المساعد الشخصي الرقمي

مشاهدة النسخة كاملة : مسرحية طارق العلي الجديده بوسارة في العمارة شف المقطع وحكم بنفسك على مسرحيات طارق العلي التافهه


اذكر الله2
07-09-2011, 07:01 AM
استخفاف بعقول المشاهدين وقلة حيا وادب

تابع من الدقيقة 09:55

http://www.youtube.com/watch?v=GCqp5zOZKxg

رونالدو
07-09-2011, 09:10 AM
ترا عيب عليكم كل واحد بينزل موضوع كتب عن طارق
ويكتب قله ادب طارق منو انت تكتب هل كلام على طارق ترا هو اول شي فنان كويتي ويمثل اسم
الكويت تكتب عنه هالكلام دول ثانيه تتمنى عندهم ممثل مثل طارق ونتم هنيه طايحين فيه سب وشتم

ابو فيصل
07-09-2011, 09:19 AM
بسال سؤال ليه كل المنتدى يكرهون طارق؟؟! مع ان طارق افضل فنان كوميدي خليجي في الفتره الحاليه

الشبل
07-09-2011, 11:10 AM
الجديده اسمها طرطنقي اما هذي اقدم منها

طارق العلي كوميدي خطير لكن آخر مسرحياته فيها قلة ادب واضحه

المقرود
07-09-2011, 12:44 PM
ياخي المسرحيه الجديده اسمها طرطنقي حتى كاتب الموضوع هدفه الاستهزاء بلفنان من العنوان مايعرف حتى مسيره الفنان طارق كاتب بوساره في العماره

BOMJDAD2
07-09-2011, 12:51 PM
ماراح تخلص هالمواضيع ..

ودام طارق هذا مسرحهه .. اكيد الكل بينتقده ويكره فنه .. مايكره شخصه

عابر سبيل
07-09-2011, 01:00 PM
ما أدري ليش الاخوان زعلانين من إنتقاد طارق العلي ,
كل واحد و رأيه و إنتقاده إذا أنت تشوفونها شيء عادي
في ناس تشوفها قلة أدب

اذكر الله2
07-09-2011, 01:34 PM
* انا اسف اخطأ حينما كتبت جديده وهم مني
* اشكر جميع من رد بعاليه
* والله حينما ننتقد شخص والله مانكرهه بس
اذا صار الفنان ماعنده شيء يقدمه للناس وبس هدفه اضحاك الناس
بأي طريقة حتى لو بقلة الأدب لازم يتوقف الفنان هنيه ويحترم عقل المشاهد. وسلامتكم

فهـد
07-09-2011, 02:33 PM
المسرحية ماتقدم بهذة الطريقة وفي كل مرة يخطي فيها طارق العلي بيكون مسموح
انا اذكر فيه مسرحية نسيت اسمها لعادل امام الآخ سب الحكومة اثناء عرض المسرحية وبعد انتهاء المسرحية تم القبض على عادل امام وسجنه لمدة لست متأكد منها ,,,, فبعدها اعتدل عادل امام في التمثيل واصبح يمثل بالمنطق وبالطريقة الصحيحه انا شاهدت مسرحية كويتية مثل فيها سعد الفرج وخالد النفيسي
رحمه الله وجابر النبهان وهي مسرحية شهيرة اتمنى من طارق العلي يبطل مسخرة ويشاهد التمثيل الاصيل ويقلدهم
افضل من تمثيلة الآن .. لآن بهذة الأدوار جمهورة اطفال فقط ..

بحر الحب
07-09-2011, 02:48 PM
مسكين طارق العلي ..
هو وزمرته يطرون الضحك من الجمهور كأنهم يقولون لنا : يرحم امكم اضحكوا احنا قاعدين انكت

وبعد كل مسرحية يطلع بوحمود في لقاء وينتقد الفنانين ويقول انهم شوهوا صورة الفن والمجتمع , يعني انت اللي مبيضها يا بوحمود يا حامي حمى الفن والاخلاق ..
مسكين

لحن المطر
07-09-2011, 03:04 PM
نحن نحب طارق ونشهد بأنه ممثل يجيد المبالغة في الشي حد الثمالة
لكن مبالغاته تقعنا في الاحراج وتخرج عن الذوق العام بصراحة
وهذا سبب نقده. وليس كرها فيه

رئيس قسم
07-09-2011, 03:14 PM
الى محبي مسخرة طارق العلي

ترضون اهلكم يسمعون ايحاءات طارق الجنسية او مسخرته من اي فنان لمجرد شكله او جنسيته ؟

اذا كنتم راضين فأقول لكم كفوكم هالفن

الدنيا لحظة
07-09-2011, 04:07 PM
طارق وايد وايد مصخها بمسرحياته الاخيرة !

خصوصا بمسرحيته بخيت وبخيته كلام ماينقال !

عباله للحين اهو مراهق عياله صاروا اطول منه واهو للحين هذي حركاته

team rocket
08-09-2011, 12:42 AM
بتوفيق لبو محمد افضل فنان كوميدي في الخليج اخر عشر سنوات

فهـد
08-09-2011, 12:47 AM
طارق وايد وايد مصخها بمسرحياته الاخيرة !

خصوصا بمسرحيته بخيت وبخيته كلام ماينقال !

عباله للحين اهو مراهق عياله صاروا اطول منه واهو للحين هذي حركاته

ههههههههههههههههههههههههههههههههه

الله يكون بعونكم والله انا ماحب اشوفة بس من جد احس انه مصخها كثير

كاظم
08-09-2011, 01:14 AM
بسال سؤال ليه كل المنتدى يكرهون طارق؟؟! مع ان طارق افضل فنان كوميدي خليجي في الفتره الحاليه

أفضل ممثل خليجي حاليا وسابقا هو عبدالحسين عبدالرضا وهذا رايك ولا ندري عنه او نسمعه بالكويت مع احترامي لشخصك ... داود حسين افضل من طارق من جيله وفي النهايه هذا رايك الخاص فيك وانت حر فيه

كاظم
08-09-2011, 01:17 AM
ما أدري ليش الاخوان زعلانين من إنتقاد طارق العلي ,
كل واحد و رأيه و إنتقاده إذا أنت تشوفونها شيء عادي
في ناس تشوفها قلة أدب

كلامك صح

اذكر الله2
08-09-2011, 01:49 AM
نحن نحب طارق ونشهد بأنه ممثل يجيد المبالغة في الشي حد الثمالة
لكن مبالغاته تقعنا في الاحراج وتخرج عن الذوق العام بصراحة
وهذا سبب نقده. وليس كرها فيه



أحسنت أخوي لحن نحن اذا انتقدنا طارق والا غيره مو كره له وش بيني وبينه

عشان اكرهه لايعرفني ولاعرفه

هرول
08-09-2011, 08:25 AM
ياخوي الي قاله طارق قالوه غيره ,,, ماجاب شيء جديد
ابو عدنان سواها كثير ترى .. بسوق المناخ خصائص
وبمسرحيات كثيره سواها وطب مابين السره الى الركبه
واخر مسرحياته قناص خيطان وسالفة التسليك .
طارق العلي الجميع لايحترم مسرحة لكنه مجبر يشوفه لانه الفنان الوحيد الي قادر على اضحاك الناس
ابد انا شخصيا ماحب مسرح طارق لكن مافيه مسرحية له الا وانا شايفها .
لاتسئل ليه .. طارق العلي ضيع المسرح وضيع عشاق المسرح معاه
الله يهديه

الشبل
08-09-2011, 09:01 AM
ياخوي الي قاله طارق قالوه غيره ,,, ماجاب شيء جديد
ابو عدنان سواها كثير ترى .. بسوق المناخ خصائص
وبمسرحيات كثيره سواها وطب مابين السره الى الركبه
واخر مسرحياته قناص خيطان وسالفة التسليك .
طارق العلي الجميع لايحترم مسرحة لكنه مجبر يشوفه لانه الفنان الوحيد الي قادر على اضحاك الناس
ابد انا شخصيا ماحب مسرح طارق لكن مافيه مسرحية له الا وانا شايفها .
لاتسئل ليه .. طارق العلي ضيع المسرح وضيع عشاق المسرح معاه
الله يهديه

صحيح ان بو عدنان قال في كم مسرحية ايحائات جنسية لكن مو الكل يفهم مقصده يعني ما ييبها مباشره مثل طارق و المشكله مو بهذي المشكله ان طارق يسوي كل شي عملي مو بس بالكلام مثل مسرحية بو ساره في العماره شوف وش سوى بفرحان العلي يمكن عشر إلى ربع ساعه و هو يضرب ....... بعد ما اقدر اقولها اما بو عدنان قليل ييب ايحاءات جنسية و مو الكل يفهمها بالإضافه الى ان بو عدنان مسرحياته هادفه مو مثل طارق صحيح انه مضحك بس مافي هدف بالمسرحية

الجنرال حسين
10-09-2011, 07:56 AM
طارق صار معروف بسخريته في المسرحيه للي معاه هذا شيء مفروق منه

كما انه اصبح اكثر سوء في مسرحية بخيت وبخيته حتى تعدى ذالك الى التعدي على الجمهور بشكل يخجل منه اي شخص ولي تابع طارق يعرف انه طارق ليس فنان وانما مهرج يحاول ان يضحك الجمهور بااي طريقه

اذكر الله2
11-09-2011, 07:05 AM
أشكركم أخواني على مروركم الغالي
أحد منكم شاف طارق يمد أيده على
ولده في مسرحياته كلش يطق خوياه
إللي معه ماعليه من عيال الناس أما
ولده مايطقه والله أن إللي يمثلون معك
فدغ يرضون على أنفسهم مالا يرضاه
طارق على ولده

كاتم العبرات
11-09-2011, 07:14 AM
ومن متى طارق العلي متألق في المسرح ؟

قدم اعمال في التسعينات كانت مرغوبه للجماهير مثل كامل الدسم وصح لسانك

أما مع بداية الالفية الثانية لم نشاهد له اي مسرحية هادفه وكلها اسفاف وتهريج ..

اذكر الله2
12-09-2011, 07:06 AM
مشكور اخوي كاتم على مرورك