[روائي]

بسم الله الرحمن الرحيم





السلام عليكم ورحمة الله وبركاته



اخواني الأعضاء المحترمين ..



في موضوع ودي اتكلم فيه من زمان .. واجد نفسي مضطرا لطرحه .. وهدفي منه توعوي بالدرجه الاولى لا تشهير ولا تقليل من قيمة احد .. لكن واجبي كا عضو قبل لا اكون شي ثاني يحتم علي اني اتكلم بهذا الموضوع .. لانه ممكن يمر قيه اي عضو واعتقد انه شي مزعج للغايه ..


انا كلامي للجميع دون استثناء لاني كما قلت انه هدفي اني اوعي العضو مو اتستهزء فيه

بس فيه فئه هني همهم الكم لا الكيف .. الكم بانه تكون مشاركاته وايد وهذا طموحه على ما اظن !!

ومو مهم عنده متن الموضوع .. لانه الحبيب عنده حاسه سادسه ويفهم الموضوع من عنوانه !!


يعني لو كان عنوان الموضوع يختار بحيث انه يشد انتباه القارئ وعلى سبيل المثال وهذا عنوان وهمي طبعا بقول عنوان موضوعي " تعليقة الطالب "


الحبيب راح يفهم انه التعليقه بالعاميه معناها >> اكسر فيه .. فا يروح يكتب رد جذيه ومو مهم عنده المتن .. ولا يكلف نفسه يلقي نظره سريعه عليه ...

وطبعا التعليقه هي مذكرة الطالب !!

اللي يدون فيها ملاحظاته ..


شفتوا الاختلاف ؟؟؟


والمصيبه الاعضم اللي يجون وراه بس يقتبس رده من اول مشاركه وخلاص !!


اضرب الموضوع والعضو اللي ناقله وتعب وهو يكتبه علشان خاطرك بالطوفه .. اهم شي اني ازيد مشاركاتي !!!

انا بعرف يعني اذا وصلت مشاركاتك مليون وترليون وزليون وبعدين شنو بيصير ؟؟


شنو بتحقق؟؟


الموضوع اشبه بمسابقة اطفال ؟؟؟


ياجماعه يا أمة اقرأ اهتموا بالقرأه .. أول كلمة انزلت بالقرأن هي إقرأ ..

علم نفسك انك تقرا وتعلم واستفيد .. حتى لو من عدوك ..


الحين سطرين على بعضهم مو قادر تقراهم ..!!


انا مابي احط رابط الموضوع واحرج ناس وايد .. بس هالفئه راح تعرف حالها .. فلا تحرجني وتحرج نفسك مستقبلا لانها مو حلوه بحقك


واتمنى انه الرسالة اوصلت


دمتم في امان الله ورعايته