المساعد الشخصي الرقمي

مشاهدة النسخة كاملة : نقول عليها خلاص؟


طلال الدعيع
07-08-2011, 05:43 AM
السلام عليكم ورحمة الله وبركاته

اتمنى لن تكونون بصحة وعافية .....


طبعا قريتو الموضوع شنو هي اللي نقول عليها خلاص؟

انا اعلمكم شنو

المسرحيات ياجماعة المسرحيات

ليش ما تنعاد المسرحيات الكويتية مثل قبل مثل دقت الساعه مثل بالمشمش مثل شيكات بدون رصيد مثل مثل مثل ....

ليش ما نعيد ذكريات هذي المسرحيات؟

طالما الفنانين موجودين ليش نشوف المسرح يغرق ويستنجد فينا وكأنه يقول انا اللي ضحكتكم ياما و ياما ساعدوني ليش ما نساعده ونبنيه ليش مايكون فيه موضوع يوصل لاحد الكتاب او المخرجين انهم يعيدون ذاك الماضي يعني ترضون سمعة المسرح الكويتي تطيح اكثر من جذي ترضون المسرح ينقلب الا صالة تهريج؟ ليش قاعد يصير اللي يصير وين الزمن الجميل وين مسرحية لولاكي وين مسرحية بنشر وين مسرحية بيت العزوبيه خلاص يعني ننسى وبس الا متى مسرحيات سخيفه؟ الا متى مسرحيات سيئة؟ الا متى ؟ يعني نعلنها صريحة ونقول على المسرحيات الكويتية السلام؟

bos3yd
07-08-2011, 05:44 AM
بالعكس والله المسرح ماشي والجمهور حاب هل مسرح والدليل طول السنه يعرض ومفول !
وأنت تلاقيك اول واحد تحضر

bos3yd
07-08-2011, 05:45 AM
اي كشمش ومشمش ههه !!

محمد العيدان
07-08-2011, 12:39 PM
متى ما حكومتنا الرشيدة احتاجت الى مسرح جاد وراقي يشرف الفن والفنانين وقتها يعود المسرح مثل السابق وافضل ... ولكن طول ماعروض المناسبات الوقتية موجودة ويتم تشجيعها من قبل بعض المتنفذين فلاطبنا ولا غدا الشر

الهوا هوانا
07-08-2011, 03:28 PM
هناك سببان - في وجهة نظري القاصرة - أدت إلى وصول المسرح الكويتي إلى هذا المستوى المتدني، هما :

1- نظرة الحكومة للمسرح على أنه عدو وليس شريك في الإصلاح والنهضة بالشعب وممارسة الحرية في التعبير عن الرأي، وما حدث أن تم تعطيل بعض المسرحيات وتهديد طاقمها وأخذ التعهدات والغرامات عليهم، ومنع عرضها كذلك، الأمر الذي أدى إلى حصر الفنانين في بوتقة ضيقة .

2- عدم نهج فناني ما بعد جيل العمالقة نهج أساتذتهم، وأعني بالدرجة الأولى كل من داوود حسين وأحمد جوهر وطارق العلي؛ حيث أن هؤلاء شاركوا العمالقة بعض أعمالهم التي لا تزال خالدة، ومع ذلك لم يكملوا المسير على نهجهم، وإنما اتخذوا خطاً مغايراً عنهم، ولكنه خط ليس بالمستوى، فالتجديد مطلوب، ولكن أن تغير هدف المسرح الكلي فهذه مصيبة عظيمة .

موفقين

كلمة حق
07-08-2011, 04:49 PM
اي كشمش ومشمش ههه !!

دليل على جهلك الفني

قلب النسر
07-08-2011, 04:53 PM
طالما طارق العلي موجود على خشبة المسرح فهو في انحدار مستمر لا يتوقف .... نلاحظ الممثلين من يصير عندهم شركة انتاج يبيعون كل شيء غالي أو رخيص من أجل الماده مو كلهم لكن من طارق العلي توقع الغير متوقع ... المسرح أصبح تجارة

قلب النسر
07-08-2011, 05:14 PM
بالعكس والله المسرح ماشي والجمهور حاب هل مسرح والدليل طول السنه يعرض ومفول !
وأنت تلاقيك اول واحد تحضر

نص الحضور ما عندهم سالفة يجاملون طارق العلي.. أنا راح أحضر علشان بضحك مو علشان طارق العلي لاني بضحك عليه

طلال الدعيع
08-08-2011, 06:30 AM
bos3yd (http://forum.fnkuwait.com/member.php?u=12819)

اي مشمش واي كشمش

هذي المسرحيات اللي تتطنز عليها اهي من اسسة للمسرح الكويتي اسمه وكيانه واذا انت بتقعد تتطنز انصحك تروح تتابع قلة الحيا والادب اللي يعرضها طارق ولعلمك انا من بداية ال2005 ماحضرت ولا مسرحية سواء كويتية او غيرها لان ما ابي اتعنى واحضر على مصخره وتقزر على العالم وطالع ويهك وطالع خشمك

العرجون الأبيض
08-08-2011, 11:44 PM
أطرف شي بالمسرح الحالي وخصوصا بمسرحيات طارق صوت الرجال اللي يضحك بصوت عالي حتى لو الموقف بايخ ، يعني معقولة عندنا جمهور أجار.