المسلم ماخذ من نفسه موقف كبير ودايم نشوفه يطلع ويقول ويمدح .. وطبعا كل كلامه نشوفه عكس الوقع يعن اخرها البيت المسكون قال وقال وقال عنه .. ونا طالعت كم حلقةمنه شفته بسيط عادي ولا فيه شي امابنسبة ..انه يقارن درب الزلق والمسلسلات الكبيرة .بــــفريج صويلح...؟ هذي يبي لها عمر طويــــل عشان يقدر يخلد مسلسل من مسلسلاته مثل هلمسلسلات |
راح اذكر لكم عدة مواقف مع هذا الانسان المغرور الموقف الاول: مرة في البحرين وهو يسوي اعمال الديكور حق مسرحية قصر الرعب في فندق الدبلومات دخلنا عليه انا مع مجموعه من الشباب وسلمنا عليه وناشدنا فيه وفي اعماله تخيلوا شرد علينا؟ بدال مايرحب فينا يقول من الي خلاكم تدخلون قلنا له شفنا البوابة مفتوحة ودخلنا مااشوف الا طلع هاتف لاسلكي ويصرخ على السكرتي واحنا على طول طلعنا! الموقف الثاني: *وبعد من ضمن السوالف الي ضحكتني عندي بنت عم عمرها10سنوات تقول راحت مسرحيته في البحرين تقول هي تحب عبدالعزيز المسلم بعد المسرحية شافت احمد ايراج تقول هالانسان عليه اخلاق غير طبيعي وصورت معاه وشافت انتصار الشراح ونفس الشي تقول الصدمة انها راحت حق عبدالعزيز المسلم وسلمت عليه وهو ماعطاها وجه وانصدمت منه طيب قالت له بصور معاك قالها اسمحيلي ومشى تقول خلاص طاح من عيني وكرهته. الموقف الثالث: في القهوة قبل كم يوم كنت قاعد مع شباب وكنا نسولف عنه وعن غرورة وانحطاطه والمفروض الفنان يتحلى باحسن الاخلاق المهم *يقول هو رايح مع زوجته وعياله هم عددهم خمسة في مسرحية مسويها في البحرين الظاهر صرخة الرعب قاله المصري الي يبيع التذاكر مافي الا اربعة تذاكرقاله حاول يمين يسارقاله مافي اربعة تذاكر قال طيب باخذ الاربعة تذاكر والخامسة الي لي بعطيك بدالها فلوس وادخل بدون تذكرة المهم وافق المصري الي يبيع التذاكر يقول ان وهو يشوف المسرحية مع عياله جاله السكرتي وقاله الفنان عبدالعزيز جاسم يبغاك يقول قمت من محلي ووداني ورى خلف الكواليس وقابلت عبدالعزيز جاسم يقول مااشوف الا عصب علي يقوله من سمح لك تدخل من دون تذكرة قاله التذاكر خلصت ودفعت حق تذكرتي فلوس ودخلت قاله يعني الي يبيع التذاكر عطيته فلوس وخلاك تدخل قاله اي تالي قاله طيب خلاص خلاص روح بطريقة حقيرة قول الي ضحكه ان عبدالعزيز المسلم وهو يكلمه كان يكلمه بالكركتر ماله الي هو حواجبه صغار الموقف الرابع: مرة كنت مدعو بمهرجان بحكم اني عضو مسرحي طبعا شفت عبدالعزيز جاسم قلت بصير احسن منه وبسلم عليه المهم هم بعد رد علي بكلمة هلا ومشى عني على طول من دون ابتسامة ولا حتى مجاملة منه... استغرب من فنان يكون بهذا الخلق الفنان لازم يتحلى بالتواضع والاخلاق الجميلة |
اقتباس:
هذه هي أخلاق المسلم !! لاحول ولا قوة إلا بالله على أي حال طالما إنها مواقف شخصية حصلت معك فأنت مُصدق . |
تشبيهات وقحة فهو قد أهان الأعمال الخالدة بأعمال تافهة .. فكيف لشخص حياته رعب في رعب أن يعيد زمن الفن الجميل الحقيقة أني لا أستبعد من المسلم أن تراوده فكرة الترويج عن أعماله على حساب الأعمال التاريخية فيسميها : درب الرعب - خالتي مرعوبة - على الدنيا الرعب - رعب ولم يعد >>> أعتقد أن المسلم سوف يعمل هذه الأعمال قريباً |
الفن صار اللي عنده فلوس يمثل مو اللي عنده موهبة والمسلم واحد منهم يمكن اهو شاطر بالإخراج وأكثر الجوائز اللي ماخذها من الإخراج لكن تمثيله ظعيف او ما أقول تمتيله اقول فرض نفسة عالمشاهدين وعلى مقارنة مسلسة فريج صويلح الي للأسف اني اشوف كبار الفنانين مشاركين فيه ويحطه مع الروائع درب الزلق وخاتي قماشة وخرج ولم يعد عادي اشبهه كأنه واحد رايح يم الأهرامات وصور يمهم .... فأي واحد عادي كان او غيره يقدر يروح يصور يم الأهرامات قالمسلم سوا جذيه لما حط مسلسلة يم الأهرامات |
السلام عليكم اخواني بصراحه انا مشاهد عادي ... لكن من عشاق الشاشه الخليجيه لقد ذكرت في حوار سابق هنا في هذه الساحه ان سبب نجاح المسلم هي المجامله المبطنه او المجامله المصطنعه امامه بأن اعماله تاريخيه وربي اني اشهد ان المسلم اسخف ممثل في الخليج وانا اعجب كيف مصر على انه ممثل ! وهو ما يعرف يمثل واعجب كل العجب من الفنانين الكبار اشلون يمثلون معاه ووالله انه نزل من مستواهم في مسلسله الفريج اصويلح وربي يضحك على المشاهد بالمستوى المنحط الي جالس يمشي عليه شفتوا مستوى المرحوم خالد النفيسي وعلي المفيدي بعد احس انهم مغصوبين عالتمثيل معاه والمشلكه اني احسه انه يصرف مبالغ هههههههههههههه على شي بايخ بصراحه تهريــــــــــــــــــــــــــــــــــــــــــــــ ــــــــــــــــــــج يالمسلم والله تهريج يا عمي وانا اتنقل بالريموت وقفت على مسلسله التهريجي البيت المسكون وكان مشهد له مع الفنان هبة الدري بوجود حرامي بالبيت ووالله العظيم انه جن جنوني وشاط غضبي كيف هالمستوى الي يضحك فيه علينا احسه جالس يتهزء بعقلية المشاهد يعني حتى الطفل والله انه اكبر من مستوى هالمسلسل لدرجة اني جلست ادق على تلفون مسرح السلام ابي اكلمه واقول له انت بااااااااااااااااااااااايخ يالمسلم قف قف قف قف قف لكن للاسف محد رد علي ام ان توصل المسألة انه يضع او يفكر مجرد تفكير ان يضع مسلسله فريج اصويلح من صفوف درب الزلق وخالتي قماشه يسمح لي ان اقوله انه ما عنده سالفه صراحه .. وينقصه الشي الكثير ان يفهم ويعلم ان المشاهد واعي لما يرى لم تقدر حياة الفهد السنه الماضيه ان تضحك علينا بمسلسلها دمعة يتيم عشان هذا الي ما يسوى ظفر حياة يضحك علينا بتهريجه هع هع اقووووووووووووووووووول ماما سعاد الان ووووووووووووووبس |
اقتباس:
لسماعه في سيارته أخي العزيز ارجوا تعديل الاسم الفنان حيث كثير ما ذكرت الفنان الكبير عبد العزيز جاسم |
نجاح اي عمل لابد من توفر امكانات وبالدرجة الاولى ان تكون موهبة الممثل وقصة جميلة واخراج مميز وطاقم تمثيلي مميز .. الفنان المذكور بالموضوع تصريحاته لاتنتهي واذكر ان هناك تصريح له وانا ذكرته بموضوع ان عمل سيف العرب للكبير الخالد عبدالحسين عبدالرضا هو نسخة مطابقة للاصل لعمله الذي لايتذكره احد عاصفة الصحراء !! مثل هذه التصريحات تسيئ له كمدعي للفن او كمنتج .. لان لاتوجد مقارنة بين اعمال السابق والحالية وعار ان يضم عمل مثل فريج صويلح الى السلسلة الخالدة مثل درب الزلق وخالتي قماشة والاقدار ورقية وسبيكة وغيرها لان هذه الاعمال وعلى بساطة الديكور والتقنيات الا انها لازالت مطلوبة وبقوة على الساحة .. هذا العام طرح البيت المسكون كالعادة صاحبته تصريحات نارية مثل التقنيات الحديثة وغيرها من الامور التي قالها والتي لاتسمن ولاتغني من جوع .. وهاهي النتيجة .. عمل بسيط وقصة ضعيفة وتقنيات مبتدئة ولايقارن حتى مع مايعرض من اعمال مثل زوارة خميس او اخوان مريم او ليلة عيد .. ولازالت شخصية عبيد ( المعتوه ) مسيطرة على ادائه حتى بالتعليقات او الافيهات ولكنها على كبر .. الفنان المذكور افلس فنيا .. وسيفلس اكثر واكثر بالمستقبل .. وسيأتي من يقول بعد ذلك اننا حاقدون لفنه لان معجبينه يحضرون عروضه اليومية والشهرية والسنوية ووصل عددهم الى 200 الف وهذه الرقم قابل للزيادة مع كل موضوع ينتقده .. |
يعطيك العافية على الموضوع مع كامل احترامي لكل الفنانين . الفنان لا يحق له ان يمدح مسلسله ويقول هو الافضال المشاهدون هم الذين يحكمون عليه سواء بالجيد او بالاسواء |
| الساعة الآن 07:31 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0