المساعد الشخصي الرقمي

مشاهدة النسخة كاملة : سخافات و كذب قناة فنون في رمضان!

محمد....
06-08-2010, 01:47 PM
السلام عليكم

طبعاً من كثر ما اتابع قناة فنوون و اعلاناتها

شفت تقريباً جدول رمضان كامل


و اتفاجئ ببعض الاعمال الي مادري شلون يعرضونها و لين متى بيقصون على الجمهور الي يشوفهم


اولاً برنامج حيلهم بينهم الجزء الخاامس

يعني مب معقوووله لين الجزء الخامس و البرنامج مستمر و خاصةً في مصر
و تكررت المقالب مع الفنانين
يعني المسأله وااضحه انها كيمرا خفيه و حتى اذا تغيرت الافكار
لكن خلااااص المسأله صاارت ماااصخه و مكرره و مافي شي جديد

و المشكله مستمرين!



2- برنامج الاصنصيد

في الجزء الاول انكشفوو انهم كذابين و انه كله تمثيل و مصخره و يقصون على العالم
و حاول محمد الصيرفي تبرير موقفه لكن مافي فايده لانه اشكره

و الغريب من الامر
انه مسوين الاصنصيد الجزء الثاني و هالمره مع محمد طاحون
يعني قمممة الغباااء انهم يكررون الفكره
و الموضوع مكشووف و ممل




و طبعاً فيه برنامج اللعب الي مسويه يعقوب عبدالله
الصراحه مسفل في عمره و كله رقص و هز و حركاااات غريبه يسويها
ولا عارفين للحين فكرة البرنامج
بس بعد مب عدله يطلع بهالصوره و من خلال الدعايه بااين انه ثقيل دم
و اشلون لو شفناااه و عرفنه فكرته







هناك اعمال تشفع الصراحه في القناة
مثل عمل الفنان الكبير داوود حسين + و عمل كيمرا خفيه بفكره جديده و هم الفنانين يسون مقلب في المذيعين


لكن حرااام هناك فنانين كبار و كوميدين

يخلوون فنانين سخيفين يشوفهون صورة القناة بسخافاتهم
دفــى احساسي
06-08-2010, 08:50 PM
عاد خصوصا الاصنصيد
صراااااااااااااااحه اغبياء اللي شاركوا
حتى ولا غيروا في افكاره كوبي من حق العام
وتسلم ايديك
أميرة الجنوب
12-08-2010, 02:14 AM
اوماااااااا الاصنصييييييييييييد

فعلا تااااااااااافهه:mad:

يعني انكشفو انهم كذاابين .. وانه كله تمثيل بتمثيل:mad:

فعلا طاح من عيني الصيرفي ..:mad:
لكن شسمه ..
الغريب تكرااااااار التجربه مره اخرى !!!!!!!!!!
ليييييييييييش؟؟
العالمي
13-08-2010, 02:11 AM
سخافة
ذيب الإمارات
13-08-2010, 10:05 PM
هو كانت مشكله بين الصيرفي و الطاحون .. أتوقع أن الفكرة فكرة الطاحون وصورها قبل الصيرفي لكن الصيرفي اتفق مع الفنانين وفنون اشترته وعرضته .. وهالسنه الطاحون قدم عمله مرة ثانيه لأن في فنانين كبار جمال الردهان و محمد جابر وغيره وغيره أتوقع أنه صوروه قبل الصيرفي
محماس
13-08-2010, 10:48 PM
برنامج حيلهم بينهم برنامج بايخ جدا ومستهلك هو والاصنصيد اما برنامج يعقوب فلاتعليق فكله رقص وسخافة .
مركب غرام
16-08-2010, 03:20 AM
قناة فنون في الاساس ليس مبنية على أسس صحيحة فطبيعي أن تصل لهذا المستوى المنحط من العرض وماأدري أيش دخل المصاروه في قناة خليجية شوجي وطقتها ذبحونا هالمصاروة مع برامجهم السخيفة جداً والمنحطة جداً وطبيعي يصير كذب وأحتيال من قبل القناة إذا كان في طاقمها مصريين
أحمد سامي
16-08-2010, 03:53 AM
كلام في الصميم يا محمد

سأعود للتعليق بهذا الموضوع , لكن بالوقت المناسب .
زهرة البحرينية
16-08-2010, 03:59 AM
اخوي محمد

كلامك قمة الصراحة واتفق معك بكل نقطة
الاسطورة قماشة
16-08-2010, 05:02 AM
حتى صيدة سوالف شكله تمثيل في تمثيل.
أرسنال
16-08-2010, 07:49 AM
يبا بس برنامج الاسنصيد اللي جذب و حيلهم بينهم احلا جزء عندي و الباقي ما فيهم شي
خالد العبدالله
16-08-2010, 01:23 PM
بصراحة القناة من سيء للاسوأ
أبو غادة
16-08-2010, 01:50 PM
الحمد لله إني مقاطع القنوات كلها خلال الفترة السابقة والقادمة ..... ببساطة ما يقدم الآن ممل وسخيف من القنوات العربية
عابر سبيل
16-08-2010, 02:00 PM
هيه والله و خاصة الأسنصيد 2 يعني السنة الي طافت انكشف في الصحف يوم صارت المشاكل بين الصيرفي والطاحون الكل عرف و انعرض في التلفزيون و انفضح في يو تيوب المشكلة نفس الحركات ما غيروها

و اللعب فله عيب يالسين يشوهون سمعة الكويتيين

والباقي لا تعليق ومشكور على الطرح الجميل
عندليب الكويت
17-08-2010, 01:17 AM
هذولا قاعدين يضحكون على منو بالضبط؟!
الظاهر أنهم فاصخين الحيا بصراحة !!!
خلاص لعبة الكاميرا الخفية ماتت وانتهت !!
وإكرام الميت دفنه!
.
عاشقة الهرم وسندريلا
17-08-2010, 02:03 AM
صراحة أخي محمد معك حق بالذي تقوله
حيلهم بينهم من يعني ما يدري أنه جذب بجذب وسخافه
وبرنامج يعقوب عبد الله ملاااااااقة أقوى شيء سخيييف حده وثقاله دم بعد اليوم طالعته جم دقيقة وما قدرت أكمل من الملاقة
وبرنامج الأصنصيد كل خلق الله شافت المقطع باليوتيوب يعني البرنامج بالعربي مكشووووووووف
غارق
27-08-2010, 06:45 AM
قناة فنون فقيرة

وهذا سبب تواضع مستواها
أحمد سامي
27-08-2010, 07:57 AM
هذولا قاعدين يضحكون على منو بالضبط؟!
الظاهر أنهم فاصخين الحيا بصراحة !!!
خلاص لعبة الكاميرا الخفية ماتت وانتهت !!
وإكرام الميت دفنه!
.


أصبت .
عبدالإله
27-08-2010, 06:06 PM
انا معك بلموضوع بس حبيت اعلق على برنامج الأسنصيد
هم مصورين الجزئين مع بعض ..وعرضو حق الصيرفي السنه الي طافت وحق الطاحون السنه هذي
..
والأثنين مفبركين وخالصين
يعطيك العافيه
الأنين
27-08-2010, 07:48 PM
برامج الكامرا الخفية صارت حالها من حال المسلسلات ويمكن المشاركين ياخذون رزقهم منها ^^

ظهور اي ممثل بأحد برامج الكامرا الخفيه يعني شئ من اثنين

1- يضحك على روحه وع الناس ويحسسنا ان ماعنده تلفزيون بالبيت عشان يشوف الصيدات اللي قبل

او الادهى

2- الاستهبال ع الضيف بأسئله بايخة وحضرة الممثل يتنرفز ويعمل حاله متضايق من الطريقة هذا الغباء بذاته لان من السؤال نفسه ينعرف اذا كان برنامج جاد ومحترم او استهبال ومضيعه للوقت

او حكاية الشخصيه تنصاد اكثر من مره هذي قمة الاستخفاف مافيه ولا برنامج كامرا خفيه ماظهرت فيه حليمة بولند حبها للكامرا واضح وغباءها اوضح

والشكر موصول لصاحب الموضوع
ابورشدي
27-08-2010, 09:31 PM
بخصوص برنامج الاصنصير 2 لو تلاحظون أن البرنامج من إنتاج محمد الصيرفي ,

وآحنآ كمآ نعرف أنه صرت مشكلة بين الصيرفي والحيادري والطاحون .!!

شيء غريب واعتقد أن الشاطر سيفهم وش افكر فيه أنآ .

شكرآ على الموضوع آخوي .
حر الصيف
27-08-2010, 10:38 PM
يصراحة قناة فنون هبطت هبوط شنيع وحاد جدا

ان مو وجهت نظري لو تجيب شي قديم وفيه قيمة افضل من المسابقات التافهه في الشهر الفضيل

يعقوب عبدالله مصخها بقوة برنامج يعتمد على الرقصوما تدري وش قصة البرنامج

اتمنى تدخل ابو عدنان في موضوع القناة لانها كانت جيدة قبل سنوات والان دون المستوى
ريااض
27-08-2010, 10:45 PM
فنون كانت في صعود
والان في هبوط هبوط هبوط
والى الحضيض ما دام امثال طاحون هم من يقدمون البرامج
الشاب التافه الذي يضحك على عقل المشاهد وما يدري انه ما يضحك الا على نفسه
برنامجه الي كان اسمه حيلهم بينهم <<< كان بايخ ومكشووف من شكل اللوكيشن
والاصنصير حتى لو انه صوره من قبل الصيرفي ... مفروض يحطه في درج الزباله لانه ابيخ من البايخ والحركه كمان بايخه واصلا طاحون معروف انه راعي كاميرا خفيه يعني الي ركبوا معاه مفروض عارفين هالحركه وخصوصا ان الاصنصير لو وقف يعني ما فيه كهرباء
وهم جالسين يخضوون فيه كنه علية لبن
يعني حتى الممثلين لو ما يدرون ...يبون يمشوونها له عشان التصوير
هع
طاحون ويا قناة فنون
الله يرحمكم
التويم
09-09-2010, 02:42 AM
اذا انتم يالحبيب مليتوا من خمسة اجزاء
وشنقول في السعودية اللي طاش السخافات
17 سنة مؤبد يعني وهو كاتم على انفاسنا
وبعدين كل القنوات قاعده تقدم سخافات لاترتقي
باسم الفن وانما تقدم للمادة والضحية المشاهد
فمن لاتظهر سخافاتهم على الشاشة تظهر صورها
من خلف الكواليس
ام علاووي
09-09-2010, 07:59 AM
اي والله سخاااااااااااااااااااااافه

ابشروووووووووووووو السنه الجايه البرامج راح يغرضوونها

وقولو ام علاووي ماقالت
عبدالله البقعاوي
20-09-2010, 03:18 PM
برنامج الأسنصيد 2 مثلوه في سنة محمد الصيرفي , لكن جابوا الجزء الأول للصيرفي , أما الجزء الثاني للطاحون
ولايوجد تلاعب لأنه نفس الضيوف مختلفين ولايود احد مكرر

اما بالنسبة لحيلهم بينهم 5 فجاءت فكرته ذكيه جداً ولايقدر اذكى شخص بالعالم ان يكشفة

ارجوا منك يامحمد انك تتابع قبل ماتنتقد بكلامك هذا .. وأطالب الإدارة بقفل هذا الموضوع .. وشكراً
عبدالله البقعاوي
20-09-2010, 03:21 PM
التويم

ياخوي ماأحد غصبك وقالك تابع طاش , ومازال طاش مرتقي فوق الجميع , وتكفي إطلالة الثنائي المرح

وبعدين هذا الموضوع يتكلم عن عروضات فنون ليس mbc وطاش ...!!!
النمر
20-09-2010, 10:08 PM
اذا انتم يالحبيب مليتوا من خمسة اجزاء
وشنقول في السعودية اللي طاش السخافات
17 سنة مؤبد يعني وهو كاتم على انفاسنا
وبعدين كل القنوات قاعده تقدم سخافات لاترتقي
باسم الفن وانما تقدم للمادة والضحية المشاهد
فمن لاتظهر سخافاتهم على الشاشة تظهر صورها
من خلف الكواليس


طاش يعرض قضايا المجتمع السعودي ومعاناتهم بشكل كومدي

اما برامج الكامرا الخفيه اصبحة معروفه بانها تمثيلية سخيفه

والاسخف انها تتكرر
عزووووز
21-09-2010, 12:35 AM
سخافات وخصوصا الاسنصيد يعني اللعبة مكشوفة من الجزء الاول واللي قاهرني الممثلين اللي بالبرنامج اشلون يوافقون عالتفاهات .....!!!؟
الاسطوره ابو عدنان
21-09-2010, 09:36 AM
الاصنصيد لحاله صراحه