حبيبي أحنا نبي أسلوب نقاش راقي مو أسلوب نقاش " حي الطرب " :) ..

بعدين عبدالعزيز المسلم أصلة سعودي شكو البامية :) ؟؟

هههههههههههه

مادام ذكرت حي الطرب .. الظاهر متربي هناك انت وتعرفهم عدل :)

وبعدين انا شكو بأصل المسلم وفصله ؟؟؟؟؟؟؟؟؟؟؟؟؟؟؟؟

0:18 الى 0:22 بذمتكم في اسخف من هالسخافه؟؟؟؟!!!!!!!!!

ومجسد ملك الموت بعد!!!! استغفر الله العظيم من كل ذنب عظيم

واي رعب اي بطيخ يهال ملبسهم قناع ويمرون بالممرات هذا تسميه رعب؟؟؟!!!!

المسلم بالرعب ما نجح الا بمسرحيه وحده وبس وهي الي اشهد انه كل من بالمسرحيه بدع وهي البيت المسكون الجزء الاول اما مسرحياته الثانيه مستواها للاطفال فقط

اتمنى تفكنا من مواضيع البطه البلديه لان هالمنتدى للعمالقه والنجوم فقط

عندك شي عن المسلم روح منتدى اليهال طارق العلي ولا عادل المسلم واضحك على نفسك وعاليهال الي هناك

اما اعضاء هالمنتدى مو يهال الي بتقص عليهم

يكفي أنة يقدم مسرح رعب محد يقدمة الآن ..

ثاني شي : أنت تقولي البيت المسكون 1 فيها رعب .. والباجي لا

ممكن تقولي شنو البيت المسكون 1 فيها زود من الرعب .. إذا أنت تطنز على مسرح الرعب وتقول اقنعة ولبس أسود .. البيت المسكون كان في شي غير ؟؟

ولا المسلم بالبيت المسكون 1 ياب اشباح صج والمسرحيات الباجية لا ؟؟

خلك واقعي يا أخي .. الكل يقول ليلة رعب اقوى عمل للفنان عبدالعزيز المسلم ..

اخوي ما ابي اتناقش معاك لاني ادري احنه الاثنين ماراح نطلع بنتيجه والبيت المسكون كل شي فيها غير . الاخراج والحوار والكوميديا والطريقه الي طرح فيها القضايا وحتى الي كانو يمثلون اداءهم كان ولا اروع ( غانم الصالح الله يرحمه - باسمه حماده و هيا الشعيبي )

اما مسرحياته الثانيه الغالبيه يتفقون انها مسرحيات للاطفال

وبصراحه انا بديت اشك هل انت ولد المسلم؟؟

والله مافيها شي غير :) .. بالعكس أنا عندي ليلة رعب أقوى , والرعب الي فيها أكثر بوايد من لبيت المسكون .. والأثارة والتشويق أكثر من البيت المسكون ..

يعني ليلة رعب فيها اثارة وتشويق بالقصة بكمية كبيرة , وأنصاغت بطريقة ممتازة ..

بعدين أذا تقول الممثلين أدائهم رائع .. ترى حتى ليلة رعب فيها الثنائي الممتاز باسمة وعبدالعزيز . مع العملاق عبدالرحمن العقل . ومجموعة من الشباب المميزين . وامل عباس

لوول انا موولد المسلم . بس انا من معجبينة :) .. وأنا أقول الحق وأناقش لأنة شايف انة اكثر النقد موصحيح للأسف :)

يمعوود ترا انت ذبحتنا رعب و رعب .. خو شنو الرعب كلها كلمه يكتبها المعتوه المسلم قبل اسم المسرحيه
و بالمسرحيه يخفض الإضاءه و يزيد صوت السماعات و يحط 10 يمشون بين الكراسي و يقول لنا رعب
أنا بسألك سؤال إنت تقول رعب و رعب انت تروح المسرحيه عشان رعب ! أنا أروح عشان أبي أضحك مو عشان بقص على نفسي برعب الأطفال
و البيت المسكون أقوى مسرحية من مسرحيات المسلم الي تسمى بالـرعب
و لكن خرابيطه الحاليه ما تمشي علينا .. و لو يرد على ايام هالوا بانكوك و عاصفة الصحراء أبرك له
و يكون له جمهور واعي كبير .. مو جمهور الأطفال الي انت متزعمهم

لا ويقول ان مسرحية سيف العرب هي نسخة من عاصفة الصحراء .... شهالجذب والجمبزة