إضافة رد
 
LinkBack أدوات الموضوع انواع عرض الموضوع
قديم 07-01-2011, 01:00 AM   #1 (permalink)
عضو شبكة الدراما والمسرح
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,391
الـجــنــس: ذكر
العمر: 24

افتراضي ملاقات جديدة .. الحب والسب في مجتمعنا المحافظ


ملاقات جاتكم ,, بمواضيع حلووه وبعضها يبط الجبد .. بس هذا الللي حاصل .. موقصدنا نجرح بأشخاص بحد ذاتهم .. أو نحاسبهم لانه اللي يحاسبنا هو

اللي امتحنا في هذه الحياه .. الله سبحانه وتعالى ..

لكن مايمنع نعقب على بعض .. التصرفات الحاصله .. من يدري يمكن احد هؤلاء .. يقرا الموضوع وعلى الاقل يحس بالخجل مما قاله وفعله ..


اليوم أخترت لكم موضوعين . مختلفين عن بعض .. :-


الأول بعنوان " ليش السب والقذف صار عادي ؟ "


الثاني بعنوان " الحب تحت المجهر "




هيااااااااااا معا نستمتع بالقراءة .. واللي عنده تعقيب ، ملاحظه أو سؤال ... اهلا وسهلا ........




---------------------------- إلى ميدان ملاقات --------------------------





خلال خروجنا لقضاء عطلة نهاية الأسبوع .. في احد المجمعات على البحر كنت اتمشى مع احد المقربين مني .. المهم عند مدخل المجمع .. كان في شباب

يعاكسون بنات .. وطبعا بمجمع وبنات بروحهم .. فا شي طبيعي الخمه راح يلاحقونهم لي باب البيت .. المهم كان فيه بنوتين .. وحده ساكته ماترد عليهم

والثانيه ترد عليهم كلمه بكلمه .. اخر شي الحبيب عصب لانه البنت احرجته بكلام يستحقه جدام الناس .. قالتله انت لست برجل ! والكل ضحك عليه ..

رد عليها رد صراحه كل الواقفين انصدموا .. قالها أنا مو ريال ..؟؟ تبيني ......... جدام الله وخلقه !! يعني كلمه قويه حييل وبمنتهى القذارة بس هذا دليل

على انعدام التربيه والاخلاق .. والله يستر على بناتنا من هالأشكال ...


وداخل المجمع حدث ولا حرج .. الشاب بدال ماينادي رفيجه خالد على سبيل المثال : خلود .. خويلد .. بو وليد ..

لا يقوله تعال يا أخو ..... وياولد........ ألفاظ نابيه وجارحه وتهين رجولته شلون تسمح له انه يناديك جذيه؟ لا والثاني يرد عليه بابتسامه عريض هلا

يا ..... يعني صراحه كلام استحي أقوله والمصيبه داخل مجمع ناس حواليك مو مدرسه ولا ملعب .. يعني الحبيب لو سابك شخصيا قلنا ميانه وميخالف ..

لكن يسب اهلك عرضك وشرفك بألفاظ الوصخه صراحه شي يرفضه العقل ولا اعتقد في اذن تحب تسمع مثل هالالفاظ الا اذا كان المسبوب "ديوث"

لامشاعر ولا احساس ولا غيره على أهله ..


خلوووا هذيل على صوب بقول يهال وباجر يكبرون .. والله يهديهم ويصلحكهم ويكملهم بعقلهم ...


تعالوا للأخير .. واحنا بطريق العوده وعلى اشارة المرور .. اوقفت يمنا سيارة .. فيها عائله " أب - أم – طفلين " وشدنا ارتفاع الصوت والجام نازل .. ولا

الزوجان في حالة هيستريا .. هوشه عيني عينك وعلى الملأ لا استحوا ولا انتخوا .. اخر شي الاب الله يحفظه سوى حركه بأيده تخدش الحياء لزوجته أمام

الناس !! والمسكينه ويها صار أحمر ويقط مليون تعبير ماتدرون هي مستانسه ولاتبجي ولا شنو بالضبط !

يعني قلة حيا وذوق وأدب أمام الناس بالشارع من انسان ودي أقول عنه كبير متزوج عاقل وعنده عيال ؟؟!! بس دام بعض الأباء هذي الفاظهم ما الوم الشباب

اللي شفناهم بالمجمع .. طيب لو الولد سأل امه وقالها ماما بابا شنو سوالج بأيده ؟ شنو بترد عليه ؟؟ بتقوله ابوك كان يشكرني بالياباني مثلا !!








موضوعنا الأخر بعنوان " الحب " صراحه استغرب من اللي يشوف وحده بهاللحظه هذي وقالها كلمة أحبك؟! اللي الظاهر والدتها اللي ربته وكبرته عمرها

ما اسمعتها منه .. قالها حق وحده بالشارع ..! أي حب هذا ؟ في شي اسمه حب وفي شي اسمه لعب .. حدد ..؟؟


على طول من غير سابق انذار ؟؟ شي عجيب .. دام تحبها ليش تدش من الدريشه .. دش من الباب وتقدم لها .. وياحلاة الحب اذا تتوج بالزواج .. هذا هو

الحب الشريف العذري الطاهر .. اللي ماقدر أقول عنه ولا شي .. وللأسف معظم البنات يصدقون .. ويقعون ضحية لهذا الكلام التافه ..

الحب يأتي مع العشره ... شلون تحب انسان او انسانه وانت ماعاشرتهم مجرد اعجاب بالشكل او الجسد لغاية في نفس يعقوب .. وماكو شي اسمه حب من

نظره ولا غمزه ولا عطسه ولا كحه .. صراحه شي غريب وعجيب ومريب جدا .. ضعاف النفوس هم اللي يطيحون بهالفخ .. فخ الحب اللي البعض يستغل

هالمسمى لغاياته وشهواته والعياذ بالله


الحب احساس ومشاعر .. أمن وأمان .. دفا وحنان .. ستر وغطاء .. وكف العطاء .. وهالعطاء ليس له حدود .. الحب في الله ولله وحده ..

الحب مشروع المفروض أي اثنين مقدمين عليه يدرسونه عدل .. ويقررون أما الزوج .. أو هالمشروع مكتوب عليه خساره عظمى مهما طال ان شاء الله

10 سنوات .. المبني على غلط .. يحصد غلط بالأخير .. لانه الله مو راضي ... أنا بسأل سؤال .. شنو يمنع اثنين يحبون بعض من الزواج؟ بيت موجود

وظيفه ومعاش راهي الحمدلله .. والاسلام اعطاك فترة خطوبه 6 شهور على ما اذكر هي المده الشرعيه واعتقد انها كافيه لدراسة ومعرفة الطرف الثاني ..

الحين احنا كليه يعطونا كتاب 500 صفحه ندرسه ونحفظه عن ظهر قلب بشهرين .. وانت عجزت انك تعرف انسان وترتاحله بهالمده ؟؟

الحب لاي مرحله تبي توصلها فيه ؟ العشق مثلا ؟ مرحلة العشق تؤدي للكفر ...!

فا أنا اقول .. بارك الله فيكم .. اتبعوا خطوات دينكم .. ولاتتبعوا خطوات الشيطان .. مارده بيضيعكم وتندمون قد شعر راسكم .. وحبوا أنا ماني ضد الحب بس

لاتسلمون هالحب لشخص ظالم .. مايستحقه وباي لحظه يخونه زي اللوز .. وسلامتكم .. واتمنى انه ملاقات 8 اعجبتكم .. وسامحونا اذا اخطأنا أو زلينا ..

احنا بشر مو معصومين عن الغلط ............. احترامي

 

 

روائي غير متواجد حالياً   رد مع اقتباس
قديم 07-01-2011, 06:03 AM   #2 (permalink)
مــجــرد إنــســان
 
الصورة الرمزية فارس العنزي
 
 العــضوية: 10389
تاريخ التسجيل: 04/08/2010
الدولة: المملكة العربية السعودية
المشاركات: 439
الـجــنــس: ذكر
العمر: 20 سنة
إرسال رسالة عبر MSN إلى فارس العنزي
Smile شكر

الله يسلمك أخوي " روائي " على هالملاقات
وإن شاء الله يستفيد من يقراها ، وعسى الله يصلح هالشباب والبنات ويحفظهم

 

 

فارس العنزي غير متواجد حالياً   رد مع اقتباس
قديم 07-01-2011, 11:08 AM   #3 (permalink)
عضو شبكة الدراما والمسرح
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,391
الـجــنــس: ذكر
العمر: 24

افتراضي

اقتباس:
المشاركة الأصلية كتبت بواسطة فارس1212 مشاهدة المشاركة
الله يسلمك أخوي " روائي " على هالملاقات
وإن شاء الله يستفيد من يقراها ، وعسى الله يصلح هالشباب والبنات ويحفظهم



يسلم غاليك اخوي العزيز


اللهم امين


سعادتي بمشاركتك .......

 

 

روائي غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
.., ملاقات, مجتمعنا, المحافظ, الحب, جديدة, في, والسب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
القسم الثاني من ملاقات .. صواريخ زوجين + مواصفات فتاة المستقبل لدى الشباب روائي القاعة الكبرى ( القضايا العامة وملتقى الاعضاء ) 4 08-12-2010 10:11 PM
صور جديدة لو بوعدنان مع احمد ايراج وحصريا من مسلسل الحب الكبير البرنس الـقاعـة الـكـبرى ( الفن والإعلام ) 25 15-08-2010 05:53 PM
نانسي عجرم ونوال الكويتية تستغلان عيد الحب لإطلاق أعمال جديدة هيون الرياض الـقاعـة الـكـبرى ( الفن والإعلام ) 3 12-02-2010 09:36 PM
في الواجهة / البنوك تترقب أولى ثمار «برنامج المحافظ»: المخصصات قد تنقلب أرباحاً «فوق العادة» الفنون القاعة الكبرى ( القضايا العامة وملتقى الاعضاء ) 0 03-02-2009 12:34 PM
[الرأي] العام] مريم نور أمطرت المذيع طوني خليفة والمتصلين بوابل من الشتائم والسب !! أحمد سامي الـقاعـة الـكـبرى ( الفن والإعلام ) 3 11-12-2008 03:56 AM


الساعة الآن 11:56 AM


طلب تنشيط العضوية - هل نسيت كلمة المرور؟
الآراء والمشاركات المدونة بالشبكة تمثل وجهة نظر صاحبها
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292