عرض مشاركة واحدة
قديم 25-06-2010, 04:05 PM   #47 (permalink)
بنت قمبر
عضو شبكة الدراما والمسرح
 
 العــضوية: 9368
تاريخ التسجيل: 25/06/2010
المشاركات: 9

افتراضي

شكرا على المقابله الحلوه

انا بكون صريحة : انا من الجيل الجديد اللي طلع في زمن مسلسلات فجر السعيد و هبه مشاري حمادة وعبدالعزيز الحشاش

و انا ما كنت اعرف الاستاذ مبارك الحشاش لكن عرفته لما قالولي انه ابو الكاتب عبدالعزيز الحشاش

و احنا عيال هالجيل من حقنا نتعرف على الاساتذة الكبار وفرحت والله لأني اول مره اشوف صورة ابو عبدالعزيز

و فخورة في عبدالعزيز و في الاستاذ مبارك الحشاش

و ودي اقولك استاذ مبارك خبر حلو وايد يخليك تفتخر في عبدالعزيز : احنا بالجامعه عندنا ماخذين ماده ادب وقراءات نصوص .. و انا اخترت كتاب ولدك عبدالعزيز واللي اسمه ( انه الليل يأتي ) و فيه قصص قصيرة حلوه ومتنوعه و خذت في المادة a
لأني ناقشت الكتاب و سويت له تحليل و الدكتور وايد استانس وانصدم لما عرف ان عبدالعزيز ولد شاب صغير تطلع منه هالانجازات الحلوه

و انشالله ما تصير قطاعه بينكم و كان ودي ما تقول هالمعلومه بالمنتدى لأنها امور شخصية بينكم

و عندي ملاحظه صغيرة اذا تسمح لي على رد احد الاخوان لما جاوب عن سؤال ليش انت مغترب في تاليند

قال : سبب اقامته بتايلند هو محاربته من قبل المسؤولين بتلفزيون الكويت واهوه فضٌل الابتعاد عن الساحه الفنيه والذهاب لتايلند للراحه والاسترخاء...

مادري ماشوف هذا سبب قوي وكافي انك تسافر و تتغير عن الدوله للراحه و الاسترخاء 10 سنين !!!!!!

على العموم الله يوفقك و يحفظك و يحميك و يوفق عيالك كلهم و خاصة عبدالعزيز لأن احنا كجيل يديد نحبه و نشوفه مثل اعلى لنا بالاجتهاد و الابداع و التميز

دمت لنا سالما يا استاذ


تحياتي

بنت قمبر

 

 

بنت قمبر غير متواجد حالياً   رد مع اقتباس
 
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292