[>< ساره ><]

اول مادخل رمضان العيون كانت متجهه على انتاج هبة حماده ، وغاده عبدالرازق والحاجة زهرة وهند صبري وشلون تبي تتزوج

و مع مرور اول الأيام انتبهنا عالمسلسل اللي بنعرض الساعه 8 بالليل ( اسوأ وقت !! وقت صلاة التراويح ) وصرنا ننطر متى الاعاده ومتى ينعرض عالوطن بلس عشان نتابع هالتحفه الجميله

ساهر الليل لامس وجدان الكثيرين من اللي عاصرو فترة السبعينات وجيلنا احنا اللي كنا نشوفه ونتذكّر افلام عبدالحليم وسعاد حسني ،

ايام الزمن الجميل
الحب البريئ
وشلون المحب يخاف على حبيبته مثل خوفه على زوجته
تكلّم عن قيم فقدناها من زماان ،

باختصار هالمسلسل ماتوقعناله النجاح هذا ،، والفضل يعود للمخرج المبدع دحام الشمري !
يعني لو نتكلم بصراحه القصه بارده + الحوارات مكرره ، بس انجذبنا حق الديكورات والاكسسوارات واللبس ،
وطبعاً اداء الممثلين الحلو مثل الناعمه هيا عبدالسلام اللي تفاجئت فيها
بالاضافه لمحمود بوشهري وصمود ،

وبعد حسين المنصور كان عودة حلوة حقة عقب ادوار الدنجوان معذب قلوب العذارى اللي ملينا منها !!

##
##

في اتجاه قوي من المنتجين هالسنتين لإنتاج المسلسلات الرومانسيه والسبب اقبال الناس على الأتراك !! يعني شافو هالشي يجذب الناس وسوو مثله ،

بس فرق شاسع بين رومانسيه ليلى ومتلف الروح مقابل سااهر الليل