إضافة رد
 
LinkBack أدوات الموضوع انواع عرض الموضوع
قديم 17-12-2010, 07:33 PM   #1 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,370
الـجــنــس: ذكر
العمر: 24

افتراضي رحلة دمعة .. الحلقة الأخيرة


رحلة دمعه


الحلقه الثالثة ... والاخيرة


ضيوف الشرف > كفاح > فارس




مشهد 1 داخلي ليل بيت احمد سامي غرفة النوم


مشهد احمد وهو يرتدي ملابس فاخره ويتعطر .. وينظر لنفسه بالمرآه ويبتسم ..

يقول لنفسه .. وهو ينظر بالمرأه

احمد سامي : ماشاء الله عليك .. راد شباب .. ياحلوك . والله !



تدخل نورة وتقول وهي : يه يه شالكشخه هذي .. اللي يشووفك يقول معرس !!



احمد يرتبك ويقول : هااه .. انتي شنو تقولين .. شلحجي ؟! انا ما اطالع وحده غيرج اصلا !!



نورة : حبيبي انا ماقلت شي اتغشمر معاك .. أي نسيت اقولك .. اختك جنون تنطرك تحت .. تبيك بموضوع ضروري ..



احمد : شنو هالموضوع ماقالتلج عنه ؟


نورة : لا ماقالت لي .. مذيعة صارلها ساعه تحاول تسحب منها حجي بس مصيبه مو راضيه تقول ..


احمد : خلاص خلاص انتي نزلي الحين .. قعدي معاها وانا الحين ياي وراج ..



نورة : انشالله


تنصرف نورة .. ويخرج احمد هاتفه من جيبه ويتصل ذكرى ..


تررررن تررررن



احمد : ألوو



ذكرى : ألو هلا احمد



احمد : انا راح اتأخر نصف ساعه لانه يوني ضيوف فجأه وماقدر اتركهم ..



ذكرى : اخذ راحتك ..



احمد : تبين شي حبيبتي ؟



ذكرى : ابي سلامتك ..



قطع مشهد 1



مشهد 2 داخلي منزل احمد صالة الاستقبال


مشهد مذيعه وهي جالسه تتحدث مع جنون .. نورة جالسه بعيد عنهما ..



مذيعه : ياختي قوليلي ؟؟ فهميني ؟؟ شنو الموضوع بالضط؟ ترا انا اقدر اساعدج .. أي اختي نورة تمشي بشوري .. واقدر اخليها تقنعه لج اذا الموضوع جايد .. بس عليج الله قولي نشفتي ريجي !!


جنون تبتسم : ماكو الا كل خير .. انشاء الله ..


مذيعه تتحدث لنفسها : مصيبه صابتها .. انا لو مكانها امووت .. ماقدر اخش شي داخلي .. !



وفي هذه الاثناء يأتي احمد ويسلم على شقيقته .. ويجلس بجانبها ..


احمد : هلا باختي ام عابر .. زارتنا البركه ..

جنون : الله يبارك فيك ..

احمد : وينج يالقاطعه .. لاتقين ولا تسألين ..؟


جنون في قرارة نفسها تقول " الحين منو المفروض يسال على الثاني انا ولا انت .. انت الود ودك ماتشوفني اصلا "


احمد يبتسم : أمري يا اختي شنو الموضوع اللي تبين تقولينه ؟ ناقصج شي ؟ عابر محتاج شي ؟



جنون : لا ياخوي راسك سالم .. مو محتاجه شي ..


احمد : عيل شنو الموضوع ؟



جنون : الموضوع باختصار انه عابر اولدي يحب وحده معاه بالجامعه ويبي يتزوجها .. ونبيك تروح معانا عشان تخطبله ..


مذيعه تقطع حديثهما : شنهو شنهوو شنهووووو .. سليحط .. هالياهل بيزوجنه ..!

هذا شنو يعرف بالزواج .. وين فيه شده .. اقول .. لو تتزوجين انتي مو احسن ؟ تعالي اعرفج على خطابات .. في وحده بالجهره اسمها ام ناصر .. كل الرياييل اللي عندها مناصب .. شقلتي ؟



جنون تتحدث بحزم : أنا يايه اتناقش مع اخوي مو معاج .. !

مذيعه منزعجه : أسفه .. مو قصدي وي محد يحب يسمع رأيي الشخصي هني

احمد يبتسم بحب : والله هذي الساعه المباركه .. وانا مستعد اخطبله واتكفل بمصاريف زواجه .. بعد امري يا اختي ؟

جنون تبتسم : مشكور ياخوي .. وعساك ذخر .. لاخلا ولا عدم ..


احمد : اخذوا لنا موعد من اهل العروس وانا اروح معاكم ..




مذيعه ونورة تنظران باستياء .. وكأنه الكلام لم يرق لهن ...




قطع مشهد 2



مشهد 3 خارجي .. شاطئ البحر




مشهد عابر سبيل وكفاح .. وهم يمشون على على الشاطئ .. والايادي متشابكه ..


عابر سبيل : ماني مصدق انه راح نكون لبعض ونعيش تحت سقف واحد .. انا مستانس وايد .. احس اني بطير من السعاده

كفاح تتحدث بخجل وعيناها للارض : وانا بعد مستانسه .. واحس انه الارض مو شايلتني مو كثر فرحتي ..

عابر : الله يابختي .. دلول تحبني ..


كفاح تبتسم : لا أنا ماحبك


عابر متفاجأ : افاااااااااا .. عيل تحبين منو؟؟؟؟!!!


كفاح : خلني اكمل جملتي .. أنا ماحبك .. اصلا أنا امووووت فيك!


عابر يبتسم : خرعتيني .. حسبالي صج ماتحبيني ..


كفاح تبتسم باستحياء : شلون ماحبك ؟ انا اعشقك .. أهواك .. ولا لي غالي سواك ..


عابر : وانتي اجمل احلامي .. حبي ودنية غرامي ..


كفاح : وانا مكاني بالدنيا مكانك .. ومستعده ابيع كل من شراني عشانك ..


عابر بخجلا : أحبج ..


كفاح خجوله اكثر منه : وأنا بعد أحبك .. أحبك .. أحبك





قطع مشهد 3



مشهد 4 داخلي بيت فارس > والد ذكرى



مشهد احمد وهو جالس مع فارس ..


احمد : بدون مقدمات ياعمي .. اعتقد انه ذكرى كلمتك عن الموضوع؟


فارس: أي يابوك كلمتني وهذي الساعه المباركه ..


احمد : ساعتك أبرك ياعمي ..


فارس : ياولدي يا احمد .. أنا تهمني بالدرجه الاولى سعادت بنتي ذكرى .. وابي أتطمن لها قبل عيني .. تدري ياولدي يابقى بالعمر كثر ما مضى ..


احمد : لك طولت العمر ياعمي وانشالله تشوف عيالنا وعيال عيالنا بعد


فارس : الله يسلمك ويخليك واللي تشرطه احنا حاضرين فيه


احمد يبتسم : لا ياعمي .. انتوا خيطوا وانا البس .. اللي تبونه يصير .. أنا تهمني سعادت ذكرى وراحتها .. مهرها بيت و سياره .. ولك مني البسها ذهب من ريولها لي راسها .. انا كل اللي عندي لها ..


فارس : السعاده مو بالفلوس وانا ياولدي .. السعاده اساسها الحب والاحترام وراحة البال ..


احمد : صدقت ياعمي .. وانا شاريها بقلبي وعمري وروحي .. وكل شي حلو بحياتي ..




في هذه الاثناء تاتي ذكرى .. وفي يدها العصير وتقدمه لمزاجي وتجلس بعيدا عنهم .. حانيه رأسها ..



فارس : الاستاذ احمد يحبج حيل .. ومتعلق فيج .. واضح هالشي من كلامه ..


ذكرى تشعر بالخجل الشديد ولاتعرف ماذا تقول .. تصمت .. والصمت يعبر عن مافي داخلها ..


احمد يبتسم : يقولون السكوت من علامات الرضا والموافقه ..


فارس : ها يابنيتي .. الراي رايج ؟


ذكرى : اللي تشوف يا يبه ..


فارس يبتسم : عيل على بركة الله ..


ينظر كل من ذكرى واحمد لبعضهما مبتسمين ..



قطع مشهد 4




مشهد 5 داخلي صالة افراح شبكة الفن والاعلام الكويتيه



مشهد كفاح وهي تدخل للقاعة بفستانها الابيض على اغنية > الجوهرة < للفنان راشد الماجد .. والورود تتناثر حولها .. تمشي بخطوات متردده وملامح الخوف واضحه على وجهها ..

كلوووز على كفاح ...



كلوووز على الحضور ..



كلوووز على الاطفال الذين ينثرون الورد والذين يمسكن بثوبها ..




كلووز على والدة كفاح وهي تبكي فرحان لروؤية ابنتها بالفستان الابيض..






كلوووز على جنون انثى الفرحه بقدوم زوجة ولدها ..




كلووز على نورة ومذيعة وزهرة ..



تتحدث زهرة بسخريه : وي الحين مالقى احلى من هذي ؟؟ والله ماعنده نظر ..



نورة : سكتي لاتسمعنا وحده من بناتهم ..


مذيعة : وييييييييه وين تسمعنا وهالدي جي يرقع فوق روسنا ..


زهرة تسخر وهي تحرك ابهامها للاسفل : الله وناسه يعني اذا سويت لها woooooooooooooow محد راح يسمعني



نورة : بس عيب لاحد يشووفج .. مو ناقصين حجي ...




مذيعة : ويييييه طالعي خواتها راح يحوشهم شد عضلي من الرقص .. بل عفيه حيييل 4 ساعات يرقصون وماتعبوا ..!!




زهرة : عيل خلوني ارقص يما تكفا .. نص رفيجاتي موجودين .. عفيه يما خليني ارقص واغطي عليهم كلهم ..


مذيعة : أقوول شريهان انثبري .. احنا لو مو مزاجي جان ماينا هالعرس الماصخ .. ولا شوفو النحاسه محد ضيفنا قطع .. !



نورة : مانبي شي .. ينخاف منهم ياوخيتي .. اخاف يحطون لنا شي .. وانت سجووه انثبري ماكو رقص .. احنا ضيوف


زهرة : ليش يمه هذا مو عرس ولد عمتي ؟؟ المفروض انا اللي معزبه فيه ..


نورة غاضبه : مالت عليج وطاح حظج .. لو صج يقدرنا ويحترمنا جان خذاج يالخبله .. ماراح واخذ غريبه .. سكتي بس ولا كلمه








مذيعة : سكتوووا سكتوووا ... قيس سلطان زمانه وصل ...







كلوووز على عابر واحمد .. وهم يدخلون القاعه .. بخطوات ثابته .. عابر يبدو عليه الارتباك واحمد يبتسم ابتسامة خفيه .. وينظر يمنا ويسارا .. حتى تقع عينه على ذكرى التي كانت جالسه خلف مقعد فلونه .. ويبتسم لها .. بحب ..


نورة تنظر اليه بخجل وتقول : وي احمد يضحكلي .. بعد عمري مايشوف بالصالة غيري ..


مذيعة باستياء : وييييييييه ذبحتينا احمد .. ابتسامة صفراء يقص عليج يالخبله ..





كلوووز على عابروهو يجلس بجانب زوجته كفاح ..


كلووز على احمد وهو يصفق بيديه .. وينظر اليهما ويقول بنفسه " أي ياعابر اليوم انته وباجر أنا "






قطع مشهد 5






مشهد 6 داخلي ليل الفندق




مشهد عابر وهو الطرحه من على وجه كفاح.. ويبتسم في وجهها .. لها .. وهي خجوله ..


عابر : وأخيرا أنا وانتي بمكان واحد .. انتي ملكي وانا ملكج ..


كفاح تبكي وتنظر لنفسها بالمرأه ..


عابر ينظر اليها باستغراب ويقول : كفاح ؟ ليش هالدموع ؟ شفيج ؟ انا زعلتج بشي ؟


كفاح تمسح دموعها : لا مازعلتني .. بس تذكرت أمي وأبوي ..



عابر يمسك بيدها : الحين انا امج وابوج وريلج وكل دنيتج..




قطع مشهد 6





مشهد 7 داخلي نهار بيت احمد



مشهد نورة وهي جالسه في الصالة تشاهد التلفاز مع السامر وزهرة وابوغادة ..



يدخل احمد .. وبيده ورقه .. ويلقي التحيه ..


احمد: السلام عليكم



الاهل : وعليكم السلام



احمد : زين انكم مجتمعين .. علشان اقولكم .. القرار اللي اتخذته ..



نورة باستغراب : قرار ؟ أي قرار ؟


احمد : تبين تعرفين قراري يا نوره ؟



نورة خائفه : احمد ترا خبصت قلبي ..؟؟ شفيك؟ شنو هالقرار ؟؟



احمد : يرفع الورقه ويعطيها نورة : قراري بهالورقه هذي ..



نورة تنظر للورقه . وتصاب بهستيريا : لا .. لا .. مستحييل .. تزوجت علي ..

طالعووا ياعيالي .. هذا عقد زواج ابوكم .. حط على راسي شريجه .. " تبكي نورة بحرقه "


ابوغادة : معقوله يايبه ؟ تزوجت على امنا ؟


زهرة : لا لا مو صج هذا مقلب كاميره خفيه !!


السامر : ومنو هذي اللي بترضى بواحد بعمرك .. وعنده زوجه وعيال بسن زواج ؟؟


احمد غاضب : انتوا شفيكم قلبتوها فيلم هندي .. أي انا تزوجت .. الشرع حلل .. تبون تعترضون على شرع الله ؟؟


ابوغادة : احنا مو معترضين يا يبه .. بس معقوله بعد هذا العمر كله تفكر تتزوج على امي ؟


زرة : شلي فيها هي احسن من امي ؟؟ شنو سوتلك؟ اسحرتك اكيد


السامر : بنات هالوقت ماعمرهم عافوا هالدنيا وحبوا اخذها مني .. جان انا تزوجت ..


احمد : انتوا شفيكم ماتفهمون ؟؟ هذا وانتوا جامعيين .. دارسين وفاهمين .. أنا ماني ياهل علشان تعلموني الصح من الغلط؟؟



نورة : أنا اللي كنت هالياهل المغمضه ومادري باللي يدور حولي .. استغليت هالنقطه لصالحك .. هذا يزاي ؟ اللي كنت اهتم فيك اكثر من نفسي .. واسهر الليل اذا طحت مريض وارتب اوراقك .. ووهبتلك عمري وحياتي .. شنو تبي بعد ؟؟


احمد : فلونه انتي ماقصرتي .. كفيتي ووفيتي .. وانا للحين احبج وابيج ..


نورة تضحك : تحبني ؟ وتبيني ؟ هالكلام ماعاد تقوله لي .. قوله لحبيبة القلب ..



احمد : يا فلونه ذكري الله ..

نورة غاضبه : الف من ذكره .. خلاص مو انت قررت وخلصت .. هم أنا بقرر .. طلقني .. طلقني


احمد يصفع نورة... صفعه قويه هزت جدران النزل ... فلونه تغادر المنزل مسرعه ...


زهرة : اوصلت فيك المواصيل انك تطق امي طراق ؟؟ أنا طالعه وراها وخلي اللي خذيتها تنفعك .. >> تخرج زهرة مسرعه


احمد غاضبا : باللي ما يحفظج .. انتي وامج ..


السامر : أنا طالع بعد .. بس ماتلوم الا نفسك لو دخلت هالمنحطه بيتنا ..

احمد يوجه صفعه قاسيه السامر .. الذي لم ينطق بحرف وخرج مسرعا ...


احمد ينظر لابوغاده.. ويقول : وانت ؟ يلا الحقهم ... وكمل العدد ..

ابوغاده يلتزم الصمت .. ويصعد لغرفته .. وهو حزين ..


قطع مشهد 7




مشهد 8 خارجي نهار الشارع


مشهد نورة وهي تجري مسرعه حافية القدمين .. على الطريق


مؤثرات صوتيه مع المشهد


اغنية " بعد هالعمر" >> اسمعوا الاغنيه عشان تعيشون الاحداث وتحسون بمشاعر نورة ..



غريبه ..كيف أيامي عليك تهون
بعد هذا العمر كله تخليني
أمانه قول وش هو قلبك
قلبك بلا إحساس...
سهل يقسى ،، سهل ينسى ،، سهل يجرح ..
عمومآ ماتوقعتك تصد وتخون ،،


تصور كنت أكذب نظرة عيوني
فيك ،،
تأكد ان حبي مو اعمى ولا مجنون ولكن /
كان حبي صااادق الإحساس
كنت صاااادق وإحساسي هو إلي يمشيني ،،



إلين اليوم أحبك وبك مفتون
كثر ما أذكر إلي راح من سنيني
كثر ما ابكي على أيامي ،،


صحيح إن احزاني من بعدك تغطي الكون
لكن صعب علي انساااااك،،




كل يوم أنتظرك ،،



وأقول _لعل! اليوم يوقضه الحب والشوق


لعل! شئ يوقض إحساسه ويجعله يذكرني ويسأل عني!،،






قطع مشهد 8







مشهد 9 داخلي نهار منزل جنون انثى


مشهد جنون وهي جاليسه وحده .. حزينه وتقول في قرارة نفسها


جنون : اييييييييه ياعابر تزوجت وخليت امك بروحها بين اربع اطوف .. وين ما التفت اشوفك .. واتخيل انك تناديني .. تقولي يمه .. يمه ..

عسى الله يهنيك ياوليد مع اللي اخترتها .. ويوفقكم ويرزقكم بالذريه الصالحه ..


وفي هذه الاثناء يرن هاتف جنون


ترررن تررررن


جنون : هذا اخوي احمد .. الله يستر ... ألوووو هلا احمد؟


احمد : هلا ام عابر شلونج؟


احمد : بخير الحمدلله



احمد : ما باركتيلي ؟

جنون : على شنو ؟

احمد : على زواجي !

جنون متفاجأه : انت تزوجت على نورة ؟!


احمد : أي على سنة الله ورسوله فيها شي ؟


جنون : لا مافيها شي .. بس....


احمد: اللي صار صار والحين صارت زوجتي وحالها من حال نورة .. ياجنون أنا احس نفسي شباب نورة كبرت .. وماهمها الا عيالها وشغل البيت .. الله يعطيها العافيه بس انا ابي حب وعاطفه


جنون : والله مادري شقولك ياخوي ..


احمد : ابي اسمع كلمة مبروك ؟ محد باركلي ..



جنون : مبروك ياخوي .... الله يهنيكم ..




قطع مشهد 9





مشهد 10 خارجي احد فوق احد الجسور



مشهد السامر وهو يقود السياره بسرعه جنونيه .. وفي غفله منه تنحرف سيارته عن الطريق لتصدطم بالحاجز وتصقط من فوق الجسر .. وتكتب له الوفاة ..





قطع مشهد 10






مشهد 11 خارجي احدى الشقق



مشهد زهرة وهي تتعاطى المواد المسكره مع صديقاتها .. وعلى غفله تداهم عناصر المباحث المكان ويتم القبض عليهن




قطع مشهد 11



مشهد 12 داخلي ليل منزل احمد سامي


مشهد احمد وهو جالس مع ذكرى بالصاله ..



يدخل ابوغادة وهو يبكي


احمد : ابوغادة شفيك؟


ابوغادة غاضبا : وتسالني شفيني ؟ ليش بصفتك منو؟


احمد : ابوغادة ثمن كلامك انا ابوك ..


ابوغادة : ونعم الابو والله .. دمرت بيتك عشان هذي ؟؟


ابوغادة : جب ولا كلمه .. >>يقوم احمد بصفع ابوغادة



ابوغادة : هالاطراق المفروض انت اللي تاخذه مو انا؟ يمكن يصحيك . من اللي انت فيه .. >> يبيكي بحرقه ..



احمد : شفيك شنو اللي صاير بعد؟


عذب : اخوي عطاك عمره .. واختي بالمخفر .. وامي انجنت .. والحين هي بالطب النفسي .. شتبي يصير اكثر من هذا؟ لاحول ولا قوة الا بالله ..


احمد منصدم .. وينقد لسانه عن الكلام ..


يجلس على الارض ممسكا راسه بكلتا يديه .. ويبكي بحرقه ..




ذكرى : كل هذا صار بسبب أنا .. ماكنت اتمنى ابني سعادتي على تعاست غيري ..


ابوغادة : شنو ينفع الكلام الحين؟ احنا ضعنا كلنا .. وانا مالي نفس اكمل دراستي وبوقف قيدي خلاص .. خلاص كل شي انتهى .. وانتوا الف مبروك عليكم .. عيشوا حياتكم لاتتضايقون علشانه ..



لقطعه على نورة وهي في المصحه العقيله .. تمسك بصورة عائلتها .. وتحضنها بقووه .. وهي تبكي ..




قطع ............................ نهاية الحلقه ..





وقفه مع روائي ...


بسم الله الرحمن الرحيم ..


اتمنى اني وفقت بتقديم رحلة دمعة .. وانكم حبيتوه .. .. الحياة اعزائي من خروجنا من بطون امهاتنا ونحن نبكي لي حد مانموت > ولكم طولت العمر < هناك ناس يبكون

لرحيلانا .. نبكي من شدة الفرح .. ونبكي من حر مافينا من احزان .... والحياة بحلوها ومرها تستمر .. وماراح ينفعنا بكائنا بشي .. لانه القدر هو القدر .. مانقدر نعدل فيه ..ولو كانت الدموع حلا

لكل شي لاغرقت الارض بدموعنا ... واذا فات الفوت ماينفع الصوت ...


وانشالله ماتضيعون مثل شخصياة القصة .. والله يحفظكم ويحميكم بعينه اللي ماتنام ..



لنا لقاء بشي جديد في قريبا ... أخوكم المحب : روائي

 

 

روائي غير متواجد حالياً   رد مع اقتباس
قديم 17-12-2010, 08:07 PM   #2 (permalink)
عضو شرف
 
الصورة الرمزية عابر سبيل
 
 العــضوية: 1690
تاريخ التسجيل: 22/12/2008
الدولة: الإمارات
المشاركات: 1,460
الـجــنــس: ذكر
إرسال رسالة عبر MSN إلى عابر سبيل
افتراضي

ههههههههه آخر شيء صار فلم هندي

انا ابغي اعرف احمد كم ضرب في الحلقة ؟ كل ما شاف حد عطاه طراق

بالنهاية اشكرك على الموضوع و القصة الجميلة المعبرة و ننتظر المزيد اخ روائي

 

 

__________________

 




كم اشتقنا لكم "بوصالح و بو حسين"

عابر سبيل غير متواجد حالياً   رد مع اقتباس
قديم 17-12-2010, 08:12 PM   #3 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,370
الـجــنــس: ذكر
العمر: 24

افتراضي

لوووووووووول



هذا اخر الاهمال


والله مادري اسأله هههههههههه

تسلم على المرور اخوي

 

 

روائي غير متواجد حالياً   رد مع اقتباس
قديم 17-12-2010, 09:43 PM   #4 (permalink)
عضو شبكة الدراما والمسرح
 
 العــضوية: 1789
تاريخ التسجيل: 02/01/2009
الدولة: الرياض
المشاركات: 2,494
الـجــنــس: ذكر
العمر: 44

افتراضي

ماشاء الله عندك خيال واسع

فعلاً إنت مشروع كاتب رائع

 

 

__________________

 


رحمك الله يابو صلاح

أبو غادة غير متواجد حالياً   رد مع اقتباس
قديم 18-12-2010, 02:44 AM   #5 (permalink)
عضو نادي الألف
 
 العــضوية: 2430
تاريخ التسجيل: 05/03/2009
المشاركات: 2,016

افتراضي

القصه حلوه بس حزينه حيل ع العموم تسلم ايدك روائي

 

 

ذكرى غير متواجد حالياً   رد مع اقتباس
قديم 18-12-2010, 04:56 AM   #6 (permalink)
مــجــرد إنــســان
 
الصورة الرمزية فارس العنزي
 
 العــضوية: 10389
تاريخ التسجيل: 04/08/2010
الدولة: المملكة العربية السعودية
المشاركات: 431
الـجــنــس: ذكر
العمر: 20 سنة
إرسال رسالة عبر MSN إلى فارس العنزي
افتراضي

تسلم أخوي "روائي" على القصة الحلوة
واصل إبداعك.

 

 

فارس العنزي غير متواجد حالياً   رد مع اقتباس
قديم 18-12-2010, 01:10 PM   #7 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,370
الـجــنــس: ذكر
العمر: 24

افتراضي

الله يسلمكم من كل شر

وشهادة اعتز فيها منكم ..


الى لقاء قريب مع شي جديد


دائما في امان الله

 

 

روائي غير متواجد حالياً   رد مع اقتباس
قديم 18-12-2010, 11:58 PM   #8 (permalink)
عضو شبكة الدراما والمسرح
 
الصورة الرمزية كفاح
 
 العــضوية: 5506
تاريخ التسجيل: 17/09/2009
المشاركات: 982

افتراضي

مشهد عابر وهو الطرحه من على وجه كفاح.. ويبتسم في وجهها .. لها .. وهي خجوله ..


عابر : وأخيرا أنا وانتي بمكان واحد .. انتي ملكي وانا ملكج




ههههههههههههههههههههههههههههههه

والله انك ضحتني تدري ليه ياروائي لاني ولد ماني بنت واغلب الاعضاء يدري عن هالشيء

بس ماعليه اصير بنت في القصه ........... بعدين ماتوقعت عابر يكون حنون لهاالدرجه لدرجه اني ماني قادر اكتب من الحنيه

 

 

كفاح غير متواجد حالياً   رد مع اقتباس
قديم 19-12-2010, 04:45 PM   #9 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,370
الـجــنــس: ذكر
العمر: 24

افتراضي

لوووووووووووووووووووووووووووووول


صج والله !!!!!!!1


اسف اسف اخوي عن جد ماكنت اقصد .. توقعت انك بنت لانه اسم كفاح اسم بنت مو لود


المعذره منك يا اخوي العزيز .....!!

 

 

روائي غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
.., الأخيرة, الحلقة, جمعت, رحلة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسلسل الحـــــــــــــــيّــالة من الحلقة الأولى الى الأخيرة / العمل خاص بالمنتدى عقيد صفوى تلفزيون شبكة الدراما والمسرح - (fnkuwait.com (tv 299 10-05-2014 07:27 PM
رحلة دمعة من بطولة أحمد سامي وكوكبة من اعضاء الشبكه روائي القاعة الكبرى ( القضايا العامة وملتقى الاعضاء ) 15 14-12-2010 10:09 PM
مسلسل خيوط ملونة .... من الحلقة الاولى الى الاخيره ( تم اضافة الحلقة الاخيرة ) الأنين تلفزيون شبكة الدراما والمسرح - (fnkuwait.com (tv 23 06-11-2010 12:15 AM
مسلسل المنقسي من الحلقة الاولى الى الاخيره ( تم اضافة الحلقة الاخيرة ) الأنين تلفزيون شبكة الدراما والمسرح - (fnkuwait.com (tv 40 15-09-2010 02:34 PM
مسلسل ساهر الليل من الحلقة الاولى الى الاخيرة ( تم اضافة الحلقة الاخيره ) الأنين تلفزيون شبكة الدراما والمسرح - (fnkuwait.com (tv 23 12-09-2010 01:42 PM


الساعة الآن 05:25 AM


طلب تنشيط العضوية - هل نسيت كلمة المرور؟
الآراء والمشاركات المدونة بالشبكة تمثل وجهة نظر صاحبها
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292