المساعد الشخصي الرقمي

مشاهدة النسخة كاملة : رآيــكم بالمسـلسل آلجديد ( مـآنتفق ) ..@ ونقآشاتكم للمسلسل

عزووووز
27-09-2011, 07:48 PM
بسم آالله
يعرض حاليا مسلسل جديد خليجي اماراتي بالتحديد بعنوآن مانتفق بطووولـه ,, ابراهيم الزدجآلي وبثينة الرئيسي و رؤى الصبان وبدريه احمد وزهره الخرجي وايمان سلطان ونخبه من النجوم ,,,\

العمل رومانسي جميل يتطرق لعده مواضيع مهمه

- يعرض على قناه ابو ظبي الساعه 11 ليلا وبعدها بساعه ابو ظبي+ بلاس

يتكلم عن الحب وفراقه ,,الخ

يتكون من 60 حلقه < مو متاكد

,, هل تتوقعون ان المسلسل ظلم بوقته او الاعلان عنه

http://www.elcinema.com/photolist/36/682a83666384b7a22622ab1ecd976dc6_123634090_127.jpg


اتمنى اي نقاش , اضافه للموضوع او اي شيء ماتقصرون "وردة" :)

ودمتم بود
عزووووز
27-09-2011, 07:49 PM
على فكره ايضا العمل كان من الممكن عرضه في رمضان لامن تاجل ولا اعرف الاسباب
ابو فيصل
27-09-2011, 08:03 PM
وش فيه ابراهيم الزدجالي؟؟؟؟؟!!!!! ما يعرف ينوع بالادوار مسلسل مانتفق دور ابراهيم الزدجالي نفس دوره بليلى!!!!!!!! مدري ليه ابراهيم يحب مثل هالمسلسلات اتمنى منه انه ينوع بادواره شوي مايدخل في عباءة الرومانسيه والمسلسل نوعا ما جيد بس انتقادي كان لابراهيم الزدجالي فقط لو قدم الدور فنان اخر غير ابراهيم لكان الدور اصبح رائع ملينا من ابراهيم بصراحه 3 اجزاء في ليلى و60 حلقه في مانتفق!!!!!!!!!!!!! خلاص مانبي لابراهيم ادوار رومانسيه
الصراحة
27-09-2011, 08:26 PM
المسلسل ممل و خربو عادات وتقاليد الامارات ههه ما اقصد المواضيع شي ثانية
المسلسل ممل و قصتة نفس ليلى و اوراق الحب وكلهم مليقين
>< ساره ><
27-09-2011, 10:17 PM
مسلسل ( هادي ) اجواءه تشبه لي حد كبير أوراق الحب ،
ولكن هني "زادو حلقاته" وصارت 60 ،

القصه بارده جداً جداً جداً وكان ممكن يخلونها تصير 30 !! بس الستين حلقه مالها الا تبرير واضح واهو تقليد اعمى للمسلسلات التركية :o

ولكن المسلسلات التركية ماتركّز عالبطلين وأطراف المسلسل تعطيها طاف !! بهذا ماأشوفهم مركزين على باجي النجوم ماعدا مشاهد "سطحية" ومانطلع منها بفايده الا زيادة وقت !!

أحداث المسلسل تنقصها حبكة درامية :confused:
احياناً تصير اشياء مالها داعي وأشياء ماكان لازم تصير وهم وأشياء مادري ليش تصير !!
مثلاً ميرا مطلعينها الشخصية القيادية اللي "تكره الخضوع والاستسلام للرجل" بس ماكان في أي موقف خلال الحلقات يبيّن ان خالد متسلط ولايحب يسيطر عليها !!
ومشهد تركهم لبعض بقمة السخف والتفاهه !! لأنهم خلقو مشكله من ولاشي :confused: ( تتخيل انه خانها وتقوله اذا خنتني بخونك واهو يعصب لأنها تفكر بالخيانه ويهدها ) < === مشهد سخيف مايليق ببنت تحضّر ماستر ودكتور يعني مثقفين مومراهقين !!

ثانياً كانت ترفض منه اي ورد وهدايا وتصده أيام لما كان يبي يرجع علاقتهم وفجأة تقبل منه ورده وتقعد تسولف معاه واهو خاطب !!

ميسا بنت العم اللي وصلت للسحره والمشعوذين عشان تخلي خالد يحبها فجأة لقيناها مومهتمه فيه لما خطب ولاصارت اي ردة فعل لها جنه مايعنيها بشي ولاكانت ميته عليه !!!!

بنت عمتهم مادري خالتهم مادري اختهم من أبوهم "بدرية احمد" تتهاوش وي ولدهم ويقعدها بالبيت بدون شغل وإخته تسافر وترجع بروحها برضى أبوها !!
وين ابوها عن بنته الثانيه يوقف معاها ضد ولده ؟! :confused:

وغيره من المواقف اللي تبين ان الكاتب "مبتدئ" ومافي سيناريست شاطر يساعده مع ان المسلسل 60 حلقه وفي كمية شخوص ممكن يثريها بأحداث وايد !!

##
##

الزدجالي اموت واعرف منو اللي قايلهم انه ( دنجوان ) الخليج !! تمثيله بايخ بايخ بايخ حيييييييل ومتصنّع !! غير انه كبير حيل عالدّور ،
بثينه الرئيسي اللي اسميها من شلة ( أم البنات ) مع انها اقلهم جماهيرية بس هالبنت ذكيّه وتعرف تختار أدوارها "وردة"
رؤى الصبان ويه ناعم وبريئ بس قدرت تسوي الشر والغرور كلّه !! كـــ أول او ثاني مسلسل لها جيدة : )
زهرة الخرجي مثل ساهر الليل 2 تمثيل بآآآآرد !!
ليلى السلمان هذي ماتنفع الا بالشر والشر بس :D

بالنسبة لــ توقيت العرض بالعكس مافي أنسب من الساعه 11 !! توقيتهم ممتاز ،،
والاعلانات كانت من رمضان ،،
كوكب السلام
27-09-2011, 11:42 PM
مسلسل ممل وبطىء الاحداث اللهجة محد ظابطها والقصة سخيفة وشي ثانى سوء اختيار الممثلين وخاصة ابراهيم الزدجالى غير مناسب ومنفر وما فيه اى رومانسية بصراحة ما قدرت اتابعة حوسه هالمسلسل مع انه مبين مصروف عليه انتاجيا بس خسارة ضاع
ويلومنا ليش نشوف المسلسلات التركية شوفو وتعلمو اشلون يختارون الممثلين