>< ساره ><
02-09-2011, 12:02 PM
صباح الخير
كل عام وانتو بالف خير "وردة"،
شهر رمضان مر بسرعة البرق !!
ولكن الموسم الدرامي لم يمر بشكل سريع أوخفيف :D !! ثقيل على اصحابه من مؤلفين ومخرجين وممثلين ، ماأتوقع في احد ماانتقدوه خخخ
- اغلاط المخرجين زادت بشكل كبير جدا !! والبرودكاستات والتويتر انقلبت من متابعه الى تصيّد اغلاط ،
- ممثلين نزل مستواهم وايد وعلى العكس في وجوه جديدة وممثلين تعودنا عليهم بأدوار تقليدية وتغيرت النظرة وايد ،
##
##
## فرصه ثانيه
فكرة حلوة عابها الإخراج الـــ ميّت ! + تكرار أفكار وداد ( المال والسلطه ) لدرجة ماكان في مشهد يمر بدون الكلام عن ملايين تركي !!
حوارات راقيه واداء ممثلين عمالقه رفع من أسهم المسلسل وايد ،
النهاية غبيه جداً !!
تعودنا على النهايات المثاليات والشرير يصير طيب بس بهالمسلسل مثالية ماصخه !!
تركي الشهريار يتزوج 3 وكلهم يبي الأجر فيهم :confused:
وبدر ياخذ ثنتين ويموتون ببعض لا والأولى تحضر عرسها بعد !!
والثالثه تتزوج ريل اختها وماتصير بينهم حزازات !!
عموماً مسلسل مانقدر نعطيه أكثر من ،،، جيّد !!
## الملكه
من المسلسلات اللي خذت صدى كبير قبل عرضها بسبب شويّة كلام عن احلام وقصّة حياتها :rolleyes: المؤلف كان ذكي حيل بإختيار إسم المسلسل اللي خلانا نحرص نشوف اول حلقه ،، ثم الثانيه ،، ومن بعد الثالثة خفّت نسبة المشاهدة : )
قصّه عادية ،، ومملّة "باستثناء الثلاث حلقات الأخيره" !!
نقدر نسميها ( مذكرات مطربه ) اليوم راحت تعشت ،، باجر تسوقت ،، اللي عقبه فشل البومها ،، ووراه تهاوشت وي اخوها وهكذا !! كل العمل يدور حول يوميات هالملكه !!
اداء هدى حسين جيّد ولكن عابه أسلوب السّب اهي وبعض الممثلين !! + الصراخ الغير مبرر !!
كان ودي يطلعون تنويه نقصر على صوت التيفي قبل لاتصرخ لأنها مبالغه حدهآآ بالتون :o
والجمله اللي نسمعها بكل حلقه ( آآآآآنا الملكه آآآآآنا الملكه) ؟!
بطلة المسلسل شهد وايد عجبتني ،، نرجسيّتها وغرورها وأداء الشر ، والختام بموتها حتى لو كان نسخه عن فلم موعد على العشاء :D لكن أنانيتها وحب التملك خلاها تقتل نفسها وتقتله عشان مايكون لغيرها !!
ايضاً ( الإخراج ) مميز !
خالد الرفاعي طاقة قادمه وبقوة ،
## الجليب ،
مسلسل تنطبق عليه ( لعنة الثلاثين حلقه ) !!
اللي يتابع اول حلقتين وآخر حلقتين بيفهم السالفه خلاص !! عنصر التشويق والآكشن شبه مفقود ،، يعني كلنا ندري انهم ذبحو سعد وقطوه بالجليب ،، !!
كنا ننطر مشاهد الرعب اللي يتكلمون عنها لكن ماشفناها أكثر من حركات عبدالعزيز المسلم :D البدائية حيل حيل !!
عموماً المسلسل عودة لأم سوزان بعد إخفاق سنتين لكن ماأشوفه بمستوى الفريه او حتى الدايه !!
## علمني كيف أنساك
هالمسلسل خدمه مستوى الأعمال السيّئ هالسّنه :) ،، يعني ولو انعرض العام مثلاً محد بيلتفت عليه !!
بداية المسلسل كانت جيّدة جداً وحسيتها واقعية !! مروراً بحب علي وفراقه ندى وبعدها يلتقون !! الى هني والوضع تمام التمام : ) ،
تيي المصيبه الأولى : المخرج يقول بعد 15 سنه ونتفاجأ ان كل شي على حطّته :D يعني بعد 15 سنه قفل خالد امين نفسه وشعر الهام مافيه ولاشيبه وليلحين على لبس السبورت خخخ وهدى حسين كانت تقول احنا بــ 2010 وبنتها عقب 15 سنه هم تقول ماما احنا بــ 2010 خخخ ؟!
وكمّلتها الكاتبه لما انتقلت هدى حسين تعيش ببيت طليقها أو اللي منفصله عنّه وتاكل وتشرب وتسولف وتحاول تجذبه لها وتكشخ له وتقوله تعال ابيك بموضوع < === مبالغات وبعيدة عن الواقع نهائي !!
بس النهاية واقعية ،،
## بوكريم برقبته سبع حريم ،
او بمصطلح آخر كومار برقبته 7 نفرات خخخ
حكاية ابتدتها الكاتبه بعبارة ( المسلسل خيالي ) وانا كنت متحمسه وتوقعته خيالي على شاكلة الفانتازيا أو خيال الأطفال الحلو لكن طلع ( صدق او لاتصدق ) ،، !!
جو الكآبة والنكد فظيع :confused: !
مبالغات غريبه عجيبه ،، وفي أحداث تكتبها وتنساها وفي اشياء مااكتملت !!
وين قصة امهم كريمه ؟! مافي نهاية واضحة لها !
نجيب المعقد بعد 20 سنه تنفك عقدتين منه بيوم واحد ،، هل يعقل ؟!
جوهره تربّي طفل بدون لايسألها ابوها عليه الا بمشهد واحد واكتفت بإنه يتيم ،،،، ؟!
بوكريم يموت ويحيى ،، ياقوته تموت وتحيى ،، ذهبه تموت وتحيى :eek:ماكان يكفي تتسوي هالطريقه مع واحد !!!!!!!!!!!!!!!
صرنا اذا طلع مشهد موت قلنا باجر بيقوم :p ،
وغيره وغيره وغيره ،،
والأخطاء الإخراجية فظيعه !!
مسلسل أقل من متوسط رفعه اداء سعد الفرج الرائع "وردة" وكاركتر يديد لــ ابراهيم الحربي بعد ادواره المتشابهه طول مسيرة الفنيّه !!
ايضاً بطلات العمل شالوه ،،
ياريت الكاتبه تفكّر جدياً بتغيير اسلوب السرد !
وتغيّر الممثلات أو توظفهم صديقات او جارات لأنها استهلكتهم حيل بأدوار الخوات !! يكفي اميمه وام البنات والحين بوكريم !!
## الدخيله
اللي مومتابع السّاحة الفنيه بيقول مسلسل عادي !! واللي كان متابع الحشاش وطريقة كلامه عن المسلسل بيقول هذا أيام الفرج بنسخه ثانيه ،
ولكن مايا ربع المسلسل :(
قصّه عادية ومخرج فاشل بالثلاثه !! ومادري ليش وانا اتابعه حسيت نفسي بمركب !! وايد مايل :confused: !!
حسباله قاعد يصور فيديو كليب 5 دقايق موو 30 ساعه !! ازعجنا وعوّر عيونا ،،
الأحداث الى الحلقه 13 كانت تعريف بالشخصيات فقط ،، وتصاعد بشكل كبير وبعدين طب مرة ثانيه !!
اجمل مافيه اداء هدى وهند اما خالد أمين بدع بس مونفس ماتعودنا عليه !!
ايضاً بنات هدى حسين لهم مستقبل خاصة هنوف ،،
## ساهر الليل 2 ( زينة الحياة )
نقدر نسميه العمل اللي ( حفظ ماء وجه الدراما الخليجية لسنة 2011 ) ،
جزء جميل ،،، بعد الطابع الرومانسي البحت في الأول قدر دحام يوصفلنا فترة الثمانينات انها جامعه بين الأثنين المادة والعاطفه ،
احداثه تسارعت بالحلقات الأولى وصارت بطيئه بعد الـــ 15 من رمضان عكس الأول اللي ابتدا بآآآرد وصار نار بالأخير !! ،،
الحلقه الأخيره رفعت من اسهم المسلسل بشكل كبير ،
ننطر ساهر 3 : )
## شوية أمل
هاجر ، حبيب ، فالح ، حصّة !! 4 شخصيات ابتدا فيهم المسلسل بأحداث رائعه وحبكه درامية واخراج متميّز "وردة"
كلنا قلنا هذا مسلسل السنه !
وهذا عودة زهرة عرفات !
ودور عمر حبيب ، أحداثه متسارعه وقصة حلوة عشناها 9 حلقات ومن بعد العاشرة لما كبرو العيال انقلب المسلسل :confused:
اولاً اختيار أغلب الأبطال ماكان موفق ( وايد باردين !! ) ،، ثانياً احداثه بطيئه جداً جداً ورتم المسلسل صار ميت ومافي آكشن ،،
وأحداث المسلسل انقلبت من شوية امل الى شوية وقاحه ،، وشوية قلة أدب ،،
معقول 3 حالات اغتصاب بمسلسل واحد ؟؟!!
دعاء الملتزمه فجأة تروح ديسكو ،، بالحلقه اللي وراها تفصخ الحجاب ،، وبعدها تشرب :confused: تغيير غير منطقي !!!
عمار يوصّي صديقه على زوجته مع ان اهله موجودين ولما تحمل منه يقولها بكل برود انسبيه لعمار وجنه الوضع بمسلسل تركي !!!!
ولكن للأمانه أكثر مسلسل نهايتة اقنعتني ،،
## بنات الثانوية
باختصار أخذ أكبر من حجمه بوآآآآآآآآآآآآآآآآآآآآآآآآآيد !!
الكاتب محمد النشمي صاحب السّلسله الأكثر جرأه بين المراهقين قرّر يحولها مسلسل ومن هني بدت الإشاعات وكملتها الشوشره بقناة الوطن اللي قدمت لــ دبي دعايه محصلتش :D والكل كان ناطر الساعه 9 اول يوم رمضان عشان نشوف شالسالفه !!
اكتشفنا انه مايشبه الروايه الا بــ اسامي ( الأبطال ) وقريب جداً من فلم mean girls ،، مغامرات 4 بنات من طبقات مختلفه الغنيه والجريئه والبريئه !!
اكثر شي قهرني بالقصّه البطله تتزوج بالأخير من الشاب اللي كانت تطلع من بيتهم الفجر ببجامتها واهلها نايمين وتركب معاه السياره :eek:!! هذي اسوأ رساله يقدّمها الكاتب ومخرجه لمراهقات الثانوية !!! ،،
كل عام وانتو بالف خير "وردة"،
شهر رمضان مر بسرعة البرق !!
ولكن الموسم الدرامي لم يمر بشكل سريع أوخفيف :D !! ثقيل على اصحابه من مؤلفين ومخرجين وممثلين ، ماأتوقع في احد ماانتقدوه خخخ
- اغلاط المخرجين زادت بشكل كبير جدا !! والبرودكاستات والتويتر انقلبت من متابعه الى تصيّد اغلاط ،
- ممثلين نزل مستواهم وايد وعلى العكس في وجوه جديدة وممثلين تعودنا عليهم بأدوار تقليدية وتغيرت النظرة وايد ،
##
##
## فرصه ثانيه
فكرة حلوة عابها الإخراج الـــ ميّت ! + تكرار أفكار وداد ( المال والسلطه ) لدرجة ماكان في مشهد يمر بدون الكلام عن ملايين تركي !!
حوارات راقيه واداء ممثلين عمالقه رفع من أسهم المسلسل وايد ،
النهاية غبيه جداً !!
تعودنا على النهايات المثاليات والشرير يصير طيب بس بهالمسلسل مثالية ماصخه !!
تركي الشهريار يتزوج 3 وكلهم يبي الأجر فيهم :confused:
وبدر ياخذ ثنتين ويموتون ببعض لا والأولى تحضر عرسها بعد !!
والثالثه تتزوج ريل اختها وماتصير بينهم حزازات !!
عموماً مسلسل مانقدر نعطيه أكثر من ،،، جيّد !!
## الملكه
من المسلسلات اللي خذت صدى كبير قبل عرضها بسبب شويّة كلام عن احلام وقصّة حياتها :rolleyes: المؤلف كان ذكي حيل بإختيار إسم المسلسل اللي خلانا نحرص نشوف اول حلقه ،، ثم الثانيه ،، ومن بعد الثالثة خفّت نسبة المشاهدة : )
قصّه عادية ،، ومملّة "باستثناء الثلاث حلقات الأخيره" !!
نقدر نسميها ( مذكرات مطربه ) اليوم راحت تعشت ،، باجر تسوقت ،، اللي عقبه فشل البومها ،، ووراه تهاوشت وي اخوها وهكذا !! كل العمل يدور حول يوميات هالملكه !!
اداء هدى حسين جيّد ولكن عابه أسلوب السّب اهي وبعض الممثلين !! + الصراخ الغير مبرر !!
كان ودي يطلعون تنويه نقصر على صوت التيفي قبل لاتصرخ لأنها مبالغه حدهآآ بالتون :o
والجمله اللي نسمعها بكل حلقه ( آآآآآنا الملكه آآآآآنا الملكه) ؟!
بطلة المسلسل شهد وايد عجبتني ،، نرجسيّتها وغرورها وأداء الشر ، والختام بموتها حتى لو كان نسخه عن فلم موعد على العشاء :D لكن أنانيتها وحب التملك خلاها تقتل نفسها وتقتله عشان مايكون لغيرها !!
ايضاً ( الإخراج ) مميز !
خالد الرفاعي طاقة قادمه وبقوة ،
## الجليب ،
مسلسل تنطبق عليه ( لعنة الثلاثين حلقه ) !!
اللي يتابع اول حلقتين وآخر حلقتين بيفهم السالفه خلاص !! عنصر التشويق والآكشن شبه مفقود ،، يعني كلنا ندري انهم ذبحو سعد وقطوه بالجليب ،، !!
كنا ننطر مشاهد الرعب اللي يتكلمون عنها لكن ماشفناها أكثر من حركات عبدالعزيز المسلم :D البدائية حيل حيل !!
عموماً المسلسل عودة لأم سوزان بعد إخفاق سنتين لكن ماأشوفه بمستوى الفريه او حتى الدايه !!
## علمني كيف أنساك
هالمسلسل خدمه مستوى الأعمال السيّئ هالسّنه :) ،، يعني ولو انعرض العام مثلاً محد بيلتفت عليه !!
بداية المسلسل كانت جيّدة جداً وحسيتها واقعية !! مروراً بحب علي وفراقه ندى وبعدها يلتقون !! الى هني والوضع تمام التمام : ) ،
تيي المصيبه الأولى : المخرج يقول بعد 15 سنه ونتفاجأ ان كل شي على حطّته :D يعني بعد 15 سنه قفل خالد امين نفسه وشعر الهام مافيه ولاشيبه وليلحين على لبس السبورت خخخ وهدى حسين كانت تقول احنا بــ 2010 وبنتها عقب 15 سنه هم تقول ماما احنا بــ 2010 خخخ ؟!
وكمّلتها الكاتبه لما انتقلت هدى حسين تعيش ببيت طليقها أو اللي منفصله عنّه وتاكل وتشرب وتسولف وتحاول تجذبه لها وتكشخ له وتقوله تعال ابيك بموضوع < === مبالغات وبعيدة عن الواقع نهائي !!
بس النهاية واقعية ،،
## بوكريم برقبته سبع حريم ،
او بمصطلح آخر كومار برقبته 7 نفرات خخخ
حكاية ابتدتها الكاتبه بعبارة ( المسلسل خيالي ) وانا كنت متحمسه وتوقعته خيالي على شاكلة الفانتازيا أو خيال الأطفال الحلو لكن طلع ( صدق او لاتصدق ) ،، !!
جو الكآبة والنكد فظيع :confused: !
مبالغات غريبه عجيبه ،، وفي أحداث تكتبها وتنساها وفي اشياء مااكتملت !!
وين قصة امهم كريمه ؟! مافي نهاية واضحة لها !
نجيب المعقد بعد 20 سنه تنفك عقدتين منه بيوم واحد ،، هل يعقل ؟!
جوهره تربّي طفل بدون لايسألها ابوها عليه الا بمشهد واحد واكتفت بإنه يتيم ،،،، ؟!
بوكريم يموت ويحيى ،، ياقوته تموت وتحيى ،، ذهبه تموت وتحيى :eek:ماكان يكفي تتسوي هالطريقه مع واحد !!!!!!!!!!!!!!!
صرنا اذا طلع مشهد موت قلنا باجر بيقوم :p ،
وغيره وغيره وغيره ،،
والأخطاء الإخراجية فظيعه !!
مسلسل أقل من متوسط رفعه اداء سعد الفرج الرائع "وردة" وكاركتر يديد لــ ابراهيم الحربي بعد ادواره المتشابهه طول مسيرة الفنيّه !!
ايضاً بطلات العمل شالوه ،،
ياريت الكاتبه تفكّر جدياً بتغيير اسلوب السرد !
وتغيّر الممثلات أو توظفهم صديقات او جارات لأنها استهلكتهم حيل بأدوار الخوات !! يكفي اميمه وام البنات والحين بوكريم !!
## الدخيله
اللي مومتابع السّاحة الفنيه بيقول مسلسل عادي !! واللي كان متابع الحشاش وطريقة كلامه عن المسلسل بيقول هذا أيام الفرج بنسخه ثانيه ،
ولكن مايا ربع المسلسل :(
قصّه عادية ومخرج فاشل بالثلاثه !! ومادري ليش وانا اتابعه حسيت نفسي بمركب !! وايد مايل :confused: !!
حسباله قاعد يصور فيديو كليب 5 دقايق موو 30 ساعه !! ازعجنا وعوّر عيونا ،،
الأحداث الى الحلقه 13 كانت تعريف بالشخصيات فقط ،، وتصاعد بشكل كبير وبعدين طب مرة ثانيه !!
اجمل مافيه اداء هدى وهند اما خالد أمين بدع بس مونفس ماتعودنا عليه !!
ايضاً بنات هدى حسين لهم مستقبل خاصة هنوف ،،
## ساهر الليل 2 ( زينة الحياة )
نقدر نسميه العمل اللي ( حفظ ماء وجه الدراما الخليجية لسنة 2011 ) ،
جزء جميل ،،، بعد الطابع الرومانسي البحت في الأول قدر دحام يوصفلنا فترة الثمانينات انها جامعه بين الأثنين المادة والعاطفه ،
احداثه تسارعت بالحلقات الأولى وصارت بطيئه بعد الـــ 15 من رمضان عكس الأول اللي ابتدا بآآآرد وصار نار بالأخير !! ،،
الحلقه الأخيره رفعت من اسهم المسلسل بشكل كبير ،
ننطر ساهر 3 : )
## شوية أمل
هاجر ، حبيب ، فالح ، حصّة !! 4 شخصيات ابتدا فيهم المسلسل بأحداث رائعه وحبكه درامية واخراج متميّز "وردة"
كلنا قلنا هذا مسلسل السنه !
وهذا عودة زهرة عرفات !
ودور عمر حبيب ، أحداثه متسارعه وقصة حلوة عشناها 9 حلقات ومن بعد العاشرة لما كبرو العيال انقلب المسلسل :confused:
اولاً اختيار أغلب الأبطال ماكان موفق ( وايد باردين !! ) ،، ثانياً احداثه بطيئه جداً جداً ورتم المسلسل صار ميت ومافي آكشن ،،
وأحداث المسلسل انقلبت من شوية امل الى شوية وقاحه ،، وشوية قلة أدب ،،
معقول 3 حالات اغتصاب بمسلسل واحد ؟؟!!
دعاء الملتزمه فجأة تروح ديسكو ،، بالحلقه اللي وراها تفصخ الحجاب ،، وبعدها تشرب :confused: تغيير غير منطقي !!!
عمار يوصّي صديقه على زوجته مع ان اهله موجودين ولما تحمل منه يقولها بكل برود انسبيه لعمار وجنه الوضع بمسلسل تركي !!!!
ولكن للأمانه أكثر مسلسل نهايتة اقنعتني ،،
## بنات الثانوية
باختصار أخذ أكبر من حجمه بوآآآآآآآآآآآآآآآآآآآآآآآآآيد !!
الكاتب محمد النشمي صاحب السّلسله الأكثر جرأه بين المراهقين قرّر يحولها مسلسل ومن هني بدت الإشاعات وكملتها الشوشره بقناة الوطن اللي قدمت لــ دبي دعايه محصلتش :D والكل كان ناطر الساعه 9 اول يوم رمضان عشان نشوف شالسالفه !!
اكتشفنا انه مايشبه الروايه الا بــ اسامي ( الأبطال ) وقريب جداً من فلم mean girls ،، مغامرات 4 بنات من طبقات مختلفه الغنيه والجريئه والبريئه !!
اكثر شي قهرني بالقصّه البطله تتزوج بالأخير من الشاب اللي كانت تطلع من بيتهم الفجر ببجامتها واهلها نايمين وتركب معاه السياره :eek:!! هذي اسوأ رساله يقدّمها الكاتب ومخرجه لمراهقات الثانوية !!! ،،