السلام عليكم ورحمة الله وبركاته


ملاقات صفحه جميله فكاهيه وساخره وخفيفه راح تطل عليكم بين فتره واخرى بمواضيع منوعه وحلوه اتمنى تعجبكم وهالمره اخترت لكم 4 مواضيع عشان مانطول عليكم وماتملون والمرات القادمه راح نزيد الجيله خخخخخخخ مع تحيات بيت التموين
واللي عنده شي يبي يقوله ويخاف يقوله انا اوصله بس اتمنى انه موضوعه مايودينا ورا الشمس هههههههههههه
لا لا بإذن الله المواضيع راح تحوز على رضاءكم واهتمامكم لانها من حياتنا اليوميه واي احد ممكن يمر بهالمواقف او تصادفه
وطبعا انا هالمواضيع كنت اكتبها بالتلفون واطرشها لشباب وحازت على اعجابهم فا حبيت انقلها لكم ... وهالمواضيع متنوعه وبعضها انا قاريهم وعاجبيني وللحين محتفظ فيهم
وعنوان المشاركه اخترته عشان يشد القارئ ولا فيه مواضيع اقوى من ذالك وكما يقال الخافي اعظم ........ إلى ميدان ملاقات


" ليش يابنــــــــــــــات؟؟ "

ليش وايد بنات يستحون يلبسون من زارا؟ وشفيه مجمع النقره الحين صار مو شي؟ ليش البنات اللي ارقامهم 975 يدقون دقه ويسدونه يعني دقوا؟؟ ليش تتبعون الموضه حتى لو مصخره ؟ وخصوصا موضة الالوان الفسفوريه الفاقعه !!!!!! هالالوان اللي تكسر العين يعني اللي ماتشوف شوف حتى الاعمى يفتح اذا مريتي !!! ليش الشباب والبنات الكول يستحون ياكلون من مطعم الجمعيه؟ ليش البنات يقولون اليسا جيكره وهيفا وهبي سحت؟ ليش ماتبون احد يدري انكم تشترون من حوش السالميه جواتي؟ وليش تقولون بنسوي رجيم وماتسون كبر مقتا عند الله ان تقولوا مالا تفعلون ........ وللحديث بيقيه يانسوه انتضروني في ملاقات 2 لطلاب الجامعه
خلونا نحول ع الشباب عشان ماحد يقول عني متحيز خخخخخخ..


" ليش يا شبـــــــــــاب؟؟ "

ليش ياشباب تلبسون من سوق شعبي وتقولون هذا من ليلى جاليري والبستان يعني انتوا كوول؟ وبعدين ليش مره بشنب ومره من غير شنب ومره بقفل ومره حاطلي عرف ديج!! حلات الواحد بطبيعته ومايقلد احد وليش بعضكم اتكالي ومايتصرف؟ وليش بعضكم عينه زايغه ليش كل كويتي عليه اقساط وقروض !!! مع احنا دوله غنيه؟ ليش اتقزون في الجمعيات ماكو شغل ؟ ليش
75% مدخنين ؟ ليش ماكل همكم الترقيم ؟ وماتكتفون بوحده؟ ليش كل من هب ودب غني علشان يصير مشهور وتصير عنده معجبات ؟ هل هذا اقصى الطموح؟ ليش لما تدخلون محل كشخه ماتكاسرون ولما تدخلون محل عادي تنشفون ريجه ؟؟؟؟؟ ليش حفرتوا شارع الحب من القز ترا مافيه بهالشارع ريحة حب !!!! وليش لما تقزون بشارع الحب ماتكملون اشارة الشويخ وتلفون فوق تحت من كيفان ؟ وللحديث بقيه في ملاقات 2 لطلاب الجامعه ...


حوار في في منتصف الليل بين طلال وشخص نوعا ما ماعنده سالفه!

كنت قاعد على كرسي اتأمل القمر الجميل وطالع الي رايح واللي راد " ماكو شغل" وشوي وجلس يمي واحد وياريته ماقعد يمي لانه لوع جبدي! قعد يطالعني وانا طالعته وابتسمت بوجهه ولا يرن جهازي ولا المتصل والدي يسالني متى راح اكون بالبيت وقلتله خلال ساعه يا ابتي واغلقت الخط ولا يكلمني الاخ ويقول انت حضري؟ فارديت عليه وقلتله متحضر؟ سكت شوي جان يسالني انت شصلك؟ قلتله ظفيري رد وقالي وليه متحضر مو عيب ؟ تعجبت من جملته وقلتله وشنو العيب اذا كنت متحضر؟ قالي انت اصلك بدوي شلون تبدل اصلك ؟ قلتله لا انا مابدلت اصلي وافتخر فيه ؟ وهل التحضر شي معيب؟ قالي اي الحضر غير البدو ؟ قلتله زين انت يبتها لنفسك !! اذا انت بدوي ليش عايش بالمدينه وتركب سياره وعندك تلفون ولا لاب توب بعد ؟! جان يقول اي عادي ابقى ابدوي .! قلتله اوكي بدوي متحضر؟ جان يقول لا اهبا اكون متحضر انا ابدوي تفهم ولا لا! قلتله البدو يعيشون بالخيام ويرعون الابل هذيل يتسمون بدو الحي انت سلمت نفسك للحضاره وصرت متحضر بالرغم من انك بدوي بس انت الحين متحضر قال لا....... ماني متحضر انا بدوي وبس! قلت هذا شكله مايفهم خل اقوم اروح البيت احسن واستاذنت منه وقبل لا اروح قالي ابي رقمك اتعرف ليك شكلك خوش رجال ... قلتله لا اشحقى ارقام انا راح اطرشلك رسايل مع الزاجل انشالله بعد شهر توصلك شغل اول ومشيت عنه وعلامات الدهشه على ويهه!!

المغزه من هالمقاله هو انه الجدل ارقى عمليه ابداعيه ولها اسس ومعايير ابسطها سماع الراي والراي الاخر واحترامه بس هو الله يهداه نسف راي الشخصي وقال كلام مشين بس انا حذفته احتراما لكم .......



مايمنع

"مايمنع " هي قصيده كوميديه ساخره كتبتها ايام المرهقه اتمنى انها تعجبكم تقول القصيده :-




كاني كاني ... بوسط المجمع .... شفت ابنيه قمر نورها بالمكان مولع .... ياحلو ضحكتها أه أه عيوني قامت تدمع ....!

اووووووووف انا اشهد انها اسحرتني وادخلت بوسط قلبي وروحي ..... ياناس شوفوها تضحك وتسولف مع ارفيجتها السحته ؟


احبها ولا ما احبها ؟ احبها ولا لا؟ اووووه خلصت الورده !!!!

الا بحبها غصبن على الحب نفسه وغصبن على هالورده اللي نتفتها !

صحيح اني جيكر لكن هذا مايمنع .... اني احبها واهواها واعشقها

رحت لها بخطوات ثابته وكلي ثقه جني براد بيت وقت ما استلم الاوسكار وقلت تعالي تعالي ياحلوه هاج هذا رقمي
قالتلي انت قليل ادب ماتدري اني مخطوبه

قلت لا والله محد قالي عطيني الاثبات ياحبوبه ؟؟

وقف وراي واحد طويل ومجسم وقالي في شي يالطيب ؟؟؟

قلتله استح على ويهك هذي زوجتي ! شتبي يادب

...

...

...


تعرفون شنو اللي صار؟ لعن خيري


اه اه اه هذي اخرتي مجبس بمستشفى الاميري

مالت علي بعد ماراح اقز بعد هالعمل الانتحاري !!!!!!!!!!


وسلامتكم




اتمنى اني زرعت الابتسامه في وجوهكم والله هالشي يفرحني وايد وبانتظار ردودكم الحلوه واهلا بانتقاداتكم ايضا