[مجنوونك يا طارق العلي]

اقوول لا يكثر انت ويااه

طارق فناااان غصب عنكم

خل يمسخر الي يبي طارق بكييييفه

اهم شي تطلع من المسرحيه مستاانس

الفناان الكوميدي الاول في الخليج طارق العلي طارق وبس

هههههههههههههههههههههههههه بطني بطني
قال ايش قال طارق فااشل وخر منااااك بس

[~nZaKa~]

والله كلامكم كله عدل

طارق قاعد ينحدر بشكل مو طبيعي

قلة حيا مالها حدود

هذا وين الرقابه عنه ؟؟ شلون جذي مخلينه على كيفه جنه قاعد بديوانيه

والله حتى الدواوين لها احترامها ماتوصل لهالانحطاط بالكلام

مجمع كومبارسات بدون يدورون لقمة عيشهم وطايح فيهم سب وتكفخ

الظاهر ليلحين مأثر عليه زمن العبوديه يبي ياخذ بثار اجداده

لا ويعيب عليهم انت عراقي وانت ايراني وانت بدون

عدااااااااااااااااااال يالقماري

وانت شتطلع بالله ؟؟ ليكون اصيل وآنا مادري ؟؟

اللي بيته من زجاج لايرمي الناس بحجر

عالاقل عندهم اصل مو مثلك نغل !!

يبا هذا انسان مريييييييييييييييييييييييييييييييييييييض والله مريض

وعلى طاري الطق في شغله انا سامعته ومابي احطها بذمتي بس في شخص يقسم بالله ان هالشي صار باحد العروض المسرحيه ( البيت بيتك )

في ممثله بمسرحية طارق تكشفت عورتها جدام الناس من كثر ماطقوها

سحبو تنورتها وطلع اللي طلع !!

وهالشي يوم سمته صدقته على طول لاني كنت متوقعته هالشي يصير من زمان

في مسرح طارق توقع الغير متوقع


والا ماسكلي ممثله ويطق راسها بالطوفه

امانه شوفو هالمقطع



والله زين ما اغمى عليها

اي والله غشمرة بايخه على قولة العقل

الا حقاره والله مو غشمره العن ابو الغشمره اللي جذي

داشين حلبة مصارعه مو مسرح

هذا غير قلة الادب اللي تجاوزت حدودها تلميحات قذره وشاذه

وبالاخير يقول للصحافه انا ماقلت شي بس الجمهور اهو اللي تفكيره وصخ !!

بالله عليكم هذا كلام يرد فيه

[عبدالإله]

اسمحلي اخوي بأن اول شي قبل مارد على الموضوع
حاب اقولك شي
في شي يسمى احترام وجهات النضر
وفي قبله وهم منه ...الأحترام
يعني وش غصبن عنكم
انا بمكاني ارد عليك وسبك ..الخ
بس بكون انا اردى منك
بس لو اقولك انت انسان غير ناضج عقليا ...اتوقع رديت عليك رد يناسب تفكيرك
.....
وذا عن طارق
كلنا نعرف طارق فنان كوميدي وله جماهيره وشعبيته
بس بصراحة هو اطال في شغلة الأستخفاف بخلقة الله
الي ابي اعرفه انا
كيف يرضون يمسخرون انفسهم عشان بس ياخذون اجرهم

[NaWaRa]

المشاركة الأصلية كتبت بواسطة أ. فايز الشمري

لكن في نقطة مهمة وهي أن الفنان عبدالحسين أشاد بطارق العلي كفنان وانسان

كلامك صحيح أ. فايز..
،
بوعدنان أشاد بطارق العلي كإنسان وكفنان..
،
بس لو سمعتوا الفنان القطري عبدالعزيز جاسم في أحدى مقابلاته يقول أن في مسرحية "بشت المدير" طارق ما كان يحضر البروفات!
،
يعني يقف على خشبة المسرح وقول إلي يبيه!
،
الفنان أخلاق والتزام!
،
والفنان طارق العلي بكل صراحة غير ملتزم!
،
أنا وحدة من الناس إذا شاهدت مشهد من مسرحياته ما أعرف المشهد هذا من أي مسرحية أو أي سنة عرضت أو حتى قصة المسرحية لأن كل الحوارات والمشاهد والقصص تشابه بعضها بعض وليس لها أي هدف غير التهريج!
،
أنا اعترف أن الفنان طارق العلي له كارزما قوية عندما يقف على خشبة المسرح..
ولكن يجب أن يوظف هذه الكارزما وحب الناس في شي مفيد!
،
غير مسرحيات العملاق ما أحضر!
آخر مسرحيتيين حضرتهم هم "مراهق في الخمسين" و "قناص خيطان"

وآسفين طولنا عليكم

[كيكي الحد]

يا اخوان ترى عقب بن لعبون كلهم يلعبون

[بن عـيدان]

المشاركة الأصلية كتبت بواسطة ms. Nwera

بو وليد و أحمد سامي هالكلام هاذا كله وجهة نظركم و الحجي للكل بعد
اذا هاذي وجهة نظر اغلبيتكم أنا اتمنى انكم تحتفظون فيها لأنفسكم حبايبي و أنا بما أني عضوه بمنتديات الفنان القدير النجم طارق العلي لا أقبل بهاذا التهجم و الكلام ألي ماله معنى على فناننه و اذا مسرحياته مو عاجبتكم لا تطالعونها لانها عاجبه غيركم و رجاااااءاً الأحترام للفنان القدير بو حمودatch_lov: و غيره من فنانين و أنا اظن الا مو أظن انا متأكده انه الفنان الكبير بو عدنان ما يسمح للأعضاء بهاذا الكلام و التهجم و هالأعضاء بمنتدااااااااه

اختي كل واحد ورأيه الشخصي ويجب على الكل انه يحترم رأي الاخر وما تهجمنا على بومحمد ولكن قلنا راينا فيه

وشكرا

[أبو غادة]

أنا وحدة من الناس إذا شاهدت مشهد من مسرحياته ما أعرف المشهد هذا من أي مسرحية أو أي سنة عرضت أو حتى قصة المسرحية

صدقتي يا نوارا

[بو وليد]

اشكركم جميعا .. على ابداء ارائكم التي اضافة للموضوع الشيء الكثيير ..

وانا بذكر لكم حادثة صارت لطارق العلي .. عندنا في قطر ..

يوم عرض مسرحيته { خاربة خاربة } ..

وفي احدى العرووض كان طارق يمدح الأندية القطرية الرياضية ..

ذكر نادي السد بالمدح الوكرة بالمدح الريان بالمدح .. وعندما قال له احد الموجوديين

في المسرحية انزيين العربي .. قال روووح زين { جمهورهم كله قراشية } هذي تسمونها اخلاق ولا ادب ..

النادي العربي القطري من اعرق الأنديبة القطرية .. ومن يشجعها من جميع القبائل القطرية

امثال { السليطي .. الهتمي .. الخليفات .. الغانم .. اهل شرق .. بوشايع .. الجاسم .. }

ومب عيب ان يكوون جمهورنا من جميع الدوول المجاورة .. واحنا نفتخر فيهم ..

وجائنا { طارق العلي { ليصرح ويعتذر لجماهير العربي القطري .. يعد غضب الجماهير العرباوية

في الأعلام المرئي واليدوي .. وفي المنتديات ليقوول

انه يقصد { النادي العربي الكويتي . . !! عذر اقبح من ذنب ..

يعني يا طارق انت ذكرت الريان السد الوكرة الغرافة .. يعني العربي الوحييد الي من الكوييت ..

!!!!

شي غريييب ..

[محمد العيدان]

الى محبي طارق العلي اعطوني مسرحية له يذكر الناس او الجمهور حواراتها او قصتها مثل فرسان المناخ او عزوبي السالمية او دقت الساعة او حامي الديار ؟؟؟؟؟؟؟؟؟؟؟

اعمال المسرح الجاد والمواضيع المهمة ذهبت بذهاب نجومها الذين كفوا ووفوا وبقيت حواراتها بذاكرة الناس
وجاء الان مسرح الابتذال والتهريج والاسفاف والطنازة على خلق الله بقيادة فناني الاطفال والخدم ..

واذا غاب القط فألعب يا فار