إضافة رد
 
LinkBack أدوات الموضوع انواع عرض الموضوع
قديم 24-08-2009, 08:04 PM   #1 (permalink)
المشرف العام على الشبكة
 
الصورة الرمزية محمد العيدان
 
 العــضوية: 3420
تاريخ التسجيل: 28/05/2009
الدولة: دولة الكويت
المشاركات: 6,563
الـجــنــس: ذكر
العمر: 55

افتراضي الاعراس وبلاويها ..


بسولف لكم سالفة او حكاية عن رحلة عذاب تبدأ عندما تصل اليكم بطاقة مزخرفة وجميلة مكتوب بها هذه العبارة المألوفة " نتشرف بدعوتكم لحضور زفاف ولدنا ...... وابنتنا ...... وممنوع اصطحاباالاطفال بأمر من ادارة الفندق وكذلك يمنع الدخول بالتلفونات ذات الكاميرا .." طبعا من هذه اللحظة تنعفس البيوت ويصير فيها حالة استنفار عجيب غريب .. وينزل خير ورزق مفاجيء للخياطين .. ومن الخاسر الاكبر من هالعرس ؟؟ طبعا ماكو غير الزوج المقرود ..

واليكم هذا الحوار الهادئ بين الزوج وزوجته :

الزوج : يا بنت الحلال الاسبوع اللي فات كنتي لابسة نفنوف جديد .. ليش تبين واحد ثاني ؟؟
ترد الزوجة بكل قوة : انت شتبي يقولون عني ها ..؟؟ بخيلة .. او ماعندها ؟؟ كلهم راح يلبسون نفانيف جديدة .. وتبيني اروح بكشاميلي وخلاجيني هذي .. عشان تتشمت فيني الزينةوالشينة؟؟

وبعد هالحوار الهادئ يرضخ الزوج المسكين لطلبات الملقوفة .. عفوا .. اقصد زوجته ( مو لانه سكانه مرته ) لا .. عشان مايبي عوار الراس والحنة والرنة وطبعا احنا يالرجاجيل كلنا جذيه .. وطبعا بعد مايخلص من موضوع النفنوف او الفستان تطلع سالفة ثانية .. وهي وين يخلون العيال ؟؟ عند امه يروحون العيال او عند امها ؟؟ .. واليكم الحوار الثاني الهادئ :

الزوج : العيال وين نوديهم ؟؟
الزوجة : نوديهم عند امي ..
الزوج : امج عجوز وكبيرة بالسن وزين تعابل بنفسها وين فيها شدة على العياال؟
الزوجة : شوف لا تقعد تربرب وتطنز اذا مو عاجبتك امي ..انت اقعد عندهم ..
الزوج :خوش حجي ولله .. انتي تروحين العرس وانا اجابل العيال .. مو قالولج انا سلانية امج ..
الزوجة : كلام زايد ماابي رجاء .. ماتبي تقعد عندهم ودهم عند امك ..

وتصير حنة ورنة ونجرة على هالموضوع وآخرتها يقعدون العيال عند ميري الخدامة وتطلع الزوجة معاه بالسيارة وهي عاوية بوزها ومادته مترين .. ووصلت اخيرا الى صالة الافراح ..
وطبعا هناك بصالة الافراح حدث ولا حرج .. ممنوع دخول الرجال لانها خاصة للنسوان فقط اللي اغلبهم محجبات او منقبات ولكن في ليلة العرس الوضع يختلف .. يبون يطلعون مواهبهم بهالليلة ويحطون حرتهم باللبس القصير والعاري وطبعا داخل الصالة لا يوجد اي رجل الا المعرس جالس على كرسيه كأنه هارون الرشيد والنسوان طبعا فاصخين حجاباتهم وقاطين نقاباتهم وطايحيله ردح ورقص على موسيقى الدي جي واذا قلت لهم : ليش قاطين حجاباتكم المعرس موجود؟؟ تأتي الاجابة السريعة : المعرس عادي لان زوجته يمه وهي عامية عينه بهالفترة atch_lf: .. وطبعا ناسين ان الحفلة تتصور فيديو .. صحيح ان التي تصور امرأة ولكن الشريط سوف يتسرب من يد الى يد ومن بيت الى بيت وطبعا نسخ الى اهل المعرس ونسخ اخرى الى اهل العروس والكل راح يشوف .. وطبعا اخذ يا فضايح .. لكن مو مشكلة فيديو ما يهم ...

وطبعا بالحلفة اهل العروس جالسين بجهة واهل المعرس بجهة اخرى .. وطبعا اخذ حش بالمعرس شوفوا خشمه شلون صاير .. او شوفوا شواربه شلون قاصهم .. وقرض بالعروس شوفوا فستانها بوطقة .. وليش صايرة خفيفة ماتركد .. او ليش مبوزة الظاهر غاصبينها على العرس .. وطبعا من هالكلام .. وهذا غير .. هذي زعلت ليش ما جلست بالامام عند الكوشة .. والثانية مادة بوزها لان الدي جي الخاص بالاغاني ماحط اغنيتها المفضلة عشان ترقص عليها .. وطبعا الناس اللي جايين العرس اكثر من الكراسي المخصصة .. ولاننسى الزفة المصرية بقيادة فرقة حسب الله عشان يجنون اكثر واكثر .....
اثنين يتزوجون والفين ينجنون .. يلا ليلة بالعمر .. وتشوف بالعرس اهل المعرس الام ترقص ..والاب يطق رقبة .. والخالة تطق اصبع .. والجدة قاعدة تترقص على الكرسي ( ماتقدر تقوم معاها روماتيزم بالمفاصل ) atch_rir:.. وتشوف المعرس عمره 19 والعروس عمرها 18 .. يعني اثنينهم جهال .. وتدبسوا بالزواج المبكر لان اهلهم يبون يزوجونهم عشان يشوفون عيالهم والنتيجة من هذا كله ؟
طبعا هواش ونجرة وبعدين طلاق وزيادة عدد المطلقات بالمجتمع ( اللي يا كثرهم )
وبعد ماتنتهي العفيسة .. اقصد الحفلة تشوف اغلب المدعوين يقولون ويتحلطمون : والله لو ندري ان العرس جذي ماجينا .. مو حلو ويلوع الجبد والبوفيه اي كلام .. وحتى ماي ماعطونا .. وهم تلقاهم ماكلين وطافحين لأسبوع جدام ...... انشالله اعجبتكم السالفة ؟؟؟؟؟؟؟؟

 

 

__________________

 


للمراسلة : kak34@windowslive.com
انا مسؤول عن ما اقول .. ولكن لست مسؤولا عن ما تفهم



مع خالص تقديري احترامي

محمد العيدان غير متواجد حالياً   رد مع اقتباس
قديم 25-08-2009, 12:34 AM   #2 (permalink)
عضو شبكة الدراما والمسرح
 
 العــضوية: 4430
تاريخ التسجيل: 04/08/2009
المشاركات: 78

افتراضي

السالفة مثل النكته يا أخ أبو أحمد وتصلح تسوي مع هذه السالفة كراكاتير وهذا رأيك الشخصي عن الأعراس الحالية وليس الكل الآن الناس تثقفة وتغيرت ما تعنيها الكماليات إلى ذكرتها إلى قليل مو يقولون كل قاعدة ولها شواذ وهذا الموضوع طويل على العموم شكراً على السالفة الظريفة

 

 

أمر غير متواجد حالياً   رد مع اقتباس
قديم 25-08-2009, 12:42 AM   #3 (permalink)
المشرف العام على الشبكة
 
الصورة الرمزية محمد العيدان
 
 العــضوية: 3420
تاريخ التسجيل: 28/05/2009
الدولة: دولة الكويت
المشاركات: 6,563
الـجــنــس: ذكر
العمر: 55

افتراضي

اقتباس:
المشاركة الأصلية كتبت بواسطة أمر مشاهدة المشاركة
السالفة مثل النكته يا أخ أبو أحمد وتصلح تسوي مع هذه السالفة كراكاتير وهذا رأيك الشخصي عن الأعراس الحالية وليس الكل الآن الناس تثقفت وتغيرت ما تعنيها الكماليات إلى ذكرتها إلى قليل مو يقولون كل قاعدة ولها شواذ وهذا الموضوع طويل على العموم شكراً على السالفة الظريفة
ههههههه انا اتكلم عن امور تحدث مع الاغلبية وليست مع الكل وهذا مااسمعه والتمسه .. عموما يا اخت أمر انا قلت هذا الموضوع من باب الدعابة فقط

 

 

محمد العيدان غير متواجد حالياً   رد مع اقتباس
قديم 26-08-2009, 02:34 AM   #4 (permalink)
عضو نادي الألف
 
 العــضوية: 2430
تاريخ التسجيل: 05/03/2009
المشاركات: 2,016

افتراضي

صدقت يزوجون اثنين ويجنون الفين على قولة الوالده ههههه

شكرا بو احمد موضوع جميل

 

 

ذكرى غير متواجد حالياً   رد مع اقتباس
قديم 03-09-2009, 06:58 PM   #5 (permalink)
عضو شبكة الدراما والمسرح
 
الصورة الرمزية شيماء
 
 العــضوية: 4694
تاريخ التسجيل: 19/08/2009
الدولة: Kingdom Of My area
المشاركات: 144
إرسال رسالة عبر ICQ إلى شيماء إرسال رسالة عبر AIM إلى شيماء إرسال رسالة عبر Yahoo إلى شيماء
افتراضي

اشوى أني ماأحب الأعراس

ويعطيك العافية

 

 

شيماء غير متواجد حالياً   رد مع اقتباس
قديم 11-09-2009, 04:24 PM   #6 (permalink)
المشرف العام على الشبكة
 
الصورة الرمزية محمد العيدان
 
 العــضوية: 3420
تاريخ التسجيل: 28/05/2009
الدولة: دولة الكويت
المشاركات: 6,563
الـجــنــس: ذكر
العمر: 55

افتراضي

شاكر مروركم ..

 

 

محمد العيدان غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:30 PM


طلب تنشيط العضوية - هل نسيت كلمة المرور؟
الآراء والمشاركات المدونة بالشبكة تمثل وجهة نظر صاحبها
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292