المساعد الشخصي الرقمي

مشاهدة النسخة كاملة : قصه كويتي و صديقه سعودي رائعه جدا


ولد السهول
02-07-2009, 11:35 PM
قصة كويتي مع صديقه السعودي .....؟

مســــــــــــــــــــــــــــاء الخــــــــــــــــــــــــــــــــير


هـذي قصــه قريتهـا وأعجبتـني وحـبيت أنقلهـا لكم
وصراحة لا اعلم هل هي صحيحة ام انها مؤلفة
لكن اقول ممكن تكون صحيحة وما هي غريبة على شباب البلدين




؟




؟




هذي قصه لشابين أحدهما كويتي والأخر سعودي
كانو يدرسون مع بعض في أحد الدول ومضوا معض سنوات طويلة
يعني عشرة عمر وصار بينهم مثل ما يقولون عيش وملح
خلصو دراستهم ويبون يرجعون لديارهم
قال الكويتي: شرايك تخاويني للكويت وتجلس عندي اسبوع بعدين تطلع للسعوديه
اعرفك على اهلي واخواني وربعي هناك واوريك الكويت وامشيك
قال السعودي مافيه مشكله
وكانو يبون يستعدون للرحلة جاء للكويتي تلفون من اخوه
يبلغه فيه ان جدتهم توفت
طبعا الكويتي من باب الصداقة كتم الموضوع عن السعودي
وصلوا الشباب للكويت لبيت الرجال
شاف السعودي العزا استغرب!!!
سال صاحبه
قال هذي جارتنا توفت وماعنده قرايب وفتحنا عزاها عندنا بالبيت
قام بالواجب السعودي وصار يتلقى التعازي وكأنه من أهل البيت من
عشرته مع صديق عمره ودراسته مع الكويتي
باليوم الثاني شاف السعودي بنت جيران الكويتي واعجب فيها
راح للكويتي قال انا شفت البنت واعجبتني وابي اتزوجها
البنت هذي يحبها الكويتي وكان مخطط انه اول مايخلص دراسته يتقدم لها
قام الكويتي واخذ السعودي وراح وخطبها له وتزوجو
ومشى السعودي للسعودية
بعد كم سنة تأزمت اوضاع الكويتي المادية وصار مديون جدا
قال مالي الا اخوي اروح له ويفزع لي
طبعا من خلال التواصل الي بينهم بالفترة الي راحت عنده خبر ان
الله فتح على السعودي من أوسع ابوابه
راح للسعودي دق باب القصر
طلع له الحارس قال قل لفلان فلنتان ينتظرك عند الباب
حول المغرب الكلام ذا
(اتركه) السعودي على الباب حوالي نص ساعه !!!
بعدين نزل له الحارس قال عمي مو فيه
والكويتي يشوف سيارته داخل ومتأكد انه موجود !!!
مشى الكويتي مكسور ومصدوم من رفيق عمره
وهو ماشي قابل شخصين
مسكوه هالاثنين قال حنا متراهنين نعطي اول واحد نقابله مليون ريال
وعطوه المليون وراحوا
رجع الرجال للكويت وفتح الله عليه ويسر امورة بعد فترة ضبطت امورة
مرة من المرات وهو جاي من دوامه للبيت لقى مرة عجوز بالشارع معها بنتها
قالت ياولدي انت ساكن هنا لحالك
قال لا انا واهلي
قالت طيب انا بروح احج وابي اترك بنتي هذي عندكم
وكاني مارجعتي ياولدي تزوجها
قال الكويتي ابشري ياخاله
دخلت البنت للبيت وراحت واختلطت مع اهل الكويتي
بعد مرور شهر
مارجعت الام وقرر الكويتي يحدد موعد العرس .. وفعلا حدده
ويوم العرس يتمشى الكويتي بين المعازيم والحضور
فجأه ....



فجأه لقى السعودي موجود
عصب وتكلم بصوت عالي شد كل الحضور وخلاهم ينتبهون للموضوع
قال انت ماتستحي مابوجهك دم
والتفت للناس وقال ياناس هذا سالفته كيت وكيت وكيت من يوم
دراستهم إلى اخر خبره فيه
قام السعودي وقال ياناس
انا عاشرت هالرجال وعرفته اكثر من اي احد وعرفت عزة نفسه وكرامته
يوم جاني ذاك اليوم وماطلعت له ماحبيت اني اشوفه وهو بذيك الحال
والإثنين الي عطوه الفلوس وهم اخواني ارسلتهم عليه يوم اخرته عند باب بيتي
والعجوز الي جت امي
والبنت الي هي عروس اليوم اختي
فهل يحق لي ان احضر زواج اختي وإلا لا
ورجعوا اصدقاء وحبايب مثل اول واكثر

ودمتم سالمين

كرزة
03-07-2009, 04:00 AM
قصه غريبه جدآآآ كانها خياليه..

ليت بها الزمان نلقى صداقه مثل كذا..

الله يعطيك العافيه اخوي..

ذكرى
03-07-2009, 08:58 AM
قصه غريبه ونادر ماتحدث هذا اذا هالقصه حقيقيه
يعطيك العافيه

сύτe сάт
03-07-2009, 10:56 AM
قصة جميلة جداا تعبر عن معنى الصداقة الحقيقية ..

..الصديق وقت الضيق ..

بالحقيقة القصة تبدو لي من نسج الخيال .. لانه نادر وجود صداقة حقيقة بعيدة عن مغريات الحياة في هذا الزمن ..

الف شكر لك ولد السهول على القصة الرائعة ..

ولد السهول
27-07-2009, 04:46 PM
مشكوووووووورين على المرور
ثااانكس

احمد نادر
31-07-2009, 03:55 AM
الف الف شكر ...





-

ملك فنون
31-07-2009, 07:10 PM
قصه قويه ما اقدر اخنقتني العبره