أفــــــــــــضــــــل ممــثلات وأسوا ممثلات في رمضان 2009 السلام عليكم ومبارك عليكم ماتبقى من الشهر الحين وصلنا لي نص رمضان وتابعت عدد من المسلسلات واللي يشدني بالمسلسلات اداء الممثلين هالسنة في ممثلات تميزو وابدعو بادوارهم والعكس صحيح من اللي تميزو باسمة حمادة في الهدامة وقلوب للايجار وآخر صفقة حب اهتمت بالكركتر وتميزت جدا بالمسلسلات الثلاث اعتقد انها وايد تميزت هدى حسين في مسلسل سارة وسدرة البيت هدى كل سنة تثبت انها فنانة كبيرة وماتقدم الا اللي يناسب المشاهد لكن وقت عرض المسلسل مو حلو ياريت لو ينعرض بعد رمضان علشان نقدر نشوفه مـــرام الكل لاحظ مرام قبل والحين تطور اداء مرام وايد فقدمت دور مميز في ام البنات ودور الملسونة في دمعة يتيم اللي يحسب لها هبه الدري ووفاء مكي وابتسام العطاوي < أداءهم ولا اروع بمسلسل قلوب للايجار لانهم اهتمو بالشخصية جدا واهتمو بالمضمون اكثر من الشكل فاطمة الصفي < أكثر فنانة حبيتها كل سنة تقدم دور افضل من اللي قبلها ودور منيرة مناير ... دور حلو ويحسب لها وفاطمة عبدالرحيم في امراة واخرى مع اني ماشفت الا جم حلقة الا انه اداءها كان حلو ويستحق الاشادة اما بالنسبة للفنانات الكبار مـــريــــم الصالح الأفضل في وعاد الماضي هالممثلة الكبيرة ماشفتلها دور سيء كل ادوارها روووعه وتضيف للعمل نفسه سعاد عبدالله ننتظر المفاجأة في ام البنات لانه توقع على الرغم من التميز في الـ 13 حلقة الاولى احس انها راح تبهرنا في باقي الحلقات حياة الفهد حبيتها بعمر الشقا أما بدمعة يتيم اعتقد اللي يشوفها راح يقارنها باشهر أدوارها في سليمان الطيب وفي خالتي قماشة نتمنى تتعاون مع مريم الصالح ولا سعاد عبدالله ويقدمون شي قوي اما اللي تراجعو هند البلوشي كنت كل ما اسمع مسلسل فيه هند البلوشي اتحمس له لانه تهتم بالحالة اللي تعيشها الشخصية من لبس وطريقة كلام فعودتنا من اللقيطة إلى الفرية إلى الخراز بقوة الاداء والنجمة القادمة لكن بعد دورها بدمعة يتيم اعتقد انها تراجعت وايد اتمنى انها ترجع تسوي ادوار قوية وتهتم بالشخصية الهام الفضالة شنو اليديد اللي قاعد تقدمه .... الف علامة استفهام ؟؟ دور يستخف بالمشاهد في موزة ولوزة واللي يغث بالمسلسل انه الممثلين يقولون انه برجع أيام الثنائيات مال سعاد وحياة لو جذي سعاد وحياة محد شافهم ولا ظلت اعمالهم ليلحين و أدت دور جدا ضعيف في الحب الكبير شالسالفة يا الهام !!! والاسوء مايبيله شيماء علي < الحمدلله والشكر البنت هولت بروحها وين كانت وشلون صارت اللهم لاشماته آخر دور تميزت فيه اهوا دور أروى في دنيا القوي وبعدين اهتمت بالشكل لي درجة المرض شيماء بالحب الكبير دور المحجبة أبدا مو راكب مو عارفه شنو تلبس ولاتسوي هذي آرائي بالنسبة للاعمال اللي شفتها وطبعا تونا بنص رمضان يعني بحاول أشوف باجي المسلسلات ونحكم واتمنى اشوف ردودكم وتعليقاتكم على الموضوع وشكرا |
والله كلامك سليم 100% ..بس نسيت دور باسمه حماده بمسلسل ام البنات |
كلامك عين الصواب واضيف على كلامك تميز الفنانة فاطمة الصيفي في دور فاكمة بالحب الكبير وهي فنانة الحقيقة انا اول مره اعرفها هالسنة لاكني حبيتها ودخلت قلبي بتميزها عن زميلاتها ... |
للاسف شهر العباده تحول لمسلسلات فاشله ورباده وين ايام زمان وين الاحترام وين المسلسلات الهادفه - مسلسلات قصص فاضحه ومجتمعنا ما تعود عليها علشان تنشرونها الله يجيب الطاعه فيكم !!! هذا الواقع !!! ما تتقبل الرد اسمحلي فنانات اخر زمن والله يستر |
شكرا لك اخوي ستار كلامك كله صح انا معاك في اللي كتبته وشكرا |
المسلسل الوحيد اللي أشوفه السنة هو عمر الشقا لحياة الفهد ويعرض على قناة دبي |
كلامك في الصميم |
لا والله الهام الفضاله تمثيله ممتاز ..شكراا على الموضوع |
| الساعة الآن 01:17 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0