من قـال ؟؟ أنت شايف شر النفوس ؟؟ .. مسلسل فـاشل من جميع النواحي ..

وأخر أعمال قدمها الفرج .. لاتليق لفنان عادي وليس لهرم قدم أعمال خالدة في " السابق "

لاتنسى ان سعد الفرج قدم عمل مع المسلم والفشل الذريع طال الاثنين وليس سعد الفرج لوحده

حاط الناس وويقص عليهم بعروضه وهو مفلس فنيا وماعنده اي شي ... ياخرطي والله

لا بالعكس أنا أشوف عمل مسك وعنبر مميز , ولو أنا اوافقك بعض الحلقات ماكانت ذاك الزود بس أغلب الحلقات كانت مميـزة ..

أخوي يا تنتقد نقد بناء ولا لاتكتب .. شنو يقص على الناس ؟؟

بللله عليك هذا حجي ؟

الاخ ميكي

بما أنك مهتم بمسرح الرعب وما يقدمه مسرح الرعب ومهتم بالأخوين عبدالعزيز وعادل المسلم

ياليت لو تطرح لنا تقارير مفصلة عن المسرحيات وأيضا ً مدعمة بالصور ووصف دقيق للأعمال

وأيضا ً تقارير عن الحضور الجماهيري وردات الفعل يعني " شغل متعوب فيه "

حتى تكون مواضيعك قوية وذات أهمية , بدلا ً من المواضيع الإنشائية الجوفاء


تقبل مروري .

هذا كلام الصج .. واذا تزعل من الصج مشكلتك هذي . لان فعلا يقص على الناس بهالدعايات واخرتها العمل فاااااشل ولا احد يسأل عنه .. قال رعب قال

اخوي انا ما كان ودي إني أرد على موضوع الـتطبيلي عن الممثل عادل المسلم سيء الأداء
بس الي خلاني ارد عليك انك قاعد تقص على الأعضاء و تقول لهم مسرحية ليلة رعب و ليلة رعب
و هي من أسوأ مسرحية المسلسل و يطلق عليها ( مسرحية اطـفال و مراهقات ) و بالمسرحيه
وايد أشياء تحدثوا عنها أنا مو مقتنع فيها .. فهل هو يعلم ماذا راح يكون في حهنم !! أو حياة البرزخ
للآسـف المسرحيه تافهه و ما فيها نقطة كوميديا

أخوي الكريم أنا مستعرب وايد من ردك , لأنة والله العظيم :) لليوم ماشفت أنتقاد لمسرحية ليلة رعب بهذا الشكل ..

لأنة لو تدخل المنتديات وبالأخص المنتدى الرسمي للـمسـلم .. ترى الجميع يوافق على رأي أنة ليلة رعب من أفـضل أعمال الفنان عبدالعزيز المسلم أعمال مميزة وهادفة , ولا أحد يختلف على هدفها , وهي لاتخدش الحياء , وتحترم المشاهد , وتقدم الهدف والكوميديا الراقية .

ايي أكيد اذا انت تدش منتدى المسلم الي أنا في مره دشيته و تحسفت لأنهم ما يرضون انك تنتقدهم .. و حتى لو أعمال المسلم مو حلوه يمدحونها و يرفعونها السما , و لكن انت روح شوف الأشخاص المحايده و حكمهم على المسرحيه .. شوف المسرحيه ما فيها إيحاءات جنسيه أنا معاك
لكن قصتها !! استغفر الله هل المسلم يعلم الـغيب <--- خلك من هذي
أنا قاط 12 دينار عشان أبي أضحك .. دشيت و الله العظيم قعدت 3 ساعات و لم أضحك أبدا سوا ابتسامات مجامله لـ ربعي الي داش معاهم
و ما ضحكني الا مقطع تقليد دعايات رمضان أما الباجي للآسـف ما في شي كوميدي .. بتقول المسرحيه هادفه و من هالكلام أقولك على عيني و راسي بس احنا نبي كوميديا و ما شفنا الا كوميدية أطـفال

صج صج حرام عليك .. وأنا أتحداك أنك رايح العمل ..

في مقطع من المقاطع العقل ينزل بين الجمهور وتصير فصلة صج صج تفصل من الضحك .. وغير جذي مقاطع وايدة فيها كوميديا .

للأسف بعض الناس يحكمون على العمل وهم مورايحين للعمل ..

ثاني شي : المسلم ماياب اي شي من عندة .. ومثل ماتقول انت رايح للمسرحية .. شفت شي تأليف من المسلم ؟؟ كل الي ذكرة عن عالم البرزخ مذكور بالقرآن والأحاديث وكتب معروفة وتدرس بجامعات ..

انا ماني مكلمك عن سالفة قصة العمل و عن حياة البرزخ الي قام يخمبق فيها المسلم
و المشهد الي تقول عنه هذا يعتبر خروج عن النص لما عبدالرحمن العقل ينزل عند الجمهور
و يآخذ تيفلون واحد و يتكلم عن البلاك بيري و يآكل نتشز و ما أدري شنو ( انتم تنتقدون الفنان طارق العلي لأني يخرج من النص عيل هذا شنو )
أنا ما اعارضك لأنك تحب المسلم هذي حريتك .. و لكن كلامك و مدحك للـمسلم يخليني أتخيلك كالـجمهور المراهق الي يحضر أعماله على بلووشي

أخوي من قالك خروج عن النص ؟؟؟ .! هذا المقطع متفق علية وموجود في النصحظرت المسرحية ثلاث مرات وكل مة اشوف هل مقطع .. يعني موخرج عن النص ..

بعدين مايمدح المسلم إلى المراهق ؟!

بالعكس افي وايد ناس يمحون مسرح الفنان عبدالعزيز المسلم .. لأنة رسالتة للجميع .. ومسرحة للجميع . ويحترم الجمهور ويقدم الشي الراقي الهادف

بعدين وين شفت المسلم يخمبق على قولتك بالعمل ؟؟ بالعكس العمل برأيي ورأي الكثير من الجمهووور من أفضل أعمال الفنان عبدالعزيز المسلم

الشي اللي لاحظته في هذا المنتدى من يوم سجلت فيه

بان اغلبكم ينتقد الفنانين الحالين ويمدح مدح مو طبيعي في

فنانين جيل الرواد .. والشي الآخر .. النقد اللاذع للمسرح الحالي

والاتفاق بأن مسرح زمان لايقارن ابداً بالمسرح في الوقت الحالي ..

بس بغيت اقول شي . .

كلنا نتفق بأن جيل العمالقه بوعدنان وبوصلاح والبقية ولو بمجرد التفكير في مقارنتهم

مع احد ممثلي الجيل الحالي يعتبر سخافه !!

والشي الثاني المسرح الحالي ( مسرح المسلم .. ومسرح طارق ) هذا هو ماتغير وبرضو

ماتقارن المسرحية في الزمن الجميل بالمسرحيات الحاليه ..

بس اللي ابي اقوله ..

يعني وش تبوهم يسوون ؟ يوقفون المسرح ؟ الجمهور ما يحضر مسرحيات مثلاً ؟