اتفق معاك 100%
لو كان العمل كوميدي لعذرناه على هذا المنظر ..
لكن في عمل درامي يظهر هكذا !!!
هم خيارين : اما انه يعلم بمدى رداءة منظره ولكن يستخف بعقل الجمهور
او انه يرى ان المنظر طبيعي ولا عيب فيه

والحالتين مصيبة !!


عبدالعزيز المسلم يصلح فقط كصاحب افكار , لا التأليف ولا الاخراج ولا التمثيل ولا الانتاج خطه , كلهم أبعـــــــد مايكون عنه ..

وهذي مشكلته , انه يعطي نفسه أكبر من حقها ويفسد افكاره ..

وضعه على المسرح افضل حتى مع سخافة مسرحياته ..

نتمنى التوفيق للفنان عبد العزيز المسلم ....

ونتمنى ان يكون العمل عند حسن ضن الجميع ان شاء الله ..

ما ادري حسيت ان الصوره تركيب
مو حقيقيه....

ما يصير تحكموون عالعمل قبل عرضه

هالكثر الحقد على عبد العزيز الحق ينقال مسلسل نور عيني كل الي تابعة حباة و الاصيل كان واايد زين و عتيج الصوف لاكن من يوم عرفة هالمنتدى و حاطين حطة على عبد العزيز المسلم وبعدين ليش تحكمون قبل لا تشوفون و بعدين المسلسل درامي وانا مستعد اتابعة

انا اتفق معك ياخوي ناس مدري وش فيهم عيه وهو فنان متميز وجميع اعماله متميزه وجميع اعماله تحتوي على رساله وفيه عظه وعبره والى الامام ياعبالعزيز وماعليك من العذال

ههههههههههههههههههههههه
بنشوف شخصية الرجل الشرير
بالوك الحلو :d مع أني عارف أداء المسلم

بس أبا أفهم أي جنسية بيقدم ؟

ما اعتقد انها تركيب .. واتوقع ان الاضاءة اظهرت الصورة كأنها تركيب
لكنها حقيقية

وانا للامانة مجرد ناقل للصورة

فعلا لاتعليق هو افضل تعليق على هالموضوع

من قال لك ؟؟
يعني لازم القصه الكوميديه يكون شكل البطل فيها كوميدي؟
او القصه الدراميه لازم يكون البطل شكله جدي؟؟
الشخصية اصلا اداة لا اكثر
يقدر المؤلف انه يكتب قصه تراجيدي
ولكن يحتاج لشخصية مثل الي مسويه المسلم .
شخصية واثقه من نفسها ومغروره على كلام الاخت ساره
يعني شخص واثق من نفسه ومغرور ومن الشكل المبدئي للشخصيه تبين انه ولد نعمه
يعني غني
لو حطيت هالشخصية جميله وحسنة المضهر
لاكتمل كل شيء ,
ولو ركضو عليه البنات لكان شيء عادي وبيتوقعه المشاهد
,, ولكن كيف تخلي المشاهد يقول شلووووون البنات يحبونه؟
مغرور
وشايف نفسه
وقبيح
ولا يعرف يلبس
هنيه الاجوبه ,, يالفلوس يالعلاقات يا الخ .... شيء يبيه المؤلف شنهو مدري الله واعلم؟
واخيرا
افضل القصص هي ذات الاحداث والشخصيات اللا متوقع
واتمنى انك تخف على الرجال ياخوي
تراك حيل مولعها نار معه