إضافة رد
 
LinkBack أدوات الموضوع انواع عرض الموضوع
قديم 07-12-2010, 10:02 PM   #1 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,390
الـجــنــس: ذكر
العمر: 24

افتراضي رحلـــــــــــة دمــــــــعة.... الحلقة الثانية


رحلة دمعة


رحلة دمعة .. الحلقه الثانية ..

الحلقة 2


ضيوف الشرف

ذكرى


مشهد 1 داخلي نهار بيت احمد سامي


بينما كان احمد سامي ونوره جالسين في غرفة المعيشه يحتسون الشاي .. يدخل عليهم كل من الأبناء ابوغادة وزهرة والسامر يجلسون ..

ينظر اليهم احمد سامي ويقول : عيل اخوكم بحر الحب وينه ؟؟


يرد السامر باستهزاء : اخونا فوق بالمرسم ! أقصد بداره

"يضحك الاشقاء الثلاثه "

ينظر اليهم احمد سامي بغضب ويقول : وليش ماتنادونه معاكم ؟ ليش ماتشوفون طلباته ؟ انتوا اخوانه ولا من

تكونون؟


ابوغادة : عدل كلامك يا يبه .. انا الحين اروحله وانزله معاي ..


ترد زهرة بضحكاات ساخره وتقول : هاااااه هاااااه هااااه .. ضحكتني اصلا اخوي هذا معقد .. ومو صاحي بعد


احمد سامي غاضبا : انتي انجعمي ولا تتكلمين عن اخوج جذيه فاهمه ؟

زهرة وهي غاضبه : فااهمه بابا بس لاتعصب اخاف يصير فيك شي بعدين منو يعطيني موصروف


نورة : اسملله عليه .. عمره عمر شعيب النبي انشالله .. لاتفاولين على ابوج فاهمه؟

زهرة تتذمر وتضع يدها على فمها : فاااهمه .. يوووه انا بسكت وماني متكلمه كل ماقول كلمه رديتوا علي بسبعمية كلمه .. خلاص بنطم وهذي ايدي بسكر فيها حلجي ..

احمد سامي : يكون احسن .. والافضل انج تروحين تشوفين دروسج ..

زهرة : يبه امس قلت حق عابر سبيل يساعدني وقالي ماقدر ..

احمد سامي : وليش تقوللين حق عابر؟؟ انتي شنو ماتفهمين؟ شرايج بعد يقدم الاختبارات مكانج؟؟

زهرة : ويييه جان زين .. على الاقل انام وانا مرتاحه!

احمد سامي : أي اللي يسمعج يقول انتي ماكله الكتب اكال .. وراح تموتين على ماتطلعين الاولى عالدفعه ..

زهرة : اووه كله يزفون وكله يتطنزون ..

نورة غاضبه : انتي ياجليلة الحيا حاجي ابوج عدل .. ولا تتحلطمين !


زهرة : خلاص اسفه انا خبله وهبله ومافهم شي !!





قطع مشهد 1




مشهد 2 داخلي نهار بيت احمد سامي


مشهد ابوغادة وهو يطرق باب غرفة اخيه بحر الحب .. بينما الاخر يرسم لوحة ..

طق طق طق ..

بحر الحب : منو؟

ابوغادة : انا اخوك ابوغادة

بحر الحب : تفضل ...

ابوغادة يدخل الغرفه وبابتسامه عريضه يقول ..

ابوغادة : قوووه بحر شلونك؟ وينك ماشفناك اليوم ؟؟

يبتسم بحر الحب ويقوب : وانتوا من متى تفقدوني ولا تدرون عني ؟؟

ابوغادة : أفاااا ياخوي شالكلام هذا ؟ انت اخونا الغالي والكل يحبك

بحر الحب يتحدث باستغراب : الكل ؟ من تقصد ؟ ربعي ؟ أي ممكن فيهم الخير .. بس انتوا لا وعمركم ماحبيتوا الا

انفسكم ولا انا لي الله .. محد حاس فيني ..


ابوغادة يجلس بجانب اخوه .. ويضع يده على كتفه ويقول :

ابوغادة : لا ياخوي كلنا نحبك .. وكلنا حاسين فيك .. بس انت اللي عزلت نفسك عن العالم؟ وترا الاعاقه مو عيب بالعكس الله سبحان وتعالى كتبلك هالشي وهو خلق الانسان في احسن تقويم؟

بحر الحب يبكي : ونفسيتي اللي اتعبت من حالتي ؟ ومستقبلي الضايع بالحضيض ؟؟ وانتوا اهلي اللي ابتعدتوا عني؟ محد حسسني بالحنان والامان .. محد درى عن حالي ؟؟ قولي بحر ابوغاده .. عمرك سالتني انت قاصرك شي؟ ولا قلتلي شرايك تطلع معاي ؟؟ تطلع انت وربعك وتستانسون .. عليكم بالعافيه ماني حاسدكم .. بس انا.؟ منو اللي يقوم فيني؟ حتى ربعي يجاملون . انا مابي اكون عاله على احد

ينهض ابوغادة ويقبل راس اخوه بحر ويحضنه بقوه ويقول :

ابوغادة باكيا : كل هذا شايله بقلبك وساكت؟ بحر انت اخوي تعرف شنو يعني اخوي .؟ يعني اثنينا طالعين من بطن وحده ..دمنا واحد والدم عمره مايصيرماي؟ وانا احبك واوهدك اني ماراح اخليك وكل ماتحتاجني بتلاقيني يمك عونك وسندك وكل حواسك ..


ابوغادة يمسح دموع اخيه ويبتسم الاثنان لبعضهما ويحضنان بعض بحنييه



قطع مشهد 2





مشهد 3 داخلي نهار بيت جنون انثى


مشهد جنون انثى وهي جالسه مع ابنها حمود في الصالة .. ينظر عابر سبيل لوالدته باستحياء .. ويقول


عابر سبيل : يمه .. اقدر افاتحج بموضوع ؟

جنون انثى تضع كوب الشاي على الطاوله وتقول : خير يمه ؟ فيك شي قاصرك شي؟

عابر سبيل يتردد بالحديث : لا مو ناقصني شي بس ......

جنون انثى : بس شنو يايمه؟ قولي؟ تخش عن امك اللي ماعندها اغلى منك وتطالع الله ثمه تطالعك؟ اذا ماتقولي اللي بقلبك راح تقوله لمنو؟

عابر سبيل : أي بس اخاف ماتفوافقين ؟

جنون انثى : بس شنو يايمه ؟ ترا خوفتني ...

عابر سبيل : لا لاتخافين .. الشي اللي في بالي خيير وراح يفرحج .. لانه كل ام تتمنى لعيالها هالشي .. بس اخاف انج ماراح توافقين بالوقت الحالي وانا خايف انها تطيير من ايديني ..

جنون مستغربه : تطير من ايدينك؟ عابر ؟ انت تحب ؟

عابر يهز راسه باستحياء ويقول : اي .. أي يمه احب وحده معاي بالكليه ..


جنون تبتسم : ومن متى هالكلام؟

عابر : من اول يوم شفتها فيه بالكليه ..

جنون : وهي بعد تحبك ؟؟

عابر ووجهه محمر خجلا : أي يمه

جنون : يحليلك عابر والله كبرت وصرت ريال وتفكر بالزواج .. الله يرحمك يابوعابر .. ليتك عايش الحين وتشوف ولدك معرس ..

عابر: الله يرحمه وهذا قضاء الله وقدره .. والموت حق ..

جنون : أي ياولدي صدقت .. انا راح اروح بيت خالك احمد عشان يروح معانا .. مايصير اروح بروحي .. لازم ريال معانا ..

عابر : أي عدل كلامج ..





قطع مشهد 3




مشهد 4 داخلي ليل منزل احمد سامي ..


مشهد نورة ومذيعة وهن يتحدثن في صالة الجلوس ..


مذيعة كويتية : أي ماقلتلج نورة رفيجتنا ام علاوي تطلقت من زوجها كوكب الشرق !! وعليه عليها شافت الضيم منه ..

نورة : وييي حرام عليه والله ماتستاهل ..

مذيعة كويتية : مصيبه صابتهم رياييل شبكة الفن مالهم امان . ديربالج وحطي بالج عدل على ريلج لا تخطفه وحده معاه من بنات كلية الشبكة للفن والاعلام ..

نورة ترد بخجل : لا احمد غير عن الرياييل حبيبتي مايشوف غيري


مذيعة كويتية : ويييييييه وانتي شدراج عن الرييايل ساليني انا عنهم طلقت 3 مرات.. خبره تفتح العينين! .. بس يشوف وحده اضحكتله قال هذي اعشقتني
وراح يركض وراها .. عيل انا شلي قردني غير غيرتي .. وشكي .. وتجسسي عليهم .. تصدقين سويت مثل خالتي قماشه بكل زاوية بالبيت وبره البيت مركبه اجهزت تجسس !!


نورة تضحك وتقول: ههههههههه الله يقطع سوالفج .. احمد مو مراهق .. ؟ الشيب تارس ويهه وبعدين هو استاذ جامعي ورزين .. مو سوالفه هذي .. لو تقولين ولدي السامر اصدقج .. بس احمد لا انا واثقه فيه ..


مذيعة : عاد انا حذرتج وانت كيفج .. نسيت اقولج !! دريتي ام حسن شمسويه؟؟

فلونه : ام حسن ماغيرها ؟؟ شمسويه ؟

مذيعة : مسويه 17 عملية تجميل !! مصيبه صاابتها .. فلوسها زايده .. تعالي شوفيها الحين تشبله الممثله جوليا روبرتس ..

نورة مذهوله : صج والله ؟ أي الخير يخير .. ويغير .. من قدها .. عيل احنا

مذيعة : والله انا بخاطري اسوي نحت .. واسوي قمازات .. وبالمره احط تان ... وانتي ياحظي تزيني لريلج غيري بدلي .. لازم تطلعين بنيو لوك ..

نورة : لا ريلي يحبني مثل ما انا ..

مذيعة: سليحط .. باجر لاراح لغيرج لاتقولين ليش هدني ؟؟

نورة غاضبه : انتي يايه تونسيني ولا تشككيني بريلي؟ شوق شفيج الله يهداج؟؟

مذيعة : لا ياوخيتي .. بس انا اقول الشيطان بعده ما مات ؟ ولا هو طالع تقاعد .. اخاف انه ريلج يشوف وحده مني ولا مني وياخذها ويقطج انت وخلاجينج بالشارع ..

نورة : لا تطمني احمد مايسويها ..

مذيعة : خلاص .. خلاص انا اسفه وحقج علي


قطع مشهد 4



مشهد 5 خارجي ليل احد المجمعات



مشهد السامر والاسطورة قماشة في الكوفي شوب يحتسون القهوه ويتبادلون الحديث ..




السامر : وحدي متى اقدر اطلب ايدج من اهلج؟


الاسطورة قماشة باستحياء : حياكم الله باي وقت


في هذه الاثناء يرن هاتف السامر اكثر من مره ..

ترررن ترررن

ترررن ترررن

الاسطورة قماشة : ليش ماترد على الموبايل صارله ساعه يرن؟

السامر : لا هذييل الاهل ماعلينا منهم

الاسطورة قماشة : يمكن يبون منك شي؟ رد عليهم اخاف يحاتونك ..

السامر : بعدين بعدين ..

وفي هذه الاثناء تمر زهرة مع صديقتها وتشاهد شقيقها مع صديقته وتسرع بالاتصال عليه ..

ترررن تررررن


يرد السامر .. الاسطوره قماشة تنظر اليه باستغراب ..

زهرة : الووو قووه السامر شلونك؟


السامر بغضب : خيير شتبين ؟

زهرة : منو هالصاروخ اللي قاعده يمك .. صراحه ذووقك وايد حلووو .. صج صج انت كوول ..


السامر متفاجا ويتلفت حوله: انتي وينج وشلون شفتيني ؟؟


زهرة تضحك وتقول : هههههههه أي معلوم ماتطالعني ... اللي يمك خلتك منثول وماتطالع احد ..


السامر يزل لسانه ويقول : ومن قالج احبها يالخبله انا اتسلى بس !!! أأقصد توني متعرف عليها !!


الاسطورة قماشة غاضبه : تتسلى ؟؟ صج انك قليل ادب وماتستحي على ويهك ..


وتنهض من مكانها .. وترحل ..

السامر ممسكا بالهاتف ويقول : وين رايحه تعالي .. شفتي شلون؟ راحت كله منج .. دواج عندي .. وينج انتي ؟؟

زهرة : وييه.. امبييه اسفه ماكان قصدي اخرب لقاءك الغرامي ... لاتزعل انا اضبطك باللي احلى منها ..


السامر يبتسم ويقول : صج زهرة ؟ بتعرفيني على وحده حلووه.. ؟


زهرة : أي افا عليك جم اخو عندي .. ترا بس واحد ولا الباجي مو معترف فيهم دوليا !! معقدين .. مو سامعين بعقدة اوديب .. كل جنس يميل للجنس الاخر .. شي عادي وطبيعي وين المشكله انا احب واحد ولا انت تحب وحده؟


السامر : والله وطلعتي فيلسوفه .. يمه منج تخوفين بلد كامل ..


تأتي زهرة بسرعه من وراءه وتسحب الكرسي ويقع السامر !!

طااااااااااااااااااااخ


وتهرب زهرة مسرعه وهي تضحك ...


السامر : لا يا بنت اللذينه .. دواج عندي ... !!




قطع مشهد 5








مشهد 6 خارجي نهار الجامعة


مشهد احمد سامي وهو يلقي محاضره داخل القاعه ... مع التلاميذ " هاشم العلوي – محامي القصبي – ناقد – ذكرى "

مزاجي صعب : درسنا اليوم عن المعاهده البريطانيه الكويتيه اللي وقعها الشيخ مبارك .. ياترى شنو كانت بنود هذي الاتفاقية؟؟


ترفع ذكرى يدها ... لتجاوب على السؤال


احمد سامي : تفضلي خانتني .. سمعينا جوابج ...


ذكرى : اول البنود انه الشيخ مبارك هو حاكم دولة الكويت ... والكويت دوله مستقله ويحكمها اسرة آل صباح بالتوارث .. وكذالك ينبغي على بريطانيا حماية الكويت من الاطماع الخارجيه .. ومن بنود الاتفاقيه انه الكويت الا توقع اتفاقيه مع دوله او تتعاون معها الا في حالة اللجوء لبريطانيا ...


في اثناء حديث ذكرى .. مزاجي ينظر يبتسم اليها ونظراته مليئه بالاعجاب ..


ويقول احمد سامي : ماشاء الله عليج .. تستحقين علامه كامله .. على هالشرح الوافي .. وهني تنتهي محاضرة اليوم .. نشوفكم المحاضره اليايه .. كل الطلاب انصراف .. ذكرى ابيج بالمكتب عندي ..

ذكرى : حاضر يا استاذ ..




قطع مشهد 6




مشهد 7 داخلي نهار بيت احمد سامي


مشهد نورة ومذيعة كويتية وهن جالسات ... وتدخل زهرة .. وتلقي التحيه


زهرة : هاااي مامي .. هاي خالتو . شلووونكم ؟


مذيعة : الحمدلله طيببين ..


زهرة : يمه انا يوعاااانه وايد ..

نورة : روحي غسلي .. وغير ملابسج .. يكون ابوج راد من دوامه بالسلامه .. ونتغدى يميع..

مذيعة تتطنز : وييي يرد من الدوام .. ولا من موعد الغرام !! انا اقص ايدي اذا مو قاعد مع وحده من هالطالبات اللي معاه ..

نورة بغضب : ولييييه يامذيعة انتي وبعدين وياج .. يوزي من ريلي .. احمد ماعنده خرابيط . واذا انتي متعقده من الرياييل لاتعدقديني انا معاج ..


مذيعة : خلاص بسكت .. هذا يزاي لاني احذرج .. باجر راح تعضين اصابع الندم يالخبله !!

زهرة : انا اروح اخذلي شاور احسن من مجابل هالمينونه ..

مذيعة : هووو منو المينونه يالمينونه ؟؟ انا خالتج ماني اصغر عيالج .. الشرهه مو عليج .. على امج اللي ساكته ومو قادره ترد عليج ..

نورة : مذيعة شفيج هذي ياهل ..

مذيعة : أي ياهل ؟؟ اللي بعمره متزوجه وعندها عيال .. وانتي تقولين ياهل .. والله محد راح يضيع هالعايله الا دلعج الزايد وغبائج الشديد.. روحي شوفي هالمسكين اللي فوق محد درى عنه ..


نورة : عيل انا ليش يايبتله خدامه؟ مو علشان تشووفه؟؟

مذيعة : والخدامه احن من أمه عليه؟ اولدج هذا موهوب ماشالله عليه شوفي رسوماته تطير العقل ..

نورة : هو مرتاح جذيه


مذيعة : الا انتي اللي مرتاحه .. منه ,, ماهمج غير انج تدلعين السامر وهالخبله اللي واقفه ..



زهرة تنظر لشوق بغضب وتنصرف ...


نورة : شفتي شلون؟ زعلت منج الحين

مذيعة غاضبه : وماهمج زعلي لما اغلطت علي ؟؟ ويقولون الأم مدرسة .. وانتي مدرستج تخرج الصايع الضايع .. والملسونه اللي ماتحترم احد .. والثالث دافن نفسه بين اللوحات .. والرابع .. اممم لا جنه اهون من الباقي .. الله يهديه انشالله ..


قطع مشهد 7



مشهد 8 خارجي .. مكتب احمد سامي ..


مشهد احمد وهو جالس بالمكتب مع الطالبة ذكرى .. وهم يتبادلون نظرات الاعجاب .. والابتسامات .. ويدور هذا الحوار


احمد سامي : الصراحه يا ذكرى انتي اثرتي اعجابي اليوم بالمحاضره .. وطريقتج بالشرح حلوه وبسيطه

ذكرى بخجل : مشكور يا استاذ .. والفضل يعود لك .. احنا نتعلم منك ..

احمد سامي : هذا حقكم علي .. الا ماقلتيلي ؟ ليش اسمج جذيه ؟ شنو قصته ؟

ذكرى : عندك استعداد تسمع قصة حزينه ..


احمد سامي: ولو ياخانتني لمو ما اسمعج اسمع لمنو .. انتي عزيزه حيييل

ذكرى تتحدث بخجل شديد: انا يا استاذ مالي احد بالدنيا غير ابوي .. اطالع الله ثم اطالعه .. امي توفت وانا صغيره .. وماعندي اخوان .. واسرتنا متفككه .. الاخو مايكلم اخوه والاخت ماتكلم اختها .. ساعات ابجي على حالي .. وساعات تخوني الدمعه وماتنزل وتسليني اذا تضايقت .. وتحل مكانها ابتسامه خداعه .. عشان لا احس ابوي بشي ..


احمد : صج اللي يسمع بلاوي الناس تهون عليعه بلوته ..

ذكرى : وانت شنو مشكلتك يا استاذ ؟

احمد : مشكلتي انتي حلها !

ذكرى متفاجأه : انا ؟ شلون ؟ مو فاهمه ..

احمد : انا احس بفراغ عاطفي .. صج انه ام عيالي مو مقصره عني بشي .. بس انا ابي حب .. ابي مشاعر دافيه .. واحاسيس حنونه .. وانا الصراحه من شفتج وقلبي فز لج .. وحبيتج من اول نظره ..

ذكرى خجوله وقد انعقد لسانه ..


احمد : وانا مستعد اخطبج من ابوج ... ولا وراح اخليه يسكن معانا .. واعوذج سنين الويل اللي شفتيه .. كل هذا راح يصير واكثر .. بس توافقين ..

ذكرى تبتسم بخجل : الراي راي ابوي والشور شوره

احمد : افهم من هالكلام انج موافقه ؟


ذكرى تنظر لأحمد بخجل .. وكانها تقول نعم انا موافقه ...


قطع مشهد 8



مشهد 9 داخلي بيت مزاجي .. وجبة الغداء

مشهد كل من احمد سامي ونورة وزهرة ومذيعة على طاولة الطعام .. يتناولون وجبة الغداء ويدور هذا الحوار


احمد سامي : عيل وين باجي العيال .؟

نورة : ابوغادة وبحر الحب طالعين يتغدون بره .. والسامر مثل ما انت عارف مايقعد بالبيت كله بره


احمد ينتهي من تناول الطعام وقبل ان ينصرف يقول : زين مايسوي الي اخذ اخوه يغير جو .. بدال حبسته بين اربع اطوف .. انا بروح انام الحين .. قعديني قبل صلاة المغرب عندي موعد ضروري ..

مذيعة تضحكه وتقول : كع كع اصلي واركع .. هذا اليوم المنتظر .

نورة تنظر مذيعة بغضب

ترد زهرة : أي يوم شنو تقصدين خالتي ؟


مذيعة تنظر نورة وتقول : هااااه ولا شي .. ياكلمه ردي محلج ..


قطع مشهد 9



مشهد 10 خارجي نهار .. شاطئ البحر


مشهد ابوغادة و بحر الحب وهم على البحر مستمتعين .. ويغنون .. وبحر الحب يقوم برسم اخيه وهو يبني قلعه من رمال البحر ..


قطع مشهد 10



............................ نهاية الحلقه الثانية ...............................


ترقبوا الحلقه الاخيره من رحلة دمعه خلال الايام المقبله ... واتمنى انه هالحلقه اعجبتكم ...

 

 

روائي غير متواجد حالياً   رد مع اقتباس
قديم 08-12-2010, 04:27 AM   #2 (permalink)
عضو نادي الألف
 
 العــضوية: 2430
تاريخ التسجيل: 05/03/2009
المشاركات: 2,046

افتراضي

بصراحه حلوه حيل حيل وكاني اتفرج ع التفي وانا اقراها

مشالله عليك مبدع لاهنت روائي

 

 

ذكرى غير متواجد حالياً   رد مع اقتباس
قديم 08-12-2010, 02:20 PM   #3 (permalink)
المدير التنفيذي للشبكة الإعلامية
 
الصورة الرمزية زهرة البحرينية
 
 العــضوية: 3100
تاريخ التسجيل: 29/04/2009
الدولة: البحرين
المشاركات: 4,729
الـجــنــس: أنثى

افتراضي

ههههههههههه شنو هذا ؟؟

دوري نزقه وايد ...

شكراً اخوي على الموضوع الحلو

 

 

__________________

 


ZaHra_BaH2

زهرة البحرينية غير متواجد حالياً   رد مع اقتباس
قديم 08-12-2010, 03:43 PM   #4 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,390
الـجــنــس: ذكر
العمر: 24

افتراضي

اقتباس:
المشاركة الأصلية كتبت بواسطة ذكرى مشاهدة المشاركة
بصراحه حلوه حيل حيل وكاني اتفرج ع التفي وانا اقراها

مشالله عليك مبدع لاهنت روائي






الله يسلمج اختي

ولاهنتي على المرور

 

 

روائي غير متواجد حالياً   رد مع اقتباس
قديم 08-12-2010, 03:44 PM   #5 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,390
الـجــنــس: ذكر
العمر: 24

افتراضي

اقتباس:
المشاركة الأصلية كتبت بواسطة زهرة البحرينية مشاهدة المشاركة
ههههههههههه شنو هذا ؟؟

دوري نزقه وايد ...

شكراً اخوي على الموضوع الحلو






لوووووووول


العفو ولو .. بالعكس دورج حلو واضاف للعمل طعم

 

 

روائي غير متواجد حالياً   رد مع اقتباس
قديم 08-12-2010, 07:16 PM   #6 (permalink)
مــجــرد إنــســان
 
الصورة الرمزية فارس العنزي
 
 العــضوية: 10389
تاريخ التسجيل: 04/08/2010
الدولة: المملكة العربية السعودية
المشاركات: 438
الـجــنــس: ذكر
العمر: 20 سنة
إرسال رسالة عبر MSN إلى فارس العنزي
افتراضي

هههههه أما سالفة أم حسن على هالـ 17 عملية تجميل شي ثااااني
تسلم أخوي " روائي " وبإنتظار الحلقة الأخيرة والظاهر إنها بتكون خووووش ثلاثية.

 

 

فارس العنزي غير متواجد حالياً   رد مع اقتباس
قديم 08-12-2010, 10:14 PM   #7 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,390
الـجــنــس: ذكر
العمر: 24

افتراضي

الله يسلمك ..


انشالله


ورسم الابتسامة على وجوهكم هي غايتي



لاهنت على المرور

 

 

روائي غير متواجد حالياً   رد مع اقتباس
قديم 09-12-2010, 01:43 AM   #8 (permalink)
عضو نادي الألف
 
 العــضوية: 2430
تاريخ التسجيل: 05/03/2009
المشاركات: 2,046

افتراضي

روائي سوري وش خانتني .. ؟؟

 

 

ذكرى غير متواجد حالياً   رد مع اقتباس
قديم 09-12-2010, 09:32 AM   #9 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,390
الـجــنــس: ذكر
العمر: 24

افتراضي

لووووول


خانتني اللي حطيت اسمج بدالها .. ههههههههه


مهما ادقق لازم في اخطاء ..



طوفوا جنكم ماشفتوها لوووول

 

 

روائي غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الثانية, الحلقة, دمــــــــعة...., رحلـــــــــــة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسلسل خيوط ملونة .... من الحلقة الاولى الى الاخيره ( تم اضافة الحلقة الاخيرة ) الأنين تلفزيون شبكة الدراما والمسرح - (fnkuwait.com (tv 23 06-11-2010 12:15 AM
مسلسل زهرة وازواجها الخمسه من الحلقة الاولى الى الاخيره ( تم اضافة الحلقة 30 والاخيرة ) الأنين تلفزيون شبكة الدراما والمسرح - (fnkuwait.com (tv 22 20-10-2010 10:36 PM
مسلسل المنقسي من الحلقة الاولى الى الاخيره ( تم اضافة الحلقة الاخيرة ) الأنين تلفزيون شبكة الدراما والمسرح - (fnkuwait.com (tv 40 15-09-2010 02:34 PM
مسلسل ساهر الليل من الحلقة الاولى الى الاخيرة ( تم اضافة الحلقة الاخيره ) الأنين تلفزيون شبكة الدراما والمسرح - (fnkuwait.com (tv 23 12-09-2010 01:42 PM
و هاذي الحلقة الثانية love funoon الـقاعـة الـكـبرى ( الفن والإعلام ) 5 15-09-2009 01:06 AM


الساعة الآن 11:43 PM


طلب تنشيط العضوية - هل نسيت كلمة المرور؟
الآراء والمشاركات المدونة بالشبكة تمثل وجهة نظر صاحبها
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292