الفن السعودي ....طاقات لابد ان تستهلك (دعوة للنقاش )
 

موضوع يستحق المناقشه

وانا معك ان الدراما السعوديه انها تطورت وصارت ماتقل عن باقي الدرامات الخليجيه


وأنها في تطور سريع والفضل يعود بعد الله لقناة كل العرب mbc

ومشكور على الموضوع

الفنان السعودي الوحيد الي عرف لنفسه هو عبد المحسن النمر احترف في الخارج :p

الفن السعودي فيه فنانين من العيار الثقيييييل لكنهم قلة
لكن كل واحد فيهم يبي يشيل مسلسل لحاله و باقي الطاقم مجرد تكملة


نتكلم عن ناصر القصبي - خالد سامي - عبد المحسن النمر - عبد الله السدحان - محمد الحجي - ابراهيم الحساوي - فهد الحيان - محمد العيسى - يوسف الجراح - بشير غنيم - سمير الناصر

و في ممثلين مميزين ايضا مثل ماجد مطرب فواز - عبد الاله السناني - حبيب الحبيب ...

و في مكملين جيدين بعد مثل علي المدفع - راضي المهنا - الكنهل ...

هذا غير ان عندنا من واحد يطرح قضية موجودة تقوم عليه القيامة و لا تقعد..

صحيح يا xxx
عبدالمحسن النمر هو الفنان السعودي الي أنتشر صح في السعوديه وفي الخليج
وهو فنان مميز
دايم يتلون بشخصيات جديده

مو أفضل من ناصر القصـــــــبي

صعب على السدحان والقصبي تغيير نهجهم بعد هذه السنوات .. فسيصبحون بين مؤيد ومعارض

طبعا رحيل محمد العلي وبكر الشدي خسارة فنية .. مع وجود اصحاب مواهب مثل عبدالمحسن النمر الذي اصبح اسما لصيقا بمخرجين كبار مثل المقلة ودحام وحاتم علي

لكن للاسف .. الفن داخل السعودية ممثل بالـ mbc لايدعم الا الغير موهوبين مثل حسن عسيري وفايز المالكي ( الذي يقلد شخصية الراحل بكر الشدي بالمللي )

لايوجد فقط الا عبدالمحسن النمر
والباقي تهريج واسفاف
والسعودية لايوجد بها فن تمثيلي بمعنى
حقيقي لايوجد بها فنان من الفايف ستار

يا اخي العزيز المملكة العربية السعودية كبيرة جغرافيا ومتوزعة العادات والتقاليد
وتمتلك مواهب في جميع الجهات:
رياضة ,اعلام , ثقافة ..الخ

مشكلتنا نحن أنه لا يوجد اكاديميات مسرحية و أصل الفـن في العالم هي المسارح فلو وجد دعم واكاديميات مسرحية لرأيت المواهب تخرج في المملكة العربية السعودية مع ذلك الشباب السعودي مبدع فنيـاً ..

وجميع دول الخليج تمتلك مسارح أو بالأحراء اكاديميات مسرحية ..

اكيد يابحر الحب من الصعب ان القصبي و السدحان يغيرون نهجهم
بس ...بأمكانهم تجديد الأفكار وأقتحام مجال مخالف عن الي تميزو فيه مثل طاش
وشهرتهم الواسعه داخل المملكه ربما تساعدهم في هشي

صحيح عبدالمحسن النمر فنان فهم حق نفسه وعرف يثبت وجوده
بس هذا مو معناته ننسى بكر الشدي ومحمد العلي ...والي كملو من بعدهم القصبي والسدحان

بسم الرحمن الرحيم ......أحيكم جميعا من هذا المنتدى الطيب للي يطرح المواضيع وينا قشها بشكل جيد وهذا اللي كنت اتوقعه لأنه مثل هالموضوع صار فيه جدل هالايام واجد وبما اني سعودي وعارف الوضع في هذا المجال راح أبدي راي.................
أولا ................أحنا الشباب السعودي عندنا طاقات متفجرة ومفعمة بالحيوية ولكن السؤال....... أين المحتضن؟ أين الراعي الذي يبحث عن رعيته ؟ ماعندنا إلا جمعية الثقافة والفنون اللي تميل إلى البساطة مو مثلكم في الكويت ما شاء الله المعهد العالي للفنون على ما أعتقد وفيه عدت مجالات. المهم أنا يوم من الايام أحلم أكون ممثل ناجح وسئلت الشباب اللي قبلي ويكولون نصيحة لاتدش هذا المجال هني إذا تبي اطلع بلرة مثل الكويت أو البحرين أوغيرها...... لانه محد راح يعطيك وجه ولا أحد راح يلتفتلك ولا في تشجيع .والا ماشاء الله أعرف أنا شخصيا شباب يعني قمة الحماس وقمة الأبداع وأنا ماأبالغ في هذا الشيء لاني شفتهم على مسرح المدارس او الجامعة او................ على العموم حبيت بس أنقل الصورة بشكل أوضح لكم مع الايام تلاشى حلمي ورحت ادرس بره وألحين أنا في أمريكا ويمكن أحصل هني الراعي و المحتضن؟ وبالنسبة حق عبد المحسن النمر صحيح كلامكم هو للي تعب على روحه وطلع بره ومثل ما قلتوا المملكة للاسف ماتلتفت لنا احنا الشباب أذكر مرة من المرات طلع العملاق عبدالحسين مع الفنان القدير علي السبع في أحد الجرايد اللي عندنا وكانوا يتناقشون في هالموضوع وأذكر الكلام اللي قاله العملاق عن الشباب السعودي وكان يمدحهم ويكول أنهم طاقات متفجرة لاكنه قال: مع الاسف لما لانراهم في الساحات؟

هههههههههههههههههههههههههههههههههههه
حبيبي الفن السعودي احلى فن خليهم يرجعو لسعوديه ويعرفون اصول الفن وربي
اما في قنوات ثانيه سامجه

هههههههههههههههههههههههههههههههه
والله السفيف انت ماعجبك المسلس اقلبو على مسلسل ثاني
اما تقولي عن فن السعودي كذا مسمحلك ياقلبي
قل خير والا اصمت

سوري اخوي التويم صحيح كلامك عبدالمحسن النمر فنان من الطراز الثقيل وتعب لين حصل على مكانه الحين بس انت كذا تظلم الفنان علي السباع والفنان خالد سامي والفنان محمد العيسى والفنان ماجد مطرب فواز فيه منهو ممثل قوي با التراجيدي وفيه منهو قوي باالكوميدي وياليت تراجع حسباتك قبل ان تنقد

طبعاً انا اعتبر الفنان عبد المحسن النمر هو الأبرز ويأتي بعده الفنان محمد الحجي لتنوعهم في الأدوار والفنان الحقيقي هو من يجيد لعب كل الشخصيات بالنسبة لطاش ما طاش كان الدور في بروزه الفنان ناصر القصبي لا غير وبمجرد خروج الفنان ناصر القصبي من المسلسل فأنه سيفقد كل بريقه
من المسلسلات السعودية اللي اعتبرهم اميز مسلسين في الدراما السعودية طعم الأيام الذي ابدع فيه الممثل الكبير محمد العلي ومسلسل دمعة عمر الذي ابكانا كثيراً