وش معنى البقية ما صاروا مثل حثاله الشعب وذهبوا يبحثون عن هالامور إن أصح تفسيرك يا أم حور ؟؟ تفسيرك مو بمحله لو الأهل مربينهم على مخافة الله ما اتجهوه للانحراف ..! ويبقى في بيوت تكبر وبيوت تترك الشارع يربي وأهل الأصلاح يحاولون تصحيح غلط الأهل بمنعهم في الوقوع بالحراام .. اللحين فهمتي |
اقتباس:
أختي أنتي قلتي (( أهل الإصلاح يحاولون تصحيح غلط الأهل بمنعهم في الوقوع بالحرام )) حلو ؟؟ جزاهم الله الف خير ... وهل هالتصحيح بيكون بالشدة والعنف والتنفير ؟؟ أنتي جربي مع طفل شقي وعدواني أنك تعنفينه بقوة و تهددينه .. وشوفي بنفسك ردة الفعل .. |
اقتباس:
بعدين انتي تقولين السبب الخنقه اللي يقول عنها ناصر صح واستنتجتي ان التشدد هو سبب نفور شريحه كبيره من الشباب وتوجههم الا منفس يريحهم هذا كلامك صح وهذا ما استنتجتيه صح طيب لعلمكي المطاوعه لم يحرمو شيء الا ماحرمه الله يعني وش تقصدين في المنفس اللي تقولي عنه تريدين مراقص تريدين خمور بانواعها وهذا وانتي بنت تقولين كذا انا لست مطوعا عندما ترون هذا الكلام يصدر مني ولكن ان احب ان اقول كلمة الحق |
اقتباس:
هناك انواع كثره للتصحيح وفي بعض المواقف ينفع العنف ولو تشوفين معاملة اخوانك الكبار مع اطفالهم راح تشوفي انهم في بعض الاحيان يستخدمو العنف وتصل للضرب |
اقتباس:
مشكلة لو مفهوم الكبت وصل عند البعض بمنع الشباب من الخمور و المراقص الخ .. لاحول |
اقتباس:
اذا السينما ممنوع .. مقاهي الأنترنت ممنوع .. وصل بهم الحد انهم يمنعون لبس البناطيل لأنها تشبه بالغرب @@ وغيرها من الأمور الي بصراحة تضحك وتبكي في نفس الوقت .. بتقول لي هالأشياء حرمها الله ؟؟!!!!!!! لا تسوي نفسك مو فاهم قصدي وتلصق في ردي أمور أنت تدري اني ما اقصدها .. |
اقتباس:
والكبت المقصود ماله علاقة بالمحرمات .. |
اقتباس:
اما لبس الجينز فاغلب الشباب يلبسونه ليه الكذب وتشوية الصورة اذا انتي عايشة بقرية قولي لان كلامك خالي من الواقعية ؟؟ |
اقتباس:
والعنف لازم يكون الورقة الأخيرة من الحلول مش المقدمة .. والملاحظ ان الفئة المقصودة تقبل مباشرة بالعنف والشدة .. وهذا الي يخلي كثير من الشباب يدخلون في مشاكل معاهم توصل في التعدي عليهم بالضرب مثل الي حصل في أحد المجمعات التجارية أمام عيني رجل وزوجته المتحجبة دخلو المجمع وأقبل عليهم رجل الهيئة مباشرة بالصراخ على الحرمة وكأنها كافرة .. وهالشي خلا زوجها يعصب ويتضارب معاهم .. بس لو جا معاه بالطيب ونصحه بالحسنى بتكون النتيجة العكس .. |
اقتباس:
وما اسمح لك تتهميني بالكذب لأنك ما شفتي الي شفته .. وثاني شغلة سؤالك عن انتمائي لقرية أعتراف منك بتواجد هالنوع من المشاكل في المملكة لأن القرية جزء من المملكة ويحق لأهاليها الأعتراض على اي مشكلة متواجدة عندهم .. والظاهر ان الواقعية بالنسبة لك إني أعيش عمية عن مشاكل أخواني في المجتمع .. |
ونسيت أقول لأختي جنون أنثى .. بالنسبة لمقاهي النت تطمني موجودة .. والي قصدته بهالخصوص ان الهيئة تسوي اجتياحات على المقاهي وتوقف فوق راس الشباب على اساس انهم يراقبون شنو يتصفح الشباب .. بالله عليك هذا اسلوب توعية ؟؟؟؟؟ |
اقتباس:
ثانياً من المعروف عن اهل القرى أنهم في طور التنمية أي الكثير من هذه المحافظات لا يوجد لديهم أسواق ولا مطاعم عالمية هم مجتمع متواضع بشوارعه وبنيانه فكيف لهم أن يكون عندهم مقهى وهم لسى ما عندهم أسواق كبيرة بل البعض يتعنا لأقرب مكان لشراء مستلزماتهم لمميزاتها .. |
اقتباس:
|
|
سفالة مابعدها سالفه ياطاش ماطاش بضاعتكم اصبحت رخيصة جدا وافلستم تابعت بعض حلقات طاش ووجدت ان السدحان والقصبي لم يعد عندهما مايملكانه لتقديمه للمشاهد تكرار في تكرار تهريج محاولة اضحاك الناس غصب ونسوا ان المجتمع اصبح مثقف لاول مرة ادير الريموت لاتابع المالكي بدلا منهم ارى ان يتوقفا عند هذا الحد وكفى اما المطاوعة الذين تعتقد انهم كتموا انفاسكم فوالله انكم لاتساون في الميزان غسال رجليهم |
اقتباس:
بيئة قروية ما وصلها الي وصل المدن .. انصحك تسألين ناس من أكثر منطقة تفتحاً في المملكة وهم أهل جدة .. اسأليهم عن بلاوي الهيئة هناك والمشاكل الي حدثت بسببهم .. اسأليهم عن دخول رجال الهيئة القهاوي واغلاق التلفزيونات بدون مقدمات .. ليش ؟؟ لأن الشباب يطالعون قناة روتانا والي تعرض كليبات فيها نساء عاريات على قولهم .. اسأليهم عن حوادث الحريق في مدارس البنات الي صارت في الغربية , مين الي منع فرق الدفاع المدني من دخول المدارس وإنقاذ البنات .. ليش ؟؟ علشان لا يكشفو عوراتهم !!!! شوفي الرابط وقولي هالشي ماحصل وهذا رابط ثاني كشاهد على أسلوب رجال الهيئة المعنيين في الموضوع <== علشان لا احد يصدق كلام الأخت جنون انثى و الأخ كفاح بأن كلامي مبالغة و تشويه وافتراء .. |
اقتباس:
مين قال ان مقاهي الانترنت ممنوعه مين قال يا اختي انا شاب تعرفين معنا شاب يعني افهم وسط الشارع اكثر منكي وللمعلوميه انا اغلبية وقتي في المقاهي وبالنسبه للباس البنطلون فهذا يؤكذ لي انك ما انتي من السعوديه لان اكثر شيء نراه هو لباس البنطلونات والجنزات بانواعها بل صارت اكثر من الثياب هل رايت يوما رجل دين ينزل بنطلون واحد في الشارع ويقول هذا حرام اتق الله هل رايتي والله اكاذيب تلصقونها في رجال الدين كل الكلام اللي قلتيه افتراء وكذب اما بالنسبه للسينما فانا اتفق معك ولا اتفق والسبب انه فيه في جده سينما عرضوا فيها فلم مناحي ومستقبلا راح تكون في جميع المناطق |
اقتباس:
انا ارجع واقول انا اغلبية وقتي في المقاهي والسبب الاعطال اللي تحصل في شركة الاتصالات المهم هذا مو موضوعنا انا جلست اشهر وانا ارتداد المقاهي ماعمري شفت رجل دين دخل وقف على روؤس الشباب اصلا المقاهي ماليه البلد اكثر من البقالات وين يمدي رجال الدين يلحقو وكل مقهى فيه اكثر من 20 جهاز والله افتراء وكذب وبعدين انتي بنت ماعمرك رحتي مقهى وش دراكي لاتقولين سمعت من الناس لان ماكل مايقال يصدق |
اقتباس:
مممم بدأت تضعف في نقاشك أخ كفاح والدليل انك بدأت تطلع من سياق الموضوع بتشكيكك بسعودتي .. على العموم انا مو مجبورة احلف لك وأقسم بأن انا سعودية أباً عن جد واذا انت شاكك , كيفك عاد .. بالنسبة للمقاهي يا أخينا انا وضحت في ردي للأخت جنون وقلت ان المقاهي موجودة وانا اعترف اني غلطت في ردي لما قلت (( المقاهي ممنوعة )) وطبعاً غلطة الشاطر بعشر بالنسبة لكم :d المهم ان المقصد بموضوع المقاهي ان الشباب يعانون بأجتياحات رجال الهيئة للمقاهي وخصوصاً في الرياض ووقوفهم فوق رؤوسهم بحجة الرقابة :/ و قبل ما تكذب كلامي روح اسأل بنفسك عن هالنوع من الحوادث .. وعلى طاري العاصمة .. خل اقولك عن سالفة أحلى عن هيئتك الحبيبة .. رجل وزوجته في السيارة .. جاهم رجل الهيئة مع عسكريين وبدون اي مقدمات قالو له مين الي معاك قال لهم زوجتي .. قالو له عطنا اثبات @@ قال لهم شنو اثباته بعد اقولكم زوجتي .. راح مثلك الأعلى رجل الهيئة وفتح باب السيارة جهة الحرمة وسحبها يبي يطلعها غصب من السيارة بحجة انه شاكك انها مو زوجة الرجال @@ لاحظو يا جماعة رجل الهيئة يسمح لنفسه انه يمسك جسم حرمة بحجة انه يشك في شرفها استغفر الله العلي العظيم .. والسينما يا اخينا في الله .. بعد ايييييش افتتحوها عندنا ؟؟؟؟؟ الناس وصلت للقمر وانت مبسوط لأن توهم فاتحين سينما في جدة ههههههههههههههههه الزبدة يا اخ كفاح .. ان كل التأخر الي حاصل في المملكة سببه هالهيئة الي تدافع عنها يعني ما غلط الفنان ناصر في تصريحه :) وبالنسبة للبنطال .. ابيك ترسل سؤال لأكبر علامة سعودي وتسأله عن : حكم لبس المرأة للبنطال .. وانصح كل الأعضاء المشاركين ينفذوا هالشي .. وشوفو الإجابة الي بتجيكم :d |
اقتباس:
صدقت ما صدقت بكيفك .. ولاحظ اسلوبك كل شوي كاتب لي انتي بنت اشعرفك يعني انا بنت ماعندي اخوان ابناء عم أقارب شباب ؟؟ ياخي ناقش بعقل مو بعاطفة وتعصب , لأنك فقدت تركيزك في النقاش .. |
اقتباس:
اما انك غلطتي في ان المقاهي ممنوعه او بالاصح حاولتي ترقعي الموضوع انك غلطتي فهذا شيء مو جديد اما اجتياحات الهيئه للمقاهي فانا عندي ردي انه كذب وافتراء على العموم ماينفع اني اكذب ولكن هذي الحقيقه وانا اطلب من كل شاب سعودي موجود في المنتدى ان يبين لنا هل هذا الكلام صح اما خطا ؟؟؟ اما يا اختي حكم لبس البنطال للمراه فحكمه معروف انه حرام امام الرجال الاجانب وحلال اما الزوج والاقارب وهذا دليل على حلاله لتعرفي انكي لاتقولين الحقيقه وتحبين الاساءه رجال الدين الذين هم يريدون الستر على المراه ويسعون ويجتهدون من اجل درء المفاسد انظري الا حكم لبس البنطال التي تدعين انه حرااااام http://www.youtube.com/watch?v=T4SBU...eature=related وهذا حكم اخر http://www.youtube.com/watch?v=9M-XH...eature=related اريتي الاكاذيب اللتي تروينها من مقاهي ومن احكام وقصص الف ليله وليله |
الى الامام ياطاش اهم شي تنقلوا معانات هالشعب الى ماقادر يتكلم . |
اقتباس:
خل ازيدك من قصص الف ليلة بروابط بعد هههههههههههههههههه مبسوط بهالروابط لأن الشيخ قال ان البنطال جائز اذا كان واسع وأمام الزوج واحنا هني نتكلم عن هيئة ومواقف بره الشارع يعني مو معقول انا بلبس بنطال في البيت وبتمر في صالون بيتي سيارة الهيئة وبيقولون لي اللباس الشرعي يا حرمة :D يا جماعة علشان لا تنخدعون بروابط الأخ كفاح ابيكم تسمعون الشيخ الي في هالرابط <<< يقول الشيخ جائز لبس المرأة للبنطال في بيتها وأمام زوجها فقط وركزو في كلامه لأنه بيقول ان ما يجوز لها تلبسه حتى امام النساء وتعال رقع له الحين يا اخ كفاح الي مبسوط لي بكلمة جائز لبس البنطال وبترت باقي الحكم وجيت تسرع تحط لنا الرابط بينما الشيخ يقولك جائز بشروط معينة في نظره .. يعني ما يجوز للمرأة لبسه بره بيتها ... وهذا اهو موضوعنا يا أخي .. -------------------------- على طاري الأحكام المضحكة يا جماعة الخير وعلشان أزيدكم من عجائب وغرائب بعض المطاوعة يا أخوان .. تدرون أن تنظيف وتعديل الحاجبين أو تشقيرهما حرام عندهم وهذا الرابط علشانك يا أخ كفاح علشان لا تقول تكذبون وتبالغون << وان شاء الله راح ازيدكم روابط لأحكام من الف ليلة وليلة مع المطاوعة في ردي القادم :D |
اطلب من الجميع التحلي بالهدوء وبالنهاية يضل هو تصريح فنان له وجهة نظر به |
اقتباس:
وتصريح الفنان دخان وله نار أكيد .. بس شتقول عن المتعصبين والي لهم مصالح مع الفئة المتشددة المتسترة بأسم الدين الأسلامي .. |
اقتباس:
ثانيا انا راح اجاوبك على بعض اللي طرحتيها يا اختي ام حور لاتحسبي ان الفتاوي مثل شرب الماء لا يااختي عندما تطرح مسأله على شيخ واجب عليه ان يتأني قبل اصادر الحكم ولاتنسي قول رسولنا الكريم ( اجرأكم على الفتوى اجراكم على النار ) انتم تريدون كل شيء حلال والدليل عندما افتى الكلباني بجواز الاغاني اغلب الشارع السعودي ايده وصف معاه مع ان الفتوى واضحه مايحتاج نسال فيها شيخ بعدين يا اختي بالنسبه لحكم جواز البنطلون انتى تعرفي ان فيه بعض البناطيل شفافه لو تلبسها المراه تبان عورتها وانتي تعرفي الشيء هذا بما انكي امراه يعني احنا واحنا شباب ظهرت بنطلونات الواحد عيب ان يلبسها حتى لو انها حلال والسبب احترام الاخرين عند لبس بعض الاشياء >>> انا دائم اخاطب العقل ولا لي شغل في الاحكام اما بالنسبه للمقطع تعديل الحاجبين فاسمعي المقطع مره اخرى فهو لم يحرم الا حلقه ونمصه وقال نمصه وهذا حديث عن الرسول صلى الله عليه وسلم عن النمص روي عن النبي صلى الله عليه وسلم أنه { لعن الواصلة والمستوصلة ، والنامصة والمتنمصة ، والواشرة والمستوشرة . } اضن ليس بعد كلام الرسول شيء يعني يا اختي بالله عليكي لو ان شيخ حلل النمص او حلق الحواجب اتحلقينها وانتي ترين هذا الحديث >>>>>> ارجع واقول انا اخاطب العقول في النهايه اذا كنت تريدين لوي ذراعي بهذه الاحكام فانتي تعرفي ان اغلبية الاديان الموجود يحرمون اشياء ليست محرمه يعني مو بس ديننا او مشائخنا يعني الشيخ الذي حرم اكل الربيان هذا حكم يا اختي انا اشوف ان تحريم البنطلون اهون من تحريم اكل الربيان >>>> شكله ماعنده فلوس قال خلني احرمه واكل الارنب حرام وغيرها وغيرها والمسيحيين عندهم شهر معين يحرمون اكل ذوات الارواح وغيرها يعني في كل دين تلاقي تحريمات ليست في محلها هدفي من الموضوع ان الواحد لديه عقل يحكمه ولو ترجعين لردودي في اغلبة المواضيع اللي تتكلم عن الدين تلاحظي اني اتكلم عن العقل يعني حلق الحواجب معروف حكمها مايحتاج انك تضعينها >>>> وانا انصحكي اختي انك ترجعين لاحاديث الرسول عندما تريدين معرفه حكم معين |
ياجماعه اتركوا البنطال والفتاوى وخليكم بصلب الموضوع رجاء خاص لا تبتعد الردود عن الايطار الاساسي قواك الله استاذ محمد |
اقتباس:
بس أنا ذكرت هالفتاوي كشواهد على تصريح الفنان ناصر والي بعض الأعضاء أستنكروه .. وعلى كل حال ماعتقد أن في فايدة اني أواصل هالنقاش لأن كل جهة متمسكة برايها بقوة .. والبعض أزعجه هالشي .. |
الله يعطيك العافية يا أخ كفاح واصلت... .. لولا أنشغالي وإلا كنت متواجدة في هذا النقاش إلي للأسف مضحك رديت ردود في محلها لكن ملحوظة أود أن أقولها مشايختنا الكرام عمرهم ما يسلطون على الأحكام هذي خاصةً ما يتعلق باللبس وما شبهه ولكل شخص وله قناعه وحرية فيما يختار بلبسه طالما لم يتجاوز الحد المعقول .. أفضل ما في الموضوع دخول الأخ العيدان و العزيزة الأنين بتوقيف المهترات |
يصدق القصيبي بكل شئ مكتومين بكل شئ |
اقتباس:
على العموم انا قلت كل اللي عندي واكرر انا لست ضد المسلسل انما انا ضد من يريد ان يشوه سمعة رجال الدين وينسب اشياء ليست من الواقع والشخص لابد ان ينتبه لكلامه لانه سيحاسب عليه قال الرسول صلى الله عليه وسلم ( أن من آذى فقيها فقد آذى رسول الله (صلى الله عليه وسلم)، ومن آذى رسول الله صلى الله عليه وسلم فقد آذى الله - جل وعلا - ) وقال الرسول صلى الله عليه وسلم ( لحوم العلماء مسمومه ) ارجو ان استفاد البعض من هذه المناقشه لان القاري هو الذي سيحكم على ماراه من ردود هذا اخر شيء اقوله وصلي اللهم وسلم على سيدنا محمد |
بالبداية عندما انزلت هذا التصريح ليس من قصده اثارة فتنة او ماشابه ولكن هو تصريح لفنان سعودي يخص وجهة نظره الشخصية بالدرجة الاولى والكل يعلم ان هناك من يؤيده وهناك من لا يؤيده ..كنت اتمنى ان تصل الامور النقاشية بين الاعضاء على الاراء السديدة والعقلانية ولكن للاسف بدأ الاغلبية يخرج عن المألوف بالردود وتركوا الموضوع الاصلي ودخلوا بنقاشات جانبية بعيدة .. لذلك تقرر اغلاق الموضوع |
| الساعة الآن 09:01 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0