أفضل لقطة في مسرحية بخيت و بخيته - التي غفل عنها الكثير !!

[نور العيون1600]

الـــسلام عليـــكم


مسرحية بخيت و بخيته انتشرت على نطاق واسع في الكويت و الخليج
لكن ما الذي انتشر منها ؟! "تعرف عايض" و القطات البسيطة اللي تعطي جو كوميدي
و تهيء إيصال الفكرة للمشاهد

نعم قد يكون خطأ من المسرحية نفسها لكن هناك مسؤولية على عاتق المشاهد أيضاً
http://www.youtube.com/watch?v=dtnuwc7jeiY&feature=player_embedded
لماذا لم يتم التركيز على هذه اللقطات ؟

نتمنى من طارق العلي التركيز أكثر على الهدف من المسرحية
كما نتمنى أن احنا نركز على الهدف الرئيسي و المفيد




بالتوفيق

[الصراحة]

ما تترقع

هالكلام يقوله بكل مسرحية
بس بعدين يسفل فيهم !!!

[ولد الشرقية]

صراحة لقطة رائعة جدا

واتمنى اكثار من طارق له اللقطات الي استميد

منها عودة طارق القديم

[الجليب]

صراحة لقطة رائعة جدا

واتمنى اكثار من طارق له اللقطات الي استميد

منها عودة طارق القديم


الجمهور الكويتي ما يدري عن هوى دار تمثيييييييييل طارق العلي الاخير على المسرح وانتو تعديون شريط الجمهور الكويتي سابقا خلاص طارق مسرحياته تزداد سوءا ولا لقطة اعجبتنا ولا لقطة واحده من متى طارق العلي كان فنان مو سخيف !!! هذي سخافة وين عبدالحسين ووين طارق

اعتقد انكم اكبر شوي من سخافة طارق العلي وانا ادري تتكلم عن لقطة ولكن خلاص ما ينفع ما تفيد هاللقطة الوحده على مسرح بكبره فااااشل ومافيه طرح والجمهور مع احترامي اختلف عن الجمهور السابق وصاير يقيم الاعمال على كيفه ومزاجه بدون تفكير ..... الشرهه على الجمهور اللي يحضر له لانه ما يعرف شي اسمه مسرح او معنى المسرح !!!!!

اذا الجمهور اختلف اكيد الفنان يختلف وممكن يكون العكس صحيح من حيث نوعية الجمهور ... فمن الافضل التوقف عن المسرح وهذا يعتمد على طارق واحساسه وتفكيره ولكن منو اللي يطلب منه الاستمرار ... هو جمهوره المؤجر كثيييير المجاملات فالفنان لازم يشوف مصلحته قبل جمهوره اللي ينزله ما يرفعه فيعتقد الممثل انه في القمه واللي ينتقده حاسد وحاقد

هذا الكلام لازم يسمعه طارق

[ابو فيصل]

هذا رد على اعداء هذا الفنان القدير

[>< ساره ><]

هالترقيعه ضحّكتني أكثر من كلامه بخصوص عايض يوم يقول ( فهمتوني غلط ) خخخخ
طارق بكل مسرحياته ( الإرتجاليه ) يتكلم ويتكلم ويقط حجي يخدش حياء الناس !! واخر شي بعشر دقايق يتكلم عالدين والوطن وحب الكويت والسنه والشيعه وهذا الوطن مانبيعه :p ،

ماتترقع !!

[بحر الحب]

وأنا أطالع الفيديو جتني نوبة ضحك غير طبيعية .. صاحب الفيديو الظاهر انه من عالم ثاني وثاني حيل ..
وهي محاولة "باهتة" الهدف من خلالها تحميل الجمهور الذنب وتبرئة الفنان طارق العلي من المسؤولية ..

لأن طارق قبل عرض المسرحية بفترة أسبوعين وكان هالكلام في رمضان 2010 أقام حملته الاعلامية "الماصخة" التي من خلالها قام بدوره الاعلامي السنوي المعروف قبل كل تفاهة يقدمها على المسرح .. حيث "التهويس" و "التطبيل" و "التزمير" و "الردح" حتى ينشر أكاذيبه ونفاقه الفني أمام الجمهور .. والمساكين هم من يصدقوه

وكان له تصريحات من خلال هذه الحملة .. حيث قال بأن المسرحية ستناقش موضوع الوحدة الوطنية الذي أرق الشعب الكويتي وأصبح حديث الناس و.......ألخ من الكلام المستهلك السهل قوله , ويبدو أن هذا الموضوع أرق منام طارق العلي فقدم لنا هذه المسرحية العظيمة "بخيت وبخيتة" !!
والدليل انه خصص منها 4 دقائق كاملة عن هذا الموضوع !! و 4 دقايق يا جماعة مو شوية أبدا ..

وطارق .. اعترف قبل فترة بأنه هو وشلته يقدمون "تهريج" من اجل اضحاك الجمهور .. وانه "مهرج" تصطف الطوابير امام مسرحه حتى يضحكون وينسون همومهم اليومية
طيب يا مهرجين .. بما انكم تعترفون بانكم تقدمون تهريج وان زمن مسرح القصة والقضية انتهى وان مسرحم خالي من هذه الامور , ليش تسوون حملة "ردح" اعلامية قبل المسرحية بأنكم راح تناقشون الموضوع الفلاني والموضوع العلاني وبالاخير ماكو !!!
السبب معروف .. لانكم مو واثقين باللي تقدمونه وما يشفي غليلكم وتحسون بالنقص الفني حالكم حال كل ناقص ومختل , لكنكم مجبورين على هذا الاسفاف اللي تهدفون من وراه الى كسب ملايين الدنانير من ظهر المشاهد المسكين

ويبقى القول إن الكلام اللي قاله طارق في الفيديو هو كلام مستهلك وسبق انه قاله في كل مسرحياته , وهو أداه من أدوات مسرح طارق السنوي ..
مثلا طوال المسرحية موضوعه عن : البدوي يسوي كذا والحضري يسوي كذا والشيعي كذا والسني كذا و....الخ , وفي نهاية المسرحية تأتي الجملة الاسطوري من لسانه : احنا عيال ديرة وحده !!


صباح الخير بالليل .. يا بوحمود

[كاتب نصوص]

اتفق مع بحر الحب ،،

طارق يشوه المسرح كل سنه .. يعني أنا لما اتابمع مسرحياته ما احس في قصة
الشخص نفسه الذي يستهبل ويستعبط على الممثلين ويخرج عن النص بشكل يشق فيه الروح الفنية في العمل
يعني ما احس ان هالعمل متعوب عليه او نص معتمدين عليه ،، كل اللي يقوله ارتجال على المسرح
وماكو شيء بالنص عشان يقوله .. واكبر دليل على ان اغلب اللي يقوله ارتجال ، ضحك الممثلين معاه
بالمسرح وضحكهم شيء غريب لأن لو كان هالجمل اللي يقولها متفقين عليها ومسوين لها بروفات
كان ما ضحكوا!!

بعدين اللي يقدمه طارق ساعات مو تهريج فقط بل تعدى هالشي بمراحل وخش في " المصخرة "
ينقز ويركض ويلعب ويتشقلب وكانه يقول تكفون اضحكوا تكفون !
مافي قصة ولا حبكة ولا شيء يجذبني للمتابعة!
بعض الأعمال ماتضحك .. لكن تخليك تنجذب للنهاية ! فأعمال طارق لا قصة ولاجذب ولا كوميديا!

ناهيك عن الإيحاءات الجنسية في أعماله الواحد يستحي يتفرج عليها اهو واهله!
مسرحية خاربة خاربة اتحدى اي واحد يتفرج عليها مع العايلة ! مستحيل الا اذا كان ....!

وبالنهاية انا احب طارق كشخص متواضع وحبوب لكن هذا لا يمنع اني اخليه يصحى من غفلته!

وعذرا ع الإطالة

[كفاح]

هههههههههههههههههههههههههههههههههههههههه

أكثر شيء يضحكني يوم تكون المسرحية 4 ساعات بدون هدف وفي أخر عشر دقايق تكون هادفه ويطلقون عبارات رنانه اضحك على هذه العبارات مثل أخوان سنه وشيعة هذا الوطن مانبيعه وغيرها من العبارات

يا اخي أحنا من يوم ماعرفنا المسرح وهو من بداية ظهور أول بطل فيه إلى أخر المسرحية وأنت تاخذ منها ألف عظه وعبره وكلام يصدر من فنانين ثقال لهم وزنهم فاهمين بالسياسة وفاهمين هم يتكلمون عن إيش

كل الشكر على الموضوع

[team rocket]

ههههههههههههههههههههه بحر الحب انا مادري ينكت ولا شنو
ضحكتني جملته الاخيره احنا عيال هاديره اقولكم ان طارق العلي ممثل اسطوري ماحد صدق