تعرفون متى البنت تبي تكون ولد؟؟؟

[كرزة]

متى..؟


لما يكونون معزومين بعزيمة ...والكل مستعد وتجهز....ويطلعون برا وينادوا السواق
وأخيرا يلقوا السواق مو موجود
وبعد جوله على جوالات الاخوان....
ويأس من ظهور السواق
وبعد جملة مافيه روحة ...
تلاقي صرخة تسبق هالجملة وتعبر عن الموقف بقوة

(يا ليتني ولد )







والا بجمعة عائليه ...وتخييم حلو بالربيع
العيال مجتمعين يلعبوا..
وبعضهم معه جمس والا جيب
والباقين يلعبوا بلوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم كانت دورة بالجيب بين هالرمال
او
يسمعون شريط بسيارتهم بس ماأحد راضي يعطيها المفتاح
والنهاية
(يا ليتني ولد )







وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والاعذار تتسكت بوجبات( بتوصيل منزلي) من بيتزا هت
واول مايطلعون
تسمع صرخة بالحوش


(يا ليتني ولد )







كل شيء يهون بس اللي مايهون ايام الإجازات
قبل العطلة يمكن بشهر
البنات ..
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر هاالسنة
لا وانا ابوكم هاالسنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم في الديره
بنفس هالوقت يدخل فيصل <<إحم إحم
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخواتي ياحلوين تامرون على شيء قبل ماأروح
إيه
سموووو
تبون
ايش

(يا ليتني ولد )






ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ....نواف ....حبيب البيت ......وبرا البيت
قفلي النت
ليه؟؟؟؟؟
بس بكيفي ....وثاني مرة لعد تشبكينه فاهمة !!!!اوكي
وليه معد أشبكه
اولا أصرف ....ثانيا بنت ....ثالثا وشو له تشبكينه ...وش الفايدة...؟؟؟؟ماله داعي
!!!!
عطيني لاب توبك بفتشه احس فيه شئ......



(يا ليتني ولد )








طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجوا يقارنوها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟

مثلا تلقون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب لازم كل ذي الهذرة-
من بتكلمين نهى ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تليفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك..

طيب موب لازم انترنت ولا تلفون لانه امر مفروغ منه ...
بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التلفزيون انقلب الى أداة لترويج المنكر ...كله استعراض للبنات ....
وهو خراب لعقولنا يالبنات
...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها



(ااذاكر) !!!!!!عرفتوا ليه البنات اشطر من الاولاد ...........استوعبتوا السر ؟؟؟؟طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف

( يا ليتني ولد )

[сύτe сάт]

موضوع جميل ..

البنت تقول ( يا ليتني ولد ) اذا حست ان يفضل الولد في بعض المواقف عليها كما ذكرتي ..

وووووووووو

الولد يقول ( يا ليتني بنت ) اذا المسؤلية كلها عليه مثلاا تخيلي ولد وحيد وخواته كلهم بنات بقول يا ليتني بنت ..


من وجهة نظري تقال هذه العبارة على حسب المواقف و الظروف ..

يسلمو كرز ة ع الموضوع الجميل ..

[بو دانيال]

مهما حصل ..

أعتقد ..

لا يليق بالبنت

أن تقول يا ليتني ولد ..

خصوصاً ..

بعض الأمثلة اللي ذكرتيها

عزيزتي كرزة ..

لا أضن ..

أن في أسرة تعامل البنت

بهذه الطريقة ..

إلا إذا كانت هذه الأسرة

منغلقة ..


ثانكس كرزة ..

[بو دانيال]

الولد يقول ( يا ليتني بنت ) اذا المسؤلية كلها عليه مثلاا تخيلي ولد وحيد وخواته كلهم بنات بقول يا ليتني بنت ..


في وجهة نظري !!

أعتقد من المستحيل ولد يقول يا ليتني بنت ..

:)

[сύτe сάт]

في وجهة نظري !!

أعتقد من المستحيل ولد يقول يا ليتني بنت ..

:)




:):)

احترم وجهة نظرك ..

بس بشكل عاام في ولد يقول يا ليتني بنت ..

مووو بس يقول ياليتني بنت الا يتمنى انه يكون بنت ..

[بو دانيال]

:):)

احترم وجهة نظرك ..

بس بشكل عاام في ولد يقول يا ليتني بنت ..

مووو بس يقول ياليتني بنت الا يتمنى انه يكون بنت ..

أختلاف الرأي لا يفسد في الود قضية
:)

[bent el3arab]

البنت نادراا ما تقول يا ليتني ولد وانا شخصيا ما اقول ...
بخصوص البنات اشطر من الصبيان في نهاية الموضوع ...
اتوقع انه لااا .. يعني في اولاد يدرسون واشطر من البنات والعكس ما يتعلق بالعبارة في الشطارة..
وايضاا مثل ما ذكرت كيوت انه في اولاد يقولون يا ليتني بنت كلام صحيح ....
والدليل لبناتيه واوافق كيوت كات على رايها
واشكر كرزة على الموضوع

[كرزة]

مهما حصل ..

أعتقد ..

لا يليق بالبنت

أن تقول يا ليتني ولد ..

خصوصاً ..

بعض الأمثلة اللي ذكرتيها

عزيزتي كرزة ..

لا أضن ..

أن في أسرة تعامل البنت

بهذه الطريقة ..

إلا إذا كانت هذه الأسرة

منغلقة ..


ثانكس كرزة ..



مشكور وجهه نظر فيها تناقض شوي ..لكن جميله مشكور اخوي

[كرزة]

موضوع جميل ..

البنت تقول ( يا ليتني ولد ) اذا حست ان يفضل الولد في بعض المواقف عليها كما ذكرتي ..

وووووووووو

الولد يقول ( يا ليتني بنت ) اذا المسؤلية كلها عليه مثلاا تخيلي ولد وحيد وخواته كلهم بنات بقول يا ليتني بنت ..


من وجهة نظري تقال هذه العبارة على حسب المواقف و الظروف ..

يسلمو كرز ة ع الموضوع الجميل ..


الله يسلمك حبيبتي..وجهه نظر جميله وسليمه

[كرزة]

البنت نادراا ما تقول يا ليتني ولد وانا شخصيا ما اقول ...
بخصوص البنات اشطر من الصبيان في نهاية الموضوع ...
اتوقع انه لااا .. يعني في اولاد يدرسون واشطر من البنات والعكس ما يتعلق بالعبارة في الشطارة..
وايضاا مثل ما ذكرت كيوت انه في اولاد يقولون يا ليتني بنت كلام صحيح ....
والدليل لبناتيه واوافق كيوت كات على رايها
واشكر كرزة على الموضوع

صحيح كلامك ..وكل الشكر لك..

[بو دانيال]

مشكور وجهه نظر فيها تناقض شوي ..لكن جميله مشكور اخوي

ممكن ..

عزيزتي كرزة ..

توضحي التناقض !!

ثانكس ..

:)

[بو دانيال]

وايضاا مثل ما ذكرت كيوت انه في اولاد يقولون يا ليتني بنت كلام صحيح ....
والدليل لبناتيه واوافق كيوت كات على رايها
واشكر كرزة على الموضوع

ماذا الدليل !! :)

عزيزتي بنت العرب ..

لا نريد التطرق للجنس الثالث من الذكر والأنثى ..

ثانكس ..

:)

[ذكرى]

انا اقول ليش مانعطي البنت او الولد الحريه الكامله في التعبير عن مايجول في خواطرهم
ونتناقش معاهم دائما وبصفه وديه ليس صفة الاوامر والعنف ومافيها شي لو قالت البنت ياليتني ولد اوالعكس لي مته هالكبت على العيال حتى في تفكيرهم بصوت عالي
ماتخلونهم يعبرون بصراحه مشكله والله شكرا على الموضوع

[ملك فنون]

الف مليون بليون شكر

[احمد نادر]

الف الف شكر ...






-