شكوى ضد طارق العلي

[جسووم]

قدم الفنان طارق العلي مسرحية تحت الصف في دولة الامارات بتاريخ 15/2/2014 حيث قام طارق العلي قبل بدئ المسرحي بالخروج للجمهور وقال :

1-هيا الشعيبي مب موجوده واللي ياي عشان هيا يطلع برع وياخذ فلوسه .
2-اللي مو عاجبه يطلع برع وياخذ فلوسه

مما استاء الجمهور قبل بداية المسرحيه وبعد بدئ المسرحيه قام باطلاق قنابل من الالفاظ القبيحه و الالفاظ الجنسية اللتي اعجز ان اقولها هنا ... من ضمنها ان انه قال عضني الكلب في مكان بحرف الميم وهنا بالامارات يسمونها بحرف الط .. هل هذا لفظ يستباه على خشبة المسرح آسف على قول هذا الكلام ولكن لتعرفوا الحقيقه .. وايضا قامت سوسن الهارون اللي تعتبر نفسها فنانه بلبس ملابس ضيقه وغير وكان كل اغلب الكلام عن جسمها ووصف جسمها من الامام والخلف لدرجه انه قال الى احد الجمهور شفتك تنظر الى (م....) وغيره من الكلام البذيئ.

وعلى اثره خرج الجمهور من قاعة العرض مستاء جدا وقد سبب الاحراجللكثرمن الجمهور الذين قدموا مع عائلتهم مما ادى إلى قيام احد الجمهور بالاتصال بالبث المباشر على قناة اف ام دبي بالشكوى ضد طارق العلي ومطالبا بمنعه عرض اي عمل في دولة الامارات ومطابا الرقابه بالتحفظ ووقف عروضه الباقية وأيده عدد كبير ممن حضروا

إلى اين ياطارق العلي :confused:
هل هذا فنان لديه الماجستير بالفن وهو لا يتحرم خشبة المسرح ولا يحترم الجمهور :confused:

[بويوسف_86]

طارق العلي مع الأسف أعتبره كرت محروق أهوه والمجموعة الي معاه في المسرحية، لكن أنا ما لومه أهوه أنا ألوم الأوادم إلي أدور المسخرة والضحك ومادور الأشية الي تهم المجتمع، وين مسرحيات قبل الهادفة باي باي لندن وفرسان المناخ ودقت الساعة وغيره وغيره.

أنا أقول لو الناس أتجرأ مرة وحدة وتقطع مسرحيات طارق العلي، جان صارتغيير في بعض النصوص المسرحية، أهوه صحيح مابتكون مثل قبل طبعاً بس أقلة في شي هادف وله قصة.

[محمد العيدان]

للامانة لست من عشاق فن طارق العلي ولكن لايوجد منطق ان يخرج للجمهور ويقول ماقاله ( حسب كلام صاحب الموضوع ) عن هيا الشعيبي ومن غير مناسبة !!!

[زهرة البحرينية]

موضوع حصوله على الماجستر الكل يبارك له

كان بداخلي شيئ يمنعني ان ابارك له لانه لايستحق هذا

مافائدة العلم الاكاديمي اذا لم يطبق الانسان ما درسه وحصل على شهادات وتكريم و .. ؟

البعض استنكر كلامي وقال الكثير: يمكن بعد حصوله على الماجستر يتعرف على اخطائه ويعود افضل من السابق


طارق بحاجة لمن يحاسبه وبحاجة لمثل هذه الشكاوي لصالحه

كما اتمنى من مسئولين وكبار الدولة في الكويت ان كانوا غيورين على مستوى الفن

اقصائه او ابعاده عن مجال الانتاج فقط ليعود ممثل حاله حال الاخرين

وجوده كمنتج كارثة تساهم في انحدار مستوى الفن والمسرح

[الجليب]

طارق العلي قال اطلع برع ....لو ثبت هالكلام مع الاسف طحت من عيني يا طارق وانا ما بودي انك تطيح ... هذا في حال اذا تاكدنا انه قال اللي مو عاجبه يطلع برع وياخذ فلوسه... شكرا

[ahmed963]

انت كذاااب


انا من الامارات وحضرت المسرحية وكل اللي قلته غلط في غلط

وبعدين من كذبك البث المباشر على اف ام الشارقة مب دبي

وبالنسبه لسوسن ها الشي راجع لها ومايخص طارق


وطارق العلي افضل كوميدي مر على الخليج لم ياتي ولن ياتي افضل منه

[ممثل اماراتي]

؟؟؟؟؟؟؟؟!!!!!!!

[ممثل اماراتي]

وبعدين اخوي احمد طااارق العلي افضل كوميدي مر عَّلِّىِّ الخليج ولم ياتي افضل منه ؟؟

شووف مسرحية عَّلِّىِّ هامان يافرعون وقارن
شوف مسرحية باي باي لندن وقارن
وشوف مسرحية فرسان المناخ وقارن ،،،، طارق العلي لو يدرس ثلاثين سنة جدام مابيقدر اييب اوفيه مثل بيض خعفق وفرخن تعنفق

[bujassim]

مو اهمه يحبونه الاماراتيين

يطقون درب الى الكويت عشان يحضرون مسرحياته بالعيد

عيزنا واحنا نقول عنه مليق وبايخ

اخترب طارق العلي حيل

بس يحبونه على ملاقته

تحملوا عاد

[ممثل الشعب]

محد يعرض حاليا غير طارق وهو مفلس فنيا

[راشد عبدالوهاب النعماني]

ياجماعه ليش النقاش
إلي مو عاجبه لا يحضر
مسرحيته وأنتهى الموضوع

[smile QTR]

مع احترامي للكل،،،،،
طارق دمر نفسه بنفسة
لازم يجيب حد ويساند طارق العلي مب يمشي عل طريقة طارق العلي
مثلا حسن البلام، شعبان ، خالد البريكي ، العجيرب، العونان ، درويش ، الحملي ، العقل ، اسماعيل سرور جووفوا مسرحياته قدها ونص ، الللي يدري يدري ، اه يادرب الزلق ........
الحين قام ايجيب سوسن هارون ، سعود الشويعي ، هيا الشعيبي (هيا فيها خير خل ترجع لمسرح المسلم لانها بتبدع بعيد عن طارق ،،،،
اختارات لم توفق مع داود حسين ، جمال الردهان
اختار ممثلات في نجوميتهم زهرة عرفات ، هند البلوشي ، مني شداد ، مني عبد المجيد ......
والحين صار يروح دول الخليج للاسف بس عشان يحصل مبالغ اكثر
قبل كان يروح بس قطر والامارات الحين عمان السعودية اكثر من امارة جدولة مليان خخخخ

[جسووم]

للتوضيح :
اولا على كلمة مو عاجبه هو كان قصده على عدم وجود هيا فقط .. يعني اللي يحس المسرحية مابتعجبه لعدم وجود هيا فقط ..يعني مب اللي مو عاجبه كلام طارق .. وآسف لعدم التوضيح مسبقا

ثانيا : اخوي محمد العيدان طارق قال هالكلام لان الجمهور تسائل كثير عن عدم وجود هيا فقد اعتادوا على وجودها مع طارق العلي كثنائي على الخشبه وعلى الشاشه ولان في الدعايه على اف ام هيا موجوده ولما حضروا العرض تفاجئوا لعدم وجوها فهي لها جمهور .

ثالثا : الاخ اللي اسمه احمد اللي قال كذاب وطارق العلي ماقال شي ... يمكن اكون اكون غلطان في مكان الشكوى فانا ريال وعتذر ولكن انت تقول انت طاارق ماقال شي وفي شكوى على اف ام الشارقه .. على اي اساس جت الشكوى ؟؟!! يعني الموضوع في شكوى هذا الاهم .. من( الكذاب ) الحين.. واذا انا كذاب وماقال شي والمشتكي بعد كذاب؟ والناس اللي حضروا كذابين ؟ وبعدين تقول انه طارق ماله شغل في لبس سوسن الهارون !! طارق هو المتحكم الاول في العمل يعني هو اللي يجيز كل شي يكون على خشبة المسرح سواء من لبس وغيره وهو موافق على لبسها عشان يقول اللي قاله

الفنان طارق العلي غايب وملاكته حاضره ماحب اغتابه وكنت اتمنى اناقشه هو.. ومابينا وبين طارق العلي شي شخصي وبالعكس هو في فتره رفع مستوى المسرح و الكوميديا في الخليج ولكن متضايقين منه كفنان انه قعد ينزل مستواه على امور تافهه ويمكن تنزال من العمل ومابتأثر فيه

ويا أحمد كلنا عارفين طارق العلي شوو يقول مايحتاي تدافع عنه ترى كل الموجودين مب يهال وعارفين الفن العدل.. ونتمنى يعيد حساباته ترى هو والله قنبله كوميديه وممثل من الطراز الاول

[الأنين]

العتب مو عليه ع الناس اللي رايحه تشوفه طالما دافعين فلوس وتعنوا عشان يحضروا عرض مسرحي متدني المستوى معناها هم راضيين عن الالفاظ اللي تنقال ومايفرقوا عنه بالاخلاقيات

شكرا

[ahmed963]

للتوضيح :
اولا على كلمة مو عاجبه هو كان قصده على عدم وجود هيا فقط .. يعني اللي يحس المسرحية مابتعجبه لعدم وجود هيا فقط ..يعني مب اللي مو عاجبه كلام طارق .. وآسف لعدم التوضيح مسبقا

ثانيا : اخوي محمد العيدان طارق قال هالكلام لان الجمهور تسائل كثير عن عدم وجود هيا فقد اعتادوا على وجودها مع طارق العلي كثنائي على الخشبه وعلى الشاشه ولان في الدعايه على اف ام هيا موجوده ولما حضروا العرض تفاجئوا لعدم وجوها فهي لها جمهور .

ثالثا : الاخ اللي اسمه احمد اللي قال كذاب وطارق العلي ماقال شي ... يمكن اكون اكون غلطان في مكان الشكوى فانا ريال وعتذر ولكن انت تقول انت طاارق ماقال شي وفي شكوى على اف ام الشارقه .. على اي اساس جت الشكوى ؟؟!! يعني الموضوع في شكوى هذا الاهم .. من( الكذاب ) الحين.. واذا انا كذاب وماقال شي والمشتكي بعد كذاب؟ والناس اللي حضروا كذابين ؟ وبعدين تقول انه طارق ماله شغل في لبس سوسن الهارون !! طارق هو المتحكم الاول في العمل يعني هو اللي يجيز كل شي يكون على خشبة المسرح سواء من لبس وغيره وهو موافق على لبسها عشان يقول اللي قاله

الفنان طارق العلي غايب وملاكته حاضره ماحب اغتابه وكنت اتمنى اناقشه هو.. ومابينا وبين طارق العلي شي شخصي وبالعكس هو في فتره رفع مستوى المسرح و الكوميديا في الخليج ولكن متضايقين منه كفنان انه قعد ينزل مستواه على امور تافهه ويمكن تنزال من العمل ومابتأثر فيه

ويا أحمد كلنا عارفين طارق العلي شوو يقول مايحتاي تدافع عنه ترى كل الموجودين مب يهال وعارفين الفن العدل.. ونتمنى يعيد حساباته ترى هو والله قنبله كوميديه وممثل من الطراز الاول

اول شي اعتذر لاني قلت لك كذاب المفروض اني اختار كلمة لايقه او افضل

وثاني شي ااكد لك مره ثاانيه اني حضرت المسرحية و طارق ماقال ه الكلاام
بس يمكن قالها بالعرض الثاني او الثاالث

بس بسآلك انت سمعت الشكوى اللي بالبث المباشر و لا ؟؟

[جسووم]

حبيب قلبي يا بوشهاااب مايحتاي تعتذر

انا مصدق كلامك على اليوم الاول ولاثاني .. بس شوف كلاامي في البدايه قلت وحددت العرض اللي بتاريخ 15 ، يعني ثالث عرض ونته حضرت العرض اللي بتاريخ 13 ..

ونته ماتاكدت من التاريخ ونهديت علي هههههههههه

انا بعد اعتذر لك وسامحني لو قلت اي شي ضايقك او غلطت عليك .. ومحشوم يالغالي عن الكذب

[S.A.S]

حضرت المسرحية لما انعرضت في الدوحة قبل شهر تقريباً

دخلت متحمس وطلعت متحسف يا خسارة على الفلوس اللي دفعتها على سخافة و وقاحة طارق فالمسرح

ما دشيت المسرحية الا وانا متاكد ان طارق مب مستغني عن ادواتة اللي هم الخروج عن النص، اللفاظ والايحاءات الجنسية ، ضرب الممثلين ، التواصل مع الجمهور بطريقة محرجة :confused:

تخيلوا في العرض اللي انا حضرتة كان طارق يحاول بشتى طرق انة يحرج العاملين الموجودين السكيورتية ، بياعين التذاكر

يسبهم يلعنهم خلاهم مصخرة قدام الله وخلقة يعني لهالدرجة جايف نفسك انك احسن منة !! :mad:

قصة مافي اساساً ، اسم المؤلف جمال سالم محطوط كذا بس زينة ولا مافي نص مكتوب

وغير كذا خرج عن النص فوق المليووون مرة وبعد اللفاظ والايحاءات الجنسية كانت مسيطرة على المسرحية بشكل لا يطاق ابداً

يعني ماتراعي ان في ناس محترمة داشين المسرحية ؟؟

ماجستير على وشوو ؟؟؟ واذا كانت اللفاظك كذا ؟

وبعد شد وضرب الممثلين كان بصراحة شيء يسد نفس والله ماقول غير مالت على مسارحنا اذا كان الضرب والتسدح يسمونها كوميديا

النهاية المعروفة حبو الوطن اخدموة وكلام من هالقبيل اللي مايسمن ولايغني من جوع

هالدرجة جايف ان الناس عندك اغبياء مثلاً ؟؟ ييجون المسرحية بس عشان تعيد الاسطوانة السنوية حوارات عدلة مافي

اللي داش المسرحية مستغرب يقولون شهالحوارات ؟ وغير كذا لا تنسوا ان طارق ماراح يستغني عن احراج الجمهور

تخيلوا واحد من اللي قاعدين جمبي ينادية : يا خااااالي سهيت عن المسرحية و ركزت بس على كلمة ******

حسيت انة اللي جمبي شوي وبينط فالمسرح وبيلعن خير طارق العلي ومالومة لو سواها

يعني شوفوا الانحطاط اللي احنا عايشين فية فالخليج ، واحد يسب الثاني عشان انة خال والثاني يسبة عشان انة ابيض

عموماً انا قررت ان هذي اول واخر مسرحية احضرها لطارق العلي خلاص مافي رجعة

[الجليب]

حضرت المسرحية لما انعرضت في الدوحة قبل شهر تقريباً

دخلت متحمس وطلعت متحسف يا خسارة على الفلوس اللي دفعتها على سخافة و وقاحة طارق فالمسرح

ما دشيت المسرحية الا وانا متاكد ان طارق مب مستغني عن ادواتة اللي هم الخروج عن النص، اللفاظ والايحاءات الجنسية ، ضرب الممثلين ، التواصل مع الجمهور بطريقة محرجة :confused:

تخيلوا في العرض اللي انا حضرتة كان طارق يحاول بشتى طرق انة يحرج العاملين الموجودين السكيورتية ، بياعين التذاكر

يسبهم يلعنهم خلاهم مصخرة قدام الله وخلقة يعني لهالدرجة جايف نفسك انك احسن منة !! :mad:

قصة مافي اساساً ، اسم المؤلف جمال سالم محطوط كذا بس زينة ولا مافي نص مكتوب

وغير كذا خرج عن النص فوق المليووون مرة وبعد اللفاظ والايحاءات الجنسية كانت مسيطرة على المسرحية بشكل لا يطاق ابداً

يعني ماتراعي ان في ناس محترمة داشين المسرحية ؟؟

ماجستير على وشوو ؟؟؟ واذا كانت اللفاظك كذا ؟

وبعد شد وضرب الممثلين كان بصراحة شيء يسد نفس والله ماقول غير مالت على مسارحنا اذا كان الضرب والتسدح يسمونها كوميديا

النهاية المعروفة حبو الوطن اخدموة وكلام من هالقبيل اللي مايسمن ولايغني من جوع

هالدرجة جايف ان الناس عندك اغبياء مثلاً ؟؟ ييجون المسرحية بس عشان تعيد الاسطوانة السنوية حوارات عدلة مافي

اللي داش المسرحية مستغرب يقولون شهالحوارات ؟ وغير كذا لا تنسوا ان طارق ماراح يستغني عن احراج الجمهور

تخيلوا واحد من اللي قاعدين جمبي ينادية : يا خااااالي سهيت عن المسرحية و ركزت بس على كلمة ******

حسيت انة اللي جمبي شوي وبينط فالمسرح وبيلعن خير طارق العلي ومالومة لو سواها

يعني شوفوا الانحطاط اللي احنا عايشين فية فالخليج ، واحد يسب الثاني عشان انة خال والثاني يسبة عشان انة ابيض

عموماً انا قررت ان هذي اول واخر مسرحية احضرها لطارق العلي خلاص مافي رجعة

لو متغدي فيهم بمطعم وابتسامتك شاقه الويه مو كان احسن لك وما انسدت نفسك ... وبالنسبة للقرار اللي اتخذته قرار سليم

[__هولاكو__]

حاليا شركة فروغي رفعت قضية علي الفنانة هيا الشعيبي لعدم حضورها عروض المسرحية في دبي

والمصدر جريدة الانباء تاريخ 3\3

[فارس عوض]

في الدقيقة الخامسة سالها المذيع عن المشكلة عدم حضورها للمسرحية
وتقول انها مريضة

https://www.youtube.com/watch?v=BN-d3aFMezI