[روائي]

رحلة دمعه


بطولة:


أحمد سامي+ نوره عبدالرحمن + أبو غادة + بحر الحب+ زهرة البحرينية + السامر+ جنون انثى + عابر سبيل + مذيعة كويتية


ضيوف الشرف لهذه الحلقه : ناقد سينمائي محترف –ابورشدي – هاشم العلوي – محامي القصبي- نور فوق التنور- الاسطوره قماشة - بيسان
ثلاثي الحلقات ..


دراما وكوميدي ..


قصة وسيناريو وحوار


روائي

إخراج


بن عيدان

إنتاج


شبكة الفن والإعلام الكويتية لدعاية والتوزيع والاعلان >> إي خير انشالله!



...................... الحلقة الاولى .....................





مشهد 1 داخلي نهار


تقوم نورة بوضع الاطباق على مائدة الافطار ..



وفي هذه الاثناء ينزل ابو غادة من على السلم ويتوجه اليها ويقبل راسها


ابوغادة : صبحج الله بالخير يمه ..


نورة : صباح النور .. تحب الكعبه انشالله .. اقعد تريق يمه


يجلس ابوغادة يقول


ابوغادة : عيل وين ابوي؟


نورة : ابوك الله يحفظه عنده اجتماع بالقسم وطلع مستعيل اليوم ..


ابوغادة : أي عدل


نورة : ما اقعدوا اخوانك من النوم عشان يتريقون ؟؟


ابوغادة : يمه مثل ما انتي عارفه اخوي بحر الحب نايم هالوقت طول الليل يسهر على لوحاته .. واخوي السامر ياي وراي .. وجنون انثى كالعاده تحط مكياج واذا ماعجبها اغسلت ويها وحطت ثاني .. انا مادري هالبنت رايحه تدرس ولا رايحه حفله ..!



نورة: تبتسم وتقول : يمه ياهل خليها تستانس وتكشخ جدام ارفيجاتها هي بنت دمعة واذا ما اكشخت منو يكشخ؟


ابوغادة : أي شلون ماتتمرد وهي مالقت اللي يسنعها ..


في هذه الاثناء يأتي السامر ويلقي التحيه يغادر


السامر : صباح الحييير يا احلى ام .. صباح الخييير ياشيخ ابوغادة !


الاثنان : صباح النور


السامر : يلا انا رايح الكليه عندي محاضره واخاف اتأخر ..


زهرة: هو مايصير تروح على لحم بطنك يمه مو زين؟


ابوغادة : لاتخافين اكل أي شي بالكافتيريا ..


نورة : خلاص يمه الله معاك وحط بالك وانت تسوق ولتسرع امانه ..


السامر : انشالله يمه .. يلا مع السلامه




ابوغادة: يتحدث مع نفسه: هذا ويهي اذا حضرت محاضره من بداية الكورس .. اعرف سوالفك بس ادري لو اتكلم محد راح يصدقني


قطع مشهد 1




مشهد 2خارجي نهار ..


يغادر السامر المنزل .. وفي اثناء صعوده السياره يرن هاتفه المحمول


تررن ترررن


يرد على مكالمة صديقته جنون ..



السامر : الوو هلا جنون


الاسطورة قماشة : صباح الخير حبيبي وينك ناطرتك بالكوفي شوب ؟


السامر : أسف حبييتي لاني تأخرت عليج .. انشالله اقل من ربع ساعة أكون عندج


الاسطورة قماشة : اوكي حبيبي .. لاتبطي


السامر : حاااضر يالغاليه ..



تنتهي المكالمه



يقوم السامر بالاتصال بـ بيسان ..


السامر : الوووو هلا بيسان شلوونج حبيبيتي أنا توني قاعد

من النوم باخذ شاور واتريق مع الوالده وبعدها أقابلج ..


بيسان : تبتسم بخجل وتقول : صج حبيبي ؟ متى ؟ عالساعه جم نتقابل ؟


السامر : عالساعه 2 .. انا عازمج على الغداء .. ابيج تكشخين على الاخر ..


بيسان : من عيوني حبيبي .. ماني مصدقه اني بقعد معاك احس نفسي طايره من الفرحه


السامر : وانا بعد .. انت حبيبة قلبي وصدقيني قلبي ماحب غيرج !!!


بيسان : احمر وجهها خجلا : وانا بعد ..


السامر: وانتي بعد شنو؟


بيسان : وانا بعد ............ أحبك


السامر: ياااااااااااه فديت اللي يحبوني والله .. اوكي حبي على الموعد انشالله ..


بيسان : اوكي حبيبي ونعيما مقدما ..



تنتهي المكالمه ....



قطع مشهد 2





مشهد 3 نهار خارجي


مشهد احمد سامي وهو يلقي محاضره داخل القاعة.. الطلاب "ناقد سينمائي- ابورشدي- هاشم العلوي- محامي القصبي – نور فوق التنور

احمد سامي: موضوعنا اليوم ياشباب عن التنمية .. منو يقدر يقولي شنو معنى التنمية؟




ناقد سينمائي يرفع يده لكي يشارك ..



احمد سامي : تفضل ياناقد سينمائي ؟


ناقد سينمائي : معنى التنمية التقدم يا استاذ ..



احمد سامي: يبتسم ويقول : احسنت .. وبعد ياشباب؟ شنو معنى التنمية ؟



نور : ترفع يدها وتقول : معناها التطور والتقدم على الشعوب الاخرى ..



احمد سامي : نعم هذا صحيح ولكن اريد تعريفا كاملا .. وموجزا



هاشم العلوي يرفع يده !



احمد سامي : تفضل هاشم سمععنا استنتاجك لمفهوم التنمية ..؟


هاشم العلوي : والله يادكتور مادري!!




احمد سامي: ماتدري؟ عيل ليش رفعت ايدك؟



هاشم العلوي: يبتسم ويقول: لا بس بغيت استأذنك علشان اروح لدورة المياه



يضحك كل من بالقاعه .....



احمد سامي : قبل لاتروح سجل تعريف التنمية ؟؟


التنمية هي : تظافر جهود كل من الحكومه والشعب والتعاون فيما بينهم في شتى المجالات وخصوصا التعليم لانه اساس التنمية ..



محامي القصبي يتكلم بصوت عال!!


محامي : دكتور تصدق توني بغيت اقوله بس خفت من العموم يحسدني ههههههههههه






يضحك كل من بالقاعه ...



قطع مشهد 3




مشهد 4داخلي نهار



مشهد جنون انثى وهي تعد طعام الغداء بالمطبخ .. يدخل عابر سبيل للمطبخ ويقول



عابر سبيل : يعطيج العافيه .. يه يه شالريحه الحلووه .. شطابخه لنا اليوم ؟


جنون انثى : الله يعافيك .. كل خير يايمه .. يلا روح غسل وبدل ملابسك وتعال عشان نتغدا ..



عابر سبيل : انشااااااله الحين طيران عالحمام .. دقايق بس واكون عالسفره ...


يذهب عابر الى غرفته .. واثناء تبديله للملابسه .. تتصل عليه ابنت خاله .. زهرة


ترررن ترررن ..


عابر سبيل يخاطب نفسه: اوه هذي زهرة شتبي داقه الحين مو وقته ..


ويرد حمود على الاتصال ...


عابر : الووو


زهرة : هااااي ابن عمتوا شلووونك ؟؟


عابر : بخير ونحمدل الله


زهرة : اقول عابر شرايك تيي تتغدى عندنا واكتبلي بحث حق الدكتور مالي خلق انزف ماني عارفه له


عابر غاضبا: انتي من صجج داقه هالوقت ؟ وتطلبين هالطلب؟ حسبالج الكل مثلج يداوم ماخذين الدنيا وناسه وهاملين اشغالهم ؟؟


زهرة : بسم الله الرحمن الرحيم وانا شقايله ..؟؟ انت صج قليل ذووق لو ارفيجتك اطلبت منك جان لبيت طلباتها


عابر : لو سمحتي احترمي نفسج .. انا مو اخوج السامر اللي كل دقيقه رفيجه يديده .. الله يستر على بناتنا منه ومن امثاله ..


زهرة : وي انت شعرفك بالتحضر .. انت عايش بالعصر الحجري ..


عابر: عايش بالعصر الحجري بس متربي واخلاقي وتربيتي يمنعوني عن الغلط ...


زهرة تضحك باستهزاء : تكلم المتنبي .. اقول خل اخلاقك تنفعك .. الزمن هذا زمن جرأه .. واللي مثلك مايعيش .. ماسنعت بالمقوله اللي تقول خالف تعرف ؟


عابر : وانت ماسمعتي صوت تسكير خط بويهج من قبل ؟؟؟


ثم يغلق السماعه في وجهها ويقول


عابر : خساره انج بنت خالي احمد ..



قطع مشهد 4


............ نهاية الحلقه الاولى ............


اوعدكم بمشاهد اكثر المره اليايه .......

ترقبوا الحلقه الثانية يوم الثلاثاء بإذن الله ...

[ناقد سينمائي محترف]

مشهد القاعة جميل.. استشعرت من خلاله حسك الكوميدي
بصراحة ضحكتني.. هههه

[روائي]

دوووم هالضحكه خيو ..


الدور مايعبر عن العضو عزيزي .. فا اتمنى محد يزعل ويكون حساس ...


لاهنت على المرور

[أبو غادة]

جميل جداً ابداعك

واصل يا روائي ... إنت مبدع وخيالك خصب

[روائي]

حاااااضر

وابشر بكل ماهو جميل ومختلف...

[ذكرى]

شي جميل الحلقه الاولى حلوه وواضح الاثاره فيها من البدايه

بس ياليت ماطول الحلقات علشان ماتصير ممله

شكرا ع ابداعك واسفه ع النقد البسيط

[روائي]

لا كلامج على راسي اخيتي العزيزه

وابشري بشي يسرج ..

وانشالله راح تكونين ضيفه بالحلقات القادمه وراح تقلبين الموازين

[جنون أنثى &&]

المشاركة الأصلية كتبت بواسطة روائي

تررن ترررن


يرد على مكالمة صديقته جنون ..
السامر : الوو هلا جنون

ههههه
مشكوور عالحلقه اخ روائي
بس ما كأنك مخربط شوي بلبداية
أنا أم عابر عمة السامر مو صديقتة (صحح ما عليك أمر) لول

[عابر سبيل]

هههههههه, موضوع حلو و جميل بس في خربطه شوي

كمل ابداااعك