المساعد الشخصي الرقمي

مشاهدة النسخة كاملة : هبوط اضطراري ..


جسووم
22-09-2015, 04:06 AM
من وجهة نظري ان مايحصل للفنان عبدالحسين عبدالرضا هو (( هبوط اضطراري)) .

دايما اسمع او أقرا عند البعض وخاصة من اللي موجودين في المنتدى الموقر ان عبدالحسين في الفترة الاخيره فاشل او مسلسلاته الاخيره فاشله

احترم الراي الاخر بس كلمة فاشل لفنان كبير قضى حياته بالفن ولاسعاد الجهمور تراها كبيره في حقه وعتبرها عيب تنقال لفنان له تاريخ عريق ومن ناحية مسلسلاته ما اعتبرها فشل .. اعتبرها هبوط في المستوى او (هبوط اضطراري.)

ليش قلت هبوط اضطراري ؟؟ .. خلونا نتفق ان اساس اي عمل هو النص .. هو الاساس اللي يتم البناء عليه .. أيام قبل أو ايام الزمن الجميل مثل ماتقولون كان الكاتب صديق للفنان .. كانو الكل تقريبا قريبين من سن بعض وكانت بينهم الغشمره والضحكه والميانه والجلسات والخاصه فكان الكاتب يعرف طبيعة كل ممثل من باب العشره بينهم .. فلما يكتب الكاتب النص كان يفصل الشخصيات تفصيل على كل ممثل ولان الممثلين كانو محدودين خاصة الابطال فكان الممثل يبدع تلقائيا .. اولا لان هو مبدع و ثانيا لان الشخصيه مفصله عليه تفصيل و غير الزيادات اللي يضيفها عبدالحسين .. فعشان جذي كان ادائهم دائما طبيعي و مافيه تكلف ..

بس الحين اغلب الكتاب شباب يمكن يكتب النص على شخصية وحده في العمل واللي هو البطل والباقي يلقطونهم بالواسطه وحتى لو يكتب على البطل تحصله ولا مره قعد معاه ولا شاف اسلوبه ولا شي .. يعني يا تصيب يا تخيب .. والاغلب الاعتماد على اداء الممثل من مسلسلات ثانيه مع ان كل كراكتر يختلف ادائه .. وعتبر هالشي من اهم الاسباب في تدني الدراما

فمثلا في درب الزلق الكاتب عبالامير التركي كتب فلم العاصفة 1965 بطولة عبالحسين و النفيسي و مسرحية هالو دللي 1974 و درب الزلق 1977 و حرم سعادة الوزير 1979 و ممثل الشعب 1985 و حامي الديار 1985 و دقت الساعة 1988 و هذا سيفوه 1989

يعني هالسنين كلها من الستينات لآخر الثمانينات وهو يكتب لهم و هالعشره اللي ذكرتها اكيد لما بيكتب هو عارف يكتب لمنو وكانو الممثلين موجودين ومستعدين .. بس الحين لو كتب نص لعبدالحسين عبدالرضا البطولة عبدالحسين وبعده بيتم البحث جاري عن الممثلين .. و المصيبه لو انكتبت شخصية على احد من الكبار وبعدهاا مامثل معاهم محد بيعوضه ..

مثلا العافو نزل في (هبوط اضطراري ) لان كلنا سمعنا ان النص مكتوب من زمان واكيد كان النص مكتوب على شخصيات كبيره ومنهم النفيسي ولكن شاءالله القدر ورحل النفيسي عن الدنيا .. ولكن السؤال المهم منو يعوض النفيسي في الشخصيه ؟؟؟؟؟؟؟؟ الجواب مستحيل في أحد لان النفيسي واحد .. منو يعوض سعد الفرج ؟؟؟؟ نفس الجواب لكن الشباب تقدر تعوضهم بأي شاب ثاني فهني لازم العمل مستواه بيهبط غصبن عليهم مب بكيفهم لان النص مب مكتوب للي مثلوه .

اخيرا .. بس هالسوال فكروا فيه .. لو واحد منا وقف جدام الفنان عبدالحسين عبدالرضى في مشهد هل بيقدر ياخذ ويعطي معاه ؟؟ هل بيفهمه من حركه او غمزه مثل ربعه الاوليين ؟؟ هل بنقدر انجاريه في الاداء .. ؟؟ ترى ايد وحده ماتصفق .. والعمل لعبة جماعية كيف تبونه يصفق بإيد وحده

فشي طبيعي هو بيكون في (هبوط اضطراري ) وليس فشل

عندي كلام كثير بس ماحبيت اطول عليكم والسموحه والعذر منكم

عزآهـ
22-09-2015, 07:59 AM
بطبع كلامك صحيح ولا اختلف معاك عليه

فنانين افنو حياتهم من اجل زرع الابتسامه في وجه الجمهور

لكن... وش يسوي الواحد في ناس ماتعرف تعبر و تنتقد نقد بناء ؟


طلع لنا جيل يقيم فنانين كبار

امس كان يمسك الرضاعه و يتمشى بالحفاظة

و اليوم جالس يقيم عبدالحسين و يصفه بــ " الفاشل "

فارس الفن
22-09-2015, 11:36 AM
بطبع كلامك صحيح ولا اختلف معاك عليه

فنانين افنو حياتهم من اجل زرع الابتسامه في وجه الجمهور

لكن... وش يسوي الواحد في ناس ماتعرف تعبر و تنتقد نقد بناء ؟


طلع لنا جيل يقيم فنانين كبار

امس كان يمسك الرضاعه و يتمشى بالحفاظة

و اليوم جالس يقيم عبدالحسين و يصفه بــ " الفاشل "



وانا اقدر اقولك يا عزاهـ من انت ؟ عشان تقييم الفنان ناصر القصبي وتتكلم على تاريخه

" توك ما فصخت حفاظتك يا ولد امس عشان تقييم فنان كبير بحجم ناصر القصبي "



لأنك دائما تقييم مستوى ناصر القصبي وهو فنان قضى عمره كله عشان يزرع الأبتسامة في وجهك




ثانياً : مو عشانك من المعجبين بعبدالحسين لدرجة انك حاط صورته تدافع عنه حتى في اخفاقاته وتصفها بالروائع مثل العافور وحبل المودة والتنديل والحب الكبير






ما فيه اي عضو شفته ينتقد عبدالحسين الا بشكل موضوعي






ولا يوصف هو بالفاشل بل بعض اعماله السيئة








ركز وشوف الفرق قبل ما تنتقد أي عضو

عزآهـ
22-09-2015, 03:06 PM
وانا اقدر اقولك يا عزاهـ من انت ؟ عشان تقييم الفنان ناصر القصبي وتتكلم على تاريخه

" توك ما فصخت حفاظتك يا ولد امس عشان تقييم فنان كبير بحجم ناصر القصبي "



لأنك دائما تقييم مستوى ناصر القصبي وهو فنان قضى عمره كله عشان يزرع الأبتسامة في وجهك




ثانياً : مو عشانك من المعجبين بعبدالحسين لدرجة انك حاط صورته تدافع عنه حتى في اخفاقاته وتصفها بالروائع مثل العافور وحبل المودة والتنديل والحب الكبير






ما فيه اي عضو شفته ينتقد عبدالحسين الا بشكل موضوعي






ولا يوصف هو بالفاشل بل بعض اعماله السيئة








ركز وشوف الفرق قبل ما تنتقد أي عضو






و انت لييه جايني مندفع و بشكل هجومي كذا ؟

اركد فديتك...

ولا حسيت ان الكلام موجهه لك مثلاً ؟

ردي كان بشكل عام و لم اذكر فارس الفن في ردي

لكن المثل يقول الي على راسه بطحه يتحسسها

ممكن انت حسيت ان الكلام موجهه لك و جيتني ماشي 120 تهجم




ثانياً ناصر القصبي لم اقيمه و لم انتقده في ردودي

لكن حبيت امشي على قانونك و طريقة تفكيرك العجبيبه و الغريبة !

سعد الفرج ماعنده تاريخ فني !!

إذا سعد الفرج ماعنده تاريخ فني ناصر القصبي وش يطلع قدامه ؟ تراه تلميذ

ركز في الرد قبل لا تجي داعس الطبلون تهجم

فارس الفن
22-09-2015, 04:21 PM
و انت لييه جايني مندفع و بشكل هجومي كذا ؟

اركد فديتك...

ولا حسيت ان الكلام موجهه لك مثلاً ؟

ردي كان بشكل عام و لم اذكر فارس الفن في ردي

لكن المثل يقول الي على راسه بطحه يتحسسها

ممكن انت حسيت ان الكلام موجهه لك و جيتني ماشي 120 تهجم




ثانياً ناصر القصبي لم اقيمه و لم انتقده في ردودي

لكن حبيت امشي على قانونك و طريقة تفكيرك العجبيبه و الغريبة !

سعد الفرج ماعنده تاريخ فني !!

إذا سعد الفرج ماعنده تاريخ فني ناصر القصبي وش يطلع قدامه ؟ تراه تلميذ

ركز في الرد قبل لا تجي داعس الطبلون تهجم




خلاص اذا ما تبي الهجوم مع اني ما هاجمت نمشي معك بالهداوة






اولاً : لا انا ما حسيت الكلام موجة لي لأني ما عمري انتقدت عبدالحسين عبدالرضا اصلاً !




ثانياً : استفزني ردودك واساءة للأعضاء لأنك تقدر تنصحهم بدون حركات " الأطفال " هاذي





ثالثاً : تراك ازعجتني كل شوي تهاجمني وتهاجمني انا اصلاً اعرفك شخصياً عشان اهاجمك ؟






رابعاً : لا تستطيع مقارنة ناصر القصبي بسعد الفرج لأن ناصر افضل منه ككوميديا وخفة دم كوميديا وليس تراجيديا ركز في كلامي واتحداك تنكر





انا بس رديت على كلامك






كل واحد له رأيه وانتهى الموضوع







ولا تكبر الموضوع الله يهديك

ليالي الخيام
25-09-2015, 05:38 PM
واقع الوسط الفني الحالي فرض نفسه

__هولاكو__
28-09-2015, 08:33 AM
وارد وأكرر الناس الي تنتقد عبدالحسين او سعد الفرج ماينلامون من الي شافوه منهم ومجاملتهم علي القبول بالاعمال التافهه

جسووم
29-09-2015, 01:21 PM
واقع الوسط الفني الحالي فرض نفسه








للاسف هذا هو الواقع :(

جسووم
29-09-2015, 01:24 PM
وارد وأكرر الناس الي تنتقد عبدالحسين او سعد الفرج ماينلامون من الي شافوه منهم ومجاملتهم علي القبول بالاعمال التافهه



صح كلامك في مجاملات .. بس انا قصدي ان مايصير نقول لهم انتم فشله بالمعنى .. خل نقول ان مستوى الاعمال متدني .. وبعدين انا ما اقصد عبد الحسين بالذات بس قست عليه ..

محمد العيدان
01-10-2015, 09:00 AM
الهبوط الاضطراري سببه عامل السن والازمات المرضية بالدرجة الاولى

ممثل الشعب
01-10-2015, 09:56 PM
كل الممثلين الكبار يعانون من الهبوط الاضطراري