الشباب في السوق مضبط الشخصية وكاشخ وقاعد يلاحق وحدة تسحب وراها 3 أو 4 من عيالها وعلى كتفها شايله بعد طفل والحبيب وراها من محل الى محل يبغى الحبيب يرقم ويغازل بنات الناس
(ونسي ان عنده في البيت حريم وأخوات ) فهذا والعياذ بالله دلخ مستدلخ وهذا النوع خطير على الحياة الفطرية .





3/ إذا شفت واحد من ها الشباب الي يتابع أرقام خط الصداقة الدولي ويقعد يتصل عليهم وبعد من دلاختة حتى الأنجليزي ما يعرف منه ألا كم كلمة ويتميلح بالساعات عشان الخواجيات يضحكون على دقن الي جابه وأخر الشهر إذا جات الفاتورة يلاقي ذاك المبلغ المحترم صاكينة شركة الاتصالات بعدها الحبيب يسوي جمعية ( قطة ) مع زملائه عشان يسدد فاتورة الدلاخة وهذا النوع دلاختة مؤقتة تزول بمجرد الزواج .




4/ إذا كفلت واحد كفالة غرم واداء لدى شركة تقصيد لواحد من الأصحاب مطلع ليكزس قيمته فوق 200 ألف ريال وراتبه 4000 ريال وراتبك ماهو ببعيد عنه كله عشان يكشخ على جماعته وعيال عمه واصحابه ويتميلح في الأسواق على حسابك طبعاً
ويحط رجلة ما يسدد ويجيك مندوب الشركة بورقة إلقاء قبض أما التسديد وآلا ابو زعبل ( السجن ) وقتها وقف قدام المراية واصفق اللي قدامك بكف وقول بكل فخر دلـــلخ مع سابق الإصرار والترصد
وقتها نقول بئس الدلخ والمستدلخ ( الشاري والكفيل ) .


أما قمة الدلاخة
فهي ان ترسل لك وحد ة مزيونة بالحيل وشعرها طويل من ها البنيات ذيك الرسالة على بريدك وتكتب لك إنها معجبة فيك وتقعد طول الليل وأنت قدام المراية تلمع في سنونك الصفر الي فرشة الأسنان عمرها ما قد مرت من جنبها وبعد كم شهر من التسحيب على وجهك تتضح ان البنت الحلوة واحد من ها الثيران الشباب اللي ساقط في الكفاءة 7 سنوات وحط عصارة فكرة في تسحيبك
وقتها اعرف انك قد بلغت قمة هرم الدلاخة والله يعينك على المحشات من أصحابك

 

 

__________________

 





فتى بجيلة العضو المميز لشهر إبريل


فتى بجيلة غير متواجد حالياً   رد مع اقتباس
 
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292