المساعد الشخصي الرقمي

مشاهدة النسخة كاملة : المسلسلات القديمه ماقامت تنعرض ؟

bujassim
04-09-2011, 03:23 AM
السلام عليكم

الحين اشوف وايد يعيدون مسلسلات بايخه والمليقه واللي كانت من فتره 1998-2010

او مرات يعرضون خالتي قماشه وعلى الدنيا السلام اللي مليون تعش مره يعيدونها ولو انهم ماينملون وحلوين بس لازم يغيرون

يعني في مسلسلات قديمه عمرهم ماعادوها عقب الغزو مع انهم حلوين او حتى بعد الغزو انعرضت جم مره وخلاص

الغرباء
عاد ولكن
خذ وخل
بوالفلوس
عبدالله البري والبحري
الطماعون
نصيب
شحيت ومحيت
زوجة بالكمبيوتر
باحث في الديرة
الى ابي وامي مع التحيه الجزأين


؟:confused:

اتمنى من القنوات تعرضهم
طلال مداح
04-09-2011, 04:38 AM
الى ابي وامي مع التحيه

يجي على نور دبي الساعة 1 ظهرآ بتوقيت السعودية

والله هالمسلسل احلى من جميع مسلسلات رمضان 2011

الله يرحم ابو صالح
الجنرال حسين
04-09-2011, 11:44 AM
معاك حق يااخوي مسلسل اول احلى بكثير من الي نشوفها الحين فيه مسلسلات

مثل مسلسل ابله منيره شفته من زمان مره وحده بس صج مسلسل روعه فيه مسلسل غداً تبدأ الحياة

مسلسل طيبه وبدر ومسلسل الماضي وخريف العمر وللحياة بقيه ومسلسل العائله وبدر الزمان وابن الحطاب يعني يحتاجون قناة كامله هذه المسلسلات بس منهو يسمع
كاتب نصوص
04-09-2011, 12:07 PM
الغزو اثر بشكل كبير جدا على تلفزيون الكويت..
لأن الجيش العراقي دمر وتلف اغلب الاعمال القديمة..
واللي تشوفونه الحين من اعمال كانت قبل الغزو ، كان ماتبقى من ارشيف التفزيون..
ومن خلال التجميع من القنوات والمحطات الخليجية اللي عندها الحقوق للأعمال..
عدا هالشي .. ماكو.. الجيش العراقي اتلفهن ودمرهن
مذيعة كويتية
04-09-2011, 12:40 PM
اتمنى يعيدون الاعمال القديمة احسن من هالسخافات اللي تعرض الحين
S.A.S
04-09-2011, 02:09 PM
قناة كلنا للكويت تعرض اعمال القديمة والنادرة
وهي من باقة تلفزيون الكويت واعتبرها القناة رقم 1 لانها مميزة ورائعة وكل خميس يحطون سهرة كويتية
بحر الحب
04-09-2011, 02:50 PM
اغلب عروض القنوات تكون للمسلسلات ما قبل عام 1986 مثل "رقية وسبيجة" و"درب الزلق" و"خالتي قماشة" ..
والمسلسلات ما بعد الالفين ..

اما مسلسلات التسعينات ضاعت ما بين الاعمال الخالدة والاعمال الجديدة ..
لكن قناة ( كلنا للكويت ) متميزة بعرض الاعمال النادرة رغم انهم يعيدون ويكررون نفس الاعمال من افتتاح القناة