أخوي الصغير شاف مشهد من مسلسل ،، ويسألني
 

لا تعليق.........
مشكور والله المستعان....

اختي العزيزة زهرة هناك اختراع اسمه ريموت كنترول كان بإمكانك تحويل مشهد هذا العمل الى قناة اخرى مع توضيح الامر لشقيقك الاصغر بأن هذا النوع من الاعمال للكبار فقط لانها تناقش مواضيع حساسة ... وكفى المؤمنين شر القتال ..

الفناانة سوونياا .. الي سوت عملية في خدوودها وفشلت

احترم وجهة نظرك ،، بس انا مااشوف شي في هالمشاهد فيها شي بسيط من المناقشة ، مجرد سلبية ذكرت في النص ، لاكن أين علاج هذه المشاكل ؟؟

ابسط سؤال راح يتسائله الناس: بما ان مجتمعنا مسلم ومتدين شلون هالممثلات رضوها ع انفسهم يحملونهم شباب ، لهدرجة لفلوس حجمها كبير في الدنيا وتوصل فينا الى ان نعصي الله ؟؟
والاخوان يشجعون لطرح مثل هالقضايا بعد ،، فتحوا ياناس لمتى هالغفلة


محمد العيدان
اذا ممكن اعرف كم عمرك
انا مصدومة بردك
(هناك اختراع اسمه ريموت كنترول كان بإمكانك تحويل مشهد هذا العمل الى قناة اخرى مع توضيح الامر لشقيقك)
اذا كان مندمج ومتابع المسلسل ؟ انت لما كنت صغير ، شنو شعورك وانت مندمج مع مسلسل ويجي ابوك ويغيير القناة ؟؟ او في هالمشاهد بذات ابوك يغييرها ؟؟ اكيد راح تشعر ان فيه شي في الموضوع

مثل هالمواضيع للكبار فقط ؟؟
ليش داخلين مسرحية ؟ وتعتقد الكبار فاضيين لمثل هالمسلسلات ؟؟
انا اسئلك لحين: هالمشهد شنو ستفدنا منه الحين ؟

وكفى المؤمنين شر قتال
تبي تقول ان هؤلاء الفنانين والفنانات بعد هالمشاهد (مؤمنين)؟ ؟؟


حط بالك على نفسك ـ ترى يوم الحساب راح تحاسب على كل صغيرة وكبيرة





استسمح لكم جميعا ع ردودي بس في النهاية انا خايفة على عيالنا
ومثل هالمشاهد لازم نكون ضد ، عشان احنا كجمهور تكون لنا كلمة وسلطة ع مايقدمه الفن

الظاهر فهمتي كلامي غلط يا زهرة ....

واذا انتي خايفة على عيالج مثل ماتقولين اجلسي معاهم وراقبي المشاهد اللي تطلع لهم واي مشهد يطلع مو حلو غيري القناة .. اما انج تقولين لازم تكون لج كلمة وسلطة على مايقدمه الفن .. فاسمحي لي اقولج .. ماراح يصير هالشي .. لان ببساطة تم تصوير المشهد والكل قبض فلوسه وتم عرضه للقنوات وانتهى الامر ....

الشكر الجزيل على المشرف الغالي محمد العيدان


شنو ماراح يصير هذا الشي ؟؟
انا اولاً اقصد : كلمتنا احنا كجمهور (مااتكلم عن نفسي)
ثانياً: التمثيل هذا في النهاية يُقدم لمن ؟؟ مو لنا كجمهور ؟؟

مو من حقنا نعترض على مثل هالمشاهد ؟؟

ثالثاً: الاطفال او الشباب سنوياً كالعادة في رمضان ينتظرون مسلسل يتابعونه ، أو اعمال فنان او فنانة معينة ، واحنا صحيح نخاف عليهم بس من حق الطفل او الشاب يتابع أي قصة يستفيد منها ، من الشرهة على كاتب هالقصة ومن واجبنا نعمنع الكتاب او المؤلفين لمثل هذه النصوص السلبية ، الخالية من الإيجابيات


احنا نعيش في زمن مخيف ، حالات الاغتصاب والعنف الجنسي ومثل هذه الأمور مسيطرة على مجتمعنا ، وماننكر ، ومن واجب الكتاب والمؤلفين عرض هذه القضايا ،، بس احنا محتاجين لإيجابيات ، محتاجين لحلول تبعد هذه الحالات عن مجتمعنا ، ليش نخوف بناتنا واطفالنا لمثل هذه المشاهد ؟ ومن غير ذكر ايجابيات

من حقنا كجمهور ان تكون لنا كلمة ، حفاظاً على سمعتنا كخليج عربي ، وحفاظاً على سمعة فنانينا وفناناتنا كلنا جمهور وكلنا نعشق الممثلين والممثلات واحيانا نعتبرهم قدوة لنا في الحياة ، ولازم اهم اكونوا لنا شي ايجابي في حياتنا