@@@ # انتقادات (الفن الجميل) لأعمال رمضان 2025 # @@@

[الفن الجميل]

مرحبا حبايبي كالعادة الموضوع السنوي للإنتقادات الرمضانية لي ما يعرض على الشاشات :p


انتظروني




...

...

..



وانته






......




اي نعم انته






.......




عارف نفسك





......


.....





.....


(شاطىء) مدري (نهر) يا (بحيرة) يا ويلك ويلاه اذا بقت شي من افكاري وحطيتها عند متابعينك المتقاعدين بانستقرام حقوقي محفوظة وانت تموت وتعيش على تقليد أسلوبي وأسلوب غيري وتنسبه لنفسك بس حامض على بوزك سكتت ثلاث سنوات والحين اذا شفت بوقة وحدة راح تشوف شغلك عدل

[ابولين]

وش السالفه
هوشه اول يوم رمضان
من تحاكي

[عندليب الكويت]

أعتقد أن المقصود هو عضو قديم في المنتدى انسحب في ظروف غامضة وصار له حاليا حساب تواصل مشهور جدا ..

[الفن الجميل]

وش السالفه
هوشه اول يوم رمضان
من تحاكي


فعلا هذا العضو الي قال عنه عندليب لاحظت السنوات الأخيرة يبوق مني كوبي بيست قلت اسويله سبرايز :p

[الفن الجميل]

____ باب السين _____
المسلسل محد يتابعه اصلا لأن التوقيت كلش مو حلو ردة دوامات والناس صايمة ومالها خلق تتابع مسلسلات الساعة 1 الظهر يعني حتى المشاهدات المحلية ضاعت عليهم هذا من جانب

النصار مأخذ دور الأخ الكبير الوصي على اخوانه الي اعمارهم فوق 40 سنة بعد سالفة وصية الاب قبل موته والي استهلكت كثيرا بالمسلسلات وصارت شماعة للضعف النص وان النص اصلا مشاركة بين بنتين كويتيات هم المريمات نصير والقلاف وعندهم بعض التجارب الكوميدية بالمسرح والتلفزيون لكن إلى الآن ما عندهم شي يذكر باسمهم مسلسلاتهم السابقة خذت صيت بسبب مشاركة نجوم شباب فيها هم ما عندهم بصمة ولكن حلوة الاشتراكية بينهم..... طبعا الممثلين نفس قروب مسلسل السنة الي طافت "منت رايق" وكانو النصار وبنت مي البلوشي مسوين دور كوبلز لكن نقطة تحسب للنصار الي ما ينفع للادوار الحب اصلا انه ما كرر الثنائية كازواج بل لاخوان هذه المرة....الممثل علي السبع الى الان دوره مو مفهوم هو الجار المتقاعد الي يسلي وقته بمراقبة احوال الجيران.. والسبع ما عنده نجاحات كثيرة لكن الجمهور عرفه بام البنات لم بدور اخو شريفة.... شيماء سليمان تكرر دورها في قرة عينك الشخصية المغرورة.. اما زينب كرم مالها بصمة تذكر بالمسلسل او حتى اضافة بالدور وكانها كومبارس اما سعود بوشهري مازال يمتعنا بتمثيله الاذاعي وكانه مذيع يلقن النص والدور لزام دنجوان والبنات ذبحة عليه على رغم اني ما شوف سعود فيه جاذبية اصلا مجرد بياض وطول الى متى تكرار دور الرجل الوسيم؟ يذكرني بالممثلة الحلوة الي ماعندها موهبة وتعتمد على جمالها ولم تكبر وتصير عيوز تقعد ببيتهم

[الفن الجميل]

___ مسلسل 30 حلقة ____

الكتاب باين من عنوانه سعد الفرج اطال الله في عمره يهمه ان يكون سيد العمل دون النظر إلى جودة المسلسل. المسلسل نسخ ولصق من قصة (أنا عندي نص) لسعاد عبد الله بس هالمرة الي ماخذ دور نص بيزه هو (خليل الرميثي) مو سعاد... وفاطمة الصفي صارت حصة النبهان ... روابط القصة واضحة وامكانك استناج احداث المسلسل بسهولة واحد على نيته خاطب بنت خالته الموظفة المغرورة راح تتركه بعدين وتزوج واحد يناسب فكرها وذكاءها وهو يحب الي نفس طينته على نيتها حصة النبهان ويتزوجون وينحح المسلسل ويصير افضل كاتب وهي افضل ممثلة توتة خلصت الحتوتة.... من عجايب المسلسل ايضًا ان حصة بطلة بينما والدها جاسم هو كومبارس بالمسلسل... الممثل اهوازي الاصل خالد امين مسوي اضافات بالدور كمدير انتاج من ناحية اللهجة. احلام حسن الممثلة الشابة القوية الي ولدها بالمدرسة وهذا ما يناسبها عمريًا تخطت سن 53 سنة والدور المفروض لوحدة باواخر الثلاثيين اما احلام صارت لاسف للحين غايبة بنظري وما خذ فرصتها نفس اول كانت توظف نفسها بادوار مهمة وامكانيتها العالية تخليها تنجح بعد ابداعاتها (الدنيا لحظة وبعد الشتات وحراير وام البنات وحبر العيون) صارت تاخذ ادوار اقل من عادية... رتم المسلسل ضعيف وملل جدا وكأنك تشوف مسلسل من اواخر التسعينات وكمية كومبارس فضيعة بالمسلسل عابت عليه...

من مميزات المسلسل وانا ان كان مكرر بمسلسل سابق الا انه من الفكرة ما تم تداولها بنفس بهالشكل والتركيز اعلى من (انا عندي نص) عن مشاكل الوسط الفني والقيل قال.... فيه بعض القفشات الكوميدية الي حسنت من مستوى الملل الفضيع بالمسلسل وناهيك ازعاج المقدمة بصوت الدخيل (عبد الرحمن الدين) لا ما نفع لا بتقديم ولا بتمثيل ولا بغناء

[الفن الجميل]

نبع الحنان ذحبتنا ببرنامج (غادة ستاير) المشكلة تحبها وتحب محتواها لأنها من جيل الطيبين بس شنو ذنبي تلوع جبدي من ازياءها كل يوم لابسة بردة يديدة (ستارة) والوان تعور العين الله المستعان

[الفن الجميل]

___ أبو البنات ___


كاتب هالمسلسل هو نفس كاتب مسلسلات (منزل 12) و(ياسين عبد الملك) واعتقد ان خط الكاتب معروف وان انعرف وهو ان يشوف شنو الشي المستحيل يصير بالاحداث ويحط بآخر الاحداث عشان واوو صدمة انصدمو يا مشاهدين صار الي ما تتوقعونه يعني نظام فلم هندي وجذي وافكار ميتة واقتباسات من كذا مسلسل مثل الشريب بزة وكنة الشام وحال مناير يعني سرقات حدث ولا حرج وبعد ما كانت هبة حمادة تسرق افكار الناس صارت هي الي تنسرق الحمد الله والشكر... قصة مبتذلة وقديمة والله شنو (ريلي اذا جبت بنت بيطلقني) تروح بمساعدة اخت زوجها يبدلون البنت بولد وين صارت وهذا الشي مو واقعية لا ب1999 ولا 2025 مافي ام تبدل ولدها عشان جم دينار وتحت التهديد لا وبعد طقاقة يعني لسانها يلوط اذنها ... اثنين راكبين فوق السطح ويبون ينتحرون بمشهد ينعرض العصر وممكن يقلدونه اليهال !! هبة الدري قاعد تحاول تصير كوميدية وتضحكنا ودور طقاقة اول مرة اشوف طقاقة ناصعة البياض جذي .. اما فتاة سلطان ما فشلت مرة انها تضحكني وهي من الاسباب الي تخليني اتابع المسلسل عشانها بعدين شلون بنتهم المشفوحة ع الفلوس الي باعت حبيها درت انها ابوها غني ولا راحت وقالتها وطالبت تعيش بالبيت وتاخذ تعيش بعز ومرة وتتنقل بعشق ملكين الجمال ابناء باسم عبد الامير وسيم الشاشة الخليجية.... شيماء علي وابراهيم الحربي يكررون ادوارهم بالامبراطورة بس دور الهام هالمرة صار حق شيماء... وزيادة على غثا عيال باسم جايبن وحدة ملامحها فلبينية اسمها (جلنار) مسوية دويتو مع عيال باسم تنافس من اغث واثقل دم بالمسلسل ... بنات الحربي كومبارس بالمسلسل ومافي شي غير هوشات هبة الهيلقية وشيماء المتغطرس<<< كاتب المسلسل طلع بلقاء قبل جم يوم وكله فخر بنجاح مسلسله الي نصه سرقات افكار مسلسلات ثانية والنص الثاني فلم هندي ... احنا مو نقول عيب الاقتباس ولكن لزام تذكر انه هاذي اقتباسات مو تتفاخر باشياء مو حقك


افضل اداء فتاة سلطان ثم هبة الناجم ثم شيخة البدر

اسوا اداء عيال باسم وجلنار وشيخة

[عندليب الكويت]

الكثيرون من الذين كانوا معجبين بعمل (أبو البنات) تغيرت آراؤهم حول هذا العمل في الأيام الأخيرة!