حوارات عميقة .. وأقوال مأثورة

[بحر الحب]

يوم انولدت كنت بموت على شان أحبي , ويوم حبيت كنت بموت على شان أمشي , ويوم مشيت كنت بموت على شان أشتغل , ويوم اشتغلت كنت بموت على شان أتزوج ,,, ويوم ياني الموت .. تذكرت إني نسيت أعيش
سعد الفرج - بوكريم برقبته سبع حريم


إيه يا آدم ... اسبح وخل قلبك ينزل مع الوصخ
سعد الفرج - بوكريم برقبته سبع حريم


كل ما الهوا حرك علي الباب .. قلبي يقول صويحبي جاني , أثر الهوا يا صويحبي جذاب
سعاد عبدالله - فرصة ثانية


اللي بيخون .. يخون ألحين وبهالوقت , واللي بيطلق .. يطلق ألحين , لا تعاشرونهم 40 سنة وبعدين تحذفونهم حذفة الجلب , واللي بيحب يحب الحين .. واللي بيتزوج يتزوج ألحين .. لا تبوقون اعمارهم
سعاد عبدالله - زوارة الخميس


في ناس بهالدنيا ينولدون ويموتون من غير ما يتركون شي ولا يغيرون شي , مايقطون نكتة تموت من الضحك او حتى يكتبون شعر يبجي الصخر ولا يعرفون يسولفون سالفة تونس ولا حتى يخترعون جهاز يحل مشاكل الكون , أنا واحد منهم .. بس مو زعلان , يمكن ما فدت أحد .. بس بعد ما ضريت أحد
حمد أشكناني - زوارة الخميس


انا تغيرت على شانك قطيت النظارة على شانك قمت ألبس عدسات على شانك , حتى المكياج تعلمت أحط بس على شانك .. وكل شي , اطلع برا
شجون الهاجري - زوارة الخميس


ما بعد الضيج .. إلا الفرج
غانم الصالح - أيام الفرج


كل مادقيت في ارض وتد من ردات الحظ وافتنى حصاه
خالد أمين - أيام الفرج


راح تضحكون معانا .. وتضحكون علينا , وتبجون معانا .. وتبجون علينا
سعاد عبدالله - أم البنات


نبي آخر ناس نشوفهم .. هم عيالنا , نبيهم بايدنهم يدخلونا دار الرعاية .. حتى كل الناس تعرف
غانم الصالح - الخراز

هذا اللي كان عايش عليه , صوركم .. يصبح ويمسي عليها , ظلمتوه فضحتوه جدام الله وخلقه , شمتوا فيه العدو والصديج ,,,, مات وهو شفقان على شوفتكم
حياة الفهد - الخراز


___________________________________



جمل وحوارات .. أبدع المؤلفين في كتابتها وصياغتها , وتألق الممثلين في القاءها , جمل غير عادية غير سطحية غير مألوفة , تؤثر على القلب قبل العقل
ويمكن تكون هالجمل مؤثرة فيني ومو مؤثرة فيكم , ويمكن تكون مهمة عندي وعادية عندكم , وممكن تكون اللي تكون ..
لكن ,, تأثير اخذته من القلب .. الى هذا الموضوع

وتحياتي

[الدنيا لحظة]

اكثر جمل وحوارات عجبتني


يوم انولدت كنت بموت على شان أحبي , ويوم حبيت كنت بموت على شان أمشي , ويوم مشيت كنت بموت على شان أشتغل , ويوم اشتغلت كنت بموت على شان أتزوج ,,, ويوم ياني الموت .. تذكرت إني نسيت أعيش


====

اللي بيخون .. يخون ألحين وبهالوقت , واللي بيطلق .. يطلق ألحين , لا تعاشرونهم 40 سنة وبعدين تحذفونهم حذفة الجلب , واللي بيحب يحب الحين .. واللي بيتزوج يتزوج ألحين .. لا تبوقون اعمارهم



يعطيك الف عافية :)

[الصراحة]

شكرا على الموضوع الجميل وانا اكثر الجمل اللي اعجبتني هذا الرمضان

1 - لو ادري النهايات عكس البدايات جان ما بديت

هدى حسين - الدخيلة

هالجملة تحمل الكثير من المعاني والتفسير العميق

2 - دروبنا كلها شوق ما نلتقي .. وداعج الله يا الغالية

صلاح الملا - الجليب

3 - بو كريم اول وحدة قلتها كنت بموت ...............

[>< ساره ><]

الله عليك يابحر ،مواضيعك دايماً بالصميم "وردة"

مثل مافي كلمات أغاني او اشعار تركز ببالنا ،، هم جمل بمسلسلات تنقال تنحفر بقلوبنا ونتذكرها ،
وأحياناً نذكر المسلسل من هالجمله : )

- لما قالت سعاد قصتنا عمرها 5 سنين وكل احوال اللي بالقصه الحين تغيّرت !! ماأدري ليش وقتها حسيت اني راح اعيش حدوته مميّزة وفعلاً عشنا معاها وضحكنا وبجينا وياهم ودخلو الست بنات قلوبنا ،، ام البنات كان اجمل المسلسلات على الإطلاق بالفتره الأخيره "وردة"

- جملة موزه اللي بيطلق يطلق الحين كانت رووووعه !! البرودكاستات والمسجات كلها تناولتها حتى على سبيل "الضحك" لكـــن دليل ان أثرها قووي :) ،،

- لو ادري ان البدايات عكس النهايات مابديت !! جملة الحشاش اللي أدتها هدى حسين بكل روعه ،،

- كلمة موزه انا تغيّرت عشانك وايد وايد وايد حلوة ومؤثره وكملتها بالأخير يوم تقوله والحين يايني تبيني انقيلك هدوم عرسك ؟! :(

- بوكريم رغم تحفظي عالمسلسل ولكن فيه جمل "تدخل القلب" وماتحضرني من كثرها للأمانه !!
منها جملة قوية قالتها ليلى السلمان لبوكريم ( احنا نتكلم عالمثاليات لكن وقت الصجية كل واحد يدور مصلحته ) كلمة قويّة وحسيتها واقعية ،،


في ناس بهالدنيا ينولدون ويموتون من غير ما يتركون شي ولا يغيرون شي , مايقطون نكتة تموت من الضحك او حتى يكتبون شعر يبجي الصخر ولا يعرفون يسولفون سالفة تونس ولا حتى يخترعون جهاز يحل مشاكل الكون , أنا واحد منهم .. بس مو زعلان , يمكن ما فدت أحد .. بس بعد ما ضريت أحدحمد أشكناني - زوارة الخميس

:(
وايد أثرت فيني هالكلمه مادري ليش !!

##
##

كلمات يصيغها كاتب وممثل يأديها بمصداقية توصل للقلب ،، هذا كل الموضوع ببساطه :)

شكراً يابحر "وردة"

[ثعلب الفروانية]

هاذي مو حوبتك , مو حوبتك يا مانع .. هاذي قرادتي انا , الله كتبلي القراده اني اطيعك واقول اخوي العود مابي اطلع من شوره لين وصلت هالمواصيل .. كبرت .. سنين راحت من عمري .. منو يبيني الحين؟ منو يبيني؟ ليتني طالع من شورك ومو طايعك .. جان الحين عيالي كبري .. جان الحين عيالي يكدون علي .. الله يسامحك .. الله يسامحك يا مانع .. تصبح على خير.

عبدالحسين عبدالرضا-(الحيالة)

[هرول]

اخوي الاقوال جميله بس هبه حرامية وماعندها قدرة على كتابة مثل هالجمل مره عايش جو معاها انت ههههه
ادخل وشف تاريخ كتابة الموضوع
2010 شهر خمسه

http://www.gl3a.com/vb/showthread.php?t=127289

وفيه كم حوار ذكرته مار علي من قبل .. ابد من تشوف اسم هبه على عمل بتتعب وانت تطلع السرقات الي فيه
شفت حرامية بس مثلها ماشفت يارباااااه
ههههههههههههه

[كلاسيكيات الزمن الجميل]

المبدع بحر الحب بل اسمح لي أن أطلق عليك محيط الحب فالمحيط أكبر !!!
مقالك هذا جميل وقد ذكرتني بمقال للكاتب المبدع بجريدة الرياض
فهد عامر الأحمدي في مقاله ( جنود هوليود المجهولون ) وأنصح الكل بقراءته وخصوصاً كتّاب السيناريو وهذا رابط المقال
http://www.alriyadh.com/2011/02/28/article609110.html

[الشبل]

اخوي الاقوال جميله بس هبه حرامية وماعندها قدرة على كتابة مثل هالجمل مره عايش جو معاها انت ههههه
ادخل وشف تاريخ كتابة الموضوع
2010 شهر خمسه

http://www.gl3a.com/vb/showthread.php?t=127289

وفيه كم حوار ذكرته مار علي من قبل .. ابد من تشوف اسم هبه على عمل بتتعب وانت تطلع السرقات الي فيه
شفت حرامية بس مثلها ماشفت يارباااااه
ههههههههههههه

هههههههههه غريبه هالإنسانه والله حتى حواراتها بوق في بوق !!

[كاظم]

هههههههههه غريبه هالإنسانه والله حتى حواراتها بوق في بوق !!

يعني هي سارقة لازم يقام عليها الحد وهو قطع اليد لانها غير مخلصة في عملها.... لو كانت مؤلفة سعودية اتوقع تفقد ايدها من الرسغ

[غ‘ـلآ]

الحوارات جدا جميلة

الحين يجي ع بالي مشهد هدى حسين مع البنات في اميمة لما قالت لهم يقصصون المخدات ذاك المشهد جدا جميل



* اغلب الحوارت كانت معروفة .. وهبة صارت سارقة الحوارات بعد .. بس هي حوارات جميله صار لها وقع على القلب مهما كانت مسروقة او لا..
متى نقدر نستمتع بالشئ ولا نجلس ندور علية الزله .

[كفاح]

أكثر الحوارات الجميلة وأكثر الكلمات الجميلة هي جمل وحوارات سعاد عبدالله في أغلب مسلسلاتها ومسلسل فرصة ثانية كان أغلب الحوارات مؤثرة

من أجمل الحوارات يوم قال حسين المنصور أنا ماعندي بيت وردت عليه سعاد وقالت ( منصور ياخوي أنا ماقصد البيوت للطوف لاااا أقصد للبيوت للقلوب
هذا بيتي خالي يصفر مافيه أحد لاأنيس ولاونيس وبيت أخوك تركي كاهو متروس عالم لكن جنه خالي للبيوت للقلوب ياخوي وش خانت للبيوت إذا مافيها قلوب تحن ) مسلسل فرصة ثانية الحلقة 11 الدقيقة 25 و50 ثانية

مشكور بحر الحب على الموضوع الجميل

[خليك ليا]

جملة حمد أشكناني وايد حلوة وجملة هدى حسين البدايات ... غامضة ولها أكثر من معنى



وسعاد البيوت قلوب وبنفس المسلسل الطبخ حب
حكم حكم ياوداد:p

مسلسل أم البنات شريفة : أنت عبالك شريفة الاوليه ؟؟؟ حاضر وسم ولبيه .... أنت خلقت شريفة ثــانية

[ابو فيصل]

اهنيك اخوي بحر الحب ع الابداع في المواضيع بصراحه موضوعك رائع وفكرته اروع واجمل الحورارات حوار سعاد عبدالله مع ابنائها يوم تقول (اللي بيطلق يطلق الحين الخ...)احس انها توجه هذا الكلام لكل رجاجيل الخليج وباحساس راقي تشكر عليه الكاتبه المتميزه هبه حماده

[عزووووز]

فعلا حوارات جميله مشكور يابحر الحب افضل الحوارات :
يوم انولدت كنت بموت على شان أحبي , ويوم حبيت كنت بموت على شان أمشي , ويوم مشيت كنت بموت على شان أشتغل , ويوم اشتغلت كنت بموت على شان أتزوج ,,, ويوم ياني الموت .. تذكرت إني نسيت أعيش

فعلا جميله وايضا سعد الفرج اعطى للحوار نكهه خاصصه وفيه ايضا نمن الحورات الجميله:

يمكن اموت , او انعمي بالكامل ’ بس اذا الله نجاني وصرت ما اشوف , بتم احس بحراره الشمس واسمع صوت العصافير , واشم ريحه عيالي , وبتم اصير مظلوم ولاني ظالم

آبراهيم الحساوي ( حبيب ) : شويه امممل

لكن مو اي حوار يضبطه الممثل بعض الممثلين ياخذون حوارات جميله لكن
باداءهم يخربون تعب الكاتب مشكوور اخوي بحر الحب على المواضيع الجميلـــه ,,,,

[الهوا هوانا]

من أروع الحوارات التي سمعتُها في تاريخ الدراما الخليجية هو :

" اللي أبّيه حق بنتي قلب تسكن فيه مب اطوف اتِّهدّم أو اتَأجّر أو يطلعونها منها لأي سبب "

الفنان القدير علي ميرزا ( أبو نواف ) - مسلسل قلوب للإيجار

الحلقة 26 ( الدقيقة 1:35 )

وشكراً بدر على الموضوع

[الصراحة]

[color=blue]يمكن اموت , او انعمي بالكامل ’ بس اذا الله نجاني وصرت ما اشوف , بتم احس بحراره الشمس واسمع صوت العصافير , واشم ريحه عيالي , وبتم اصير مظلوم ولاني ظالم

آبراهيم الحساوي ( حبيب ) : شويه امممل

لكن مو اي حوار يضبطه الممثل بعض الممثلين ياخذون حوارات جميله لكن
باداءهم يخربون تعب الكاتب مشكوور اخوي بحر الحب على المواضيع الجميلـــه ,,,,

فعلا الكلام معبر وجميل من الكاتب واظهره الحساوي بأحسن الاداء

[>< ساره ><]

" اللي أبّيه حق بنتي قلب تسكن فيه مب اطوف اتِّهدّم أو اتَأجّر أو يطلعونها منها لأي سبب "



فعلاً جمله حلوة "وردة"

[بحر الحب]

أشكر كل من وضع رده .. نورتوا الموضوع , وياليت من عنده حوارات معبرة وعميقة يتحفنا فيها بهالموضوع
"وردة"


الدنيا لحظة
أشكر ردك ..

الصراحة
بعض حوارات مسلسل "الجليب" كانت راقية ومعبره ومن ضمنها هذا الحوار

سارة
اضافات مميزة وحوارات معبره , جملة الحشاش ( البدايات عكس النهايات ) اعتبرها اقوى من المسلسل نفسه

ثعلب الفروانية
كأنك تقرأ افكاري لسنين مضت , أول وآخر مشهد يبجيني فيه بوعدنان ولا يضحكني

هرول
سلكها :d , لا يصير مذهبك ضيق .. طوف وخلك طبيعي

كلاسيكيات الزمن الجميل
تسلم تسلم على كلامك الطيب واتشرف فيه , والف شكر لك على الرابط الجميل

غ‘ـلآ
مسلسل "أميمة" على سخافته الا انه احتوى على بعض الحوارات المعبرة

كفاح
اضافة جميلة , اغلب حوارات حسين المنصور في المسلسل كانت رائعة خصوصا بمشاهده مع ابناءه

خليك ليا
مشهد "شريفة الاولية" كان اسطوري جدا .. اضافة مميزة

ابوفيصل
فعلا الحوار شبه موجه لرجال الخليج الخونه .. بس انشالله انت ما تكون منهم :d

عزووز
اضافة جميلة , وانا قلتها دائما .. الحساوي قدم دوره عمره بهذا المسلسل

الهوا هوانا
اضافة جميلة , فعلا حوار معبر



وقد أعود لاضافة حوارات أخرى ...

[سوالف بنت]

موضوع حيل رائع اخ بحر والحوارات اللي حطيتها واضافوها الأعضاء اروع
اغلب الحورات التي قلتوها كانت لهبه حماده تعجبني هبه حماده بحواراتها بغض النظر عن انتقادي لها في اعمالها وقصصها ومبالغاتها اتفق معكم في مدى اعجابي بحوار ابو كريم نسيت اعيش وحوار سعاد الي بيطلق يطلق الحين وحوار شوجي لما صرخت بوجه عز يوم عرسه
وعجبني مشهد بو كريم لما يطلب من بناته يقربون على السفره عشان مايحس بمكان بنته لمياء طارق خالي وعجبني في احدحواراته لما قال الفراغات الي بين الاصابع تحتاج اصابع ثانيه تشتبك فيها
ومثل ماقلتو اذا اجتمع حوار مبدع وفنان مبدع في اداء الحوار راح يكون هناك مشهد خالد لن ينسى
واخيرا اشكر كلاسيكيات على الرابط استمتعت وانا اقراه بصراحه

[ميّ]

يوم انولدت كنت بموت على شان أحبي , ويوم حبيت كنت بموت على شان أمشي , ويوم مشيت كنت بموت على شان أشتغل , ويوم اشتغلت كنت بموت على شان أتزوج ,,, ويوم ياني الموت .. تذكرت إني نسيت أعيش

سعد الفرج - بوكريم برقبته سبع حريم






هذه الجملة محاكاة لمقولة عالمية شهيرة لروائي ، لم أعد أتذكر هل هي لماركيز أم لباولو كويلو أم لغيرهما، وأذكر أنها مع مقولات أخرى لنفس الروائي وصلتني إيميل في مطلع الألفية!!

كما أن مشهد الوسواس القهري لابراهيم الحربي وهو يقول " لا تمر " مفسرا منظر البنطلون المنشور على الشجره ووجود عمال يأكلون تمر تحت ظل الشجرة، بأسلوب تشاؤم، هي قصة مشهورة للشاعر العربي ابن الرومي الذي كان طرفة في موضوع التشاؤم.



الحوارات جدا جميلة

الحين يجي ع بالي مشهد هدى حسين مع البنات في اميمة لما قالت لهم يقصصون المخدات ذاك المشهد جدا جميل




حين نشر بنات الدار الريش من المخدات ثم طلبت منهن أميمة جمع الريش فلم يستطعن فقالت لهن هذا مثل نشر الشائعات.
هذه القصة كتبتها المغنية مادونا في كتابها الأخير قصص للأطفال نُشر عام 2002 على حد ذاكرتي، وهي مقتبسة من كتاب الكابالا ، الذي يعلم التصوف اليهودي، ولكِ أن تنظري عزيزتي لهذا الأمر ثم تخبرينا هل يجوز أخلاقيا أن نقتبس مقولات الآخرين ، عقائدهم، قصصهم، وأفكارهم ونضعها تحت اسمنا؟
أريدك أن تجيبي من منطق أخلاقي فقط، ولاتفكري في الأمر عاطفيا لأنني أنا أيضًا معجبة بهبة لكن عتبي عليها كبير بخصوص هذه الأمور وغيرها.


* اغلب الحوارت كانت معروفة .. وهبة صارت سارقة الحوارات بعد .. بس هي حوارات جميله صار لها وقع على القلب مهما كانت مسروقة او لا..
متى نقدر نستمتع بالشئ ولا نجلس ندور علية الزله .
[/quote]

كيف مهما كانت مسروقة أو لا؟ نحن لا"ندور" الزلل، لكنا مسؤولين أمام الهم الثقافي العام فأنتِ تعلمين أن الخطاب الدرامي وثقافة التلفزيون صارت تشكل هوية مجتمعات وتعيد ترتيب النسق الثقافي للأمم، ونحن في الطريق لهذا التشكل، نحتاج للوعي وعلينا أن ننقد عمل السيناريست والمخرج والممثل والمنتج لكي نساعده أولا في إيجاد طريق الصواب، ثم نساعد المتلقي في معرفة الجيد والردئ، الأصيل والمقتبس (لا أريد أن أقول المسروق) هذا دورنا الثقافي والنقدي بما أننا لم نشخصن النقد. وشكرا لك

[ميّ]

عملت سيرش سريع كي أحضر بعض الروابط التي تهم القارئ:
هنا قصة مادونا

أما القصة الثانية، فصدرت بعد شهرين من ظهور «الورود الإنجليزية» بعنوان: «تفاحات السيد بيبادي». وقد استوحت مادونا هذه القصة من التراث الصوفي اليهودي القديم، حيث يعود أصلها إلي حكاية أوكرانية عمرها ثلاثمائة عام تنتسب إلي تعاليم «بعل شيم طوف» الذي أنشأ الطريقة الحاسيدية اليهودية الصوفية في القرن الثامن عشر. وقد قامت مادونا برواية القصة وإعادة تقديمها في قالب أمريكي حيث تدور حول مدرس ألعاب رياضية طيب القلب ومحبوب من أهالي المدينة الصغيرة، ولكن عندما يشاهده أحد الصبية يأخذ تفاحة من المتجر دون أن يدفع ثمنها، يعود وينشر إشاعة في أرجاء المدينة بأن السيد بيبادي المحبوب سارق ولص. ثم، بعد أن يكتشف براءة المدرس، يأتي الصبي نادمًا إلي مدرسه معتذرًا عن سوء الفهم الذي تسبب فيه، فيطلب منه السيد بيبادي أن يشق وسادة من الريش ويبعثر محتوياتها في الهواء ثم يلتقطها مرة أخري. هنا يدرك الصبي والقارئ معه أنه من المستحيل إصلاح ما قد تتلفه إشاعة واحدة بعد انتشارها.


http://www.weghatnazar.com/article/article_details.asp?id=502&issue_id=59 (http://www.weghatnazar.com/article/article_details.asp?id=502&issue_id=59)


وهنا قصة ابن الرومي كنت أنوي اقتباسها من موقع الوراق، لكني خشيت أن لايصل القارئ بسهولة للنص المعني به كلامنا، لذا أحضرت هذا لعله يفي بالغرض


ومما ذكر عنه أنه كان يسير يوماً في طريق ضيق بجوار بيت مهجور فرأى باب البيت وقد أوصد بخشبة على شكل ( لا ) أي على شكل اللام ألف , وعند أسفل الباب تمر فاسد . ففسرها بـ ( لا تمر ) أي لاتعبر الطريق ..
توفي ابن الرومي في بغداد سنة 283هـ ..

http://al-ajaji.net/vb4/showthread.php?1215-%C7%D6%CD%DF-%E3%DA-%C7%C8%E4-%C7%E1%D1%E6%E3%ED-quot-%C7%E1%E3%CA%D4%C7%C6%E3-quot (http://al-ajaji.net/vb4/showthread.php?1215-%C7%D6%CD%DF-%E3%DA-%C7%C8%E4-%C7%E1%D1%E6%E3%ED-quot-%C7%E1%E3%CA%D4%C7%C6%E3-quot)

[beeeb]

انا قتلته وماانكر هالشئ .. بس انا قتلت الشر .. قتلت الى قتل ابتسامه بنتي وزرع فيها وفي ابوها واخوانها الخوف لمده عشرين سنه .. وبنفس اليوم مات الشر ومات الخير ....بس خلاص انا قضيت حاجتي من الدنيا .. اعدموني .. خل الحق على الخير ...ارجوكم....اعدموني ارجوكم


حياة الفهد - مسلسل ( الدنيا لحظة)

[بحر الحب]

ترا ما يخوف بني آدم بهالدنيا .. الا بني آدم نفسه
غانم الصالح - البيت المسكون


العار ما ينغسل الا بالدم
خالد أمين - أيام الفرج


في ناس ينولدون بدون ايد او بدون رجل او بدون عيون , وانت يا شريدة انولدت بدون ضمير
غانم الصالح لـ عبدالرحمن العقل - الطير والعاصفة


ليش ما خليتي الشيطان يقص عليج وتقطين نفسج بالبحر
عبدالله الحبيل لـ زهرة الخرجي - رحلة بوبلال


الشهر ثلاثين يوم واليوم اربعة وعشرين ساعة والساعة ستين دقيقة ,, والدقيقة ستين ثانية والثانية بتفوت عليكي زي الدهر
حياة الفهد وسناء يونس - الملقوفة

[هرول]

نهاية فيلم ذا لاست ساموراي /

اخبرني .. كيف مات؟


سأخبرك كيف عاش

....

[mohand]

اشكرك اخوي بحر عالموضوع المميز
وموغريبه عليك .. :)

إضافة لاهنت :)
من افضل الحوارات اللي مرت علي ومارح انساها طول عمري :(



أبي اكون حواليك , أبي اهمزك لاعجزت , أسمي عليك لاحلمت , تداريني واداريك
حياة الفهد : الخراز


والله لابنتي ولا الدنيا كلها تغنيني عنك , بروح معاك لو اخر الدنيا لو اشوفك من ورا شبك , اسمي معاك بنفس المكان , مأقدر افارقك ياجاسم مأقدررر .
حياة الفهد : الخراز



المشهد كان بين حياة الفهد وغانم الصالح مشهد اسطوري
مشهد يقطع القلب
لكم المشهد

http://www.youtube.com/watch?v=Db8c6syYfHs&feature=related

[بحر الحب]

نهاية فيلم ذا لاست ساموراي /

اخبرني .. كيف مات؟


سأخبرك كيف عاش

....

لا عاد اذا بنتكلم عن الافلام هذي يبيلها موضوع ثاني بروحه ..

يحضرني حاليا آخر جملة لـ جين هاكمان من فيلم ( Unforgiven ) : أراك في الجحيم يا ويل
اداء عظيم من ممثل عظيم في فيلم عظيم

[كاتم العبرات]

وين نادية ؟؟ كانت هني .. وين ؟؟ هني بقلبي .. خاشتها داخل ومسكره عليها .. خايفة عليها من العطش والحر والخوف والناس .. لكنك دخلت إيدينك داخل ومجعتها .. الحين ياي وتسألني وين نادية !!!

سعاد عبدالله - زوارة الخميس

مانتلاقى .. دروبنا كلها شووك .. لج الله يالغالية .. لج الله ..}}

صلاح الملا - الجليب

[بحر الحب]

انتهى زمانكم .. وزمان الاسكافي , مر على ولايتنا زمن من أتعس وأردى الازمنة , أخذوهم وحاكموهم
عبدالحسين عبدالرضا - زمان الاسكافي


اذا يعت وكلتك , واذا بردت دفيتك , واذا استمرضت داويتك , واذا عطشت شربتك , واذا بعد شنو بعد شنو ... واذا مت .. شسوي لك
سعاد عبدالله - أم البنات


لعبت معاكم تغشمرت معاكم ضحكت معاكم , صرت ياهل على شانكم وسايرتكم في كل شي ... صرت لكم مداس .. قمت أخم واكرف وانظف , لكن ايد وحدة ما تصفق , واذا كل هاللي سويتوه على شان امكم ترجع , ترجع امكم .. وغصباً على البـــــــــل تركب جاريات السفن , وغصبا علي ترجع امكم ترجع
غانم الصالح - لولاكي 2


أكيد باجر بيكون أحسن من اليوم .. أكيد باجر بيكون أحسن من اليوم , من يدري الخير وين فيه غير رب العالمين .. من يدري الخير وين فيه غير رب العالمين , سبحانه له في كل شي حكمة
داوود حسين ولطيفة المجرن - زارع الشر


أنت يالوزير .. ولا انت يالوزير .. ولا انت يالوزير , لو واحد من أهلك .. من جماعتكم .. مقطوط مع الاسرى , لا كل يوم تطالبون فيهم
عبدالرحمن العقل - انتخبوا أم علي

[>< ساره ><]

كل الحوارات اللي حطّيتوها تينن "وردة"

واحياناً غير الحوار كلمه تنقال على كثر ماإهي بسيطه بس تدش القلب !!
مثلاً :

http://m002.maktoob.com/alfrasha/up/3630526142034145034.jpg

خالد البريكي "صبي عقاب" تقوله منيره شفيك زعلان ناقصه شي ،، قاصرك شي ؟!
ويقول : ناقصني القدر ياعمّه !!!!!!!!

ممكن لو مسلسل ثاني يقول كلام وايد وايد مثل صعبه والظروف تكسرنا وخرابيط مالها أول من تالي :D ومولايقه على ثقافة "انسان مومتعلم" !! لكنه اختصرها بكلمتين بس ودشت القلب "وردة" ،،

##
##

حياة الفهد بعندما تغنّي الزهور نادت صديقتها جان تقولها خير ؟!
ردت : انا من عرفتج عرفت الخير ،، انا افتخر بصداقتج في ناس يعيشون لما يموتون واهم يدورون صديق !! انتي الإخت اللي الله عوضني فيها ،،

##
##

بيوم آخر يوم يبجون على خالد :( أتفقو ينقلون العيال وخالهم لــ بيت ثاني واهم بنص السوالف وشبيسوون قالت بنتهم :
زين وخالد ،،، ماراح يروح معانا ؟! :(:(:(:(

##
##

يوم مات صقر راحت شريفه حق فراشه ولاعقاب نايم فيه !
قالت ابي ولدي ،،
مالميته ،، ماشممته ،، ماقتله احبك يمه ،، ابي اعطيه الحكووكه :(

لأن بيوم موته طلب منها حكوكه وقت الغدا ومارضت عشان عقاب يحبها !!


##
##

[كاتم العبرات]

فيه أبيات اعجبتني في مقدمة فرصة ثانية :

{.. انسى اللي فات ,, للعثرة جولات ,, وللأمل جولات ,, تجي بسكات ,, تجي بسكات ..}

{ .. يابن الناس هدي ,, لو طافتك فرصة ,, يمدي ترى يمدي ..}

{ .. الحظ صج ينام ,, مايجي في ميعاده ,, لكننا بد يوم ,, يصحى من رقاده ..}

[بو عبدالله]

الله عليكم ,,,موضوع أكثر من رائع و مشاركات أروع
بالنسبه لي أنا ما يحضرني شي الحين بس في جمل بعضها فيها عمق و البعض الآخر عادية جدا وبعضها مشهورة بين الناس:
"الفئران آتيه... أحموا الناس من الطاعون"
ممثله كومبارس تؤدي دور نزيله في مستشفى الطب النفسي-مسلسل على الدنيا السلام
هالجملة من وانا صغير حافظها....يمكن لغرابتها و أداء الممثلة الكومبارس اللي قالتها...كل من شاهد هذا المسلسل ستعلق بذهنه هذه الجملة.
"لا دلق سهيل لا تامن السيل"
الجد أحمد الصالح بعد ما علم بأن إبن أخيه سلمان هو من قتل أخوه سالم-مسلسل دلق سهيل
الجملة هي مثل شهير أستخدم أفضل إستخدام بالمسلسل ليدل على أن الزمن قد تغير وأخلاق الناس تغيرت معه فتوقع أن يأتيك الضرر من أقرب الناس لك ....فلا تأمن الناس بعد اليوم لأن الزمن قد تغير وتغيروا معه.
"ذبانه بمكتبي؟!"
المدير عبدالرحمن العقل بعد إقالته -مسرحية بشت المدير
الجملة قد تبدو كوميدية ولكنها غير ذلك تماما.بالعكس هي جمله عبقريه رغم صغرها إلا إنها وضحت الحالة النفسية للشخصية ...هي عن المدير المغفل الذي وضع ثقته في أناس خانوه و أسقطوه من كرسيه ....فتح لهم نافذة قلبه فدخلوا "كالذباب "....وبعد أن تمت أقالته بسببهم ...تسأل بأستغراب كيف دخل هؤلاء الدخلاء الخونه إلى حياتي المهنية ودمروها... وهو يقول: "ذبانه بمكتبي؟!"

_______
تحياتي

[الصراحة]

قلبج هذا شنو صخر .... والله والله لو صخر جان حن

علي كاكولي الدخيلة

جب ولا كلمة جب .... انا يا ناصر انا قلبي صخر وما يحن عليكم انا!! .. روح اسأل خواتك روح اسألهم وحده وحده , قول لهم امي قلبها صخر وما تحن علينا انا يا ناصر .... انا اللي اي واحد فيكم يتعب طول الليل حاطتة على جتفي .. وادور فية من طبيب ل طبيب ومن مستشفى الين مستشفة و ما ارتاح وما اهداء اللى لما ينام على جتفي طول الليل ... تقولي انا ما احن عليكم .... انا قلبي صخر انا..

هدى حسين - الدخيلة

[بحر الحب]

اضافات جميلة وأطالب بمزيد من التفاعل مع هذا الموضوع ....
"وردة"





حياة الفهد بعندما تغنّي الزهور نادت صديقتها جان تقولها خير ؟!
ردت : انا من عرفتج عرفت الخير ،، انا افتخر بصداقتج في ناس يعيشون لما يموتون واهم يدورون صديق !! انتي الإخت اللي الله عوضني فيها ،،

##



من أقوى الحوارات ,, ما اتذكر المشهد جيدا لكن تكفي قراءة الكلمات



"ذبانه بمكتبي؟!"
المدير عبدالرحمن العقل بعد إقالته -مسرحية بشت المدير
الجملة قد تبدو كوميدية ولكنها غير ذلك تماما.بالعكس هي جمله عبقريه رغم صغرها إلا إنها وضحت الحالة النفسية للشخصية ...هي عن المدير المغفل الذي وضع ثقته في أناس خانوه و أسقطوه من كرسيه ....فتح لهم نافذة قلبه فدخلوا "كالذباب "....وبعد أن تمت أقالته بسببهم ...تسأل بأستغراب كيف دخل هؤلاء الدخلاء الخونه إلى حياتي المهنية ودمروها... وهو يقول: "ذبانه بمكتبي؟!"




سبقتني يا بوعبدالله كنت راح أحط هالجملة ..
من أقوى واعمق اللي سمعتها واداها العقل بمنتهى الاتقان .. وتكملتها :

"الذبان تارس مكتبي .. شنو هذا .. أنا اللي الذبانة ما توقع على خشمي ذبان في مكتبي , صار الذبان يصول ويجول في مكتبي ويقوقي علي ويطب على كل مكان في جسمي"

[بحر الحب]

إيــه .. إصحوا يا غافلين .. يا غافلين إصحوا .. إصحوا يا غافلين .. ويا غافلين إصحوا
عبدالرحمن العقل - آخر مشهد من مسلسل الغرباء


أنا يمامة حبيتها .. حبيتها من كل قلبي , لكن .. عطتني الثقة بأني يمكن بيوم من الأيام أنحب
عبدالحسين عبدالرضا - مراهق في الخمسين


نعلم أولادنا قواعد النحو والصرف .. وننسى أبسط أصول الصرف ,,, إي نعم .. ننسى أبسط أصول الصرف وشلون نصرف فلوسنا ووين فيه نصرفها , لكن ما اقول الا باي باي يا لندن .. باي باي للأبد يا لندن .. باي باي ومالنا بأرضج أمـــــــــــــــــــان
هيفاء عادل وعبدالحسين عبدالرضا - باي باي لندن


تربيتنا لعيالنا غلط .. غلط , تعليمهم غلط .. غلط , توجيهم غلط .. غلط , نعم انا معاك كل شي عندنا هني بالديرة غلط في غلط في غلط
خالد النفيسي وسعد الفرج - حامي الديار

[بحر الحب]

ترا مو كل اللي حققته من انتصارات راجع لذكائي وقوتي , لا .. في سبب مهم , السبب هذا هو أهل المدينة أنفسهم .. ضعفهم .. عيوبهم .. هو سلاحي اللي أحاربهم فيه , واذا انت منت مصدق انزل السوق وشوف أحوال الناس وتأكد بنفسك
غانم الصالح - الغرباء


بحازيكم حزاية , كان في راعي يحب غنمه ويخاف عليهم من الذيب , مدللهم .. أحسن الأكل وأحسن الشرب ويدفيهم إذا بردوا , في يوم من الأيام وحدة من غنمه تمردت وهدته .. تدرون شسوى ؟ ولا شي .. غمض عينه عنها وقال وين ما راحت أردها أردها , تعتقدون رد صخلته ؟ حصة ردها ولا لا ؟ غنيمة نسمية قماشة شمة .. ردها ولا لا ؟ شريفة ردها ولا لا ؟
غانم الصالح - أم البنات


الفرق بيني وبينكم .. ان مرعي اخوكوا هان عليكو .. بس انتوا علي ماهنتوش
نور الشريف - الرحايا

[شلال الحب]

الدنيا هاذي صارت تخوف وايد يبه لاتخلينى (بثينه الرئيسي)انتوا كبرتوا ولا انتوا بحاجتي(سعد الفرج)يايبه لاتقول جذي احنى الحين محتاجيلك وايد اكثر من لمى كنى صغار (لمياء طارق)بس النص الباجي مر مر لدرجة احنى ماقدرنا نقولك اياه(ياسه)والله والله اني من اول ماسمعت الكلام رسخ بذهني وضليت اقوله وايد اثر فيني مشكووووووووور موضوع مميز

[Dangers]

جمله حياه الفهد في ملسلسل ( ليله عيد ) هالكلمه اعتبرها اقوى من المسلسل صصج تأثر

ياماا في قلوب تغلط تغلط وايد وتحطم اصحابها :( ..

وحوار ثاني من نفس المسلسل مؤثر جداً

انا مالي حق عند اخوانـــي كاان عندي حق لكني ضيعته بيدي من زمان ( ابتسامه كلها حزن )


حياه الفهد الجليب /
طول عمرك حرامي كل عمرك تبوق الشي من اهله وتنسبه لنفسك كل عمرك تسلب الحق من اهله وتنسبه لروحك

غانم الصالح /
بالخراز جميع حوارته مافي مثله هالفنان :( يبجيك ويضحكك اشتقنالك يابو صلاح جعل مثواك الجنه ..

[بحر الحب]

لا إنت ولا يدك ويد اللي يابك يقدر ياخدها وأنا حي .. لا انت ولا الريس مالك يقدر ,,, إحنا ما عندنا ريس .. احنا عندنا شيوخ وشيوخنا صباح .. وأميرنا جابر وبس
عبدالحسين عبدالرضا - سيف العرب


يالخمّــــــــــــــــــــــــــــــــــــــــــــ ــــــــــــــــــــــــة
غانم الصالح - دنيا القوي


يما تذكرين يوم أنا كنت صغير كنتي تدشين علي الحمام تلاقيني مفلته داخل , كنت أقولج تكفين لا تقولين حق أحد , كنتي تسوين نفسج ما تطالعيني وتروحين بسرعة تغطين عني وتييبين لي فوطة وبجاما ثانية , تدشين علي الحمام وتبطلين الشور وتطلعين برا ...
خالد أمين - زوارة الخميس

[الصراحة]

وين الفراشة اللي تفرحنة , وين الورده اللي تريحنة , صارت السعاده مره , واللي يفتقدها صعب يلقاها

القلب ميت يا سلوى القلب ميت

هدى حسين - الورثة

[شايل جروحي بروحي]

الجمال جمال الروح جمال الوجه فتره ويروح عبدالعزيز المسلم \نور عيني

[الصراحة]

هذا اللي ربيتوها وعزيتوها و حبيتوها و دخلتوها بيتكم اخرتها تبوق ريلج

طيف - اللقيطة

[بحر الحب]

ما بي اتزوج .. ما ابي يجوني عيال ويكونون مثل حالتي
عبدالله التركماني - ساهر الليل


العين اللي أركبها وما أشوف منها .. بشلعها
قحطان القحطاني - عذاري


المال والبنون زينة الحياة الدنيا , شلي من هالدنيا ما دام ما عندي لا مال .. ولا عيال
أحمد جوهر - دلق سهيل 2

[S.A.S]

رجوعي بيخليني اواجة الماضي الي هربت منة من زمن طويل
سمبا ـ الاسد الملك

صحيح الفيلم كرتوني لكن حوار فعلأ اثر فيني

[>< ساره ><]

رجوعي بيخليني اواجة الماضي الي هربت منة من زمن طويل
سمبا ـ الاسد الملك

صحيح الفيلم كرتوني لكن حوار فعلأ اثر فيني

هالكرتون كلامهم كله مؤثر ، خاصّة في جمل ماتحضرني كان يقولها سمبا الوالد حق ولده يوم كان صغير ،، "وردة"

[بحر الحب]

رجوعي بيخليني اواجة الماضي الي هربت منة من زمن طويل
سمبا ـ الاسد الملك

صحيح الفيلم كرتوني لكن حوار فعلأ اثر فيني

انت بتفتح علينا باب ما راح نصكره :d
فعلا الجملة اللي ذكرتها قوية واعمال الكرتون أحيانا تحتوي على حوارات عميقة وراقية وعظيمة ما نلقاها ببعض مسلسلاتنا الخليجية الموجهة للكبار , يحضرني حاليا :


حسناً يا ريكس 1 , أينما كنت .. كنت آلياً فقط .. لكني أحببتك
نيسان أونيل - فيتان السلاحف


جملة بالنسبة لي لا تنسى لأن فيها اسقاط على فراق كل حبيب وصديق ورفيق درب .. أبدا
وتعلموا يا كتاب الدراما من هالاعمال شلون تكتبون حوارات
وأشكر مرورك ..

[بحر الحب]

وين الفراشة اللي تفرحنة , وين الورده اللي تريحنة , صارت السعاده مره , واللي يفتقدها صعب يلقاها

القلب ميت يا سلوى القلب ميت

هدى حسين - الورثة

حوار راقي من مسلسل فاشل بصراحة ..

وشكرا يالصراحة ..

[منصور بو حظين]

ماله داعي الموضوع وبصراحه ما استفدت منه

[بحر الحب]

منقول + طرح ضعيف

يغلق ..




إبشر طال عمرك ما طلبت إلا عزك ..

[شايل جروحي بروحي]

تم تحرير الرد

[شايل جروحي بروحي]

تم تحرير الرد

[منصور بو حظين]

تم تحرير الرد

[الصراحة]

بحر الحب والله
الموضع مو روعى اللى اروع من الروعى نفسة وقيم بالحوارات الممتعة

[بحر الحب]

بحر الحب والله
الموضع مو روعى اللى اروع من الروعى نفسة وقيم بالحوارات الممتعة

حبيبي ..
انت الاروع بمساهماتك في الموضوع واتشرف بكلامك الطيب
"وردة"

[اكسير الحياة]

الحوارات المميزة والكبيرة والمؤثرة في النفس كثيره

بس توه طرا علي من رمضان الي طاف

مشهد وحوار ولا اروع

يوم اكتشف بو كريم ان بنته نسيت اسمها في المسلسل الي هي لمياء طارق
انها حامل

قال الفنان الكبير سعد الفرج


(عظم الله اجركم في .... انا ما عندي الا ست بنات )

المشهد على الحوارات كانت مميزه وتبجي بصراحة

بس ناسي اغلبها للاسف


عالعموم مشكوووور
اخوي بحر الحب مميز كالعادة وتميزت في هذا الطرح الرهيب


تحياتي

[بنت قمبر]

سعاد عبدالله و هيفاء حسين في مسلسل حكم البشر :

سعاد عبدالله: سامحيني يا بنتي .. آنا عارفه إني ضعيفه و مش طالع في ايدي شيء أعمله علشان اساعدكم ..

هيفاء حسين : لا يمه لا تقولين جذي .. انتي مو ضعيفه .. احنا اصلا نستمد قوتنا منج


يا الــلــــه هالجملـــــه شنــــــو تحمـــــل معنى كبيـــــــــر


فعلا الانسان يستمد قوته بوجود أمه .. و الأم معروف عنها إنها دائما ما تكون خاضعة و ضعيفة ..لكن وجودها في حياة الانسان يكفي ليعطي دافع و قوة و شجاعة ليصارع هذه الحياة بكل مصاعبها

ألف شكر أخوي على هالموضوع المميز

[بحر الحب]

إحنا اذا اشتهينا نقاتل .. نقاتل بعضنا بعض .. نذبح بعضنا بعض , نخسى ونهبى نقتل الغريب لا .. نقتل اللي منا وفينا
غانم الصالح - باي باي لندن


وينك يا مجبل .. وينك يا صقر .. وينك يا غلوم , ما تيون يا جماعة وتشوفون أحفاذكم شيسوون
محمد المنصور - دقت الساعة


قلت لكم .. لا تحجون لا تحجون لا تسألون .. منهو ومنهو .. منهو ومنهو , زين جذي الحين اكلوها
خالد النفيسي - حامي الديار


جاركم اللي هو جاركم اللي صارلكم سنين معاه تعاونونه .. ياكم وقلب عليكم وأذاكم
عبدالرحمن العقل - أبطال السلاحف

[الاسطورة نواف]

فكرة راائعه جدا
وأختيار للحوارت ( تدل على ذاائقة راائعه )
أهنيك على الاثنين
تم الحفظ في المفضلة + نسخة الى الارشيف
ومتاابع دااائما ان شاء الله

[بو هيلان]

مشكووور ويعطيك العافية اخوي بحر الحب

[بحر الحب]

فكرة راائعه جدا
وأختيار للحوارت ( تدل على ذاائقة راائعه )
أهنيك على الاثنين
تم الحفظ في المفضلة + نسخة الى الارشيف
ومتاابع دااائما ان شاء الله

يسعدني مرورك وكلامك الجميل ..

[الصراحة]

خالد امين : الله يسامح ليش اهل الدنيا ما يسامحون
ممثل بحريني :اللي بينك وبين الله في له ثواب وعقاب وحساب بالاخره لكن اللي بينك وبين الناس لازم ينحل في الدنيا

مسلسل شوية امل - للمبدع حسين المهدي

[بحر الحب]

خالد امين : الله يسامح ليش اهل الدنيا ما يسامحون
ممثل بحريني :اللي بينك وبين الله في له ثواب وعقاب وحساب بالاخره لكن اللي بينك وبين الناس لازم ينحل في الدنيا

مسلسل شوية امل - للمبدع حسين المهدي

ابداع هالحوار ..

[S.A.S]

حافظو على دينكم وصلاتكم والي ترضونة لنفسكم ارضوه لغيركم ان قدرتو على هذا انشالله تكونون عون لاهلكم ووطنكم وان ماقدرتو على هالشي خاب الرجا فيكم وضاع كل شي

(عبدالله الحبيل ـ رحلة بوبلال)

[بحر الحب]

أنا كنت مستعدة اني أضحي بكل شي , أضحي بالدنيا كلها أضحي بالبيت .. ولا اني أضحي بأختي أو أفارق أختي اللي عشت معاها أكثر من 40 سنة على الحلوة والمُرة
لا .. لا يارقية , مو احنا اللي تغيرنا الفلوس لا , احنا صج حياتنا كانت مُرة .. لكن مرارتها كانت بالنسبة لي هي الشكر .. وهي الملح وبنظل جذي ليما أموت يا رقية
سعاد عبدالله وحياة الفهد - رقية وسبيجة


تدري ليش أنا وعمك خالد متهاوشين ومقاطعين بعض من سنين ؟؟ لأننا بيوم من الأيام تطاققنا مثلكم جدام أبوي , المسألة اذا وصلت للطق بين الاخوان .. فتوقع كل شي يصير بعدها
غانم الصالح - الموذي


هذا انتي يابدرية , طبعج وطبع سالم واحد ما تغير من سنين , بدال لا توقفون بوجه الغلطان تسدون حلوجكم واذونكم وتقفلون عليكم الدور ليما تنتفخ صدوركم من عذاب الضمير , وانتو ساكتين .. ليما الحق اللي فيكم ينقلب باطل , والخير اللي فيكم ينقلب شر عليكم
جمال الردهان - مصاص الدماء

[كاتب مبتدئ]

هذا انتي يابدرية , طبعج وطبع سالم واحد ما تغير من سنين , بدال لا توقفون بوجه الغلطان تسدون حلوجكم واذونكم وتقفلون عليكم الدور ليما تنتفخ صدوركم من عذاب الضمير , وانتو ساكتين .. ليما الحق اللي فيكم ينقلب باطل , والخير اللي فيكم ينقلب شر عليكم
جمال الردهان - مصاص الدماء

على فكره هالمسرحيه فيها حوارات كثيره رائعة وعميقة واسقاطات سياسيه عالجرح، اهيا والبيت المسكون وقصر الرعب "وردة"

أستغرب إن عبدالعزيز المسلم كاتب هالحوارات أهو نفسه كاتب مسلسل الكرتون البيت المسكون :confused:

[كاتب مبتدئ]

- ماكو أحد يقدر يغير اللي بداخلنا، ماكو أدويه بالعالم تغير أي شي من اللي بداخلنا
التركيب السحري بداخلنا إحنا، التركيب السحري أهو عقل يفكر ولسان يقول وإيد تعمل، واحنا بهالبيت لا عقل ولا لسان ولا إيد!

سعاد عبدالله - الرائعة الخالدة "خالتي قماشة" - لكاتب الأساطير طارق عثمان

[كاتب مبتدئ]

- كل يوم يتصلون فيني، عيالك طلابة عيالك!
اعنبوكم آنا سايرتكم في كل شي، في كل شي سايرتكم، لعبت معاكم، تغشمرت معاكم، ضحكت معاكم، صرت ياهل على شانكم، صرت لكم مداس، قمت أخم وأكنس وأطبخ وأسوي كل شي على شانكم، عمى بعيونكم!

ليش جذي ليش؟ طالعوني عدل أبوكم آنا ولا ماني أبوكم؟ لكن الظاهر أمكم دلعتكم زياده عن اللزوم، الظاهر إن إيد وحده ماتصفق، وذا كل هالعناد اللي تسوونه على شان أمكم ترجع، ترجع أمكم! حاضر ترجع أمكم، آنا أعترف خلاص آنا فشلت في تربيتي معاكم، وغصبا على الكل وغصبا علي ترجع أمكم ترجع!

غانم الصالح - لولاكي ٢

أداء أسطوري من المرحوم غانم الصالح فـ الجزاء من جنس العمل، وإهمال الأب لأبنائه هذا مايترتب عليه، ولاينفع الندم بعد وقوع الكارثة، والأسرة لايمكن أن تقوم في غياب أي من الأطراف الأساسية فيها سواء الأب أو الأم، فكرة رائعة أبدع صياغتها محمد الرشود

[كاتب مبتدئ]

سمعوني.. انتوا عيالي ولا أحب شي كثركم، انتوا عيوني المركبه، بس آنا أقول لكم جدام حريمكم، والويه من الويه أبيض

اللي بيخون يخون الحين، وبهالوقت، واللي بيطلق يطلق الحين، لا تعاشرونهم أربعين سنه وبعدين تحذفونهم حذفة الجلب!

اللي بيحب يحب الحين، واللي بيتزوج يتزوج الحين، لاتبوقون أعمارهم، لاتخلونهم يغمضون عيونهم ويأمنون ولما يفتحونها مايلقونكم حواليهم، تكفون لا تظلمون، الظلم مو زين يايمه، الظلم مو زين!

سعود، مرزوق، عز، أحمد، فيصل، اللي بيجرح مرته يجرحها الحين وإهي صغيره عشان جرحها يبرى لا ينطرها لين تكبر، فهمتوا يمه؟!

سعاد عبدالله - زوارة الخميس

[كاتب مبتدئ]

من اليوم ورايح محد له كلمه بهالبيت إلا كلمتي، ومحد له أمر بهالبيت إلا أمري، ولا احد يشك خيط بإبره إلا بأمري، وبشوف كلمتي بتمشي ولا كلمتج بهالبيت، وكل شي وصل حده، كل شي وصل حده وبس! من اليوم ورايح آنا ريال البيت

خالد النفيسي - مسرحية بيت بوصالح

[الصراحة]

كل انسان جروحه لا بد تبرى لكن اكيد وراى هالجروح بقايا

مسلسل بقايا جروح - فجر السعيد

[كاتم العبرات]

إلى متى تضل فلوس العرب في غير العرب .
نعلم اولادنا قواعد النحو والصرف وننسى ابسط اصول الصرف .
لكن ماقول إلا باي باي يالندن , باي باي إلى الأبد يالندن , باي باي ومالنا بأرضك أمان .

حوارات مشتركة بين " داود حسين , هيفاء عادل , عبدالحسين عبدالرضا " - مسرحية باي باي لندن

[الصراحة]

حوار رائع بس ما نقلته كامل

[بحر الحب]

- ماكو أحد يقدر يغير اللي بداخلنا، ماكو أدويه بالعالم تغير أي شي من اللي بداخلنا
التركيب السحري بداخلنا إحنا، التركيب السحري أهو عقل يفكر ولسان يقول وإيد تعمل، واحنا بهالبيت لا عقل ولا لسان ولا إيد!

سعاد عبدالله - الرائعة الخالدة "خالتي قماشة" - لكاتب الأساطير طارق عثمان



أيضا من نفس العمل هناك حوار وجهته سعاد عبدالله وهو الذي هز امبراطورية "قماشة" وجعلها تعيد التفكير في اسلوب حياتها, وهو :

إحنا ممكن نكون عايشين ببيت واحد وناكل من سفرة وحدة .. لكن كل واحد عينه على لقمة الثاني وينطره يغص

[الصراحة]

الحب مثل السجين اما يقطعلج ورده او يقطع لج وريد

عبدالله التركماني - بعدك طيب

[بحر الحب]

الشمس هي الشعب , افتحوا الابواب والنوافذ .. خلو النور يسبح بالقصر .. ماعندنا بيبان تنقفل .. ولا بيوت سودة لونها الظلام , السور احنا .. السور داخلنا .. السور حبنا لوطنا , السور بنبنيه بتكاتفنا السور انتو واحنا , السور حبنا لبعضنا .. السور يعلى فينا كلنا , السور هو ولاء الناس للوطن ... السور انتو يا حبايبي
عبدالرحمن العقل وزهرة الخرجي وأحلام حسن - روز والأراجوز


حنا أهل سلام .. لكن اللي نوى للشر وسعى فيه ماله عندنا سلام ولا لنا معاه كلام , حنا ما نعادي مسلم أبد ولا نعيل عليه
محمد المنصور - أسد الجزيرة


لو دامت لغيرك ما اتصلت إليك
خالد النفيسي - عديل الروح

[بحر الحب]

لا تظلم إنسان , لا تحابي أصحاب الجاه والشان , وتدوس في طريقك عالغلبان , لاتخبي شهادة ولا تناصر طغيان , ولاتهرب ساعة الحق من الميدان , لا تعامل الناس حسب الأديان .. حسب الألوان .. حسب الأوضاع .. حسب الأنواع .. حسب الأهواء .. حسب الأضواء , قول للباطل إنت الباطل .. تبقى الإنسان العادل
سعاد عبدالله - الليله المحمديه



بالموت تفقد حياتك , وبالزواج راح تفقد حريتك
عبدالرحمن العقل - الملقوفة

[فيصل%]

الموت أهون علي من العذاب اللي أنا به، عايني ياعمي شف هذا الرجال اللي غدا شي لا له قيمة ولا وجود، أنا أكره نفسي وألعنها باليوم ألف مرة ... ياعزتي عزتاه
غانم الصالح - الرحيل

كل صغير يكبر وكل كبير يرحل ... وتبقى الأرض
الفنان القطري علي حسن - عيال الذيب

المال والبنون زينة الحياة الدنيا وأنا الحين لامال ولاعيال وشلي من هالدنيا
أحمد جوهر - دلق سهيل

[بحر الحب]

كبير يا فيصل على الاضافات هذي ..

[بحر الحب]

هذا بيتنا , معقولة هذا بيتنا .. شاللي صار , ما أصدق
جنه حلم .. بس حلم مزعج كابوس , أنا حاس بغربه .. حاس إني غريب بهالبيت , هالبيت مو بيتي
أصلاً لا يمكن يكون هذا بيت , ساعات أظن إني قاعد بجوازات حولي أو مرور الشويخ , ناس ما نعرفهم داشين وطالعين بدون استئذان .. صار بيتنا مستباح لكل الناس .. منتهك
في كل وقت تستبيحونه صبح وظهر وليل , ماكو راحه .. وين نلقى الراحه وسط الصراخ والضجيج وخبصة الناس
والتلفون , صرت أكره التلفون .. ودي أخنق صوته .. صوته الي ما ينقطع 24 ساعه يرن باذني ويصدع راسي
كنت بالاول استانس لا دق التلفون أركض أشيله .. بالاول كنت استانس لازارنا أحد .. بالاول بالاول آآه يالاول
أيام حلوه حلوه كان البال مرتاح , كنت اقوم من النوم الساعة 6 أتريق مع أم علي وأقرا الجرايد معاها ونطلع مع بعض , وكان بيتنا صخه ,, تقط الابره فيه نسمع صوتها
هدوء هدوء آآه يا الهدوء , وينك .. وينك يالهدوء آنا صارلي مده أدور عليك , بس تعرف .. ماكو إلا النوم , يمكن يكون هروب , بس أريح من الوضع اللي أنا عايش فيه
خليل إسماعيل - إنتخبوا أم علي


حبوا هالأرض .. حبوا التراب اللي تمشون عليه , يزيد إيمانكم وتزيد عقيدتكم
خالد النفيسي - حامي الديار


آنا أبي أعرف .. اذا انتوا منتوا قد التربية ليش تيبون عيال !!
خالد أمين - زوارة الخميس

[الصراحة]

الله الله الله ---- ياختي اسم الله

فيفي عبدو - احمد بدير
كيد النسا

عجبتني الطريقة

[بحر الحب]

العين أوسع لك من البيت , وتالي ضاقت البيوت .. وضاقت العيون
غانم الصالح - الخراز


خمسين سنة عود .. جبير عليها الله لا يبارج بالكبر خرب كل ديكوري الكبر , والبدوي يقول الكبر ذيب ينهش .. الله يلعن الكبر
عبدالحسين عبدالرضا - مراهق في الخمسين


لا .. كلمة لا , ادري سهلة ماكو اسهل منها , بس ما تذكرتها خبري فيها قبل وانا بنيه ولما دخلت هالبيت خليتها برا عند عتبة الباب مع الشارع والناس والسما والشمس , نسيتها .. نستني اياها الايام
سعاد عبدالله - أم البنات

[خليك ليا]

جواز عتريس من فؤادة باطل (فيلم شئ من الخوف)

[Zandi]

ع العمومن .. كنتوا لي أهل ، كنت سعيد إني عايش بيناتكم اي والله
كانت الايام تمر علي جنها دقايق ،
راح كل شي راح ،

كنتوا لي شمعة ، وانا دمعة
كنتوا لي جذر ، وانا الباجلة داخل
كنتوا لي قدو ، وانا التتن

كل شي انتهى
وقلبي ما يطاوعني اقولكم وداعاً ، لا
اقول لكم الى لقاء قريب


عبدالحسين عبدالرضا - على هامان يا فرعون

[بحر الحب]

صج إني خبله شعليه مستانسه وفرحانه جني لاقيه كنز ولا معطيني جائزة , يعني لازم أسوي عملية .. معناها الحالة خطرة , ويمكن العملية تنجح ويمكن ما تنجح وأتوكل على الله , بس منين ياني مرض القلب هذا وأنا عمري ما اشتكيت ولا رحت لطبيب , كله مني .. آنا اللي فاولت على نفسي , زين والحل ألحين .. آنا خايفه , أول مرة أحس بالخوف .. بس جزاي وأقل من جزاي , يعني مالقيت غير القلب .. طيب شفيها اللوز ولا المرارة
حياة الفهد - الملقوفة


البنت اللي تعصى أمري , وتطلع عن طوعي , ما انولدت .. ولا اعتقد انها بتنولد , مو تسافر .. لو تطير لسابع سما , والله .. لألحقها وأنا عقاب
غانم الصالح - أم البنات


تعالي يا موزة وين رايحه , هدي القميص وشوفي صاحبه .. ياريت عندج شي يروح اللي صار بقلبه
محمد المنصور - زوارة الخميس


أبي أشبع من لمتهم حواليي , غافلتنا الايام وركضت جنا كنا يهال نلعب بالحديقة , وفجأة .. أحمد طلعت له لحية .. وسعود صلع .. وفيصلو صار طول الباب .. وعز صار عنده شنب .. وشاهة صارت مره .. وأمي صار عندها أحفاذ .. وآنا تزوجت , شلون الأيام تركض بسرعه جذي
خالد أمين - زوارة الخميس

[بحر الحب]

أنا صرت أم وأنا عندي سبع سنين , صرت أم لاختي وانا عمري سبع سنين تخيلي .. أمي انسحبت إقامتها من الدنيا بسرعه وسافرت عن طريق صليبيخات , وابوي أمي استعيلت عليه ما قدرت تصبر عنه .. دزت له كرت زيارة من هناك , بعد ما توسطت وطلعت روحها ولقت لها واسطة وحصلت على كرت زيارة حقه , قلنا له يا يبا لا تروح .. لا تروح وتخلينا بروحنا في هالدنيا الغدارة , قال لا .. خلكم بالدنيا الدنيا حلوة , قلنا له خذنا معاك .. قال لا خليكم قاعدين الدنيا حلوة , خلي يجي ألحين يشوف حلاوتها
أنا لي أهل .. لو مالي أهل جان ماشفتيني هني بهالعز .. بهالسعادة والراحة اللي أنا فيها , أنا لي عم .. عم ذهب , ولي مرت عم .. كلها طيبة وحنان وحب وكرم , ربونا يا سستر .. وتعبوا علينا .. وماقصروا معانا جزاهم الله خير , دخلونا مدارس .. وعلمونا , ويوم حسوا اننا أذكياء وشطار .. طلعونا ما قصروا , طلعونا وحرمونا من ورث أبونا , أخذوا كل فلوسنا , وموبس هذا بعد .. لا سوو أكثر فضلهم ما ينسي , فرقوا بيني وبين أختي , أختي مبروكة اللي أعتبرها مثل بنتي الصغيرة , فرقوا بيني وبينها وحرمونا من بعض , شفتي شكثر آنا محظوظة
حياة الفهد - على الدنيا السلام


حاسب نفسك يا مانع قبل لا تحاسب غيرك .. الغلط انت السبب فيه , عيشتنا بكبت وحرمان .. خليتنا نضيع طريجنا , اعنبوك حرمتني آنا من حياتي من عيشتي .. حرمت أختك فتون انها تعيش حالها حال الحريم , عيشتنا بين أربع طوف عتج بتقاليد عتيجة انتهت من سنة يدي , طالع عيوبك قبل لا تطالع عيوب الناس
عبدالحسين عبدالرضا - الحيالة

[كفاح]

حاسب نفسك يا مانع قبل لا تحاسب غيرك .. الغلط انت السبب فيه , عيشتنا بكبت وحرمان .. خليتنا نضيع طريجنا , اعنبوك حرمتني آنا من حياتي من عيشتي .. حرمت أختك فتون انها تعيش حالها حال الحريم , عيشتنا بين أربع طوف عتج بتقاليد عتيجة انتهت من سنة يدي , طالع عيوبك قبل لا تطالع عيوب الناس
عبدالحسين عبدالرضا - الحيالة

من اقوى الكلمات اللي نقالت في نهاية المسلسلات

مشكور يابحر على الموضوع الجميل القديم اللي انا وصفته بأنه كل ماقدم كل ماكان احلى

[بحر الحب]

انت تدري يا مبارك سالم بالنسبة لي شنو , اهو روحي واهو حياتي واهو كل شي .. اهو قطعة من جوفي , أخوي سالم كان كل حياتي اللي أنا عايشها .. أنا طلعت على ويه الدنيا ما عندي لا أم ولا عندي أبو .. ماتوا وآنا صغير , سالم بالنسبة لي اهو أمي واهو أبوي , الشيطان عمى عيوني يا مبارك .. فلوس الحرام منعتني يامبارك من إني أشوف أخوي وأنتبه له .. آنا تعبان
عبدالرحمن العقل - دلق سهيل 2


كل واحد راح يتحاسب عاللي سواه , اللي تعاون معاهم , واللي استغل الظروف اللي احنا فيها ولعب لعبته .. واللي ارتكب جرائم بحق الشعب الكويتي , واللي عذب وعدم وهتك الأعراض وشرد الناس .. كل واحد منكم راح ياخذ جزاه , ما فكرت بأطفال الكويت ويايني ألحين تبيني أرحمك عشان اطفالك ,, لا يالسفاح .. حتى الأطفال عدمتوهم , نسيتوا الرضع اللي طلعتوهم من الحاضنات وقطيتوهم على الأرض يا مجرمين , وين كانت الرحمة عنكم .. ليش مافكرتوا بأطفالنا عشان اليوم نفكر بأطفالكم , حسابكم ما راح يكون على ايديني آنا بس .. حسابكم راح يكون على إيد الشعب الكويتي , الشعب الكويتي اللي دستوا على كرامته فوق أرضه .. اللي طعنتوه من الخلف في الوقت اللي كان ماد إيده لكم .. الإيد اللي كلها خير ووفا يا ناكرين الخير وخاينين الجيره , سألوا اللي عدمتوا عياله جدام عينه .. سألوا اللي أخذتوا منها ولدها وللحين ما تعرف عنه شي .. سألوا اللي رملتوهم ويتمتوا عيالهم .. سألوا يامجرمين كل أسير قاعد ألحين بسجون بغداد من غير أي ذنب , ذنبه الوحيد انه كويتي .. ويحب الكويت , سألوا هذيله كلهم .. قولو لهم .. شتحكمون علينا فيه !!
أحمد السلمان - مخروش طاح بكروش