المساعد الشخصي الرقمي

مشاهدة النسخة كاملة : متندى المذيعه عبير الوزان الرسمي

محمد العنزي
19-09-2009, 07:11 AM
السلام عليكم
اخواني اخواتي
نرحب بكم في منتدى المذيعه عبير الوزان
سوف تجدون كل مايتعلق بالمذيعه عبير الوزان
واليكم الرابط
بن عـيدان
19-09-2009, 07:25 AM
مذيعه سخييييييييييييفه و مليقه
الأنين
19-09-2009, 07:28 AM
لو ما خاب ظني انها تقدم برنامج جد ولعب على قناة فنون وتستخف دمها

بغض النظر عن ذلك عند ضغطي على الرابط تفاجأت بشكل الصفحه لايوحي بأنه منتدى ابدا!!!!!

شكرا لك
احمد.
19-09-2009, 07:29 AM
مذيعه سخييييييييييييفه و مليقه

اتفق معك تماما.
الاسطورة قماشة
19-09-2009, 10:47 AM
ما خلصنا من ملاقة العوضي جاءتنا هذي.


ليش مكتوب علي انا بالذات إني اشوف مثل هالمذيعات في ذات البرنامج.
محمد العيدان
19-09-2009, 12:38 PM
تم تلصيقها بمهنة المذيعات .. وليس لها لها اي موهبة بالتقديم
أبوحرب
19-09-2009, 12:46 PM
لاحول ولا قوة إلا بالله

هي أش سوت على شان تفتح منتدى بتحط فيه صور بدون مواضيع هههههههههههههههههه


مشكله أي واحد طلع على الشاشه من بكره فتحله منتدى
شېڅة آڷزېڹېﮯ
21-09-2009, 04:34 PM
حراام عليكم ..

وبعدين اخوي ابو حرب دامك ماتعرف شي لاترمس ..

اولا اهي مب بس قدمت برنامج جد ولعب 3 ..

اهي قدمت برامج ثانيه .. وفقناة العداله و قناة الوطن .. ودامك مب امصدق روح وشيك ..

ع العموم صدق من قال اللي مايعرفك مايثمنك ..

وبالعكس اهي مذيعه لها مستقل ..

ومتألقه بكل اعمالها ..

وبس حبيت اقول للكل اللي ما يعرفك ما يثمنك .. << وهالمثل ينطبق عليكم لانكم ماتعرفونها فشي طبيعي ماتثمنونها و ترمسون عنها بهالطريقه ..

جنها ماكله لحمكم نيي ..

ع العموم اهي مذيعة ومتألقه وبتم مذيعة رضيتو ولا انرضيتو بتم مذيعه ..

شأتو ام ابيتو بتم مذيعه وغصبن عن الكل ..

وبالتوفيج حبيبتي عبوره ..

وماعليج من كلام العذال ..

وواصلي مسيرتج الاعلاميه .. تراج خووش مذيعه ولج مستقبل باااهر باذن الله ..

وماشا الله عليج ما عليج قاصر .. ولو ان في بعض الملاحظات على ادائج بس بعد بتبقين مذيعه ومتألقه غصبن عن الكل وكل مذيعه فبداية مشوارها لازم تواجه اللي واجهتيه ..

عقولت تامر حسني >> استمري ..

خخخخ


بالتوفيج ان شا الله ..

جااااو ..
بحر الحب
21-09-2009, 05:25 PM
الوزان لها مستقبل !!!!
اجل حصة اللوغاني شتطلع ؟
بعدين الاخوان صدقوا لانهم شافوا تقديمها المتواضع , واحيانا هالمذيعة تكسر خاطري لما تخربط بالكلام .
امل
21-09-2009, 06:27 PM
حتى المذيعين فتحوا لهم منتديات

شي غريب الصراحه
منار
21-09-2009, 08:44 PM
عبير الوزان اسلوبها و شكلها في التقديم مقبول
يكفي انها متألقه دائما في البرنامج
والاهم أنها شخصيه خفيفة الظل
محمد العنزي
22-09-2009, 03:37 AM
السلام عليكم
اولا انا صراحه منصدم من الكلام اللي قاعد اسمعه
ثانيا مذيعه ماتعرفون عنها شي ولا تابعتوها كيف تتكلمون الكلام هذا
ثالثا انتو صلا مالكم لا بلفن ولا الفنانين انتو لكم بلكلا م الفاضي بس
رابعا المنتدى انا مهديه للمذيعه المتالقه عبير الوزان
خامسا المفروض انكم تطورون وتحترمون وتحافضون على الموقع اللي يحمل اسم الفنان القدير حسين عبد الرضا

واخيرا... قولو اللي تقولونه المذيعه عبير من افضل المذيعات بالساحه الكويتيه



مع تحيات مدير موقع المذيعه عبير لوزان

محمد العنزي
أحمد سامي
22-09-2009, 03:40 AM
بعيدا ً عن عبير الوزان سواءا ً أحببتموها أم لا

هذا منتدى " مجاني " لذا نشره على المنتدى من الأمور المخالفة

لذا يغلق الموضوع ويُحرر.