توني طالع من مسرحية بسنا فلوس ... التفاصيل بالداخل

[روائي]

http://a3.sphotos.ak.fbcdn.net/hphotos-ak-ash3/600038_438539779518143_416710121_n.jpg





عيدكم مبارك حبايبي


توني طلعت من مسرحية " بسنا فلوس " التي عرضت على مسرح نقابة العاملين في ميدان حولي

طبعا ابطال المسرحية ظاهرة صورهم امامكم ...

المسرحية تدور احداثها في بيت قديم يسكنه اخ و وابنائه اثنين واخته الكبيره ... طبعا الاخ بخيل جدا وهذا الدور الذي لعبة الفنان طارق العلي والاخت "هيا الشعيبي "

طبعا الاب الجعص حارم اخته وعياله من حقوقهم وفوق هذا ياخذ فلوسهم اللي يحصلونها من شغلهم الخا وهذا ماينطبق على اخته اللي يتقدم لها " مبارك " ولد خالتها اللي هو الفنان شهاب حاجية .. وكان ياخذ المهر منه والمصاريف الاخرى ...

المهم انا عقب على عنوان المسرحية .... "بسنا فلوس" ... أنا اعتقد لو مخليه على عنوانها القديم "الجعص" لكان افضل لانه المحتوى لايتفق مع العنوان .. انا توقعت انه بيت مترف واسره غنية مبذرة بالمال وجذي وماتفرق عندها ... لكن الوالد بخيل وبيته هدام واسرته فقيره .. مادري ليش غيروا العنوان !!


الفكرة انه ماكو فكرة !!!


بدون مبالغه بالاستراحة اطلعو نص اللي قاعدين بالجناح الايمن اللي كنا قاعدين فيه حتى رفيجي صحفي طلع وخلاني !!!!!


والباقي عيونهم عالايفون والبلاك بيري حتى طارق قال بالحرف الواحد : " ياجماعه طالعو اشحقى دافعين فلوس شنو مو عاجبتكم المسرحية اكنسلها !!!! "


المهم انا طلعت باخر مشهد قلت انحاش عن الزحمه ... وتفاجئت انه الفنان احمد الشمري موجود معاهم وياريته ماطلع .. دوره مثل ابو ساره بالعماره بالضبط ... ومدته لا يتعدى ثلاث دقائق واللة حتى الكومبارس مايرضى فيه ... وهو ممثل كوميدي ومعروف وله حضوره ....

واحلى ما بالمسرحية الفنان أحمد فرج ..




المهم أنا لاحظت انه مسرحيات طارق العلي مقتبسه من برنامجه المنوع " مسرحيات 2000 "


بل انه مسرحيات الفين صورة مصغره من هالمسرحيات حتى نفس الحوار والكاركتر .... وجعلني اتسائل عن اللي يكتبون المسرحية كل يوم مع كاتب اسم جديد !!!



وين طارق العلي نجم الكوميدي في هذا الزمان .. كان نجم من اول اطلالة له واليوم بدى يهبط تدريجيا .. واللي يوصل للقاع صعب يطلع للقمة مره ثانية .. فا يابومحمد انت مازلت محلقا لكن على مستوى منخفض ... فا الحق على نفسك وراجع حساباتك .. ولاتكرر اخطاء داوود حسين ...


واتمنى من كل قلبي انه يرجع مع قروبه القديم ياحلاتهم مع بعض

درويش
شعبان
اسماعيل سرور
احمد الشمري
بوهلال

ومايحضرني اسم الباقيه ......



وسامحونا على الاطالة ... وبإنتظار تفاعلكم حبايبي "وردة""وردة"

[زهرة البحرينية]

والله يا روائي كلامك كله مو غريب وكلنا متوقعين ان تكون مستوى المسرحية بهذه الطريقة خصوصا بعدما شفنا البوستر و طاقم العمل ..

طارق مميز ولكن بحاجة الى التخلص من هذا الكادر + كاتب مميز ويجبره على الالتزام بالنص + مخرج مميز لديه سيطرة على جميع كاست العمل ...


شكرا على الموضوع وعلى التفاصيل

[محمد العيدان]

بالكويتي : مسرح الاعياد بدون هدف

[روائي]

والله يا روائي كلامك كله مو غريب وكلنا متوقعين ان تكون مستوى المسرحية بهذه الطريقة خصوصا بعدما شفنا البوستر و طاقم العمل ..

طارق مميز ولكن بحاجة الى التخلص من هذا الكادر + كاتب مميز ويجبره على الالتزام بالنص + مخرج مميز لديه سيطرة على جميع كاست العمل ...


شكرا على الموضوع وعلى التفاصيل





العفو ولو


اي والله انا توقعتها حلوه ... بس مع الأسف كل سنه يخيب ظني في طارق


شالمسرحيه اللي كلها تحذف !! والله اكثر من عشر مرات حذ عزكم اللة النعال عالممثليين وان ماكان يصيبهم بس همن مو حلوه هالحركه



لاهنتي عالمرور

[روائي]

بالكويتي : مسرح الاعياد بدون هدف







اي والله شي يحز بالخاطر .. مسرحنا كان يتكلمه عنه القاصي والداني واليوم شوف حاله ...



لاهنت عالمرور "وردة"

لامن مسلسلات ولا من مسرحيات

[السوط]

صح لسانك يا روائي لو يرجع
طارق مع القروب صدقني وبدون
مبالغة مسرحياته راح تكسر الدنيا
مثل قبل وأتمنى من كل قلبي انه يبتعد
عن عيسى العلوي الي هو اساس
خراب طارق

[روائي]

صح لسانك يا روائي لو يرجع

طارق مع القروب صدقني وبدون
مبالغة مسرحياته راح تكسر الدنيا
مثل قبل وأتمنى من كل قلبي انه يبتعد
عن عيسى العلوي الي هو اساس

خراب طارق




صح بدنك


اااااااخ جنك تدري اني قاعد اطالع مسرحية صح لسانك :(


اقسم باللة كثر ماطالعها ما مل منها ...

اشوف طارق امس واليوم ومالقى وجه شبه غير الاسم !!!!


وتعقيبا على موضوع عيسى العلوي لا نجزم انه هو سبب الخراب لكن طارق بحاجه الى اعادة تأهيل من جديد

[لحن المطر]

بداية الانهيار بدأت في 2003
منذ سوبر صطار هي بداية التيه والضياع
وإطالة المسرحية بالغناء والتكرار
وضياع الهدف من المسرحية وحتى يومنا هذا وطارق في تخبط بصراحة
المشاهد يريد الضحك وهو ما يقدمه طارق, لكن المسرح
له أصول فكرة وحبكة درامية ومواقف كوميدية بلا اسفاف
لكن ما يقدمه طارق في آخر أيامه هو التهريج وكأنه
في شالية مع رفاقه وليس له قيود نهائيا .
لدرجة أنه لا يحسب حساب للمشاهد, ولا للعوائل.

لماذا طارق؟
لأننا نحبه وكل عام نمني النفس بشيء جديد, لكنه يدور في ذات المحور.
الكاست القديم كان له بصمة معه كبيرة مثل العونان العجيرب
إسماعيل سرور , شعبان عباس كان المتواجد الدائم
لكن انتهى دور هذا الكاست , وبدأ كاست المهرجة هيا الشعيبي
ومحاولة تقديم فنانين شباب حتى يحقق شيء يذكر.
ثم قام بالاستعانة بنجوم مسرح, لكنه لم يوظفهم للمسرحية
بل وظفهم لأسمه ولجمهورهم.

يطول الحديث عن طارق
ولأننا نحبه ننتقدهـ .

كل عام يثبت طارق انه جزء اساسي في غياب المسرح الكويتي الكبير
وإشغال المشاهد بالتهريج ليبعد عن مسرحيات الثمانينيات.

قبل قليل في الراديو هناك من يتحدث عن المسرح السعودي الشبابي
والمذيعة تقول طبعا لا يقارن بالمسرح الكويتي,
لكنها بصراحة تعيش على أطلال الماضي الكويتي.

في الختام منذ سوبر صطار إلى الآن ربما لم نعد نفرق ما بين مشاهد مسرحيات طارق
كل ما تعرفه هو مشهد فقط لطارق العلي يهرج

[bujassim]

بالكويتي : مسرح الاعياد بدون هدف

توقعت انك بتنقد لول :d

صح كلامك

وفوق هذا يحطونلك طاقم من مسلسل رمضاني ويمثلون بمسرحية يهال عشان ياخذون عياديهم :)

[* Hanadi *]

من يشوف الأبطال يعرف مستوى المسرحية ومدى نجاحها

طارق انتهى قبل أن يبدأ !!

ثاانكس روائي ع الموضوع الجميل

[عندليب الكويت]

مرحبا ،،،

سأقول كلاما أدري إنه لن يعجب الكثيرين.. في الحقيقة إن الفنان - سابقا - طارق العلي لا يجب تسميته بالفنان (حاليا).. لأن المسمى الأنسب له حاليا (ومنذ وقت بعيد) هو مسمى (المضحكاتي) فقط!

لاحظوا الأجواء التي كان يعيشها مع (المضحكاتية) هيا الشعيبي في برنامج المسابقات الذي قدماه خلال رمضان.. إنها نفس الأجواء التي يعيشها طارق مع من يظهرون في مسرحياته المهترئة.. مجرد سوالف وتعليقات ارتجالية ورقص وغناء..

وبصريح العبارة.. طارق لا يستطيع الخروج من هذه الأجواء التي فرضها على نفسه منذ سنوات.. لذلك يعتبر لقب الفنان في واد، وطارق في واد!

صحيح أنه يستطيع الارتجال على الهواء بشكل جيد، وصحيح أنه يملك عفوية في حواره مع المتصلين بالبرنامج..

وذلك لأنه يحب العيش في أجواء (الديوانية الشبابية) إن جاز التعبير..

ولكن شرطه الوحيد للعيش في أجواء تلك الديوانية هو أن يكون هو نفسه (القائد الأعلى) للديوانية..

حيث يريد أن يكون هو صاحب الصوت الأعلى في الديوانية، ولا صوت يعلو على صوته.. وهو من يملك الحق في أن (يمسخر) من حوله كما يريد، ولو قام أحد غيره بالتمسخر عليه فسوف يصفعه ويهينه أمام الجميع!
لا أدري هل هذا نوع من عقدة (جنون العظمة) كما يسمى؟!
باختصار.. الناس حاليا تجاوزت عقلياتهم ما يقدمه طارق في مسرحه المهترئ... وحتى الشباب بدأوا يملون من تفاهاته التي أكل الدهر عليها وشرب!
.

[saydoo]

ننتظر المسرحيه وبعدها نحكم

[ابو فيصل]

طارق العلي بحاجه الى نص مميز وتغيير الغروب اللي معه مثل هيا الشعيبي اللي انقدتها في موضوع وقلت انها مهرجه وشهاب حاجيه ساذج جدا لايمتلك الحس الكوميدي وبقية الكاست سيئين باستثناء احمد الفرج

اشكرك اخ روائي ع التفاصيل واشتقنالك بعد غيبه طويله اتمنى انك ماتترك الشبكه مثل بعض الل تركوها(بدون ذكر اسماء) لكن خيبوا ظني فيهم بصراحه كانوا اعضاء مؤثرين

[ولد الديرة]

مايهم المسرح الآن (كَكُل وليس طارق فقط) :

إضحاك الجمهور (بأي طريقة كانت)


بعكس السابق :

التركيز على فكرة القصة وحبكتها (وكان الضحك مضمون كون الكوميديا في ذاك الوقت .. تساعد .....)

[Crazy]

رحت المسرحية امس ..
كانت حلوه وتضحك وما فيها شي !!
بس طبببعا واكييد مو احلى من مسرحيات طارق القديمة :( !!
وانا بعد اتمنننى مثل ما قلتوا ان يرجع الكاست والقروب القديييم لطاااارق
:( :( :( :(
بس كانت حلوه المسرحية :)

[الفن الجميل]

أحسل حل هو التخيل عن عيسى العلوي, والتركيز على قصة معينة مش 10 قصاص في وقت واحد, الأستعان في شعبان وعبد الناصر ماعتقد اهو الحل.... تحيات

[الجنرال حسين]

مسرحيات طارق من امتى لها هدف افضل منه عبدالعزيز المسلم لان مسرحيات لها هدف

منهو شاف مسرحية مثلث برمودا

[محمد العيدان]

توقعت انك بتنقد لول :d

صح كلامك

وفوق هذا يحطونلك طاقم من مسلسل رمضاني ويمثلون بمسرحية يهال عشان ياخذون عياديهم :)

شبعت وانا انتقد طارق واعماله وتوقفت عن نقده لان الضرب في الميت حرام

[حسين علي ( رحيق الفن )]

من سلبيات طارق عدم الالتزام بالنص فيخرج عنه كثيرا واحيانا احس ان اتابع شيء ماله معنى مثلا احيانا نشوف يمر وقت طويل بس يتطنز مثلا على فرحان العلي
لابد ان يلتزم بالنص في المسرحية مثل المسلسل ونتمنى ان يتحسن مستقبلا

[Marseille]

صراحة انا مسجل بس عشان أعلق على موضوعك الحلو :)

المسرحية حضرت لها قبل امس .. وللأسف مثل ما توقعت قمة بالسخافة والاستهبال وسألت نفسي شدخل العنوان بالمضموون !! احسه ماله شغل !

ثاني شي شسالفة الطراقات وتحذف النعول ( عزكم الله ) يعني جذي يضحك !؟ وحركة واحد متين لازم يطيح من الكرسي جنه ما يدري كررها بمسرحيات قديمة واحترق كرتها !

الكاست اللي معاه أمل عباس اللي تبدع بالمسلسلات هذي دورها جذي .. وأحمد الفرج طول المسرحية فوق مع هذيج المصرية .. يحسسونا مالهم خلق يمثلون ههههه .. الشمري والنجم والطباخ مالهم لزمة .. وخالد مظفر يشبه الحملي ما قال كلمتين صح على بعضهم الا وياله طراق !!

المسرحية بدون أحمد وسلطان الفرج ومبارك المانع ما تسوى واهما اللي مصبريني على سخافة المسرحية .. لدرجة اني قاع اسولف مع ربعي وخليت المسرحية تولي هههه صراحة لو ابلاش ما ادشها مرة ثانية .. وما راح ادش مسرحياته بعـــــــــــــــد تووبه .. يالي شد عضلي من الملل ههههههه !!

طارق العلي نظام عادل امام يرز ولده بكل شي يسويه .. وولده لا تمثيل ولا شي بس جذي كمالة عدد !!

من طلعوا منه شعبان واسماعيل سرور عبدالناصر درويش والبلام والعجيرب والعونان .. واهو مو مترقع .

كلمة أخيرة : مثل ما يقولون (( اذا اردت ان تعرف ثقافة شعب .. إنظر إلى مسارحه )) وللأسف الشعب ثقافته منتهية والدليل ان اكو ناس يحضرون له ودام ان الربح المادي موجود ليش يغير من اسلوبه .. هذا النهج اللي يمشي عليه طارق العلي مع المنتج !

اتمنى من طارق العلي ان يعيد اكتشاف نفسه من يديد .. ويقدم فن يليق بإسم المسرح الكويتي .. يعني ناس يحضرون من الخليج عشان يشوفون تفاهات .. شيقولون عنه !!

[روائي]

صراحة انا مسجل بس عشان أعلق على موضوعك الحلو :)

المسرحية حضرت لها قبل امس .. وللأسف مثل ما توقعت قمة بالسخافة والاستهبال وسألت نفسي شدخل العنوان بالمضموون !! احسه ماله شغل !

ثاني شي شسالفة الطراقات وتحذف النعول ( عزكم الله ) يعني جذي يضحك !؟ وحركة واحد متين لازم يطيح من الكرسي جنه ما يدري كررها بمسرحيات قديمة واحترق كرتها !

الكاست اللي معاه أمل عباس اللي تبدع بالمسلسلات هذي دورها جذي .. وأحمد الفرج طول المسرحية فوق مع هذيج المصرية .. يحسسونا مالهم خلق يمثلون ههههه .. الشمري والنجم والطباخ مالهم لزمة .. وخالد مظفر يشبه الحملي ما قال كلمتين صح على بعضهم الا وياله طراق !!

المسرحية بدون أحمد وسلطان الفرج ومبارك المانع ما تسوى واهما اللي مصبريني على سخافة المسرحية .. لدرجة اني قاع اسولف مع ربعي وخليت المسرحية تولي هههه صراحة لو ابلاش ما ادشها مرة ثانية .. وما راح ادش مسرحياته بعـــــــــــــــد تووبه .. يالي شد عضلي من الملل ههههههه !!

طارق العلي نظام عادل امام يرز ولده بكل شي يسويه .. وولده لا تمثيل ولا شي بس جذي كمالة عدد !!

من طلعوا منه شعبان واسماعيل سرور عبدالناصر درويش والبلام والعجيرب والعونان .. واهو مو مترقع .

كلمة أخيرة : مثل ما يقولون (( اذا اردت ان تعرف ثقافة شعب .. إنظر إلى مسارحه )) وللأسف الشعب ثقافته منتهية والدليل ان اكو ناس يحضرون له ودام ان الربح المادي موجود ليش يغير من اسلوبه .. هذا النهج اللي يمشي عليه طارق العلي مع المنتج !

اتمنى من طارق العلي ان يعيد اكتشاف نفسه من يديد .. ويقدم فن يليق بإسم المسرح الكويتي .. يعني ناس يحضرون من الخليج عشان يشوفون تفاهات .. شيقولون عنه !!



مرورك الاحلى حبيبي


اي وشفت اول شي يوم يطلع من الثلاجه لووول متاثر بتامر حسني

لا وكل ماقال واحد جملة زخه وطلعه من المسرح!! حسسني جنها مبارات مصارعه " رويال رومبل " !!

واللة يا اخي هو حس وقالها بالحرف الواحد ياجماعه موعاجبتكم المسرحيه تبوني اكنسلها؟؟!!


انصحكم تدخلون فيلم باتمان حده عجييييييييييييييييييييييب:)



ولاهنت عالمرور

[روائي]

انت يالك شد عظلي انا تكسرت من كراسيهم لوووول خشب والله تعوقت

[bujassim]

شبعت وانا انتقد طارق واعماله وتوقفت عن نقده لان الضرب في الميت حرام

صحيح يالعيدان
وانا اول مادخلت المنتدى اول موضوع نزلته عن طارق العلي وقفله المشرف قال شبعنا نقاش من هالموضوع

المهم ان لازم نوصله رساله ان خلاص تراك انتهيت

داود حسين مسرحيته وبعدين طلعت هادفه ماشاء الله روعه

[محمد العيدان]

صحيح يالعيدان
وانا اول مادخلت المنتدى اول موضوع نزلته عن طارق العلي وقفله المشرف قال شبعنا نقاش من هالموضوع

المهم ان لازم نوصله رساله ان خلاص تراك انتهيت

داود حسين مسرحيته وبعدين طلعت هادفه ماشاء الله روعه


للاسف هو من انهى نفسه ولم يطور من ادائه ... اتمنى يعيد النظر فيما يقدم

[روائي]

رحت المسرحية امس ..
كانت حلوه وتضحك وما فيها شي !!
بس طبببعا واكييد مو احلى من مسرحيات طارق القديمة :( !!
وانا بعد اتمنننى مثل ما قلتوا ان يرجع الكاست والقروب القديييم لطاااارق
:( :( :( :(
بس كانت حلوه المسرحية :)



انا اقص ايدي اذا فهمت منها شي !!
واذا كانت حلوه فا على ذائقتك الفنية السلااااااام

[كاتب مبتدئ]

من سلبيات طارق عدم الالتزام بالنص فيخرج عنه كثيرا واحيانا احس ان اتابع شيء ماله معنى مثلا احيانا نشوف يمر وقت طويل بس يتطنز مثلا على فرحان العلي
لابد ان يلتزم بالنص في المسرحية مثل المسلسل ونتمنى ان يتحسن مستقبلا

هذا اذا كن في نص من الأساس!

اذا كانوا طارق وهيا طول فترة رمضان يقدمون برنامجهم اللي ماله داعي عال ام بي سي

متى يمديهم يسوون بروفات ويحفظون النص!

[بنت التنديل]

ناس تمدح وناس تذم للامانه ماشفتها بس على حسب كلام الاخ روائي مسرحية بلا هدف شنو الافادة منها غير المال اتمنى ان طارق يرجع مثل ماكان وعند حسن ظن الجمهور وماخيب ظنهم فيه