المساعد الشخصي الرقمي

مشاهدة النسخة كاملة : كلام القطيفين( جخه)....؟؟؟؟

همس الوجدان
02-09-2009, 04:03 AM
بسم الله الرحمن الرحيم ..
اللهم صلِ على محمد وال محمد
عيزا ميزا : يعني الشيء بسيط ومافيه صعوبه
ويش خانته : يعني الشيء مايصلح ولافيه فايده
زرنوق : منــفذ
رســتــه : الشــارع
نابله : كلمة تستخذم للتعجب من الشيء
نصيافات : توائم
جان : كـان
جاي : شاي
جدوع : فطورشكر : سكـر
صبعبلـي : اسكريم
هداويه : ليش
داكو : هذه
صمايل :يقولوها النسوان اذا تذكروا حاجه وهم يسولفوا
حندس : ظلمه
خواهـر : حر شديد
دختور : دكـتـور
مشمر : حرام الصلاة
دوشق : منامدروازه : يعني باب
اتختن : اتغبى
بانكه : مروحه
اسقط السياره : اسفــــــــــــط
باكول : باقول
عفر : يمكن
شوين زين : فتره زينه
ادناة بقاله : بقاله قريبه
حق ويش : لماذا
غتلـــه ... ظلمه
مدلخ ... غليــظ
خاشوقه .. ملعقه
مشكاب .. صحن او طاسه
مالي ّ كار .. مالي دخل
حيزه .. مكان يحطوا فيه سمك
دلاغ ... جوارب
متلجلج ... الخليط ماذاب عدل
غنجه .. الصحن البيضاوي صحن الغذاء
البلنق = السرير \ خاصة حق المعاريس ايام زمان
القز = الفرن
الروزنه = عادة تكون داخل الغرفه وهي فتحه تكون في الجدار مسكره من الطرف
الثاني وكان يوضع فيها الاغراض \مشط . كريم .كحل ........ \
الغشايه = الجرح الباغي
كمشه = الملعقه
باديه =الطاسه الصغيره والكبيره يسموها غضاره
كونه = حفره صغيره في الارض ( تستخدم عادة في لعب التيله و الكوره
الصغيره اضن حق التنس الارضي )
كويت = وهو اليهال اول كانوا بيعملوا ليهم بيوت من السعف والقراطيس
والخيش . يتيمعو يهال الفريق (اصبيان وفتايه).
السحلوب = كلمه من مصطلحات لعبة التيله
جخه = على حسب موقعها في الجمله ( ممتاز , وحلو , ....... )
سنجاغ = الماء والسكرمخلوط مع بعض واحيانا مع قليل من الدهن
خنافس = الشعرالطويل
قفه = على شكل الصفريه ولكن مصنوعه من الخوص
ميمجه : يعني صحن صغير ( بس حلوه ميمجه)
جارديله : بكره يوضع فيها خيط الخياطه وتوضع في مكينة الخياطه
كشمه : نظاره
بادور: مسمار
مجداح: دريل يدوي يعني ..كيف اشرح ادريلdrill بالعربي
كبان او قبان : يعني ميزان مائي .. يستخدم في البناء وموجود صورته في
كتاب العلوم الصف الرابع
رصاصه بفتح الراء والصاد : يعني دباسه
خرم برم : يعني شي نص ونص أو شي حيا الله
على كلك : على أخرطي
بند : يقولوا فلان بند من العمل أي هون أو فلان مبند اليوم عن العمل يعني
ماراح . يعني هالكلمه تستخدم في أكثر من موضع.
باجر = بكرة
معاش = راتب
ديرمة = مكياج
خداره = ستاره
حبابه = امي الكبيره او جدتي
قربه ماء كبيره = باغه
اعكس = يعني روح صور صوره شخصيه
مدغبشه = مخربشه
مزيز= مالح شوي
صبخ= مالح جدا'
علقم = طعمه مر

بصراحه ضبعان يعني عجايز اكثر شي يقولو ذي حاجات هههههههههه
بن عـيدان
02-09-2009, 04:19 AM
كلام جميل وياريت تنزلين موضوع عن كلام اهل جده واكون شاكر لج
أبوحرب
02-09-2009, 04:58 AM
ليه أهل جده والقطيف مهزله عندكم هههههههههههههههههههههههههههههه

على فكرة هذي الكلمات 70% منها خطأ يمكن قديم يعني قبل 50 سنه يستخدمونها لاكن هالحين أختلطت القبايل مع بعضها وتغيرت حتى كلماتهم وأصبحوا يتحدث شمال الجزيره مثل جنوبها أناأسكن في مدينه فيها من جده ومكه وأبها والمدينه وتبوك جميعهم لهجه وحده
بن عـيدان
02-09-2009, 05:24 AM
ليه أهل جده والقطيف مهزله عندكم هههههههههههههههههههههههههههههه



بالعكس اخوي والله انا من المحبين الكلام الجداوي واتشرف بحفظ اي كلمه منه
بنت عبدالحسين
02-09-2009, 05:28 AM
لا يا اخوي ابو حرب ..

شهالكلام افا عليك بس ..

مو القصد هو المزهله .. بالعكس

وشفيه كلام اهل جده يعني ؟!

باعتقادي الاخ احمداااني طلب هالشي يمكن لانه حاب يتعرف

على طريقه كلامهم .. والمصطلحات الي يستخدمونها ..

بس ما يندرى عن اخوي احمدااني .. هو بيجاوبك بنفسه ليش طلب هالشي ..

بس انا رديت عليك عشان كلمه ( مهزله ) .. :) ولاني بعد متأكده انه الاخ احمدااني مو قصده :)

وشكرا ..
بنت عبدالحسين
02-09-2009, 05:29 AM
ماشاءلله الاخ احمداااني رد بنفس الوقت الي كتبت فيه ردي ..

وطلع اعتقادي في محله .. :)

شفت يا اخوي بو حرب .. صف النيه يبا مع اخوك احمدااني :p

لكن اكيد حصل خير يابو حرب ..

تحياتي لك
كيكي الحد
02-09-2009, 10:46 AM
كلام جميل وشكرا همس الوجدان