شبكة الدراما والمسرح الكويتية الخليجية

حبيت أعرف اللي صرح فيه عبدالعزيز المسلم أن فيه عمل مسرحي بيجمعه مع طارق شنو كانت كذبه أم مزحه.
مهما كان الرد فإننا متعودين على هالأمور من المسلم خصوصا إنه مره قال في عمل بيجمعه مع طارق ولما سألت طارق (شخصيا) قال لأ مابيننا أيي عمل سينمائي.
ولو نلاحظ لقاءات عبدالعزيز المسلم نلاحظها فيها شي مادري شسميه(كذبه أم مزحه)
وخصوصا لما صرح (وايد) بأن عنده خدعه مسرحيه بدخول الأشباح من تحت كراسي الجمهور
هذي من مسرحية صرخة الرعب لي مسرحية الحاسه السادسه وأهو يصرح فيها وولا شفناها.
وفي لقاء مع بركات الوقيان (في ضيافتهم) مع المسلم قال المسلم باللقاء إن في بعض الفنانين يسخرون من الشكل وهذا عيب وأنا ما اسوي جذي بمسرحياتي (اللي متابعينه يدرون يسخر من الشكل ولا لأ) وفي إحدى اللقاءات التلفزيونيه بقناة فنون مع مشاعل الزنكوي قال إن في بعض الفنانين يجيب ممثلين(ضعاف العقول أو يقطون بدليات وايد خلقة) ويمصخرونهم عالمسرح
(مادري جمال الشطي يعني مو منهم) وقال في لقاء في رايكم شباب بقناة الراي إن بمسلسلاته مايصور في غرف النوم (مع أن مسلسل الأصيل أغلب مشاهد المسلم بغرفة النوم).
وغيرها الكثير بس أنا أقول لي اهني وكافي وانتوا حكموا هل كان كلام المسلم (كذبه ام مزحه) وانا كتبت اسامي البرامج مخصوص للي يبي يتأكد.