يعطيك العافيه يا بووليد على الموضوع
الصراحه يبتها عالجرح وفعلا انا اايد ان طارق مسرحياته مالها معنى
اول شي ماكو نص ثاني شي كل مسرحيه نفس الممثلين وطبعا اغلبهم كمبارس اللي وياه
وابيكم تلاحظون شغله : لو تبطل التلفزيون وتجد مسرحيه طارق معروضه ماتدري اي وحده منهم لان كله نفس الممثلين ونفس النص ونص الشي خروج عن النص.
وبعدين ماكو ممثل كبير ظل ويا طارق كلهم يطلعون منه لان بس يبي يمصخرهم مثل حسن البلام وعبدالناصر والعقل وحتى العجيرب والعونان طلعو
وبعدين مسرحياته ما تنذكر مع الوقت . مثلا نذكر نهاش الى وقتنا هذا ونذكر بيض الخعفق ونذكر مشهد المقهى اللي بمسرحيه حامي الديار وغيرهم الكثير
واسف عالاطاله ولكن حبيت اقول اللي بقلبي لان فعلا الموضوع باط جبدي والمسرح بانحدار . مابي اخرج عن الموضوع لكن مو بس طارق حتى داوود حسين قام يمثل مسرحيات مالها معنى (قصدي ان المسرح بصفه عامه في هذا الوقت اصبح مهزله) واشكر بووليد مره ثانيه عالموضوع الجميييل
|