تمثيل أسوأ من السيء.....أين هو المخرج يا عالم؟!

[MemoryDisaster13]

السلام عليكم "وردة"

طبعا مسلسل سيدة البيت لحياة الفهد لازال في بدايته, فلا نريد الحكم عليه مبكرا, رغم أني حاس بأن مافي شيء يبشر بالخير من ورا هالعمل. القصة شكلها تقليدية مملة, حوار أسخف من السخيف, أغلب الممثلين مالهم حضور.....شنو ممكن يصبرني على العاهات! أداء الممثلين طبعا, لو كان أدائهم حلو و ناس عندها على الأقل أبسط أساسيات التمثيل, ماقلنا شيء, لكن اهني زبدة الموضوع والشيء اللي قاهرني من كم سنة وألحين ماقدرت اسلك لهم أكثر :mad:. التمثيل السيء اعتقد في منه نوعين, النوع الاول التصنع و النوع الثاني "التسميع حرفيا", اللي اعتقد أنه لايوجد في أي وسط فني سوى الوسط الفني الخليجي. أين المخرج عن أشباه الممثلين هؤلاء! يعني على أساس أنهم ممثلين كومبارس مايهتم بأدائهم! خصوصا الأطفال, مايصير نسلك لهم على أساس أنهم توهم صغار, ترى في ممثلين صغار عندهم موهبة. ممثل يسمع الحوار تسميع كما لو كان يمثل عمل مدرسي مسرحي ابتدائي, أين المخرج عن هالدخلاء بحق؟! أم سوزان في مسلسلها الجديد مشاء الله, مجمعه ممثلين وايد عليهم كومبارس و حاطتهم في أدوار رئيسية, مثل الممثلة اللي تمثل دور بنتها الصغيره, اللي شافوا الحلقة الاولى و الثاني, شفتوا أداء هالممثلة الصغيره؟ هذا هو اللي أتكلم, وطبعا في اللي أخس, تسميع الحوار تسميع, كما ولو أنه خطاب في طابور المدرسة الصباحي, لا تفاعل في الكلام أبدا و تعابير وجه بااااااااارده, يعني على قولة ليدي غاغا Poker face :D, لكن جد الموضوع مهم, إذا كنا نبي الفن الخليجي يرتقي, فأول و أبسط خطوة نقدر نسويها أبعاد هؤلاء الدخلاء.

مايشوفون الأعمال برع, لاسيما الاعمال الاجنبية, المخرج يتعب على الكاست و كل شيء تعب كبير. أصلا أنا أشك أن ممثلين هوليوود نفسهم ممكن أداءهم يكون بنفس الجودة اللي نشوفها لو كانت الأعمال اللي يشاركون فيها من إخراج مخرجينا, اللي اقصده أن هالأداء اللي نشوفه منهم مايطلع الا لأن المخرج عادي يعيد مشهد مدته دقيقة مئة مرة أو أكثر لين مايصيد منهم أحسن أداء. ترى ممثلينا ممكن يكون أداءهم بهالجودة, لو بس مخرجينا يهدون عنهم الاستعجال و يتابعون في أعمالهم كل صغيره و كبيره, مو بس لأن هالممثل شبه كومبارس اخليه يمثل شوي و يمشي, لازم اتذكر شيء اسمه "جودة".

أنا والله ماحدني اكتب في هالموضوع نصايف الليل الا من القهر اللي ماقدرت اسيطر عليه. صاير الوضع عندنا أن لازم تقريبا كل مسلسل يكون فيه ممثل أو ممثلين يسمعون النص تسميع, وانتبوا أنا مااقصد الممثلين اللي يتصنعون أو اللي مثلهم, هاذلين على الأقل يحاولون يندمجون مع الدور, لكن اللي أتكلم عنهم النوع اللي يسمع تسميييييييييييييع :mad:. ليش هالشيء بس عندنا في الخليج :(, تخليوا لو باكر واحد من أعمالنا اللي فيها هالنوعية من الممثلين تطب في يد أجانب, قسم بالله فشلة :eek:.

هالموضوع مهم جدا جدا جدا جدا جدا جدا جدا جدا جدا جدا :mad:
ضروري يكون موضوع تفاعلي عسى بس ندور حل لهالمشكلة :mad:, لا حول ولا قوة الا بالله :mad:

تحملوا تطنشون الموضوع, ترى ازعل :D:mad:


"وردة""وردة""وردة""وردة""وردة"

[>< ساره ><]

علقت على الحلقتين الأوائل بموضوع ثاني ،،،
للأسف كنت متوقعه شي سيئ من الكاست والكاتب الفذ + المخرج اللي مافي برصيده الا مسلسل واحد لا وياريت ناجح بعد :confused: بس ماتوقعت مستواه جذي !!!!!!!


ماأدري ليش ام سوزان ناويه تهدم تاريخها بإيدها !!!!
هل تحس انها كلما قدمت الناس بتصفقلها ؟! أو ماتقرا ردود الناس على اعمالها ؟!
ولاتقرا وماشيه على العناد وكل شي اسويه صح ؟؟؟؟

ليش صايره من سيئ لأسوأ !!!!
حتى تمثيلها عليه علامات استفهام :(




http://a1.sphotos.ak.fbcdn.net/hphotos-ak-ash4/397833_302591409782949_246290728746351_798880_8094 00837_n.jpg



[ شفت سيدة البيت حلقه 1 + 2 ]

خفو علينا ياساهر الليل خخخ
حطو صورة بابا جابر وسعد ومباراة كاس الخليج يعني بالتسعينات

شقول وشخلي ؟!
انا طفارتي الشخصية الشريرة بس ليش شريرة ؟! الله اعلم :confused:
وحده تصرخ بدون سبب وتكره بناتها بدون سبب وقاسيه على مرت ولدها بدون سبب وطيبه مع آخر العنقود هم بدون سبب ،،!!
90% من حوارات المسلسل نناس تكلم روحها :D
وموسيقى الرعب اللي تطلع كل شوي على بالي ذاا قراج شسالفة امها ؟؟؟!

غير البدليات الفظيعه !!
الحين ساره تحطها بنتها :o وزوجها مع الكاس ووحده ماينطل بويهها عساس صديقته وكاسين وطآآآخ بصحتك اما ريل ناديه هذا شنو ؟! مالقو ممثل أجنبي احسن منه ؟!
ولازوجة مشاري البلام اهي وباروكتها !!!


بس شنقول دام النشمي الكاتب والمنتج البذال ،، !

[shakoor]

المسلسل لسه ببدايته وصعب نحكم عليه

وليلحين فيه ناس كثيييير ماشفت الحلقتين الاولى

ولزما جميع الناس تشووف العمل للحلقة الاخيرة ومن ثم الحكم عليه


واكيد وانا متاكد من هالشي ان هناك ناس كثييير عجبهم العمل واول حلقتين !!

فالاذوااق مختلفة ،،

[MemoryDisaster13]

علقت على الحلقتين الأوائل بموضوع ثاني ،،،

للأسف كنت متوقعه شي سيئ من الكاست والكاتب الفذ + المخرج اللي مافي برصيده الا مسلسل واحد لا وياريت ناجح بعد :confused: بس ماتوقعت مستواه جذي !!!!!!!


ماأدري ليش ام سوزان ناويه تهدم تاريخها بإيدها !!!!
هل تحس انها كلما قدمت الناس بتصفقلها ؟! أو ماتقرا ردود الناس على اعمالها ؟!
ولاتقرا وماشيه على العناد وكل شي اسويه صح ؟؟؟؟

ليش صايره من سيئ لأسوأ !!!!

حتى تمثيلها عليه علامات استفهام :(



مشكورة أختي سارة على الرد "وردة"

طبعا أم سوزان و تدني مستوى أعمالها في الفترة الأخيرة, هذا بحاله يبيله موضوع.

حتى لو قصة المسلسل أسخف من السخيفه و المخرج مو ذاك الزود, أقل شيء يقدر يسويه عشان يمشي العمل أنه يوجه الممثلين, وفي نفس الوقت يشتغل مع الكاتب على بعض حوارته و بعض المشاهد, لانه فعلا فيه حوارات سخيفه جدا حتى الممثل المحترف صعب يترجمها على الشاشة بشكل حلو. أنا يوم كنت أشوف الحلقتين انصدمت من بعض الممثلين, مافي أي تفاعل مع الدور و لا حتى شوي, انزين يمكن يكونون مرتبكين لكن وين المخرج؟! مسؤوليته يشتغل عليهم عدل. نفسي أحد يسوي مقابلة مع واحد من مخرجينا و يقولون لهم ليش ترضون بتمثيل التسميع حرفيا في مسلسلاتكم! ماتهمكم جودة الأداة, ماتدرون أن هالعمل راح يكون محسوب على الخليج!

اوكي مو مشكلة, كل هذا و سلكناه, لكن حتى أم سوزان أداءها مادري شلون صاير :(. أنا كنت أقول حتى لو الممثلين مو شي, على الأقل أم سوزان موجوده, لكني انصدمت أن حتى هي تمثيلها نزل مستواه وايد, والمشكلة مافي ممثلين غيرها يقدرون يشيلون العمل! والله يوم شفت أداءها على طول تذكرت كلام خالد أمين يوم قال بأن الموهبة شيء مؤقت إذا ماصقلناه بالعلم راح نوقف عند نقطة وماراح نقدر نستمر, والله وصدق الريال.

أما الكاتب محمد النشمي, فلا جديد منه. أسلوبه حده قديم. احنا نبحث عن التطوير في الدراما الخليجية و الابتعاد عن التقليدي, فإذا تكنيكه بهالطريقة, ماراح يقدم لكنه راح يأخر في تطور الدراما الخليجية. شوفوا مثلا مسلسل بين الماضي والحب, مختلف جد جدا عن كل الأعمال الخليجية, طبعا السبب أكيد أن الكاتب برازيلي, فنحس بنكهة مكسيكية :cool:, و هذا هو اللي نطلب مثله, والنشمي مو الوحيد اللي اقصد, حتى كتاب مثل الحشاش و العليوة, على الأقل العليوة حاول يقدم شيء خارج عن المعتاد في مسلسل الملكة. طبعا أكيد مااقصد شيء مختلف مثل خبال بوكريم :mad:.

[MemoryDisaster13]

المسلسل لسه ببدايته وصعب نحكم عليه

وليلحين فيه ناس كثيييير ماشفت الحلقتين الاولى

ولزما جميع الناس تشووف العمل للحلقة الاخيرة ومن ثم الحكم عليه


واكيد وانا متاكد من هالشي ان هناك ناس كثييير عجبهم العمل واول حلقتين !!

فالاذوااق مختلفة ،،


مشكور أخوي شكور على الرد "وردة"

الزبدة من الموضوع مو رأيي حول مستوى قصة المسلسل, الموضوع عن تمثيل التسميع حرفيا و دور المخرج في السماح لمثل هذا الأداء المخجل أن يظهر على الشاشة. شنو يحس فيه وهو يشوف هالأداء جدامه؟ شنو يحس فيه و هو يشوف هالأداء أثناء مرحلة المونتاج للعمل؟ اشلون يعني, مايهمه أن العمل خليجي و راح يحسب على الخليج! يعني الوسط الفني الخليجي صار وسط احتضان المتردية و النطيحة :mad:!

[shakoor]

ههههههههههههه

ياعزيزي ،، هذا مو أول عمل يطلع بهالشكل (( للعلم ماشفته ليلحين ))

بس متأكد ان فيه اعمال عرضت قبله كانت اسوأ منه بمليوووووووووون مرررة

والاعمال السيئ مستمررررررة وبتستمر يالغالي

لان الفن الخليجي شارف على نهايته وموت ابداعه ،،

اخر اربعه اعوام او اخر ثلاثة اعوام بالتحديد لم يوجد عمل كان متميز 100%

جميع الاعمال كانت فيها اخطاء اخراجية وانتاجية وتمثيلية ايضا

تحصل واحد يبدع او اثنين والباقي ادائهم سيئ

وفيه اعمال مافي ولا واحد ابددع فيه !!

هالاعمال السيئ شكلنا بنتعود ان احنا نشوفها باستمرار ^^

[MemoryDisaster13]

ههههههههههههه

ياعزيزي ،، هذا مو أول عمل يطلع بهالشكل (( للعلم ماشفته ليلحين ))

بس متأكد ان فيه اعمال عرضت قبله كانت اسوأ منه بمليوووووووووون مرررة

والاعمال السيئ مستمررررررة وبتستمر يالغالي

لان الفن الخليجي شارف على نهايته وموت ابداعه ،،

اخر اربعه اعوام او اخر ثلاثة اعوام بالتحديد لم يوجد عمل كان متميز 100%

جميع الاعمال كانت فيها اخطاء اخراجية وانتاجية وتمثيلية ايضا

تحصل واحد يبدع او اثنين والباقي ادائهم سيئ

وفيه اعمال مافي ولا واحد ابددع فيه !!

هالاعمال السيئ شكلنا بنتعود ان احنا نشوفها باستمرار ^^


إذا على أسوأ فالأسوأ موجود, لكن تفائلو بالخير تجدوه :cool:. أنا ماشوف أن الفن الخليجي شارف على نهايته, كنت أقدر أقول هالكلام قبل عام 2008, لكن طبعا هالوسط يبيله تنظيف عدل من الدخلاء. فإنشاء في المستقبل القريب ماانشوف هالشيء, يعني عندك قبل كم سنة كانت المسلسلات الخليجية بشكل عام تعاني من طبع خايس اللي هو مكياج الأعراس, الحمد الله عاهة وخلصنا منها مثل ماخلصنا أو بدينا نخف من عاهات ثانية, فليش مانقدر نخلص من أشباه الممثلين! ;)

[shakoor]

مافي شي مانقدر عليه

واكيد امنياتي ان هالشي نتخلص منه عن قريب ونشوف اعمال تخلد بالتاريخ او على الاقل تكون رائعه ونستمتع واحنا نشوفها

واكيد الامل موجود مهما يكون والامل مستحيل يفقد ويكون مفقود
بس حاليا مافي احد متحرك !! وشكل الامور بتطول !

لكن الامنيات اكيد كلها منصبة على اصلاح الفن الخليجي وتعديله (( او تنظيفه مثل ماذكرت ^^ ))

[الجليب]

إذا على أسوأ فالأسوأ موجود, لكن تفائلو بالخير تجدوه :cool:. أنا ماشوف أن الفن الخليجي شارف على نهايته, كنت أقدر أقول هالكلام قبل عام 2008, لكن طبعا هالوسط يبيله تنظيف عدل من الدخلاء. فإنشاء في المستقبل القريب ماانشوف هالشيء, يعني عندك قبل كم سنة كانت المسلسلات الخليجية بشكل عام تعاني من طبع خايس اللي هو مكياج الأعراس, الحمد الله عاهة وخلصنا منها مثل ماخلصنا أو بدينا نخف من عاهات ثانية, فليش مانقدر نخلص من أشباه الممثلين! ;)

يا اخوي انا وايد فخور بثقافتك الفنية انت تمتلك ثقافة فنية ورؤية عين ناقد صحفي للامانه فنصيحتي لك انت روح صير ممثل او ناقد فني يعني ما شاء الله اي مشاركة تتركها بالشبكه تدل على نك النيم الخاص فيك يعني وزارة الاعلام لو قروا كلامك راح يبنون مسارح متطورة وعلى أعلى المستوى لانك واحد من الجماهير الفنية باختصار شديد انت جزء من محور الفن .. والدخلاء راح يعانون الضيم والويل منك فياريت تكثر من الوجوه بمشاركاتك لانها تضيف الى الرسالة اللي بتوصلها.... ومثل ما يقولون بتحرق الغرقان اثناء غرقه وتنهيه !

[MemoryDisaster13]

يا اخوي انا وايد فخور بثقافتك الفنية انت تمتلك ثقافة فنية ورؤية عين ناقد صحفي للامانه فنصيحتي لك انت روح صير ممثل او ناقد فني يعني ما شاء الله اي مشاركة تتركها بالشبكه تدل على نك النيم الخاص فيك يعني وزارة الاعلام لو قروا كلامك راح يبنون مسارح متطورة وعلى أعلى المستوى لانك واحد من الجماهير الفنية باختصار شديد انت جزء من محور الفن .. والدخلاء راح يعانون الضيم والويل منك فياريت تكثر من الوجوه بمشاركاتك لانها تضيف الى الرسالة اللي بتوصلها.... ومثل ما يقولون بتحرق الغرقان اثناء غرقه وتنهيه !

وأنا ياخوي أصفق لك تصفيق حار على هالرد الحلو, أنت شكلك واحد من الناس اللي بس يحبون يتشمتون بالوسط الفني الخليجي و أنت بروحك خليجي. يعني على كلامك اشرايك تطالب بإغلاق هالموقع بكبره مرة وحده, لأني مااعتقد أن أي موضوع انكتب أو بينكتب راح يقدم أو يأخر في مستوى الفن عندنا, ليش ننتقد ونطالب بالأحسن! خل بس نمدح و نستانس بالأعمال اللي برع و نسب و نذم بأعمالنا, لا تفكيرك عجيب عجيب :), تبي تفهمني أني غلطان يوم نزلت موضوع انتقد فيه مستوى إخراج أعمالنا وأشباه الممثلين اللي كل مالهم ويزيدون, يعني صرت أنا الوحيد في الموقع اللي ينزل مثل هالمواضيع!

يعني أنت ألحين رديت علي هالرد الصاروخي ليش! خاطري ترد علي, مو أنا بنفسي ابي الموضوع يصير تفاعلي. لأني قلت أن الفن الخليجي بخير من عقب 2008! لأني قلت أن عاهات مثل مكياج الأعراس وغيرها مثل مسلسلات بنت العسكري تخلصنا منها! ابيك ترد علي, و هالمرة رد عدل مثل الناس.

[الشبل]

الشبكه بكبرها ما تحرك شعره وحده بالفن لا توهمون نفسكم بأشياء خيالية :)

[الجليب]

وأنا ياخوي أصفق لك تصفيق حار على هالرد الحلو, أنت شكلك واحد من الناس اللي بس يحبون يتشمتون بالوسط الفني الخليجي و أنت بروحك خليجي. يعني على كلامك اشرايك تطالب بإغلاق هالموقع بكبره مرة وحده, لأني مااعتقد أن أي موضوع انكتب أو بينكتب راح يقدم أو يأخر في مستوى الفن عندنا, ليش ننتقد ونطالب بالأحسن! خل بس نمدح و نستانس بالأعمال اللي برع و نسب و نذم بأعمالنا, لا تفكيرك عجيب عجيب :), تبي تفهمني أني غلطان يوم نزلت موضوع انتقد فيه مستوى إخراج أعمالنا وأشباه الممثلين اللي كل مالهم ويزيدون, يعني صرت أنا الوحيد في الموقع اللي ينزل مثل هالمواضيع!

يعني أنت ألحين رديت علي هالرد الصاروخي ليش! خاطري ترد علي, مو أنا بنفسي ابي الموضوع يصير تفاعلي. لأني قلت أن الفن الخليجي بخير من عقب 2008! لأني قلت أن عاهات مثل مكياج الأعراس وغيرها مثل مسلسلات بنت العسكري تخلصنا منها! ابيك ترد علي, و هالمرة رد عدل مثل الناس.


شدعوه بالعكس موضوعك جيد تفاعلي وما عليه غبار شاك بعمرك افا عليك انا اقول انشاء الله لعلى وعسى يتطور الفن للاحسن ببناء المسارح الضخمه المهيئه للعمل وكتاب مسرح وتلفزيون وانه الشباب يبنون نفسهم بنفسهم يعني حلو التفاؤل احسن من هالوضع اكييد الناس بتتشمت يعني قايل شي جديد الجمهور شبع تشمت وكلنا تشمتنا بهالوضع واحنا متحمسين كونا جمهور فن نأمل ان يعود الفن كما كان ليس كالسابق انما للاحسن .... فمشاركاتك انت بالشبكه بالذات تحسسني انك بتصير وزير الاعلام او ممثل او ناقد صحفي وخصوصا هالوجوه اللي حاطها فأنا متفائل فموضوعك حمسني وعطاني طاقة وانا وايد فخور فيك

فبالعكس منو قال انك غلطان لما نزلت الموضوع خله على وضعه ولا تطلب من الادراه تلغيه ترى أزعل عليك .... قوول كلمه فيها خير ما عليك زود ومن هالكلام.... ومن وجهة نظري واكرر كلامي مره اخرى حاس انك بتصير وزير الاعلام مجرد احساس وراح يتقدم الفن على ايدك من جميع النواحي ... كلامي غلط ولا فيه عيب

وبالنسبة للاخوه الاعضاء المشاركين اغلب تعليقاتهم تختلف عن تعليقك انت تمتاز بسحر بالكتابه وتصلح بكتابة مقالات ولك مستقبل بالاعلام صدقني

[الجليب]

الشبكه بكبرها ما تحرك شعره وحده بالفن لا توهمون نفسكم بأشياء خيالية :)

الشبكة بكبرها ما تحرك شعره بالفن انا معاااك والله... اكيييد ما تحرك ابره مو قايل شي من عندك اخووي عرفت شلون اذا عبدالحسين عبدالرضا بشحمه ولحمه رفضوا جميع مقترحاته المتعلقه بالحركة الفنية .... و لكن صاحب الموضوع له مستقبل انت بس شوف اسلوبه بالكتابة وبترتيب حوارته والجمل والكلام الموزون والنقد تقووول اعلامي فول اوبشن على مستوى مو اي اعلامي عادي يعني انا دققت في كل كلمة يقولها صراحه يتكلم من قلب وواقع بس شكله مو واثق من نفسه .... باختصار يستحق يكون وزير للاعلام

[محمد العيدان]

اعتب على الذين ردوا على الموضوع لشخص كاتبه وليس للموضوع نفسه ... عموما ... اشباه الفنانين والفنانات متواجدين بكثرة بعضهم دخل الفن للاسترزاق والبعض الاخر دخله حتى يتسكع في المولات وغيرها لكي تؤشر عليه الناس ... انا اقول الفن بإنحدار تام ولو لا وجود من تبقى من الكبار ومشاركتهم الاعمال لوجدنا انحدار تاما في مؤشر الدراما والفن ... لكن السؤال هو :

بعد عمر طويل انشاءالله لو ابتعد من تبقى من الكبار عن الساحة الفنية لاي سبب من الاسباب هل سنشاهد اعمالا تحمل الفكر والهدف والمضمون بالاضافة الى موهبة التمثيل ؟؟؟

[الجليب]

اعتب على الذين ردوا على الموضوع لشخص كاتبه وليس للموضوع نفسه ... عموما ... اشباه الفنانين والفنانات متواجدين بكثرة بعضهم دخل الفن للاسترزاق والبعض الاخر دخله حتى يتسكع في المولات وغيرها لكي تؤشر عليه الناس ... انا اقول الفن بإنحدار تام ولو لا وجود من تبقى من الكبار ومشاركتهم الاعمال لوجدنا انحدار تاما في مؤشر الدراما والفن ... لكن السؤال هو :

بعد عمر طويل انشاءالله لو ابتعد من تبقى من الكبار عن الساحة الفنية لاي سبب من الاسباب هل سنشاهد اعمالا تحمل الفكر والهدف والمضمون بالاضافة الى موهبة التمثيل ؟؟؟

كل شي في اييد وزارة الاعلام والباقي على الممثلين انهم يظهرون ويبينون للناس شعندهم وامكانياتهم وقدراتهم الفنية علشان ما نسمع ان فلان يشتكي ان الفن كذا وكذا وان الفن فيه دخلاء وبدأت اعدداهم بالتزايد يعني كل شي له حد... في السابق ما كنا نسمع بالدخلاء وفي نقطه الممثل يعرف من يختار من الفنانين مو اي فنان ماله علاقه بالفن يمثل مع نجوم كبار كحياة الفهد وسعاد وحسين عبدالرضا وغيرهم ولان الجمهور الصراحه يرفض هالشي ... يعني فيه شروط وقوانين واولويات تحددها وزارة الاعلام للنهوض والتطور وفيه اشياء كثيره ناقصه حتى ما نسمع فلان اشتكى ناقصه هالشيء ومحتاج احد يسانده ( لا يجوووز )

يعني كل من هب ودب صار ممثل باجر فرضا انا اصير ممثل او غيري وما عندنا موهبه ... الفن راح يضيع وينحدر الى الاسفل وهكذا مستمره العمليه ولان الجمهور يمكن يتقبلنا بمجال اخر يختلف عن مجال التمثيل ... وهذا الكلام معروووف

في الاونة الاخيره نشوف ان الدخيل بارز على حساب الفنان صاحب الموهبه شي عجيب ... هالدخيل خل يشيل عمره علشان يصير مساند او يضيف للعمل شي مضحك

انا اشوف ان الفن صار فاسد وكلام بذي والممثلين فاسدين والجمهور الله اعلم شنو بيصير هذا الفن ما يدخل عقولنا ... لكن بنفس الوقت يدخل في عقول اللي ما عندهم لا شغل ولا مشغله فكل شي له حدووود

[MemoryDisaster13]

شدعوه بالعكس موضوعك جيد تفاعلي وما عليه غبار شاك بعمرك افا عليك انا اقول انشاء الله لعلى وعسى يتطور الفن للاحسن ببناء المسارح الضخمه المهيئه للعمل وكتاب مسرح وتلفزيون وانه الشباب يبنون نفسهم بنفسهم يعني حلو التفاؤل احسن من هالوضع اكييد الناس بتتشمت يعني قايل شي جديد الجمهور شبع تشمت وكلنا تشمتنا بهالوضع واحنا متحمسين كونا جمهور فن نأمل ان يعود الفن كما كان ليس كالسابق انما للاحسن .... فمشاركاتك انت بالشبكه بالذات تحسسني انك بتصير وزير الاعلام او ممثل او ناقد صحفي وخصوصا هالوجوه اللي حاطها فأنا متفائل فموضوعك حمسني وعطاني طاقة وانا وايد فخور فيك

فبالعكس منو قال انك غلطان لما نزلت الموضوع خله على وضعه ولا تطلب من الادراه تلغيه ترى أزعل عليك .... قوول كلمه فيها خير ما عليك زود ومن هالكلام.... ومن وجهة نظري واكرر كلامي مره اخرى حاس انك بتصير وزير الاعلام مجرد احساس وراح يتقدم الفن على ايدك من جميع النواحي ... كلامي غلط ولا فيه عيب

وبالنسبة للاخوه الاعضاء المشاركين اغلب تعليقاتهم تختلف عن تعليقك انت تمتاز بسحر بالكتابه وتصلح بكتابة مقالات ولك مستقبل بالاعلام صدقني

لا أنت شكلك وايد شايل في قلبك علي, ترى إذا غلطت عليك في رد كتبته قولي لأني مو من الناس اللي يحبون يسوون لهم أعداء حتى لو على النت. يعني ردين ورا بعض كل هذا عشان أسلوبي في الكتابة و الوجوه اللي حاطها موعجبتك, يعني أنا بس قاعد ألعب. الوجوه اللي حطيتها من القهر اللي فيني على وضع وسطنا الخليجي, و غير عن جذي أنا حبيت بس أكون خفيف عليكم, واعتقد أنا مو أول واحد يكتب بهالطريقة. ثاني شيء ليش تحسسني كأني مسوي روحي الأحسن مابينكم! وزير إعلام و ممثل و ناقد إعلامي! أنا حتى لو كان أسلوبي هيلقي بالنسبة لك, أنا مااعتقد أني غلطت أو جرحت في أي أحد, يعني اللي يسمعك يقول أسلوبي أسلوب مي العيدان على الفيس بوك و التويتر. إذا كان قصدك بان موضوعي مامنه فايده لأنه مجرد تذمر, فاعتقد أن هالشبكة معروفة عند الكثير من اللي يشتغلون في الوسط الفني فطرح مثل هالمواضيع قد يكون منه فايده.

على العموم, أتمنى ماتصير أي مشاكل بينا وهاذي ورده لك "وردة"

[MemoryDisaster13]

أولا اشكر أخواني محمد العيدان و الشبل على الرد "وردة"

ثانيا, ارجع لأخوي الجليب


كل شي في اييد وزارة الاعلام والباقي على الممثلين انهم يظهرون ويبينون للناس شعندهم وامكانياتهم وقدراتهم الفنية علشان ما نسمع ان فلان يشتكي ان الفن كذا وكذا وان الفن فيه دخلاء وبدأت اعدداهم بالتزايد يعني كل شي له حد... في السابق ما كنا نسمع بالدخلاء وفي نقطه الممثل يعرف من يختار من الفنانين مو اي فنان ماله علاقه بالفن يمثل مع نجوم كبار كحياة الفهد وسعاد وحسين عبدالرضا وغيرهم ولان الجمهور الصراحه يرفض هالشي ... يعني فيه شروط وقوانين واولويات تحددها وزارة الاعلام للنهوض والتطور وفيه اشياء كثيره ناقصه حتى ما نسمع فلان اشتكى ناقصه هالشيء ومحتاج احد يسانده ( لا يجوووز )

يعني كل من هب ودب صار ممثل باجر فرضا انا اصير ممثل او غيري وما عندنا موهبه ... الفن راح يضيع وينحدر الى الاسفل وهكذا مستمره العمليه ولان الجمهور يمكن يتقبلنا بمجال اخر يختلف عن مجال التمثيل ... وهذا الكلام معروووف

في الاونة الاخيره نشوف ان الدخيل بارز على حساب الفنان صاحب الموهبه شي عجيب ... هالدخيل خل يشيل عمره علشان يصير مساند او يضيف للعمل شي مضحك

انا اشوف ان الفن صار فاسد وكلام بذي والممثلين فاسدين والجمهور الله اعلم شنو بيصير هذا الفن ما يدخل عقولنا ... لكن بنفس الوقت يدخل في عقول اللي ما عندهم لا شغل ولا مشغله فكل شي له حدووود

ألحين كان ماحطيت لي هالرد من البداية بدال النغزات! لا ترى صج أنا غلطت عليك في شيء؟ إذا كان أسلوبي في الكتابة مو عاجبك كان قلت لي بأسلوب أرقى من ردودك كأن خاطرك اتهاوش, لكن معليش, ارجع و أقول أتمنى ماتصير أي مشاكل بينا و مرة ثانيه هاذي ورده لك "وردة"

[الجليب]

أولا اشكر أخواني محمد العيدان و الشبل على الرد "وردة"

ثانيا, ارجع لأخوي الجليب




ألحين كان ماحطيت لي هالرد من البداية بدال النغزات! لا ترى صج أنا غلطت عليك في شيء؟ إذا كان أسلوبي في الكتابة مو عاجبك كان قلت لي بأسلوب أرقى من ردودك كأن خاطرك اتهاوش, لكن معليش, ارجع و أقول أتمنى ماتصير أي مشاكل بينا و مرة ثانيه هاذي ورده لك "وردة"


مشكور على هالورده :) من اول ما دخلت الشبكه والاعضاء يعطوني ورد وانا مستانس بالورود

[الجليب]

بالنسبة لمسألة الجودة فعلا أصبت فيها يا اخ ميموري العمل لا بد من يكون ذات جوده يعني ممكن اقل حركة خطأ او مو في محلها من اي ممثل تأثر نوعا ما بس مو ذاك التأثير فلازم الممثل يكون ذكي يعرف يتعامل مع كل مشهد وموقف يعطيه حقه وعدم ظهور اداء مفتعل ومبالغ فيه بمعنى الممثل يكون صادق كثر ما يقدر حين تأديته المشهد الفلاني ... يعني الدقة مطلوبه وخصوصا بالكوميديا علشان لا نخلق جو من الفوضى وهذا لا يعني ان الممثلين يكونون جامدين مثل المسطره وجالسين بمكانهم بلا حركة لا ... لان الكوميديا بحاجة الى حركة وتفاعل وصدق ايضا في الحوار واعطاء كل موقف حقه انا اتكلم بشكل عام سواء مسرح او تلفزيون

[MemoryDisaster13]

بالنسبة لمسألة الجودة فعلا أصبت فيها يا اخ ميموري العمل لا بد من يكون ذات جوده يعني ممكن اقل حركة خطأ او مو في محلها من اي ممثل تأثر نوعا ما بس مو ذاك التأثير فلازم الممثل يكون ذكي يعرف يتعامل مع كل مشهد وموقف يعطيه حقه وعدم ظهور اداء مفتعل ومبالغ فيه بمعنى الممثل يكون صادق كثر ما يقدر حين تأديته المشهد الفلاني ... يعني الدقة مطلوبه وخصوصا بالكوميديا علشان لا نخلق جو من الفوضى وهذا لا يعني ان الممثلين يكونون جامدين مثل المسطره وجالسين بمكانهم بلا حركة لا ... لان الكوميديا بحاجة الى حركة وتفاعل وصدق ايضا في الحوار واعطاء كل موقف حقه انا اتكلم بشكل عام سواء مسرح او تلفزيون


مشكور على الرد "وردة". الحمد لله, طاح الحطب :)

[بحر الحب]

تعبنا واحنا ننتقد أعمال أم سوزان ..
أم سوزان نزل عليها حب من السما للاعمال التقليدية الفاشلة ولكل ماهو تقليدي ..
أصبحت تتحفنا بالسخافات والاسفاف الفني وانتاج المقاولات والتعامل مع اشباه الكتاب والفنانين ..

عمل من تأليف النشمي وانتاج البذال .. بمجرد ما صدرت اخبار عن العمل بهذه الاسماء عرفت بأن المستوى سيكون سيء جدا جدا جدا

والمخرج البكر لاول مرة اسمع باسمه واخراجه من أفشل ما يكون ..
ممثلين من فئة الـ"ربع دينار" , وهذه مشكلة فعلا فالوسط الفني مليء بهذا النوع من الكومبارس الذي يأخذون أكثر من حقهم , ومؤسف ان فنانة بحجم حياة تحتضنهم ..

الكومبارس وطوفناهم .. لكن ما نطوف اللي محسوبين على الفن والنجوم مثل مشاري البلام وزهرة الخرجي الذين يقدمون اداء من اسوء ما يكون ..
وحتى حياة الفهد صار ادائها "ما ينبلع" للاسف ..

ويا أخ ميموري .. ليش نطالع اعمال هوليوود واعمال برا
أضعف الايمان في الخليج حيث تقدم اعمال كثيرة فيها الاداء من احلى ما يكون والاخراج من افضل ما يمكن لكن وين اللي يشوف هالاعمال ويخاف على اسمه ويقدم الشيء الممتاز ؟

الكاتب النشمي نجربه للمرة الثالثة ولا تقدم يذكر وهو احد المستفيدين من أضواء الكتاب الشباب ..


وكلمة أخيرة :
من بعد هالجم حلقة .. جاري حذف العمل باللي فيه إلى أقرب سلة مهملات

[MemoryDisaster13]

تعبنا واحنا ننتقد أعمال أم سوزان ..
أم سوزان نزل عليها حب من السما للاعمال التقليدية الفاشلة ولكل ماهو تقليدي ..
أصبحت تتحفنا بالسخافات والاسفاف الفني وانتاج المقاولات والتعامل مع اشباه الكتاب والفنانين ..

عمل من تأليف النشمي وانتاج البذال .. بمجرد ما صدرت اخبار عن العمل بهذه الاسماء عرفت بأن المستوى سيكون سيء جدا جدا جدا

والمخرج البكر لاول مرة اسمع باسمه واخراجه من أفشل ما يكون ..
ممثلين من فئة الـ"ربع دينار" , وهذه مشكلة فعلا فالوسط الفني مليء بهذا النوع من الكومبارس الذي يأخذون أكثر من حقهم , ومؤسف ان فنانة بحجم حياة تحتضنهم ..

الكومبارس وطوفناهم .. لكن ما نطوف اللي محسوبين على الفن والنجوم مثل مشاري البلام وزهرة الخرجي الذين يقدمون اداء من اسوء ما يكون ..
وحتى حياة الفهد صار ادائها "ما ينبلع" للاسف ..

ويا أخ ميموري .. ليش نطالع اعمال هوليوود واعمال برا
أضعف الايمان في الخليج حيث تقدم اعمال كثيرة فيها الاداء من احلى ما يكون والاخراج من افضل ما يمكن لكن وين اللي يشوف هالاعمال ويخاف على اسمه ويقدم الشيء الممتاز ؟

الكاتب النشمي نجربه للمرة الثالثة ولا تقدم يذكر وهو احد المستفيدين من أضواء الكتاب الشباب ..


وكلمة أخيرة :
من بعد هالجم حلقة .. جاري حذف العمل باللي فيه إلى أقرب سلة مهملات


مشكور أخوي بحر الحب على الرد "وردة"

اتفق معاك في كل اللي قلته وادري أن مثل هالموضوع مو شيء جديد أبد, لكن والله من القهر اللي فيني, يعني إذا مو راضيين يحترمون الجمهور الخليجي خل على الأقل يحفظون ماء وجه الدراما الخليجية أمام باقي الشعوب. طبعا أكيد أنا ما أعمم ومثل ماقلت عندنا أعمال الاداء فيها من أحلى مايكون, لكن الواحد شيقول بس عن اللي مايخافون على اسمهم, إذا فعلا مايخفون على اسمهم عيل في الطقاق, على الأقل خل يتذكرون أن أعمالهم المخجلة راح تحسب على الخليج. للأسف, أم سوزان وهي من كبار الفنانين الخليجيين توقعت منها هي بالذات أنها تكون حريصة على جودة الفن الخليجي, حتى لو المسلسلات اللي تختارها سخيفه, لكن ماذا عن الأداء! أم سوزان صارت بس فالحة في احتضان المتردية و النطيحة مثل ماقلت وعدم السماح بالملابس الكاشفة للفنانات معها في مسلسلاتها, انزين والدخلاء!!!!!

إنشاء بس نخلص من هالممثلين اللي يسمعون تسميع مثل ماخلصنا من عاهات مثل مكياج الأعراس و مسلسلات الفشخرة لفجر السعيد ومعاهم مسلسلات زينب العسكري و على طاريها, قبل كم يوم ماادري اش طاري علي قلت خل أجرب أشوف شوي من مسلسلها الفاشل لأبعد الحدود "لحظة ضعف", بالغصب تحملت اشوف 5 حلقات, الدخلاء في مسلسلات أم سوزان يهونون ألف مرة عن الدخلاء في مسلسلات العسكري, مااقول غير صج عاهة وخلصنا منها.

[بحريني كوول]

المسلسل كله اسخف من السخيف انه ماقدرت اشوفه أكثر من عشر دقايق

والممثلين الي ياخذون ادوار البطولة في هالموسم (الموسم الغير رمضاني) سالفة ثانية الي تحسسك انها تشوف الكاميرا واهي تتكلم والي تسمع مثل ما قلت والي والي .....

تسلم اخوي على الطرح

[team rocket]

انا بس شاهدت حلقتين وعرفت ان العمل فااااااشل وكلمة فاشل قليله بحقه
المشكله لاممثلين حلوين لااخرااااااج لاقصه هذا المسلسل يجمع سخافاااااات كلها فيه
ماقول الا احنااااااا وين بالفن ايران وتركيا صارو احسن من الخليج بمراحل سنين ضوئية بالفن
واحناااااا من فشل الى فشل للاجل المال

[team rocket]

MemoryDisaster13
اخوي انا اشوفك تكلم عن زينب العسكري
احب اقولك ان زينب افضل من فنانين الكويت الحالين كلهم
مسلسلاتها كانت رائعه والكل كان يشااهدها
هل شاهدت عذاري او دمعة عمرررر وغيرها
قال عاها قال اذا زينب العسكري عاها اجل فنانين الموجودين حاليا شنو؟؟

[MemoryDisaster13]

المسلسل كله اسخف من السخيف انه ماقدرت اشوفه أكثر من عشر دقايق

والممثلين الي ياخذون ادوار البطولة في هالموسم (الموسم الغير رمضاني) سالفة ثانية الي تحسسك انها تشوف الكاميرا واهي تتكلم والي تسمع مثل ما قلت والي والي .....

تسلم اخوي على الطرح


مشكور أخوي على الرد "وردة"

وصح مثل ماقلت, أصلا سالفة هالممثلين اللي يسمعون و يحسسون الواحد أنهم قاعدين يشوفون الكاميرا ماقامت تنتشر الا من بعد انتشار سالفة المسلسلات الموسمية.

[MemoryDisaster13]

MemoryDisaster13
اخوي انا اشوفك تكلم عن زينب العسكري
احب اقولك ان زينب افضل من فنانين الكويت الحالين كلهم
مسلسلاتها كانت رائعه والكل كان يشااهدها
هل شاهدت عذاري او دمعة عمرررر وغيرها
قال عاها قال اذا زينب العسكري عاها اجل فنانين الموجودين حاليا شنو؟؟

مشكور أخوي team rocket على الرد "وردة"

أنا يوم تكلمت عن مسلسلات زينب العسكري ماكنت اقصد كل المسلسلات اللي شاركت فيها, كنت اقصد المسلسلات اللي من تأليفها. بالنسبة لعذاري, أنا ما شاهدته لكنه عمل مشكوك في أمره, هو من تأليف بنت العسكري أو من تأليف القفاص و الفردان. سالفة طويلة عريضة لكن اغلب الظن أنه من تأليف القفاص و الفردان لأن بنت العسكري قامت تنشر أكاذيب عن الاثنين لكن كثير من الفنانين اللي شاركوا في العمل طلعوا في الصحافة ودافعوا عنهم. بالنسبة للمسلسلات من تأليف زينب العسكري, فهي ماتوفقت في هالجانب و عندها مسلسل يمكن كان حديث الساعة وقت عرضه اللي هو "لحظة صعف", اللي ممكن يجذب الواحد لمشاهدة مثل هالعمل الجرأة في الطرح, لكن أنا واحد من الناس اللي أشوف بأن هالشيء ماشفع للعمل و ظهر بشكل مخجل جدا. أنا مااشكك في قدراتها التمثيلية, ممكن يطلع منها أداء وايد حلو مثل في دمعة عمر و مسلسلات ثانية, لكنها خربت على نفسها بنفسها.