حياة الفهد : تثبت لـ جهورها احد ابراج الكويت كانت ولازالت بالصداره

[Dangers]

صبحكم الله بالخير
صباحكم فني بحت معطر بالورود والفل والياسمين
حبيت اعرض لكم حلقه من مسلسل سيدة البيت والي الكل راهن عليه بالفشل قبل
لايبدء وو قرروا ان ام سوزان تعتزل الفن لانه ضعف آداءها المثيلي بس حبيت من هالمقطع واريكم ان المسلسل جميل جداً و ام سوزان مقدمه الدور مختلف تماماً عن ( جبروت امرأه ) و جرح الزمن ,, جد جد جد في لقطاات انصدم من ام سوزان اقول مو معقوله ام تسسوي جذي بعيالها :؛(


http://www.youtube.com/watch?v=ivOSuyu1_9s&feature=plcp&conxxxx=C376d5cfUDOEgsToPDskIiKhCEHpE0gc4YqYErzwR4

واتمنى انهم تشوفون الحلقه عدل عشان تعيدون النظر والي ماله خلق يتابع يشوف من بدايه المقطع 27 لي نهايه الحلقه ام سوزان بدعت بدعت


تحياتي لكم احبتي فـ الله

[بشاير]

فعلا صدقت المسلسل رااااااااااااااااااائع
صحيح بدايته كانت عاديه بس اللحين حلقاته رووووووعه وكل حلقه احلى من اللي قبلها
وطبعا ام سوزان ادائها بقمة الروووعه فعلا خلتني اكره واحقد على شخصيتها القاسيه ،، للامانه اعتبر هالعمل رجعه قويه لام سوزان دور جديد وجميل يختلف عن ادوارها السابقه وهم اعتبر هالعمل رجعه للمتالقه زهره الخرجي اللي ابدعت بالدور ،،، حتى قصة المسلسل شوي غريبه قصه اجتماعيه وبوليسيه ممزوجه بررررعب ،،
بصراحه المسلسل مايتطوف;)
.....
شكرا على طرحك الجميل"وردة"

[اكسير الحياة]

والله المسلسل والدور من البداية انا حسيته رائع

وفيه بريق واضافة لمسيرة سيدة الشاشة الخليجية

وانا توني اشوفه على ام بي سي 1 ما قدرت اشوفه على ام بي سي دراما المشفرة لضيق الوقت

وانا معجب بدور ماما حياة كثييييييير وادري انها قاسية بس شي شي شي ؟؟!!

وعجبتني قطتها الي كانت في الحلقة الثانية ما ادري الثالثة يوم زوجه ولدها الي هو مشاري البلام
كانت قاعده في الحديقة وقالت لها روحي جابلي عيالج وما ادري ايش بعدين طالعتها وهي رايحة
الا وتقولها حياة هاااه وين دراعتي او ثوبي قالت شنو خالتي قالت ما ادري عنج تطالعيني من فوق لتحت ههههه

ودور قوي ورجعة لزهرة الخرجي ولشيماء علي بعد



واذكر في مجموعة من الاعضاء الله يهديهم قالوا نفس الكلام عن مسلسل فرصة ثانية
مع هذا انا اشوفه حلو ومميز ونجح اذا مو في رمضان يمكن بعد رمضان



واعتقد هالسنة وقبل رمضان مسلسل العمالقتين حياة وسعاد بيكون في اوج المنافسة الشتوية



ومشكور اخوي وتحياتي لك على الطرح الي في محله

[ابو عسم]

المسلسل في قمة الروعه ..........


لكن برضو بيجي واحد الحين وبيقول المسلسل شين وفاشل وهو ما شاف الا 3 حلقات

[محمد العيدان]

تبقى آراء الناس وكل له وجهة نظر ... ممكن تكون الحلقات جميلة للبعض وممكن العكس ولولا اختلاف الاراء لبارت السلع وتبقى بالنهاية مجرد رأي ...

[Dangers]

صحيح كلامك استااذ محمد العيدان منور يالغالي ,


بشــاير / اي والله صح مبدعـه حيل ام سووزاان ومشاء الله زهره الخرجي مبدعه مشاء الله كل مسلسل تقدمه يزيد تألقها عن الي قبله , والقصه حلووه فعلا . منوره خيتو

اكسير الحياه / لووووووووول اماا عن قطااات حياة الفهد لووول الدور ماستحمل غشمره وهي بكل حلقه وهي معصبه تقط قطاات تضحك لوول منور يالغالي واكيد ام طلال وام سوزان هم احد ابراج الكويت فديتهم .

ابو عسسم/ شنو نسوي ياخوك كل واحد ولـه راي بس الشمس ماتتغطى بمنخل تأكد


منورين

[shakoor]

وبدأ الناس تخرج وتكثر بالاعجاب لهذا المسلسل عكس بداياته اللي الاغلبية قالت انا كل اعضاء الشبكة كارهين الاداء

للامانة الى الان لم اتابع المسلسل ،، ولكن كلي ثقة بأن مثل ماهناك ناس تقول حياة الفهد مستواها طاح

فيه ناس تقول مستواها لايزال بالعلالي

[Lune]

المسلسل لسه في بدايته

وانا بصراحه الى الان اشوفه عااااااادي

لكن للحديث بقيه يمكن يتغير رأيي مع تطور الحلقات

[الدنيا لحظة]

انا شفت من المسلسل 6 حلقات فقط

بس اكيد فيه احداث بالمسلسل خصوصا نهاية كل حلقة يحطون مشهد حياة الفهد تقوم من حلم او شي جذي

وهذي حركة حلوة من المخرج

شكرا على الطرح

[حسن البحرين]

توها مخلصة الحلقة السادسة في mbc

المسلسل يحمس و رائع صراحة ابدعت سيدة الشاشة الخليجية و الابطال مسوين جو حلو

[الصراحة]

انا اشوف العمل و ما عجبنيييي مول لا اخراج و لا تصوير و لا قصة و لا ممثلين

[أحمدونا]

العمل رائع جدا جدا اتمنى عدم الحكم بسرعة
بجيك واحد سخيف شاف 3 او 4 حلقات يقول المسلسل كلة بايخ شدعوه !!!
انا وصلت الحلقة 16 والمسلسل اكثر من رائع