أفندينا افندينا لـ أحمد فؤاد نجم ************ ********* ********* ****** افندينا أنعم علينا بعلاوة تجيب كيلو جبنة وعلبة حلاوة آتاري العلاوة مجرد أتاوة و احنا علينا الكلام اختلط ***** عشان في البداية حسبناها خير و قلنا نواية حتسند يا زير و حسنة حتمنع بلاوي كتير و كنا حقيقي في غاية العبط ***** في لحظة افتكرنا ان لينا حقوق و نمنا و صحينا لقينا الخازوق و قبل اما ! حتى يا عالم نفوق لقينا اللي لسه حناخده اتشفط ***** أفندينا يعني في لحظة تجلي تعطف تلطف و قرر يخللي مساحة الغلابة تزيد ستة مللي و ياكلو بدال التراب الزلط ***** أفندينا أعلن صدور القرار و قبل اما ينجح في أي اختبار فوجئنا بزفة و مولد و زار قصايد.. جرايد.. برامج.. يفط ***** تؤكد بأن الحكومة.... بذكاء و من حزمة واحدة قضت ع الغلاء و لابد يبقى لدينا... انتماء و ناكل و نشرب و نلبس خطط ***** عبال النمو اللي قالوا عليه و حايشينه عنا مانعرفش ليه ماتلمح مكانه في مراية عينيه و نقدر ندوق منه... حتى نقط ***** مادام كل حاجة تمام ع الورق مفيش أي داعي عشان ال! قلق و لو مش مصدق خلاص اتفلق ورقـنا اللي صح وكلامك غلط ***** قاللي مواطن عليم بالخبايا أفندينا قرر تزيد الجباية عشان شعبه جاحد قليل الرباية بياكل و ينكر زي القطط! ***** اذا الشعب صدى بفعل البارومة حاتعمل حسابه ف ايه الحكومة وهي اللي جاهزة بكرباج وشومة عشان لوفي واحد في عقله اتخبط ***** تعيش مصر دايما في عز و جمال يعيش المواطن شـديد الاحتمال و آمن تماما من الاشــــتعال و أقصى ما عنده.... ينكت فقط احمد فؤاد نجم |
الف شكر لك أبو غادة |
الشكر لله يا جنفر منورة الموضوع |
حلوه تسلم ايدك موفق |
ياهلا فيك يا هيبة الطاووس |
ألف شكر أبو غادة على هذا الشعر ( تتميز الأشعار العامية بسلاسة طرحها للموضوع وسهولة ألفاظها وسرعة إلقاءها , لخروجها من قلب المجتمع الذي تعاصره وتتزامن مع آلامه ومعاناته وجراحاته وإرضاء احتياجاته , لتساهم عبر ذلك في فورية انتشاره واتساعه بين متعاطيه , كمادة لإدراج كل ماهو مقصود ومطلوب لحل المآزق التي تلم بشتى أطرافه ) شكرا مرة أخرى وأجمل التحيات . |
منورة الموضوع أم حسن تعليقك أكثر من رائع |
| الساعة الآن 08:52 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0