العفو اخوي بس انت مافهمت قصدي بالضبط ..

(( مو الجمهور الي يتحكم في نوعية الفن المقدم ... الفنان الي يعوّد الجمهور ))

الفنان هو الي ابتدا وتجرأ في تقديم فن يعتمد على الفكاهة والسخرية بشكل مستفز

يعجب ( البعض ) .. وما همه اذا فنه بيفيد في شي او يحتوي على هدف سامي .. اهم شي

يسمع صوت الضحكات عالية .. وغاب عن باله أنه المسؤول الأول في جعل هالجمهور المتحمس

له (( جمهور سطحي يضحكه السب والضرب المبرح والسخرية الزائدة عن الحد )) ..

أنت قلت المسرح الحين يعتمد على مسايرة الحياة العصرية !!!!!!!!

هل عصرنا الحين ماشي بالكلام الوصخ والطنازة على خلقة رب العالمين ؟؟

وإن كان في رايك جذي .. ليش ما نحاول نغير من هالشي بدل ما نسايره مثل البهائم ..

اذا يبي الفنان يغير , فلازم يغير للأفضل ... مو يشجع الغلط بحجة إن (( زمنا كذا الحين )) ..

اعذروني على الإطالة ... ومشكور أخوي ..

المشكلة تقع عليكم يالفنانين الكبار مقاطعين المسرح

وتجون تنتقدون الفنانين النشيطين اللي يحاولون يسوون شي

أتمنى بدال مايكون هناك انتقاد قدمو لنا مسرحيات تليق ونافسو سلق البيض

هههههههههههههههههههه أخوي يعني بتقول لي سلق البيض سببه غياب عمالقة المسرح ؟؟

الفنانين الكبار ما قصرو في عطائهم وأعمالهم تشهد لها الأجيال القديمة والجديدة لأن أعمالهم

مخلدة ويستوعبها الكل (( صغار وكبار )) .. ولو حدث وغابو الآن عن المسرح فعلشان يعطون

فرصة للأجيال الجديدة في استكمال قيادة المسرح بنفس الرقي ... بس للأسف ما شفنا غير

التهريج و الأستفزاز و عدم الإحترام ..

أما طلبك في انهم يقدمون مسرحيات وينافسون (( سلق البيض )) , فهذي أكبر إهانة

لمشوار طويل وناجح لفنانين أحترمو أنفسهم وجمهورهم وخشبة المسرح , لأنهم أكبر من

أنهم ينافسون هالنوع من المسرحيات السطحية جداً ..

ومشكور أخوي ..

===========مرحبا للجميع============
كلام الفنان الكبير صحيح لكن لا ننسي بأن الازمه ليست في الكويت فقط جميع الفنانين في القطر العربي يشتكي حال المسرح والافلام ايضا والمسلسلات وكما يقولون الحال من بعضه
راي شخصي وشكرا

ما اختلفنا ..
لكن في نقطة خل تكون في بالك يالناقد الكبير يالعندروس
ترى حتى انت تمثيلك ( سلق بيض )
ومادري منو قايل لك انك خفيف دم
واحسن واحد في العالم !

عجبي !:confused:

في البداية بشويش علي لا تدفيني بعدين اطيح :) << دعابه

طيب مسؤولية مين الأجيال الجديدة اللي تبين يطلعون

مو مسؤولية الجيل السابق

ليه مانشوف اشراف منهم ومتابعة لهم

ليه ماحاولو يطلعون ممثلين على يدينهم

محمد جابر او غيره من الفنانين الكبار مو انا اللي اقيمهم علشان تتوقعين اني جالس اقلل من قيمتهم

انا فقط اعتب عليهم

لأنهم طلعو لنا مسرحيات ماراح ننساها أبد

واللحين نلاقيهم مختفين عن المسرح

واذا افترضنا ان كبر السن له دور وينهم عن الاخراج ولا التأليف

ولا الانتاج حتى

ومن ناحية مطالبتي بأنهم ينافسون سلق البيض هي مجرد استفزاز مني لعل ردي يوصل لواحد منهم ويحرك المسرح شوي

تحياتي لك ام حور :)

مشكووووووور

حتى هو مستوى اعماله متراجع بشكل كبير

مايعجبني هالممثل من النواحي الكوميديه

تسلم