مذيع سكوب الجديد مصخها مع ابراهيم الفريان !

[محماس]

سلام عليكم




ما ادري احد شاف منكم مقابلة الفنان السعودي ابراهيم الفريان مع المذيع الجديد في قناة سكوب امس ؟ والله فشلنا يا جماعة كل مره يدخل عرض على الضيف ويقاطعه ويسأل السؤال اكثر من مرة ولا عنده لباقة ولا تهذيب يطرح السؤال كأنه محقق او ضابط شرطة يا جماعة لهالدرجة يعني وصل الاعلام عدنا في الكويت حتى الفريان استغرب من المذيع وسأله شنو شهادتك قال له ثانوية عامة ! والله ابتلشنا بلشة في هالمذيعين الجدد
اسئلة سخيفة ويقاطع اكثر من مرة انا جاب لي الأعصاب شخصياً الله يساعد الضيف كأنه مسوي مقلب فيه مو مقابلة جادة

[ابو فيصل]

ممكن تعطينا رابط الفيديو ما عليك امر

[محماس]

والله لو عندي ما يغلا عليك هو مذيع جديد كأنه اسمه خالد مو متأكد يعني
بس بجد مذيع فاشل ما عنده لباقة

[The Red Blue]

الفريّان صار "فنّان سعودي" !!!!!

[فهـد]

كل مذيعين قناة سكوب فاشلين ومحدودين العلم

[عابر سبيل]

قناة سكوب قناة فاشلة و أغلب المذيعين سيئين و هذي عبء على الإعلام الكويتي
, أما بخصوص الفريان شخص يبغي يسوي شيء من عدم و هذا مستواه الصراحة
مذيعين فاشلين .. أتمنى أن ما نعطي الأشخاص أكبر من حجمهم و خاصة الي مالهم
موقع من الإعراب مثل الفريان و شاكلته ..

سكوب عبء على الإعلام الكويتي .. الفريان عبء على الإعلام السعودي

[فهـد]

عابر سبيل الفريان ليس الا مواطن سعودي يتنقل من مكان الى مكان
واكثر من مرة تم طرده امام الكاميرات اثناء اللقاء مع اكثر من لاعب

[كاتب مبتدئ]

اثنينتهم مالهم اي اهميه وحضرتك ياصاحب الموضوع معطيهم اكبر من حجمهم

على قولتهم:
عندهم ماعند يدي!

[بحر الحب]

منو مذيع قناة "ميكروب" الجديد ؟
خو هم كل فترة حاطين مذيعين مادري منين يجيبونهم ..

[فارس العنزي]

الفريان هذا ماترك أحد ماصور معاه ، حتى العمال صور معاهم

ناظروا هالصورة

http://www.fnkuwait.com/up/uploads/13156030991.jpg (http://www.fnkuwait.com/up/)

[محماس]

مذيع قناة ميكروب الجديد حاصل على شهادة ثانوية عامة ويقدم برنامج لا عنده اسلوب ولا لباقة ولا تهذيب يسأل الضيف سؤال وإذا يجيب عليه ما يعطيه فرصة يقول له بعد عندي سؤال مهم ! يعني والله خراطة يا جماعة على اقل ما عندك شهادة يا خالد مدري ويش اسمك خل عندك اسلوب في الكلام خل عندك فن الأتيكيت مو جذيه يقدمون برامج حتى ابراهيم الفريان وصفه بالمذيع المتسرع :)
يشهد الله انه جاب لي الاعصاب وكل مرة اقول في قلبي الله يساعد الضيف شكله جاه الضغط منه

البرنامج امس حاطينه يا ليت لو احد يعرف مقدم البرنامج شكله فاصل اعلاني حلو لازم نعرف اسمه
على ما اعتقد اسمه خالد بس خالد شنو ما ادري وهو كان مشارك بعد في برنامج على سكوب ليلة تعادل المنتخب الكوري مع الكويت وهو شاب ما يلبس ثوب يلبس بانطلون وقميص

ملاحظة : المذيع الجديد غطى على انور مال الله الله يذكره بالخير هههههههههههههه

[اللين]

من متى الفريان فنان ؟؟

وعلى اي اساس مقابلينه !

[محماس]

ولايهمكم يا جماعة ابراهيم الفريان ملك الفلاشات مو ممثل بس ويش اسم المذيع تكفون يا معودين تراه بيغطي على انور مال الله هههههههههههههههههههههههههههههههههه

[كاتم العبرات]

قناة سكوب عبء كبير على الفن والإعلام الكويتي الراقي

لكن الفريان ليس عبئاً على الإعلام السعودي , لأنه لايودي ولايجيب , ولم يضيف شيئاً للإعلام السعودي وليس له علاقة أبداً بالإعلام السعودي

وحتى قناة سكوب , على فشلها المفروض ماترتب معاه لقاء لأنه إنسان عادي ليس لدية إي إنجازات ليطرحها امام الجمهور

[أحمد سامي]

يعني ما أستبعد أنها تكون ملعوبة من الاثنين سكوب والفريان لعمل مسرحية سامجة وسخيفة على الهواء

[بو عوض]

الفريان هذا مفشل السعوديين .. وسكوب عار على الاعلام الكويتي ومسيسة حكوميا ;)

والتم المتعوس على خايب الرجا ... تبن في الاثنين :)