الفنانين كبار ما شاء الله عليهم .. وبصراحه انا استمتع جداً لاحضرت مسرحياتهم .. طارق ولو ان اغلب المسرحية خروج عن النص لكن جداً ممتع ويونس بوحمود الله يعطيه العافية وايضأ عبد العزيز ممتع ولكن كثير في مسرحياته المثاليه والنصيحة الزايده اللي تخرب جو المسرحية على اية حال الله يوفقهم إن شاء الله في اعمالهم القادمه وإن شاء الله نشوف مسرحياتهم الجديده افضل من السابقة |
انا عكس الكل لو الفنان الكبير ملكــــ الكوميديا انه هو الي محسسنا بالمسرح وشكرا...., |
عبدالعزيزالمسلم فنان وايضا طارق العلى فنان والحق يقال بأن جماهرية طارق طغت على جماهرية المسلم .. مع ان سلبيات طارق كثيره الا انه اضحك الجمهور .. وهذا مايبحث عنه المشاهد الضحك والوناسه .. ايضا عبدالعزيز المسلم تتركز سلبياته بالمثالية الزائده والتكرار في الاعمال واعتماد اسلوب الرعب في مسرحياته .. وبدل ماتضحك ماتنتهي المسرحية الا وقلب شعر راسك ابيض من الخرعات ومع ذلك فلكل منهما اعمال مميزه.... لاتنسى . اثنينهم اخوان وعيال ديره واحده . الله يوفق الجميع |
أنا أفضل طارق العلي على عبدالعزيز المسلم .. |
اقتباس:
ولكن بالنسبه للرعب انا اعتقد بان في جمهور يعشقون هذا النوع وفي ناس تحبه بس ملت منه وناس للحين يطالبو بوعبدالله بمسرحيات الرعب .. وانا من الناس اللي تحب الرعب بس مليت من الرعب شوي .. يعني لو يسوي سنتين رعب وسنه مسرحيه كوميديه فقط كان يصير افضل من كذا بكثير .. يعني هالحين عبدالعزيز مسوي رعب صار له اكثر من 4 مدري 5 سنوات ورى بعض .. وبعدين وين الخرعات اللي تقول عنها :) الرعب اللي في مسرحياته ماتخوف إلأا البزارين .. يعني مافي ذاك الرعب اللي تقدر تقول انه رعب صج .. بخلاف كم مسرحية وهي مصاص الدما 1 والبيت المسكون 2 وزمن دراكولا صج هذي المسرحيات اللي نقدر نقول عنها رعب .. وبالنسبه لطارق فـ هو وناسه وانا احب اتابع مسرحياته .. على العموم الله يوفقهم وإن شاء الله تكون مسرحياتهم الجديده افضل من السابقة |
اقتباس:
اتمنى اني افدتك اقتباس:
|
يعني انت الي مسكت يالمسلم اغلب الفنانين الي انفصلوا عنك يقولون انك وايد تحب نفسك وشايف نفسك زيادة عن اللزوم وانت عندك مسرحيه من 14 سنة مصاص الدماء لحد الحين تقدمها شسالفة وحتى طارق عنده سلبيه وحده وهي خدش الحياء فقط هاذي سلبيته اما انت يالمسلم فوايد سلبياتك |
القدير ممكن تقوولي أسماء الفنانين الي قالو عن المسلم أنة يحب نفسة ..؟ |
طارق العلي هو الافضل " مسرحيآ " ~ ولكن بالمسلسلات المسلم يتفوق وانا بوجهة نظري طارق العلي يبحث عن الفرفشه والبسمه ولكن المسلم يبحث عن الفكره والرساله ~ يعني كل واحد عنده سلبيه وايجابيه ~ |
انا احبهم كلهم لكن اللي الاحظه على طارق العلي ان مسرحياته ثابته وعلى نفس المنوال بـ معنى ان طارق العلي لازم يجيب معه السمين الاسمراني القطري >> ما ادري وش اسمه او يجيب معاه فرحان العلي او يجيب معاه واحد مررره نحيف ويستلمهم طووول المسلسل ثم يبدأ يتمهزأ بالبنات ثم يبدأ يمدح الكويت >> الكويت على عيني وراسي بس اعلمكم وشلووون مسرحياات طارق وعلى هذا المنوال طارق مسرحياته مرره حلوووه لكن اللي يعيبها انها مكرره فقط اما عبدالعزيز المسلم ما قد تابعت له اعمال الا قليله فما اقدر احكم عليه ثآآآآنكس ع ـلى المتصفح الأكثر من رآآئع |
حبيت اقولكم ان طارق العلي اشتهر وتالق بعد مسرحية سيف العرب على يد عبدالحسين عبدالرضا والمسلم ماله اي دخل وانا اشوف ان طارق والمسلم نصوصهم فاشلة وطارق رغم نصوصة الفاشلة يخلي الجمهور يموت من الضحك اما المسلم تكرار من سنة جدي مايغير تقبلوو مرووري |
انا الصراحة كنت احب طارق العلي لاكن من صح لسانك لي الحين اتحداك تشوف لحد مسرحياته مايها الفاض تسيء عن الكويتين كلهم و اعتقد ان مفروض يكون بينه وبين عبدالرحمن العقل احترام لان عبد الرحمن العقل اعتقد انه اكبر منه ب 14 سنة يعن احنا شفنا اعلقل وولد الديرة يوم كان معاهم الكبير غانم الصالح ماشفت انهم قلو الأدب امامه واكنو محترمين معاه جدا ولا كن طارق العلي ييب العقل ليتمصخر عليه مع كل احترامي لطارق العلي |
أول شي كلام الفننان عبدالعزيز المسلم كلـه صحيح ,, ثاني شي المسلم نفى هل تصريح وقال أنة ماقال هذا الكلام ..:؛":/ |
اقتباس:
مثل ماطلبت دليل من العضو كوكب الشرق على موضوعه عن المسلم .. اقول لك ايضا : هل لديك دليل على انه نفى هذا التصريح ؟؟؟ ضع الحجة بالحجة .. |
بصراحة الفنان طارق العلي فنان رائع .. مع إحترامي للفنان عبدالعزيز المسلم لكن طارق يضحك اكثر منه بكثير لاني بصراحة لما اشوف مسرحيات عبدالعزيز مرة ما اضحك .. .. (وجهة نظر) .. جل المودة .. |
| الساعة الآن 01:32 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0