محمد العيدان
17-03-2010, 08:47 AM
http://www.alanba.com.kw/AbsoluteNMNEW/articlefiles/100422-1p32.jpg
http://www.alanba.com.kw/AbsoluteNMNEW/templates/art2010.aspx?articleid=100422&zoneid=15&m=0
شجون أو شوچي حبيناها في جميع الأدوار سواء الأدوار الكوميدية او الدرامية او المركبة.
تتقمص الشخصية 100% وتنتقي أدوارها 100% وفي دردشتنا معها بـ «الأنباء» كانت صريحة 100%.
هي شجون الهاجري، الطفلة التي لا تكبر، وإليكم تفاصيل الدردشة:
انتي وينچ قاطعة عن الإعلام؟
والله مو قاطعة لكني مشغولة في تصوير مسلسل «دار الأيتام» وهالمسلسل لازم يخليك تنقطع عن الناس.
ليش؟
لأن موقع التصوير بشاليه في منطقة الدوحة، يعني آخر الدنيا والحمد لله العمل وايد عاجبني، خصوصا انه من تأليف الكاتبة هبة مشاري حمادة.
أحس ان شجون تبدع مع هبة حمادة بالذات.. ليش؟
ملاحظتك 100% ما شالله عليك (تضحك).
ما جاوبتيني.
لأن هبة حمادة تكتب لشجون الهاجري وحتى لو أقرأ العمل وما تقول لي شنو الشخصية تلاقيني أعرفها على طول ولا تنسى اني تعاملت مع هبة في «فضة قلبها أبيض» و«ام البنات» و«دار الأيام» وفي الأيام الياية راح نبلش في تصوير مسلسل «زوارة خميس» مع القديرة سعاد عبدالله وهبة حمادة.
يعني نقدر نقول ان هبة حمادة فجّرت طاقات شجون الهاجري؟
اي نعم، اهي اللي فجرت طاقاتي الفنية
كلمينا عن «زواره خميس».
احنا نفس جروب مسلسلي «ام البنات» و«فضة قلبها ابيض» ودوري في هالعمل هو دور أصغر البنات في العايلة وأدرس في الجامعة وما راح اكمل لأني ما بي احرق الشخصية.
شجون كوميدية وفي نفس الوقت ممثلة درامية.. شلون قدرت تجمعين بينهم؟
أنا بالسابق كنت ارفض اني امثل كوميديا لأني ما كنت مقتنعة لكني مع كثرة الأدوار اكتشفت ان شخصيتي فيها كوميديا.
دايما نشوفچ بمسرح الطفل.. ما ياچ عرض من مسرح الكبار؟
ياتني وايد عروض لكن متعتي بمسرح الطفل لأني أولا أحبهم ثانيا مشاعرهم صادقة وسريعة.
منو اللي عرض عليچ ورفضت؟
يعني ضروري تعرف (تضحك)
طبعا.
من طارق العلي وعبدالعزيز المسلم وأنا أكون اساسا مرتبطة مع مسرح الطفل فعلشان جذيه أرفض.
قدمت برنامج «شوجي» ونجح باكتساح، شنو السر؟
والله مادري، يمكن التلقائية وهم ما أنسى كل فريق العمل اللي ساعدني وساهم في هذا النجاح.
يعني في «شوجي 2»؟
اي نعم في «شوجي 2» مع نفس فريق العمل.
ياتلچ عروض من القنوات بعد «شوجي»؟
وايد وايد والعروض وايد قوية لكني رفضت لأن قناة «فنون» عطتني الثقة وسمت البرنامج باسمي وهذا شي كبير.
تعودنا ان لما يكون اسم البرنامج على اسم المذيعة يكون بمذيعات كبار مثل اوبرا وبالوطن العربي هالة سرحان، ما خفت من هالفكرة؟
والله خفت وهم ما خفت وقناة فنون حبت تقدرني وانا اشكرها على هالثقة.
يقولون شجون أجرها وايد غالي.
شدعوه ما أستاهل؟! (تضحك)
تستاهلين كل خير. الله يسلمك
http://www.alanba.com.kw/AbsoluteNMNEW/templates/art2010.aspx?articleid=100422&zoneid=15&m=0
شجون أو شوچي حبيناها في جميع الأدوار سواء الأدوار الكوميدية او الدرامية او المركبة.
تتقمص الشخصية 100% وتنتقي أدوارها 100% وفي دردشتنا معها بـ «الأنباء» كانت صريحة 100%.
هي شجون الهاجري، الطفلة التي لا تكبر، وإليكم تفاصيل الدردشة:
انتي وينچ قاطعة عن الإعلام؟
والله مو قاطعة لكني مشغولة في تصوير مسلسل «دار الأيتام» وهالمسلسل لازم يخليك تنقطع عن الناس.
ليش؟
لأن موقع التصوير بشاليه في منطقة الدوحة، يعني آخر الدنيا والحمد لله العمل وايد عاجبني، خصوصا انه من تأليف الكاتبة هبة مشاري حمادة.
أحس ان شجون تبدع مع هبة حمادة بالذات.. ليش؟
ملاحظتك 100% ما شالله عليك (تضحك).
ما جاوبتيني.
لأن هبة حمادة تكتب لشجون الهاجري وحتى لو أقرأ العمل وما تقول لي شنو الشخصية تلاقيني أعرفها على طول ولا تنسى اني تعاملت مع هبة في «فضة قلبها أبيض» و«ام البنات» و«دار الأيام» وفي الأيام الياية راح نبلش في تصوير مسلسل «زوارة خميس» مع القديرة سعاد عبدالله وهبة حمادة.
يعني نقدر نقول ان هبة حمادة فجّرت طاقات شجون الهاجري؟
اي نعم، اهي اللي فجرت طاقاتي الفنية
كلمينا عن «زواره خميس».
احنا نفس جروب مسلسلي «ام البنات» و«فضة قلبها ابيض» ودوري في هالعمل هو دور أصغر البنات في العايلة وأدرس في الجامعة وما راح اكمل لأني ما بي احرق الشخصية.
شجون كوميدية وفي نفس الوقت ممثلة درامية.. شلون قدرت تجمعين بينهم؟
أنا بالسابق كنت ارفض اني امثل كوميديا لأني ما كنت مقتنعة لكني مع كثرة الأدوار اكتشفت ان شخصيتي فيها كوميديا.
دايما نشوفچ بمسرح الطفل.. ما ياچ عرض من مسرح الكبار؟
ياتني وايد عروض لكن متعتي بمسرح الطفل لأني أولا أحبهم ثانيا مشاعرهم صادقة وسريعة.
منو اللي عرض عليچ ورفضت؟
يعني ضروري تعرف (تضحك)
طبعا.
من طارق العلي وعبدالعزيز المسلم وأنا أكون اساسا مرتبطة مع مسرح الطفل فعلشان جذيه أرفض.
قدمت برنامج «شوجي» ونجح باكتساح، شنو السر؟
والله مادري، يمكن التلقائية وهم ما أنسى كل فريق العمل اللي ساعدني وساهم في هذا النجاح.
يعني في «شوجي 2»؟
اي نعم في «شوجي 2» مع نفس فريق العمل.
ياتلچ عروض من القنوات بعد «شوجي»؟
وايد وايد والعروض وايد قوية لكني رفضت لأن قناة «فنون» عطتني الثقة وسمت البرنامج باسمي وهذا شي كبير.
تعودنا ان لما يكون اسم البرنامج على اسم المذيعة يكون بمذيعات كبار مثل اوبرا وبالوطن العربي هالة سرحان، ما خفت من هالفكرة؟
والله خفت وهم ما خفت وقناة فنون حبت تقدرني وانا اشكرها على هالثقة.
يقولون شجون أجرها وايد غالي.
شدعوه ما أستاهل؟! (تضحك)
تستاهلين كل خير. الله يسلمك