والله عبد العزيز المسلم فاااااااشل |
اقتباس:
صح كلامك .. مادري احس المنتدى وايد متهجم على عبدالعزيز المسلم .. |
زااادو الحقااد يا المسلم |
والله كلام خطير للفنانيين الكبار يعني الفلوس تخليهم ينسون الي بنوهـ والله مشكلة وبعدين المسلم في الاونه الاخير قل مستواهـ الحقيقة مو المسلم الاولي عوافي ... الف شكر |
ان دفع لهم الكثير فهم يستاهلون وكما ذكر احد الاعضاء المحترمين الاعمال قد تكون مناسبة للأطفال اكثر من الكبار ولا عيب في ذلك ولكن التحفظ الشديد يكمن في مشاركته في هذه الاعمال واظهار نفسه بشكل او بآخر بأنه هو رب العمل والاول والاخير فيه وفي رأيي هذا مايجعل اعماله تكون دون المستوى رغم اجتهادات وتضحيات الممثلين الكبار. |
اخواني الكويتي يعرف جيداً ان عائلة المسلم وعائلة الراشد هي من اغنى عوائل الكويت فلا نستغرب وجود الفنانين الكبار في هذا المستوى من الاعمال اذا كان الاجر مغري الى هذه الدرجة و لنكون واقعيين فالفنان بشر وعنده التزامات و كل الناس تحب الفلوس و اريد ان اضيف انكم تذكرون مسرحية على الطاير لعبدالحسين هي مسرحية لا تليق بمستوى بو عدنان لكن الاجر المدفوع كان مليون دولار فاكيد ما يرفض |
اول شي وقبل كل شي اعتذر لكم مقدماً لان وجهة نظري قد تكون مختلفه ونادر هم من يتقبلون الانتقاد ولذلك بديت كلامي بالاعتذار وعن موضوع المسلم الصراحه قاعد اشوف حمله قويه ضده ليش ؟ هل هو الوحيد الفاشل ؟ طيب يالمجهر انت الي حاط صورته شرايك بدوره هالسنه ؟ لو سويت مقارنه بينه وبين المسلم هالسنه بس من الافضل راح يكون ؟ وبعدين عالمسرح الصراحه هو افضل من طارق وحتى لو كان ماعنده غير الرعب على الاقل مو يمثل عراقي بكثره ويناقش الجمهور اكثر من مناقشته للممثلين الي معاه وبالنسبه للممثلين اغلبيتهم وبأعترافاتهم هم بأن اول ما ينعرض عليه الدور يسأل كم تعطيني واذا ناسبه السعر عقب يسأل عن الشخصيه الي يمثلها وتدري بعد الفلوس تعمي النفوس ولذلك انا ما ادافع عن المسلم ولكن اشوف بأنهم كلهم بالهواء سواء بأستثناء عبدالحسين وعلى ما اظن هو الوحيد الي يهمه الدور ولا يهمه الاجر لان الله غانيه ومنعم عليه وشكراً |
اقتباس:
هل لديك دليل قاطع ودامغ على كلامك ؟ أم هي إستنتاجات خيالية ؟ |
فنان مو زين |
الفن ما يجي بالشيكات |
عن نفسي رايي في بو عبدالله نجح في مسلسل نور عيني والعمل كان حلو أمى مسلسه الاخير في البيت المسكون الصدق والصراحه ماتابعته شفت بس كم لقطه |
مع كلي احترامي للجميع كل مسلسلات المسلم جميلة وفيها فكرة حلوة وكلها تدعو للاخلاق الحسنة اللي يتعلمونها الاجيال القادمة بشكل كوميدي وهو محبوب عندنا في السعودية |
اقتباس:
تقبلوا مروري |
اقتباس:
|
اعرني عاد تراكم مصخوتها ازيد من اللزوم زودتها كثير بالغلط على الفنان عبدالعزيز المسلم لانه فنان كبير واعماله اقلبها له جو رائع وفظيع واعماله اغلبها متميزه واعماله متنوعه ومتجدده لكن انتو بس من تشوفون واحد فتح موضوع انتو معاه على طول والله العظيم انكم لاتستحقون فنان بحجم الفنان الكبير عبدالعزيز المسلم انتو اا مو عاجبكم عبدالعزيز المسلم ولاطارق العلي اجل من الي يملي عينكم مااقول الا لاحول ولاقوة الا بالله العلي العظيم |
انا اتفق معاك ان اعماله هابطه ولكن في بعض المسلسلات كانت جيده مثل نور عيني كان مسلسل جيد وانا بصراحه هم مستغرب شلون كل هالممثلين الكبار يمثلون معاه بالمسلسلات ولكن ما اتوقع يقدم شيك مفتوح ولو الفنانين الكبار اللي انت قصدتهم مثل غانم الصالح وسعد الفرج وخالد العبيد وغيرهم يمثلون معاه فهذا لايعني ان يدفع شيك مفتوح بصراحه انا ما اتفق معاك ببعض الاشياء واتفق معاك بالبعض الاخر ومن خلال كلامي راح تعرف انا اتفقت معاك بشنو واختلفت معاك بشنو واسف عالاطاله وشكرا :) |
صحيح ان عبد العزيز المسلم عليه علامه استفهام كبيره بهذا الموضوع وليس غريبه عليه لوحدثت بخصوص دفع الاموال بالنسبه للفنانين البعض يؤيد والاخر ينفي اولا لابد من التثبت والله سبحانه امرنا بالقران بالتثبت فمن غير المقبول نرمي بالتهم جزافن من غير دليل====انا شخصيآ لا اكذب ولا اصدق حتي يأتي الدليل وهكذا حال الأنسان المنصف حتي لانرمي الناس جزافآ===رأي شخصي |
وليه البعض مستغرب !!! يعني فنانين كبار ما هم بشر ؟؟ مايحتاجون للفلوس ؟؟ واللي يدفع فلوس للجرايد حتى تطبل لأعماله ويوزع اعماله بالمجان على القنوات ,, قادر على دفع أعلى الاجور لهم |
اقتباس:
انا مب مقتنع بسالفة الشيكات , اعتقد كانت فكرة جديدة عليهم فوافقوا و هم ما يدرون شو بيصير بعدها من إخارج و حوار...... |
اقتباس:
العمالقة يا عابر يدققون على كل شاردة وواردة بل ويكونوا جنبا ً إلى جنب مع الكاتب والمخرج للظهور بصيغة العمل النهائية . وهذا الدور مختفي في أعمال المسلم التي يسيطر على كل شارة وواردة بها فتخرج بهذه الطريقة الهزيلة والمبتذلة ومسألة الشيكات أنا مؤمن بها حقيقة ً وهذا إعتقاد شخصي . |
اقتباس:
و اظن غانم الصالح و علي المفيدي بسهولة يوافقون على المسلم بحكم المعرفة القديمة و الإحتكاك به من قبل و اما سعد الفرج ما ننسى انه عمل المسلسل السخيف احلام طواش) ما اظني صعب يعمل مسك و عنبر و لكن خالد النفيسي (الله اعلم)x |
شفيكم على الريال ؟؟؟ماطق احد على ايده وقاله تعال باالقوة اشتغل معااااي...ولو كانت اعماله تافهه كان ماشفتووووووا الممثلين الكبار يشتغلووووووون عنده... |
عبدالعزيز المسلم فناان ومبدع بكل شيء الا التمثيل من وجهة نظري |
اقتباس:
|
رد: كم يدفع الدخيل على الفن " عبدالعزيز المسلم " لخالد النفيسي وسعد الفرج وغانم الصالح وإبراهيم الصلال للموافقة على أعماله الهابطة !! أرجو المعذرة على رفع الموضوع.. بصراحة فكرت في كتابة موضوع مشابه لهذا الموضوع من حيث الفكرة.. لكني تذكرت وجود هذا الموضوع وفضلت أن أقوم برفعه حتى يتواصل النقاش فيه.. فهو موضوع حيوي ومازال تأثيره مستمرا حتى الآن، ونطاق النقاش في الموضوع لم يغلق ولم يصبح منتهي الصلاحية! . |
رد: كم يدفع الدخيل على الفن " عبدالعزيز المسلم " لخالد النفيسي وسعد الفرج وغانم الصالح وإبراهيم الصلال للموافقة على أعماله الهابطة !! مشكووووووووووووور يعطيك العافية |
| الساعة الآن 04:11 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0