[الضامي]

ماتوقعت ابدا اني احصل موضوع مثبت في منتدى العملاق يجرد فنان كويتي من جمهوره وفنه


موضوعك فيه جزء اوافق عليه وهو فشل المسلم في الدراما


لكن في المسرح المسلم قاعد يقدم مسرح له جمهوره وله محبينه ويكفي انه المسرح الوحيد اللي ما يختلف عليه اثنين

يعني فرضا مسرحيات طارق العلي فيه ناس يتفقون عليها وفيه ناس العكس

لكن المسلم الجميع يوافق انه عمل اسلوب خاص فيه من خلال مسرحيات الرعب الكوميدية

وعلى فكره في السعودية محبين المسلم كثير ومن جميع الاعمار حتى كبار السن

اتمنى صاحب الموضوع حبك لبو عدنان مايعميك ويخليك تنتقد بهالحده اللي فيها الكثير من التجاوزات على عبدالعزيز المسلم

واحب اقول تعدد فنانين المسرح بالكويت المفروض نشوفها ايجابية وكل فنان يتحدى زميله الآخر بتقديم مسرحية أفضل منه

مو نشوف حرب اعلامية بينهم سواء في الصحافة او من الجمهور في المنتديات ..

[سـيـرة الـحـب]

يالغالي بالسعودية وبالخليج وبدول العربية , ولكن أنا لاحظت أنة هو ضد النجاح فلا يرى الى نجاح الاشخاص الي في بالة ولا اكو أنسان عاقل ويدعي الثقافة كحلم أبليس في الجنة أنة المسلم ماعندة جمهور وهو يعرض في الخليج والدول العربية ويختار من عادل أمام ويعرض أربع عروض وغيرها من الامور


ولكن بحر الحب لايرى نجاح الى اشخاص في بالة فقط أما النجوم الي أكتسحوا الساحة بهل وقت يعتبرهم كومبارس ..!؟

[The leader]

بصراحه موضوعك ماله داعي ابداً

اساساً ناخذ الشي بالعقل ..

يعني حنا مو اغبيا إلى هالدرجة او جهال

عشان تقول لنا ان فنان كبير مثل غانم لصالح او ابراهيم الصلال او حياة الفهد

يمثلون مع فنان عشان يبرز نفسه !! بذمتك وين عايشين حنا هذا منطق بالله عليك !!

الحين انت اعتبر نفسك فنان كبير وجاك بو عبدالله قالك بعطيك هالدور هذا .. والدور اللي

عطاك اياه ماعجبك .. بذمتك بتوافق انك تشتغل معاه ؟ يعني بتضحي بـ تاريخك الفني عشان فنان ؟

بعدين صج انا من جمهور الفنان عبد العزيز المسلم ولكن الحق يقال .. انا بالنسبة لي اعماله التلفزيونيه

مش ذاك الزود ( اتكلم عن فريج صويلح وعتيج الصوف ) اما بالنسبه لـ الأصيل ونور عيني انا شخصيا ماشفتهم

ولا اقدر اتكلم واحكم على شي انا ما تابعته .. لكن بالعقل فنانين كبار امثل المرحوم خالد النفيسي وعلي المفيدي

وغانم الصالح مستحيل يوافقون انهم يشتغلون في اعمال تافه كـ وصفك لاعمال عبد العزيز المسلم ..

والحين نجي للرعب .. انا لاني مش كويتي ماقدرت احضر إلا لـ مسرحيتين لابو عبدالله .. وهم

مسرحية الحاسة السادسه في البحرين ( حضرتها عرضين ) والعرضين اللي حضرتهم الجماهير فيها فل !!

والمسرحية لو ماهي ناجحة لما استمر عرضها مدة سنيتين ..

والمسرحيةالثانيه مسرحية الانس والجن .. وبصراحه الجمهور اللي حضر المسرحية فوق الوصق زحمة بشكل ماتتصور والمسرحية كانت فوق الخيال روووعه مرررررررررررررره

وبعدبن الفنان دام يشوف هالحضور الكبير لمسرحياته والنجاح اللي هو فيه اكيد بيستمر على ماهو عليه ..

يعني ناخذ مثال على ذلك .. روح لـ مسرحية البيت المسكون اللي راح يسويها بو عبدالله في عيد الفطر

وشوف الجمهور اللي راح يحضر مع ان المسرحية " رعب " والرعب على كلامك الكل مل منه .. روح شوف الناس

هاللي ملت وشلون تحضر المسرحية .. يعني مو مثلا نقول انو الفنان عبد العزيز هو الوحيد اللي يعرض مسرحيات

في العيد عشان كذا تشوف الناس زحمة عليه لان مافي احد يعرض مسرحيات غيره !!

يعني اللي مايحب الرعب او اللي مايعجبه مسرحيات عبد العزيز المسلم عنده طارق وداوود يحضر لهم

اتوقع ان هذا الشي دليل كافي على نجاح عبد العزيز في المسرح .. اما بالنسبه للتلفزيون بصراحه

مثل ماقلت لك انا المسلسين الاخيرين لابو عبدالله ماشفتهم بس انت الوحيد اللي شفته ينتقد هالمسلسلين

ولا الكل يمدح فيهم وفي قصتهم ..

الف شكر لك ..

[عاشق السندريلا]

عبدالعزيز المسلم نجم كبير وعبدالرحمن العقل من هو انت اللي تتنقده ......

لو سمحت لا تتعدى على الفنانين اذا ما تحبه لا تشرشحه رجاء....

المسلم و العقل و العجيمي نجوم كبـــــــــــــــــــار..

[كوكب السلام]

انا اشوف فى شوية تحامل على المسلم فى موضوعك
انا اتفق معاك انه بتمثيله بالتلفزيون مو ذاك الزود وما كان مقنع نهائيا خصوصا فى مسلسل الاصيل ونور عينى اما مسلسل عتيج الصوف وفريج صويلح كان ماشي حالة القصد انه ما يصلح للادوار الدرامية
ولكن ما نقدر ننكر انه فى المسرح يعتبر ناجح وكون قاعدة جماهيرية كبيرة وهو صاحب مسرح محترم ومسرحياته بالاغلب ناجحة
باجى الكلام انا ما اقدر احكم عيه انه يفبرك اخبار فالله اعلم بس خلينا نحسن النية بفنانينا وشكراااا لك

[سـيـرة الـحـب]

المشاركة الأصلية كتبت بواسطة يخليك ربي

عزيزي

هناك فرق عندما تكون أفلام الرعب أو مسرحيات الرعب متسمرة ولا تنتهي
من خلال عمل أكثر من منتج و أكثر من فنان ,, و عندما تكون مسرحيات
الرعب من خلال فنان واحد يحصر نفسه فيها لأكثر من 15 سنة !!!

و أنا أتحداك تخرج لي فنان أو منتج حصر نفسه في إتجاه واحد لأكثر
من 15 سنة في المسرح بدون ما يطلع أو يغير من إتجاهه !!

مستحيل تلقى فنان بهالصوره لأن من أهم قواعد الإبداع التغيير
و التجديد !!!

و بالنسبة لمسلسل الأصيل و مسلسل نور عيني

لعلمك أخوي أنا تابعت هالمسلسلين من أول حلقه الى آخر حلقه

يا أخي بالفعل المثاليه جداً مبالغ فيها في أدوار المسلم بهالمسلسلين !!!

الواحد يكون طيب ,, يكون خلوق ,, بس مو لدرجة نوصله لمرتبة أخلاق نبي !!

شدعوه عاد !!

بعدين ما تلاحظ أن الدور كله تناقض بتناقض !!!

يعني مثلاً بمسلسل نور عيني في دور عبدالله

الأخ عامل نفسه داعيه إسلامي و صاحب أخلاق ساميه و ما يرضى بالغش
ولا يرضى بالرشوه ولا يرضى بالحرام وفي نفس الوقت يحب وحده مو لابسه
حجاب (متبرجه) وبعد فتره يتزوجها و يتركها بدون حجاب و تلبس لباس غير محتشم و قصير !!!!

هذا مو تناقض !!!!

يعني معقوله واحد بهالأخلاق (أخلاق الأنبياء) يقبل يتزوج وحده بدون حجاب و ملابسها غير أخلاقيه !!!

شنو هالتناقض !!!

يالغالي لبس نور محترم وموقصير وايد ودارج كثير هل أيام بين البنات

[The leader]

اذكر قبل سنه او سنتين على ما اعتقد

كنت في الكويت وكنت بالسياره حاط الرادوatch_lf: << شخباري ؟!

المووهم كنت اسمع مقابلة للفنان الكبير إبراهيم الصلال

وسألوه عن المسرح .. وش رايك بالمسرح حاليا في الكويت

وقال : حاليا لا يوجد مسرح بالكويت سوى مسرح السلام !!

اعتقد هذا شهاده كافيه من فنان قدير وكبير مثل ابراهيم الصلال

تحياتـي ,,

[مجنونة الامبراطور]

^^^


وانا سامعه بعد من الفنان ابراهيم الصلال بمقابله معاه بقناه سكوب شرايك بمايعرض الان على المسرح
قال انا ماعترف بالمسرح الحالي
ولاعندنا مسارح بالاصل , والحين الموجود بالمسرح كلها تهريج

[سـيـرة الـحـب]

لا يالغالي أنا شايف المقابلتين مقابلة سكوب يقول المسرح أنحدر ومقابلة بالرادو انا سمعتها وهو قال مسرح عبدالعزيز المسلم هو الرائد حاليا مع أحترامي للمسارح الاخرى

ونشالله أحملهم اذا حصلتهم