هبه حماده ... ومداخله عن بوكريم !

[>< ساره ><]

هبه حماده في أول ظهور لها برمضان ترد فيه على تساؤلات لمسلسلها المثير للجدل بوكريم !!

من هو بوكريم ؟!
هل هو كويتي ؟!
وماهو هدف الكاتبه من طرح قصة أسره "معدمه" في دولة مترفه مثل الكويت !!!

مداخله هاتفية في قناة العربية اللي يبث منها يومياً برنامج ( دراما رمضان ) ،،

المداخله (http://www.mediafire.com/?jn7a4nxts7k68p6)

##
##

للأمانه تكلمت عن المسلسل بشكل عام بس انتقادات الناس ماردّت عليها !! وبصراحه أكثر ابيها ببرنامج سرى الليل لأنه البرنامج اللي يتكلم عن اعمال رمضان وبوكريم منهم وهو المكان اللي انتقدت فيه وآآيد والمفروض ترد منه ،،
بس اتمنى احتكارها مع MBC مايكون أهو سبب عدم ظهورها !!

[سوالف بنت]

انا حسيت بتناقض غريب في شخصيه بو كريم مرات تحسه عزيز نفس ومرات احسه طرار يقعد يستعطف الناس ويقول انا برقبتي سبع بنات وشفناه يوم تحايل على الحرمه اللي اوهمها انها دعمته عشان الفلوس مع انه باول حلقه يوم مشهد الصايغ اللي اتهمه زور كان عزيز نفس لما رفض الفلوس
وفي نقطه مهمه بناته وين يودون الفلوس كلهم يشتغلون وببيتهم مافي الا الماي
نبغى شوي واقعيه ياهبه

[ابو فيصل]

في اول مقطع من المسلسل مكتوب (هذا المسلسل من خيال الكاتبه)يعني هذا مسلسل خيالي ما يحاكي الواقع وهو مسلسل ناجح والدليل انه ماخذ اعلى نسبة مشاهدة خلاص الجمهور حب المسلسل اذا فيه واحد او ثنين كرهوا المسلسل او ماعجبهم المسلسل العالم كلها كرهته ما يصير الحين بدال ما تساندون الكاتبه تحطمونها زيادة ترا توها لها 3 سنوات في الكتابه واعمالها كلها مميزه من فضه الى بو كريم واصلي ياهبه كتاباتك الرائعه ولا تلتفتي الى كلام الناس اللي لا يودي ولا يجيب

[بحر الحب]

بغض النظر عن أخطاء المسلسل وبعض المبالغات ..
لكن كلام هبة في هذا اللقاء كان جميل من خلال شرحها لمفهوم العمل وللرسالة المراد ايصالها منه , ومشكلة كبيرة تقع بالجمهور انه يقيس كل مايراه في الاعمال الفنية بالواقع .. وكأنه من المحرمات ان يتم تقديم عمل فني بعيد عن الواقع , وهذه المشكلة حلها يكون في إعادة تثقيف الجمهور درامياً حتى يتفهمون انواع الطرح الدرامي ..
والملاحظ على هبة انها تؤمن بالعمل الجماعي والشخصيات الجماعية وكلامها في اللقاء وضح ذلك ..

وجملة مهمة قالتها هبة في اللقاء : "عندما ترى حياة مختلفة عن حياتك قد تتقبلها" , وانا اتفق معاها على هذا الكلام ..
والدليل عندما يتم تقديم نماذج لشخصيات واقعية 100% وموجودة في المجتمع في الاعمال الفنية نجد أغلب الجمهور وأكثر لا يتقبل هذه النماذج .. فهي ليست مختلفة انما مشابهة ومطابقة لما هو موجود في الواقع .. فلذلك لا يتم تقبلها
ويبقى الدور الأهم على طريقة الطرح

[مكسورة وتبرد]

هالمسلسل حصل على اعلى نسبة من النقد وهو بنظري اسوأ مسلسل وسقطه للكاتبه

يعني حتى سالفة الولد اللي خدعته مره في الجمعيه اشكره لاقفتها وحاطتها بالمسلسل

كل شي مقتبسته وماخذته من افلام ونت وين التأليف عيل صدق اللي قال ماكووو تألييف

[رونالدو]

اصلا المسلسل تحس فيه شبه بينه وبين ام البنات
بس شايله هبه سعاد عبدالله وحاطه مكانه سعد الفرج
مع تغير بسيط
الى اقصده تفكك الاسري مع سعاد ابتعدوا عن ابوهم والحين مع سعد ابتعدوا عن امهم

[Abood]

انا حسيت بتناقض غريب في شخصيه بو كريم مرات تحسه عزيز نفس ومرات احسه طرار يقعد يستعطف الناس ويقول انا برقبتي سبع بنات وشفناه يوم تحايل على الحرمه اللي اوهمها انها دعمته عشان الفلوس مع انه باول حلقه يوم مشهد الصايغ اللي اتهمه زور كان عزيز نفس لما رفض الفلوس
وفي نقطه مهمه بناته وين يودون الفلوس كلهم يشتغلون وببيتهم مافي الا الماي
نبغى شوي واقعيه ياهبه

صحيح كلامچ
البنات وين يودون فلوسهم
الي تشتغل طباخه والي خياطه
وبعدين نلقاهم ماعندهم ياكلون !!!!!

[الشبل]

بسنا حوارات طفوليه يا هبه ملينا

انا كنت متحمس من قبل رمضان لـ هالمسلسل لكن بعد ما شفته ما شفت شي يختلف عن اميمه حوارات طفوليه و كل واحد يقول جملته ورى بعد + مشاهد ما تدخل العقل حتى لو على قول الكاتبه انه خيالي الخيال بعد يرتكز على مقومات مثل مشهد الهام مع باسم عبدالأمير يوم على طول نشوفها و إلي هي ببيته مع انها ما ترضى بالخطأ !!

تابعت اول الحلقات لكن للأسف ما شدني لأنه مكرر مثل اداء مسلسل اميمه ما اختلف عنه شي و يمكن السنه الجايه يكون نفس الأداء بعد فـ إذا هبه واصلت على هالنهج و ما غيرت اسلوبها بتفقد كثير من الجمهور لأن الشي المكرر الناس تمل منه

[مكسورة وتبرد]

صحيح كلامچ
البنات وين يودون فلوسهم
الي تشتغل طباخه والي خياطه
وبعدين نلقاهم ماعندهم ياكلون !!!!!

اي والله مادري وين يودون فلوسهم

يعني صج المسلسل مافي منطق كلش

مو معناته اغش الناس بكلمة " خيال " واخلي المسلسل حواق

يعني مو صج حتى كلينكس و قلاصات وابسط الاشياء مو قادرين يوفرونها !!

بالاضافه الى ان المسلسل شغل تجميع

يعني ماخذه القصص من كذا فلم وكذا روايه وكذا مسلسل وجمعتهم مع بعض وصار عندنا مسلسل بوكريم ..

اليوم بالحلقه من بثينه تاخذ الفطاير على حساب الرجال الشايب

كوبي بيست من قصه واصلتني من زمان عالايميل !! نفس الحوار ونفس كل شي

عيل وين التأليف !!! كل شي كوبي بيست :( اي مشهد اشوفه احس اني سامعته او قاريته او مار علي من قبل :eek:


وحتى ترابط بالاحداث مافي :cool:

[بشاير]

مسلسل فااااااااااااااااااااشل لابعد الحدووووود واسقاطه كبيره بحق كل النجوم اللي مثلوا فيه _ النجمه الهام الفضاله قبل يومين شفتها وسالتها عن هالمسلسل ومبين عليها ندمانه قد شعر راسها حتى قالتلي بالحرف الواحد( اعمالي الكثيره هالسنه تعضوني عن بوكريم يمكن انا تسرعت شوي بموافقتي ع الدور والمسلسل بشكل عام بس بالنهايه الحمدلله على كل حال ) هذا كلام الهام لي قبل يومين

،،،،،،،،،،،،،،،،،،،،،،،،،،،،،


بكل صراحه انا تركته والله مليت منه ومن مشاهده حدها تلوع الجبد
وقفت عند الحلقه التاسعه وتركته نهاااااااائياااا

[غـربه]

انا حسيت بتناقض غريب في شخصيه بو كريم مرات تحسه عزيز نفس ومرات احسه طرار يقعد يستعطف الناس ويقول انا برقبتي سبع بنات وشفناه يوم تحايل على الحرمه اللي اوهمها انها دعمته عشان الفلوس مع انه باول حلقه يوم مشهد الصايغ اللي اتهمه زور كان عزيز نفس لما رفض الفلوس
وفي نقطه مهمه بناته وين يودون الفلوس كلهم يشتغلون وببيتهم مافي الا الماي
نبغى شوي واقعيه ياهبه

انا هذا ما يشعل فتيل القهر في كبدي :p

يعني مشاء الله محلات ابو ريالين مليانه في الخليج العربي كله

مليان صحون كاسات ادوات مطبخ تقدر كل وحده توفرشي من هذه الاشياء

يعني لما زارهم اخوهم كريم الي هو فيصل يقدمون العشا في تاوه :confused:

مو معقوله يعني من اول ماخلق ربي ابو كريم ما عندهم صحن ولا قلاص واحد :confused:

يعني لما نتحدث عن الفقر في هذه الايام يكون فقر الكماليات والرفاهيه التي تغزو العالم

اما صحون وبوادي وغضاير وتبسي وكم كاس بلاستيك ما يقدرون يوفرونهم كيف

انا لما اتكلم راح املي مليون صفحه مش صفحه وحده

ولا صح تقول خيال خلاص خيال خيال :confused:

[الشبل]

لكن السؤال إلي يطرح نفسه : هل اذا المسلسل له عدد كبير من الجمهور يتابعه و حصد اعلى نسبة مشاهده ان يكون الأفضل بين الأعمال الرمضانية ؟ انا بوجهة نظري هذي النظرية خطأ فـ مسلسل فرصه ثانية و ساهر الليل حتى لو اقل منه نسبة مشاهده لكن عملين في قمة الروعه

[>< ساره ><]

بالغتو بكلامكم !!!!
المسلسل ماأعتبره ( ممتاز ) ومايرتقي لأم البنات وزوارة خميس أو فضّه لكن موسيّئ !!

مستواه متوسط ،،

هبه بيّنت ان العمل فانتازي وحدوته خيالية لكن الاخراج ماخدمها وبصراحه أكثر ركييييك جداً كعادة الزعبي :o

النجمه الهام الفضاله قبل يومين شفتها وسالتها عن هالمسلسل ومبين عليها ندمانه قد شعر راسها حتى قالتلي بالحرف الواحد( اعمالي الكثيره هالسنه تعضوني عن بوكريم يمكن انا تسرعت شوي بموافقتي ع الدور والمسلسل بشكل عام بس بالنهايه الحمدلله على كل حال ) هذا كلام الهام لي قبل يومين

،،،،،،،،،،،،،،،،،،،،،،،،،،،،،



وماقالتلج شرايها بالمسلسل الأكثر من سخيف ( باب الفرج ) !!! ،،
او العام موزه ولوزه وحيتان وذئاب !!
تعجبني الهام ويعجبني تمثيلها وآآيد بس عندها مسلسلات أقل من المتوسط وفي السيئ ،،

هذا طبعاً اذا كان كلامها اللي قايلته صح أو مايكون رد على كلامج ( لما بينتي وجهة نظرتح بأن المسلسل سخيف ) وردت عليج عندي اعمال ثانيه تابعيها ،،

[مكسورة وتبرد]

لا مبالغه ولا شي المسلسل جدا سيء من كل النواحي


اذا هذا المسلسل كان متوسط عيل عمل مسلسل مو صعب ابدا .. مسلسل مليء بالاخطاء واحداثه كلها قص ولزق

عيل مو صعب اسوي مسلسل بس اجمع القصص من النت والافلام واصيغها بطريقتي + اختار فنان كبير وقدير له وزنه بالفن + وممثلات شابات لهم شعبيه .. وبسسس هذي الخطه لابراز اي عمل وتحقيق له نسبة مشاهده

[عزووووز]

لا مبالغه ولا شي المسلسل جدا سيء من كل النواحي


اذا هذا المسلسل كان متوسط عيل عمل مسلسل مو صعب ابدا .. مسلسل مليء بالاخطاء واحداثه كلها قص ولزق

عيل مو صعب اسوي مسلسل بس اجمع القصص من النت والافلام واصيغها بطريقتي + اختار فنان كبير وقدير له وزنه بالفن + وممثلات شابات لهم شعبيه .. وبسسس هذي الخطه لابراز اي عمل وتحقيق له نسبة مشاهده


اذا هبه قصصها نسخ ولصق انت ردك نسخ ولصق من انتقاد مفرح الشمري ان لم يكن انت هو ..

[مكسورة وتبرد]

اذا هبه قصصها نسخ ولصق انت ردك نسخ ولصق من انتقاد مفرح الشمري ان لم يكن انت هو ..

الحمدلله والشكر الله يسامحج اختي


هذا الكلام الصج وعندي الف اثبات على كلامي انه قصص هبه قص ولصق


وهذا مو بس كلامي انا .. كلام الكثيرين وترا المشاهد مو غافل محد غافل الحين بعالم النت الناس كلها تستطلع وتعرف اللي يألف واللي يلطش من الغير

[أحمد سامي]

العمل بوجه عام جميل جدا ً وهو مثتابع وحاز على نسب مشاهدة عالية وهو موضع أهتمام من الجماهير

وحقيقة حبيت أعلق على جزئية الاقتباس او السرقة ,

انا اقول الكل يعرف يقتبس والكل يعرف يسرق لكن من يبدع وينجح ؟

يقول موسيقار الاجيال د. محمد عبدالوهاب يرحمه الله ان الفنان الذي لايقتبس ولا يتأثر

هو منغلق على نفسه وبالتالي لايخلق الابداع الاقتباس والتأثر جزء لا يتجزأ من الثقافة الانسانية

والتي تتخلل كل جانب كالكتابة مثلا

ولكن من يعي يا آنسة سارة ؟

وبإذن الله سأفرد موضوعا ً بهذه الحيثية .

[ليالي الغرام]

هبه حماده كاتبه مبدعه

والمداخله كانت حلوه ولأول مره اسمع صوت هبه على الطبيعه